|
|
 سيد خليفه غناى ياخليل ياخ ...
|
غناء متميز ...وحضور مسرحى وانفعال لايجيده الا سيد خليفه ...قريبى دا غالاط
ياخ ..قال لى غناهو تقليدى ...يعنى الواحد الا يغنى للقدال وعاطف خيرى
عشان يكون غناى ....مع الاخذ بالاعتبار اننى اتحدث عن سيد خليفه الفنان
ماسيد خليفه المايوى ...و(صاحب النميرى) ...ديك قصة براها ...سيد خليفه الذى
غنى (على الجمال) (وغدا حبيبى حتما يعود) ...وياصوتها لما سرى ...والسراء عند
الاعراب هو السير ليلا ...وسيد خليفه سار ليلا فى فلوات الاغنية السودانية وخلد
اسمه ومضى ....شخصيا بعتبر انو فى مبدعين كتار اتظلموا ..ممكن لمواقفهم السياسية
الغير مرضية ...لكن دا مابمنع انو الناس تحتفى بالجانب الابداعى و(تعمل رايحه)
من الجانب الآخر ...يعنى كلمات ككلمات مصطفى سند التى قال فيها :
عبرت ملامحك النضيرة خاطري
فهتفت ليتك لا تزال
للريح خمرك للمساء وللظلال
والبرق لي والرعد والسحب الخطاطيف الطوال
تروى هجير النار تحت أضالعي الحرّى
وتلحف في السؤال
كيف ارتحالك في العشيِّ
بلا حقائب أو لحاف ؟
ترتاد أقبية المكاتب والرفوف السود
والصحف العجاف
زمنا يمصّّ الضوء من عينيك
يصلب وجهك المنسيّ في الدرج العتيق
أثرا كومض شرارة تعبى على خشب الحريق
كيف ارتحالك أيها المصلوب مثل شواهد الموتى
بزاوية الطريق
كلمات كهذه يستحق صاحبها اكثر من وقفه ..واكثر من ماوجد من احتفاء ..
هل من الممكن ان يعاد قراءة مثل هذا الحضور الابداعى القوى
بمناىء عن ساس يسوس ..مع انو انا شخصيا ..بعجبنى المبدع البتكون
رؤيتو مكتملة لكل ماهو حوله ..لكن يجب ان لاتكون (امانينا) عائق
لنتذوق حلاوة هذا الابداع ..
|
|
 
|
|
|
|
|
|
|
|
Re: سيد خليفه غناى ياخليل ياخ ... (Re: محمد عبدالرحمن)
|
العزيز محمد عبد الرحمن
فلنختلف سياسيا ولكن لا للاحتكار للمواقف الوطنيه فكل يرى الوطن بعينه
اتعتقد ان هنالك من يظن انه خطا ويمشى فى طريقه الى النهايه
انها جدليات فلسفيه عميقه ....يمكن ان تكون وجه نظر الشيطان فيها صاح؟!!!
ويمكن ان تكون لا ولا يكون ....
.......................................................................
سيد خليفه مبدع ولو جاء فى هذا الزمان لخلد ولو كانت جنسيته غير سودانيه لصار له شان اخر
خرج بالاغنيه السودانيه من المحليه للاقليميه بغناءه فى اذاعه وادى النيل وركن السودان
وباللله شوف انتقاءه للقصائد قصائد من الطراز الاول
حتى الالحان مناسبه سبق عصره فى الاغنيه الخفيفه التى صارت ملمح هذا العصر فى زمن كان الغناء
بالساعات ...
سيد خليفه له رؤيا مختلفه فى استايل الغناء
وهو فى فتره من فترات العصر (الزمن الجميل ) هاهااههاهاهاه
قد اثرئ ليس الوجدان السودانى فحسب بل كل الدول المحيطه بنا ..
لا يغالط فيه اثنان انه متميز ومتفرد جدا جدا
وهو حقيقى محتاج وقفه .....
فى موضوع عاطف خيرى والشعراء الحداثيون .. احب ان تقيف فى مقطع اوردته انت وقارنه
Quote: ]بلا حقائب أو لحاف ؟
ترتاد أقبية المكاتب والرفوف السود
والصحف العجاف |
بماذا تذكرك ..............................يغنيها مصطفى سيد احمد ..
| |
|
|
|
|
|
|
|
|
|
Re: سيد خليفه غناى ياخليل ياخ ... (Re: محمد عبدالرحمن)
|
بيني وبينك ما يراه الناس سروة شاطىء
ناء وزهرة كستناء
تتلاصقان على الرمال فتذهل الدنيا وترتعش الحقول
كيف التجاؤك للتماثيل التي أسنت على برك الوحول ؟
منك الشباب عصارة النبت الجديد
ومهرجانات الفصول
ونراك تحفل بالعواجيز العتاق صفائح الأيّام مقبرة الأفول
بيني وبينك سكّة السفر الطويل من الربيع
الي الخريف
تعلو قصور الوهم أنت ومرقدي في الليل
أتربة الرصيف
لو وجد من يكتب شعر مثل هذا فى مصر القريبة لاطلقت عليه
الالقاب من شاكلة (شاعر النيل) و(امير الشعراء) و غيرها
من الالقاب المجانية التى ترسخها الة الاعلام المصرى فى
اذهاننا فتغدو حقيقة ....ولكن عندنا فلم يجد صاحبها
مايستحقه من اهتمام ..هكذا اظن ...كما ان سيد خليفه
عند قريبى اقرب للمهرج من المغنى ...كيف يستقيم هذا ؟
| |
|
|
|
|
|
|
|
|
|
Re: سيد خليفه غناى ياخليل ياخ ... (Re: محمد عبدالرحمن)
|
معلومه استقيتها من عمى السر قدور
ان سيد خليفه بداء الغناء خارج السودان فى مصر ثم غنى فى السودان لاحقا ..
