|
|
 لولا بعولتهن لكنت اليوم وزيرا
|
في الثانوي العام
كان استاذ التربية الاسلامية ينطق كلمة بعولتهن بصورة غريبة جدا
وكنا ننضحك انا وعمي عبد المنعم ضحكا شديدا بمجرد سماعها
ولاحقا انضم لنا عمي احمد شقيق عبدالمنعم الاكبر
بعد ان حكينا له قصة نطق الاستاذ لكلمة بعولتهن
اعتقد هي في سورة الحجرات او النور
|
|
  
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
المهم تعرفنا علي الراجل الضيف
وذهبنا بعد ذلك كبرالمة بمدرسة حنتوب
انا وعمي عبد المنعم وعمي احمد كان يسبقنا بسنة
وفي المدرسة وجدنا الاسلامي ياسر ابراهيم
في انتظارنا للتجنيد ضمن تنظيم الاخوان المسلمين
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
ذهبنا لدار الرعاية بمدني
لقينا كتب حسن البنا وسيد قطب
وكتب كثيرة اسلامية
المهم بعد الانتهاء
قلنا ليهو يا ياسر نحن ماشين السينما
رفض بشدة ولكن قلنا ليهو ان في ديننا فسحة
اقتنع ومشي معانا السينما
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: المهم تعرفنا علي الراجل الضيف
|
| Quote: المهم ياسر قرر ان نذهب معه |
Quote: المهم بعد الانتهاء
|
| Quote: المهم الراجل اقنعنا ليك |
يا قروود
المهم دي حقتك ولا حقت تبارك
عشان الاختساسات ما تتلخيط علينا
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: وانا من زمان كنت محتار في شبهك لينا يادوب حيرتي زالت
|
يا عمر صديق
عليك الله
ناسك ديل كان صبرو علينا مش كان بقينا علي بصيرة
وخصوصا تنظيم الجبهة يشكو من قلة المهندسين
سلام كتير لك
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
نجي لتجنيد الشيوعيين
في سنة اولي كنت قاعد براي في الداخلية
ولسع الناس ما جات الدنيا اول سنة
الباب دق
شخص طويل اسمو الجلاد
بعد السلام
قال لي ياخي انت مفروض يكون عندك اجتماع في قاعة 102
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
قلت ليهو اجتماع شنو يا زول
قال لي اجتماع الجبهة الديموقراطية
اول يوم اسمع الاسم دا
وما هي الجبهة الديموقراطية
اجاب بانها تحالف بين الشيوعيين والديموقراطيين
مما قال لي شيوعيين طوالي اتذكرت مصطفي ود الفقراء
وهو يقول الشلوعي كافر
قلت ليهو انت اظنك عائز خليلن تاني
ما انا
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: شخص طويل اسمو الجلاد |
يا وليد ما تصلح معانا ياخي شنو تكتب مع ناس نافع علي نافع ولمن تجي للشيوعيين تقول زول اسمو الجلاد..
الجلاد ده يا اللخو عضو اللجنه المركزيه للحزب الشيوعي السوداني
____________________________________________
والله ما فضل ليك الا تجي تكتب لينا زوال اسمو عصام جبر الله
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: وهو من ابناء الحاج عبد الله وهو صديق لابن خالتي |
ابو القوق سلام
ياسر ابراهيم من فارس الكتاب وهى قريبة من حاج عبد الله
والهفوة دى لو من زول بندراوى كان بنمشيها
لكن زول ضارب فى الاقليمية زى حضرتك مامقبولة منه
ياسر اعتقد درس فى مصر
وكان بيزورنا فى جامعة الخرطوم لو بتتذكر
والرجل طبعا فى غاية الوسامة والهندام لذا كان من كوادر الخلط
ومتابعة الجكس النضيف كما قال لى بنفسه حينما قابلته مرة فى شارع
النيل بصحبة الجكس فاقترب منى مبتسما وقال لى نحن كما قال ياسين
عمر الامام صعاليك الجبهة
حياه الغمام اينما كان وليعفى لنا نشر سيرته فى الاسافير
لكن يا ابو القوق ناس الجبهة ليهم نظرة ثاقبة فى الذين يودون
ضمهم لذلك كان خيارا موفقا ان يدعونك اليهم ففيك صفات اقلاها
انك قروى مركب مكنة ودالبندر وبالتالى مكسب ليهم ان تكون مقبول
للفئتين
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: احمد التجانى احمد)
|
Quote: ياسر ابراهيم من فارس الكتاب وهى قريبة من حاج عبد الله
والهفوة دى لو من زول بندراوى كان بنمشيها
لكن زول ضارب فى الاقليمية زى حضرتك مامقبولة منه |
ايوة لازم تنسبو لاقرب مدينة يا احمد التجاني
ياسر ابراهيم
عمل مذيعا لفترة بالتلفزيون ولا ادري اين هو الان
شعبي او وطني
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
هلا يا سهل يا ممتنع يا كوز يا شيوعي يا سابق..
