|
|
|
 Re: ياخى لو النفرين ديل برسلوا لى كتاباتم فى الإيميل بخلى سودانيزاونلاين!! (Re: حبيب نورة)
|
الحبيب بلة موسي
حب من طرف واحد شنو؟
أنت بس أعمل نايم من ود الصايم والحبّة دي ما بتجيك
وتشكر والله علي الشعور السمح دة
أما بالنسبة لود جبرين بعد ما حموهوا الإجازي الفيه أنعرفت تب
وأنا بإعتباري جلابي مصري أو كما قال كوستاوي فبقول ليه
جات الحزينة تفرح ما لأتلهاش مطرح
وبعدين يا أميرات الشيخ
عليك النبي دي حالة مشاهير !!
ذكرتيني صاحبي القال لي ماشاء الله يا نورة بقيت مشهور
قلت ليه (يشاهر) بيك الضرس يا يابة
ومع ذلك والله بنحبك يا أميرات بذبذبةٍ مقدارها ستة درجات حسب مقياس ريختر لزلازل الأشواق
يعني حب كدة قدُر حب سيف الدولة أمير حلب
وبعدين السختة قضلة خيرك يا بت أمي
والله يلطف بينا علي قول شبكة
عشان كدة خلينا نقوم نلِف ساكت زي ما قال محمد بشير
إنشاء الله بي كرِت !
وبعدين يا ود القاضي
هسة انت رجعت فوق كلامك؟
أفووووو علي اليمين راجيينك بالبساط الأحمر
فارشنوا ليك من بنات نعش و أنت نازل
بس أبقي مارق ساهي !
أجدع سلام للرائعة دينا خالد علي الغشوة اللطيفة
وربنا يقدرنا علي جزاها
وكمان ما بننسي حبيبنا ياسر
وباين من كتابوا إنوا كائن ورقي والحبر بجري في شرايينوا
بس ربنا يسهلا قريب و تشوف حاجة
وتشكر مرة تانية علي البوست
والله يديك العافية
| |
  
|
|
|
|
|
|
|
 Re: ياخى لو النفرين ديل برسلوا لى كتاباتم فى الإيميل بخلى سودانيزاونلاين!! (Re: حسن حماد محمد)
|
Quote: يا دكتور
عليك الله اسع فى زول عاقل يقول طارق ود جبيرين دا زول كتاب ؟
والعجب حبيب نوره كمان
ياخ قوم لف بالله
وخليهم الاتنين يلفوا وراك
مع تسجيل محبتى الاكيده , ليك وليهم
واسمحوا لى الف معاكم |
شرحو :
ياعلي يا ود بشير .. تشكر كتير ..
فقد كفيتنا مؤونة المداخلة ،
فأوفيت لك ولنا .. ومعاكم نلف ؟!
و(سوط ) الشكر برضو يلحق أخونا حسن ود حماد :
| Quote: وبت الشيخ دى ترمى فى الشوك عديل كده عليها خفة دم مافى زول بيفوتا الا ودالصايم |
القومة ليك يا دكتور ود موسى .. ولم تقل إلا حقاً وصدقاً..
لكن برضو زي ما قالوا ليك الجماعة فوق : لقد ضيقت على واسع ؟!
مودتي للجميع ،
( ليمو )
| |
|
|
|
|
|
|
| |
Balla Musa
محمد عبد الماجد الصايم
سيف الدولة كامل
SHIBKA
طارق جبريل
على محمد على بشير
Kostawi
فايزودالقاضي
دينا خالد
ياسر عبدالكريم محمد
حبيب نورة
Mohamed Yassin Khalifa
Soumeta
حسن حماد محمد
abdulhalim altilib
احمد محمد بشير
فيس بوك
تويتر
انستقرام
يوتيوب
بنتيريست