سورى على التمدد فى البوست دون اذن ..
عندى اغنيه بهناك tell me why
وحاتك لا عارفه ظاهره لا عارفه ما مسموعه
الناسدى عشان تسمعك لازم تنبذ الكيزان ولا الشيويعين عشان يجوك يشبو ليك فى حلقك
الكترابه البورد خرب الله وكيلك
| |
|
|
|
|
|
|
|
|
|
Re: سيد خليفه غناى ياخليل ياخ ... (Re: محمد عبدالرحمن)
|
Quote: سيد خليفه مبدع ولو جاء فى هذا الزمان لخلد ولو كانت جنسيته غير سودانيه لصار له شان اخر
خرج بالاغنيه السودانيه من المحليه للاقليميه بغناءه فى اذاعه وادى النيل وركن السودان
وباللله شوف انتقاءه للقصائد قصائد من الطراز الاول
حتى الالحان مناسبه سبق عصره فى الاغنيه الخفيفه التى صارت ملمح هذا العصر فى زمن كان الغناء
بالساعات ...
سيد خليفه له رؤيا مختلفه فى استايل الغناء
وهو فى فتره من فترات العصر (الزمن الجميل ) هاهااههاهاهاه |
تمام ياعمر سعد ..
دا الكلام العايز اقولو ..أنو سيد خليفة وضع (طوبو) فى التاسيس لاغنية
سودانية ..ووضع استايل وطريقة مختلفة ..,واعتقد ان هذا هو التميز ...ان
تاتى بجديد لم يسبقك عليه احد ..اما فيما يخص الزمن الجميل ( ها ها) فلدى
تحفظى كما تعرف ..مافى جيل (تفتيحا وشايل مفاتيحا) ..الساحة موجودة والمفاتيح
موجودة ..واى جيل يعبر عن نفسو بالطريقة البتعجبو ...
وزى ماكمال سالم شايف كمال عبدالوهاب ( فريد عصرو المامتلو شيء) ..انا شايف هيثم
مصطفى (منقطا ) ..واعظم لاعبى الكرة السودانية ( من جم) ..شفتا كيف ؟ ..معايير
الجمال ذاتا اختلفت من زمان لى اسى ...ولاكيف ؟
شكرا ياعمر ..
| |
|
|
|
|
|
|
|
|
|
Re: سيد خليفه غناى ياخليل ياخ ... (Re: محمد عبدالرحمن)
|
بمناسبه وضع (طوبو)
فاز سيد خليفه بجائزه احسن اغنيه ومغنى سنه 1966
وكانت قيمه الجائزه .100 جنيه (الجنيه دى حقت زمان ما هسا جنيه الزمن الجميل
وبمناسبه الزمن الجميل فى غفله منك ذكرت فى بوست انو فى الزمن الجميل وتم تكويتها
وهى موجوده فالزمن الجميل يقبع فى حنايا القلب وليس عقل الجدليه؟
اها نرجع للقصه (شكلى بقيت زى عمى السر بطلع بره الشبكه وبجى)
اها قالو لى امو الخبر ده اها انتظرتو لحدى ما جا راجع البيت وسالتو عن الخبر صحيح ولا لا
قام قال ليها صاح يا امى قالت ليهو زمنى ده كلو قايله الالف دى بس فى عد الطوب ما قايله فى قروش
الف جنيه كلو كلو ...
ده وضع طوبو فى مصر فى الزمن الجميل بتاعه ما يخت مدماك اسمنت فى زمن جميل فى الخمسينات
والستينات .......
تعرف تفاوتت قيم الجمال الانسانى من عهد الى عهد
الا ان هنالك اتفاق بان فتره الخمسينات والستينات فى الغناء مافى زيها .
وحتى فنانين الزمن ده المابعرفو الكلام ده بيغنو غنا الفتره ديك
ده ممكن نقولو لى ناس مصر اللى خلو غناء ام كلثوم وعبد الحليم وفريد الاطرش واسمهان
بعيد وبدو (اييييييييييييييييييييييييييييه وحكايه الونش )
وغناء جميل فى زمنهم هذا ....لكن لم يشوهو غناء زمان وهذا ما يعجبنى فى المصريين
لكن انحنا ناسنا لم ينتجو غير اغنيتين لم يسمع بها احد والباقى شراء
كلو بيشترى من هذا وذاك اغانى الفت ولحنت فى الخمسينات تشتلرى وتباع فى 2010
بالله عليك فى فن الان (ذزمنك الجميل حقك ده)
يا محمد فى ازمه فى الغناء رهيبه فى عشرين اغنيه مدوره منذ 50 عام تستهلك زى الورد
احنا شعب مستهلك ....................
وبعين بيبشتنو الغناء بشتنه الله يحرق معهد الموسيقى على ابو الكوريين
خلو بصمه بتاعت انا بسميها العواره فى الغنا السودانى ولو ادتونى فرصه بفسره ليكم فى منتدى الجمعه
مع نماذج كتيره جدا جدا مع حقلى فى تعريف (العواره ) للمعياريه وكده
المهم اغنيتى دى شغاله ولا ما بتتسمع كدى ورينى الحاصل شنو ؟
| |
|
|
|
|
|
|
| |
محمد عبدالرحمن
عمر سعد
Gaafar Ismail
فيس بوك
تويتر
انستقرام
يوتيوب
بنتيريست