|
|
 غلب المريخ حلو حلا!!
|
اول هام .. مبروك لكل اهل الهلال في جميع ارجاء المعمورة بالفوز المعتاد علي طريقة متعودة دائماً .. خلوا بالكم يا مريخاب (14 مرة مقابل 5 فقطن)
يزعلنا مازمبي .. يجي المريخ يفرحنا
يكرهنا كادقلي ويمغصنا حي العرب يجي المريخ يفرحنا
يزعلونا نسوانا في البيوت يجي المريخ يفرحنا
تفرق معانا يوم 10 يجي المريخ يفرحنا
ياخي المريخ ده ما ليل الفرح ظاتو!!
وكريم كرم .. دايما يكرمنا في داره .. يجهزها ويفرشها ويرص كراسيها ويرش نواحيها ويضربها سادوماستيك وتقوم خديجة تقع من البلكونة ويذيعها عدنان حمد خديجة وقعت تاني اصلها متعودة علي الوقعات والضربات
ضربة 11 يونيو المسماة بيوم البهجة .. الثلاثية الاقوان
ضربة 11 سبتمبر المدمرة لبرجي الوالي .. الافريقية الثلاثية الاقوان
ضربة 14 ديسمبر وثنائية سادومبا في كاس السودان
ضربة 10 يونيو الجوية الكاريكية المهندية المعروفة بذات الهوبة محطة شقلبان
ونرفع راية الثورة الغالية عالية ترفرف فوق السارية
"شكيتك علي الله يا علاء الدين يوسف عاوز تغير رايات الكورنر باعلام الهلال"
المرة الجاية حيكتبوا "استاد سيد البلد .. "القلعة الحمراء سابقاً" ونهد الطابق التاني اصلنا ناس كورة ما مقصورة ونضربوا بوهية زرقاء في استادكم خجيناكم ما بجيناكم .. خيراً جانا وغلبا جاكم
بس في حاجة كترتوها والحركة البايخة كررتوها حكاية الجديع والفليق حقوا يسموكم الفليقاب .. بعدين الجماعة الجابتهم الكمرا وحالتهم تحنن حنوزع ليهم مصاصات كاريكا ولما يرجعوا البيت يشاهدوا المسلسل الهلالي مهند والوصيف بدل التركي مهند ونور
يا اخوانا الوصيف ده حلو حلا
مالينا غيرك حياة يا احمر انت وصيفي
فشاش المغصات ومبدد الزعلات ومرجع الحردانين .. ومرطب الحارين
المريخ ده حلو حلا ..
|
|
 
|
|
|
|
|
|
|
|
Re: غلب المريخ حلو حلا!! (Re: Hani Arabi Mohamed)
|
Quote: سنيري العزيز
تحياتي .... مع فرحي بفوزنا على فريق المريخ ... لكني أرى أن نعتدل في الاحتفال
فالكرة غالب ومغلوب .... |
اخي هاني تحياتي
لكن انت ما عارف البسووا لينا لما الهلال يتغلب لا خلوا اسماعيلية رايح جاي لا خلوا كادقلي ولا سوكرتا وتيب المغصة دي نفشها وين ياخي
| |
|
|
|
|
|
|
|
|
|
Re: غلب المريخ حلو حلا!! (Re: nazar hussien)
|
| Quote: يا عمر...افرط في الفرح يا زول ولا يهمك... |
نزار سلام ليك يا خي
فرحي ياهو الباقي لي خلي الجماعة يغنوا عود لينا يا ليل الفرح داوي الوصيف الانجرح خليهو يفرح مرة يوم طول عمره ناسيه الفرح تاررا ررا ترري ريري را
| |
|
|
|
|
|
|
|
|
|
Re: غلب المريخ حلو حلا!! (Re: معاوية عبيد الصائم)
|
والله عجبى على هولاء فريق وصل لاعبوه الى الاستاد قبل احدى المباريات الدورية بطريقة ( ياعم ) واضطر بعضهم الى الوصول الى الاستاد مردفين
على ظهور المواتر بعد ان تعطلت بهم الحافلة ورفضت التحرك بالدفرة وامتطى مدربه عربة امجاد متهالكة توقفت به وسط الكبرى فعاد ادراجه
غاضبا ورفض الاشراف على تدريب الفريق فى مبارة دورية مهمة وبعد دة كلوا يتكلموا فى الزعيم
| |
|
|
|
|
|
|
|
|
|
Re: غلب المريخ حلو حلا!! (Re: Hassan Senada)
|
Quote: والله عجبى على هولاء فريق وصل لاعبوه الى الاستاد قبل احدى المباريات الدورية بطريقة ( ياعم ) واضطر بعضهم الى الوصول الى الاستاد مردفين
على ظهور المواتر بعد ان تعطلت بهم الحافلة ورفضت التحرك بالدفرة وامتطى مدربه عربة امجاد متهالكة توقفت به وسط الكبرى فعاد ادراجه
غاضبا ورفض الاشراف على تدريب الفريق فى مبارة دورية مهمة وبعد دة كلوا يتكلموا فى الزعيم |
يعني يا عزيزنا حسن سناده
إتخيل معاي برغم الحاله الوصفتها إنت ومزمل دي
جينا أدينا المريخ المعلوم في ميدانو وإستادو العالمي
المريخ المُسخّره ليهو إمكانيات الدوله كلها
المريخ الماعندو أيييييي مشكله لا ماديه لا في التدريب لا في الإعلام المصاحب (كان موجب كان سالب)
أها بي كل الظروف دي أخدتو المعلوم يا مريخاب
طيب لو كان الوضع معكوس كان حصل شنو
يعني كان إتفرتقتو عديل
يعني بس قونين مع الرأفه (التحكيميه) سوت فيكم شنو
سوت فيكم التالي
بقيتو تتشككوا في مقدرات سفاري والباشا
وقبلهم المدرب اللحدددد قبل المباراه كنتو باصمين عليهو بالعشره
إنتو الكنتو بتقولو ماعندكم فرق بين الأساسيين والإحتياطيين
وبي أي حداشر بتفوزوا
فجأة كدي المدرب طلع كععععععععب وما بعرف حاجه
غايتو لو الناس لغاية هسه ما عرفت إنو مشكلتها الأساسية في (الصدى) يكون علي المريخ السلام
البباري الصدى بيطلع من غير غدا
| |
|
|
|
|
|
|
|
|
Re: غلب المريخ حلو حلا!! (Re: كمال حسن)
|
اخونا عمر الفاروق
لك التحايا
يا خوى انت كنت وين لحدى المولد داير ينتهى
تكون كنت فى الكماين تجهز فى كسار الطوب عاوز تضايقنا فى مشروعنا الجديد
عارف انا قررت انى اشتغل مقاول لتوريد كسار الطوب لانه اكتر حاجة ممكن تلقى فيها قروش بدون تعب
مبارأة واحدة لليزراب ديل تفيف جنب الاستاد و كسار طوب للبيع تكون ملياردير
ياخى لكن ما ليهم الحق العملوا فيهم مهند و كاريكا دا يهد الجبال
| |
|
|
|
|
|
|
| |
عمر الفاروق عبد الله الشيخ
Hani Arabi Mohamed
nazar hussien
كمال حسن
فيس بوك
تويتر
انستقرام
يوتيوب
بنتيريست