|
|
|
 Re: ما هو المعنى المقصود ب "محامي السلم" ؟ (Re: Deng)
|
Quote: عبد الرحمن الضو.
حمد الله علاى السلامة.
أنت كنت مختفي وين؟
نعم بورداب الخرطوم ممكن.
أتفضل. |
...
..
.
شكرا يا دينق الترحيب .. الاختفاء مشاغل دنيا بس ..
معليش يا دينق بعد الترحيب والسؤال .. اسمحي لي اقول ليك انو ذاكرتك خربة ..
طبعا رحبتا بي ترحيب حار وشوفتا بورداب الخرطوم افتكرتا انو حابرد ليك بطنك من المحامي* ..
لكن انا تقديرا لترحيبك دا القربتا تكتل بيهو قلبي .. حاكلمك عن محامي الســـــلم واديك نبذة بسيطة عنو ..
محامي السلم
هو محامي تيك اوي .. يعني ما يكون عندو علاقة بالمتهم ولا اي معرفة ويقوم يخش معاهو التحقيق
والاخطر في الامر انا معظهم من المتخصصين في الدفاع عن مختلسي المواد الغذائية 
| |
 
|
|
|
|
|
|
|
 Re: ما هو المعنى المقصود ب "محامي السلم" ؟ (Re: Deng)
|
دينق .. إزيك ياخي ...
بعيد عن السياسة وبعيد عن الوحدة والإنفصال .. اللي ما عاوز تناقشنا فيهم ديل .... ومتعزز علينا كتير .. يعني زي الليمون لمن يتعزز .... !!!
فهمونا زيادة ... عن "محامي السلم" دا ...!!
أنا راجل أحب مهنة القانون جداً .. ولو لم أكن سواق طيارة ... كنت حأكون قانوني ...
لكن ولأول مرة أسمع بهذه التسمية على الرغم من ثقافتي القانونية الجيدة .. كما "أحسب" ... !!!
تحياتي الكتيرة .......................... أبوفواز
| |
|
|
|
|
|
|
|
|
|
Re: ما هو المعنى المقصود ب "محامي السلم" ؟ (Re: صديق عبد الجبار)
|
Quote: بعيد عن السياسة وبعيد عن الوحدة والإنفصال .. اللي ما عاوز تناقشنا فيهم ديل .... ومتعزز علينا كتير .. يعني زي الليمون لمن يتعزز .... !!!
فهمونا زيادة ... عن "محامي السلم" دا ...!!
أنا راجل أحب مهنة القانون جداً .. ولو لم أكن سواق طيارة ... كنت حأكون قانوني ...
لكن ولأول مرة أسمع بهذه التسمية على الرغم من ثقافتي القانونية الجيدة .. كما "أحسب" ... !!!
تحياتي الكتيرة .......................... أبوفواز |
الأخ أبو فواز مرحب بك يا عزيزي.
موضوع الوحدة والإنفصال هذا بالنسبة لي قد صار منتهيا. لقد قال أهل الشمل كلمتهم من زمان.
| |
|
|
|
|
|
|
|
|
Re: ما هو المعنى المقصود ب "محامي السلم" ؟ (Re: Deng)
|
| Quote: موضوع الوحدة والإنفصال هذا بالنسبة لي قد صار منتهيا. لقد قال أهل الشمل كلمتهم من زمان. |
معليش أخ دينق ... ما عاوز أفتل ليك البوست بتاعك .. لكن موضوع الوحدة والإنفصال إذا إنتهى بالنسبة لك أنت ، ومع إحترامي لرأيك ولكنه لم ينتهي بالنسبة لنا نحن كوحدويين ...
ثم من هم أهل الشمال هؤلاء الذين قالوا "كلمتهم من زمان" ديل ؟؟ هل نحن من ضمنهم ؟؟
نحن لم نقل كلمتنا بعد .. ولا أعتقد أن كل شعب الجنوب قال كلمته بعد ...
مع كل إحترامي لموقفك الشخصي ....
لك كل الود والإحترام ... خلينا نرجع لموضوع "محامي السلم"
أبوفواز
| |
|
|
|
|
|
|
|
|
|
Re: ما هو المعنى المقصود ب "محامي السلم" ؟ (Re: صديق عبد الجبار)
|
والله يا دينق انت نصييييييح في عضمك ده
هاهاهاهاهاهاها
قلت لي سلم وتحديداً نحنا ناس القاهرة
نرد عليك هاهاهاهاها
اها يا صاحبي انا مستعد واجابتي ضامنه
محامي السلم ده يا صاحبي اهلنا في
البطانه وفي الشرق بيقولو عليهو
مسؤل السالِف وفي بعض المناطق بيطلقو
عليهو السلم وهو الزول البيكون معروف
لناس كتار جداً جداً وحين تتم سرقة (إبل
أو ماشية - صغيرة كانت أم كبيرة) اهل
البهائم بيجو للزول ده (زول السلم) وبيدفعو
ليهو حاجة (يعني بيدوهو بياض) وهو بيقول ليهم
سمح تمام حاجتكم دي بتجي لحدود عندكم بس
احتمال تجيكم ناقصة ربع او تلت واهل البهائم
بيوافقو (المال تلتو ولا كتلتو) ويقوم يمشي
علي السارقين (بحكم معرفتو الكبيرة للخلق )
برضو يشيل منهم بياضو (زي المنشار ياكل تحت
فوق ) ويقوم يرجع البهائم لي اهله .
اها لقيتني كيف ؟؟؟
اخوك مش تفتيحه ؟
سفيان نابرى
انابة عن
ناس القاهرة .
| |
|
|
|
|
|
|
| |
Deng
Abdulrahman Eldaw
صديق عبد الجبار
سفيان بشير نابرى
معاوية عوض الكريم
7abib_alkul
فيس بوك
تويتر
انستقرام
يوتيوب
بنتيريست