Quote: انت كنت عائز وليد زكريا
مش وليد القرود |
حسع لو كان مشيت مع الجلاد ده كان حسع انت لو قريب بتكون في سودانفوراوول...
ثقافة شنو شنو
وديالكاتيك شنو شنو
وصراع طبقي شنو شنو
وكان انت وابي ساندرا حتقومو بخس وتقعوا كرانجو في فرعية الدوحة وتعملو لينا سافوتة
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: عبدالكريم الامين احمد)
|
Quote: هسع الواحد كان بقي اسلامي كبير
وقاعد مع ناس نافع |
واها كمان لو قررت كان تضرب صوب التنظيم والخلية واخوكم في الله وليد قرود..
كان موضوعك مستحمي وعجيب ...
وكانت خياراتك حتكون واسعة ياخي
1- زوقة مع خالد شيخة من متحرك صيف العبور في كوستي
2- استشهاد في (الجكو) او في كراكير توريت
3-عضو في اتحاد الجامعة وعامل ليك دقينة زي المقشاشة واشتراكية غبشة كده
4- وزير شوون هندسية في ولاية مطرفة تضرب السيخ والاسمنت ده لمن تقول بس
5-والاحتمال الاخير انك تنشق مع ناس الشعبي ويلمو فيك ناس الوطني يدقوك دق العيش
وهكذا
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: noon)
|
أبو الخل يا رايق
نفس الفيلم دخلتو قبلك بسنة وياسر ابراهيم دا دفعتي
ومعاهو عمر بشير من الجديد الثورة
وبصراحة عمر بشير رجل مثالي بكل ما تحمل الكلمة من معاني
ولم اقتنع بتنظيمهم واكتفيت بعلاقة الزمالة وكانت طيبة طيلة الفترة
وفي الاتجاه المعاكس مع ناس اللمين البشع ( الزهور والورد شتلوها جوة قلبي )
وفضلت مارشال الملحمة
لن نساوم
نقاوم
وبعدها لا في العير ولا البعير
وبقينا ياهو زي دا قاعدين
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: 4- وزير شوون هندسية في ولاية مطرفة تضرب السيخ والاسمنت ده لمن تقول بس
|
لا يا زول
بكون في ولاية الخرطوم وكنت ساحل مشاكل الخريف حل جذري
ومشاكل الصرف الصحي
وارحل استاد الهلال والمريخ للخارج
وارحل الوزرات كلها للخارج
واجعل العاصمة جنة
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: لمن تنتهي يا ابو خليل اخوك عندو سالفة مع الكيزان ديل دقوني فيها دق العيش
لو هفت لي بجي بدورها في بوستك ده علي الاقل نتفشي شوبة حتي ياتي يوم القصاص |
اتفضل يا كيكي
وسدد ما ستطعت فكلامك حي والسكوت جماد
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
شوف يا خلي
بك ثلاث خصال ان اجتمعت في فرد و ايم الله انه فارق الجماعة
اولهما لديك لحمة في المدعو عصام و هي لعمري للشر دالة
و ثانيهما صحبة الاشرار و لعمري ما كيكي الا سيدهما
و ثالثهما أسأل منها كيكي
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: Ahmed Abdallah)
|
عرس الكوز صحبي ده والانا كنت وزيره الاول والاخير كان عرس ليهو شنة ورنة وتمت مراسمه في الخرطوم واحدي قري الاقاليم البعيدة نسبيا من الخرطوم وكل الترتيبات اللوجستية والنطام الاداري بتاع العرس ده كانت في راسي كوزير اول واخير
وسنعود
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: احمد معتصم الطيب)
|
اها المراسم بتاعة العرس في القرية البعيدة نسبيا من الخرطوم وقبل ما تنتهي قمت قطعت الربة وبواقي المراسم وانا كوزير نحرير تحركت صوب الخرطوم قبل الوفد الرسمي بتاع العرس عشان اعمل تجهيزات الحفلة والسيرة في الخرطوم...
