|
شن بليت يا فصيح لا تصيح
|
فاز الهلال وخسر المريخ ونامت الخرطوم ، من حق جمهور الهلال أن يفرح وهو الذي عاني كثيراً وأكلها في حنان حنانو. وناس القبيلة الحمراء صحيح أنهم disappointed بنتيجة المباراة فقد كان يحدوهم الأمل (ما حق عطبره) أن يخرجوا منتصرين على ندهم التقليدي على أقل تقدير بثلاثة أهداف ولكن "وما نيل المطالب بالتمنى" صحيح أن الهلال لم يعزف ألحان متفردة أو يسطر ملحمة كروية أو يبدع لكن ياها كورتنا نشوتا ونلحقا ونطير جوز ونشوت في القون نفس الهجمة أربعه مرات وبرضها ما تصل خط (18) ، الأفراح الهستيرية التي عاشتها القبيلة الزرقاء والحزن والأسى الذي إكتسى بلون القبيلة الحمراء مستحق عطفاً على نتيجة المباراة. دا كلو هين من حق الناس ديل أن يفرحوا ومن حقكم أن تزعلوا وتعبروا بالطريقة التي تريحكم كجمهور مغلوب لكين كما ما تبيخوا للناس فرحتكم فاكين ليكم كمية بتاعت بوستات في المنتدي منها على سبيل المثال لا الحصر وبدون تعليق رغم إنه أول عنوان بكلكل الذي يقرأه عديل كده:
المريخ يهدي النتيجة من اجل ان يستمر الهلال كممارس لكرة القدم في السودان عــاجل .. شكوى المريخ .. احترامـاً للمعاييـــر كان لابــد من أنتصــار الهليــــــــــل؟؟؟ ياود الصائــم هل تورطنا في تشجيعك يا مريخنا العظيم ؟ الهلال 2 و المريخ 0 ياخي شيل نجيلتك وكراسيك واتخارج لينا من هنا مبروك للمرزقين حتى تبقى المنافسة حية بالاصفر لا يا جمال الوالى متـــــي سيفـــوز الهلال ببطولة خارجــــية؟؟ جـــاوب وأربــــح المليـــــــون!
غايتو يا أساسي حتة صهاينه دي قررربت أفهمها كدي خليني أكمل قراية شيفرة دافنشي وبعدين أقول ليك وجهة نظري بالدليل القاطع ، والأيام الجاية أكيد حا تجيب ليها مناسبة ينهزم فيها الهلال ونقدر برضو نشوف حتة رشاشات دي أصلها شنو. قلت يا أساسي إنك إتروطت في تشجيع المريخ ، أبداً كل ما هناك أنه لا توجد خيارات كتيره فخليك مريخابي أو مريخي.
|
|
|
|
|
|