|
أمرك عجيب يا مغترب
|
جاءتني عبر الايميل من الشيخ يعقوب ادم من الدمام واحببت مشاطرة (الذين امرهم عجباً)
اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكتا ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو ال######
يا اْخوي حول
في الشهر مرتين
ود اللمين جاهو المغص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.
|
|

|
|
|
|
|
|
Re: أمرك عجيب يا مغترب (Re: Balla Musa)
|
Quote:
السيد عبد اللطيف السيدح
لقد إطلعت على إجابتك للسؤال الأول فهلاّ تكرّمت بالرد على السؤال الثانى والخاص بإدعاء البطولات الزائفة
حتى نتمكن من الرد غليك رداً متكاملاً مع الشكر. |
| |

|
|
|
|
|
|
Re: أمرك عجيب يا مغترب (Re: محمد أحمد الريح)
|
سعادة الجسور العميد محمد احمد الريح
تقديري ,,,
الراجل هرب قال الروووووووب انسى لن يرد
بعدين طولت الغيبة والبعد يااخي تلفوني
بالبروفايل محبتي وان شاء الله دائماً بخير
........................................حجر.
| |
 
|
|
|
|
|
|
|