ونعود
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: خالد عبد الله محمود)
|
كوزير انجزت كل مهامي الاساسية والضرورية لتقويم الحفلة الخرطومية ولمهام السيرة اوجبت ان اذهب وفي وقت متاخرالي جهة عمل قريبي العريس الكوز هي جهة وكما قلنا ليها شنة ورنة وبها ترتيبات امنية بنت لذينة لحساسية شغلها..وكانت المهمة هي استلام باصات السيرة
الاربع من احد زملاء هذا العريس في داخل هذه الجهة
ونعود
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: والله ضحكتني يا (خليل) جنس ضحك، وزير مرة واحدة،أحسن من وزير مدير عام وزارة ول وكيل ، ان شاء الله صحة |
يا قدورة
مش لاحظت ان تنظيم الجبهة مافيهو مهندسين
براحة كنت بلقي لي وزارة اسكان ومرافق عامة
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: المهم ياسر قرر ان نذهب معه
لدار الاخوان المسلمين بمدني وكان اسمها دار الرعاية |
حكى لي واحد صدقينا كان يعمل بالسلك القضائي ( يعني في السلك) أنه تم نقله
من ودمدني إلى مدينة أخرى وكشئ طبيعي نزل في ميس القضاة ، صديقنا كان من
ناس التي (إن مسّها حجر مسّته سراء) ، بقية أعضاء الميس كانوا من ناسك ديل ،
اليوم الأول الجماعه ظبطو ليهو حلَّه كاربه وباسطه وصلاة عشاء وتراويح ونوم من الساعه 8 ،
اليوم التاني شرحو وكذا التالت،
اليوم الرابع لملم عفشوا بعد خروج الجماعه إلى المحاكم وكتب ليهم بالفحم
على باب المنزل ( وداعا دار الأرقم).
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: خالد ود اختي
رزقك ضيق والله
هسع كان بقيت مدير مكتب خالك خليل |
خالي خليل
في سنة أولي الكيزان رسلوا لي واحد من دفعتنا يجندني .. الزول بحاول 3 ساعات و أنا رافض قام في النهاية قال لي خلاص لو ما عايز تبقي معانا ما تدي صوتك للمحايدين قلت ليهو ليه مالهم المحايدين ؟ قال لي تصدق ديل لما مسكوا الإتحاد في آخر دورة عملو ثلاثين حفلة !! قلت ليهو ديل ناسي ظاااااااتهم و من اليوم داكـ صوتي في الإنتخابات كان بمشي للطلاب المحايدين ..
ود أختكـ زول بهجة و طرب و حفلات و ما بنفع مع الناس ديل يا خال .. كدي أعفيني من إدارة المكتب دي  ..
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: قال لي تصدق ديل لما مسكوا الإتحاد في آخر دورة عملو ثلاثين حفلة !! قلت ليهو ديل ناسي ظاااااااتهم و من اليوم داكـ صوتي في الإنتخابات كان بمشي للطلاب المحايدين ..
|
واخيرا يا ود اختي
انتبه الكيزان بان الشعب السوداني يعشق الفن والكورة
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
السلام عليكم
...
خِلّي ازيك
Typical
وأنا برلوم دايش
ولأني اقليمي موغل في الإقليمية
فقد كنت أملك صوتاً ذا تردد عالي جداً
لسؤ حظ أختنا في الجبهة الديمقراطية ...
ما لقت مكان تحاكمني فيهو الا وسط جمع كبير من الطلبة ...برالمتهم وسنايرهم
وكان حوار الطرشان هذا بعد أن دخلت في شمال (بغير استئذان ...يا قول ود الصايم):
أسمع ... امبارح ليه ما جيت؟
أنا: أجي وين؟
هي : الإجتماع ... ما تعمل فيها ما عارف
أنا : وقد بدأت ترددات صوتي في الازدياد بحيث جمعت عدداً من الناس حولنا ... يا زولة اجتماع شنو ..انا لا بعرف اجتماع لا الله قال
هي: هسع انت مالك بتكورك ... انت ما عارف أنا مسئولة الخلية بتاعتك؟؟
وهنا كان قد فاض بي الكيل : يا زولة خلية شنو ونحل شنو ..انا لا بعرفك لا بعرف خليتك دي
.....
عرفت فيما بعد أنه قد أجريت للرفيقة (زهور نوبي ) محاكمة حزبية بسبب هذه القصة
.....
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: الزوول)
|
تعرف يا وليد ، الحاجه المسغرباني إنو زول شِفِت زيّك كده ما يكون بيعرف الناس ديل من الثانوي،
يعني أصلو ما لاقاك واحد حكى ليك نكته من نوع
( والله آشيخنا بعد أن توضأت وضعت قدمي اليمنى في نعلي اليسرى هي هي هي)..
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: وكان ياداب الزول (تتي) وشنبو رامي يا دابو |
رامي عيّاش؟
-
أما ناس الجبهة الديمقراطية ديل كانت سيماهم على شنطهم وبناطيلهم وألسنتهم،
مما تلاقي واحد بارم الشعر وظابط بنطلون الجينز ومشعلِق الشنطه في الكتف ويبتدر
السلام ب ( كيف؟) ويواصل ب( في الحّتَّه دي) ويستطرد ب ( زي حاجه كده) فهو قطع شك
من مضارب بني كرملين ..
يا هذا.
| |
|
|
|
|
|
|
|
|
 Re: لولا بعولتهن لكنت اليوم وزيرا (Re: محمد المرتضى حامد)
|
Quote: حكى لي واحد صدقينا كان يعمل بالسلك القضائي ( يعني في السلك) أنه تم نقله
من ودمدني إلى مدينة أخرى وكشئ طبيعي نزل في ميس القضاة ، صديقنا كان من
ناس التي (إن مسّها حجر مسّته سراء) ، بقية أعضاء الميس كانوا من ناسك ديل ،
اليوم الأول الجماعه ظبطو ليهو حلَّه كاربه وباسطه وصلاة عشاء وتراويح ونوم من الساعه 8 ،
اليوم التاني شرحو وكذا التالت،
اليوم الرابع لملم عفشوا بعد خروج الجماعه إلى المحاكم وكتب ليهم بالفحم
على باب المنزل ( وداعا دار الأرقم). |
سلامات يا شباب
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: أما ناس الجبهة الديمقراطية ديل كانت سيماهم على شنطهم وبناطيلهم وألسنتهم،
مما تلاقي واحد بارم الشعر وظابط بنطلون الجينز ومشعلِق الشنطه في الكتف ويبتدر
السلام ب ( كيف؟) ويواصل ب( في الحّتَّه دي) ويستطرد ب ( زي حاجه كده) فهو قطع شك
من مضارب بني كرملين |
ايوة يا محمد
لكن نحن الوقت لسع بنزل في عفشنا في الداخلية
ما كنا قابلنا اي زول
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: ما بنلقي حاجة بعد فتح مكة |
ويحك يا هذا ، أما دريت أنها حرام كلها وأنها أحلت استثناءا بسبب ما جرى من نقض لصلح وأنها لاتحل بعد ذلك؟
لكن هذه الدنيا لاتخلو ممن تجد عندهم فتوى تجيز لك صيد ظبائها واختلاء شوكها وممكن يقولوا ليك من
دخل بيت فلان فهو غير آمن ومن دخل دار ابن علان فهو من المقربين المطمئنين .
إنت داير تدبِّّل يا الخليل ، والله لآتيَنّ بفرقة الصادحين ليحولوا بينك وبين مآربك الدنيوية
وينشدوك (خِلِّي التدبيل حرام ما دام أراك تسخر من بني بكر).
أمثالك يا ابن معديكرب لاينفعون لاستوزار ولا زار أنا ما عارف بكري دا بجيبكم من وين،
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: امير عوض الجمري)
|
Quote: مما قال لي شيوعيين طوالي اتذكرت مصطفي ود الفقراء
وهو يقول الشلوعي كافر
|
أضحكتني لمن بكيت
مبروك الإثنين الحلوين و هاردلك للجماعة المريخاب
الغريبه الناس إياهم ما بقبلوا الإ باثنين !!!!!!!!!!!!!!!!
علي اليمين البقوا وزراء من زمن الزعيم أزهري ما أحسن منك
بس طول بالك شويه وحاتشوف!!!!!!
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
| Quote: طيب كان تبدأ بولاية الجزيرة!!! |
حتما يا ايمن سنعيد لمشروع الجزيرة سيرته الاولي
ونري ود عمران ورافع ومحمود ود ناصر عائدون علي ظهور حميرهم
والمخلاة ملاء
بالثوم والبصل والعدس
ونغني مثلما كنا
في الجزيرة نزرع نتيرب نحقق امللنا
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: abubakr)
|
| Quote: يابو الخل ... يعني طموحاتك ما بتناسبنا (المهندسيين) . شنو وزير ؟؟ كنت تبقي "القائد ذاتو " ونحن وراك "شيل شيل ياخليل " |
يا سلام يا بكور سيد الهندسة
وكمان فيها حلاة اسم
الفريق ركن مهندس خليل رئيس الجمهورية
الفريق ركن مهندس ابوبكر النائب اول لرئيس جمهورية
| |
|
|
|
|
|
|
|
|
|
Re: لولا بعولتهن لكنت اليوم وزيرا (Re: khaleel)
|
Quote: كان الليلة كابست لينا ناس حاج ماجد واخو المعتز قريش ديل
ووجدت لينا وزراة مطرفة نجي نقيل معاك فيها في الاجازات |
حاج ماجد
اضاع لنا سنة كاملة من عمرنا واليوم وزيرا
موسي كليم الله في الشام راع
وفرعون في مصر له الحل والربط
| |
|
|
|
|
|
|
| |
khaleel
Omar Bob
عمر صديق
احمد التجانى احمد
عبدالكريم الامين احمد
noon
عبدالله ود البوش
محمد المرتضى حامد
Ahmed Abdallah
احمد معتصم الطيب
خالد عبد الله محمود
الزوول
abubakr
شول اشوانق دينق
امير عوض الجمري
أيمن الطيب
تبارك شيخ الدين جبريل
Nazik Eltayeb
فيس بوك
تويتر
انستقرام
يوتيوب
بنتيريست