|
|
|
 Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
بعدين محمد موسى ذاتو قطع الإجابة
قال أحمد القرشي
زمان كان ما تميت الإجابة تعتبر ناقصة
وهو أحمد القرشي طه
ياخي زمان حتى عهد مايو الفات ده؟
لو سألوك
من هو وزير الشباب والرياضة؟
ما ممكن تقول زين العابدين فقط الناس تحفظ اسمو لى جدو
لازم تقول هو زين العابدين محمد أحمد عبد القادر
لو قالوا ليك من هو وزير النقل والمواصلات
ما ممكن تقول أبو القاسم غلط
لازم تقول ابو القاسم محمد إبراهيم
لو قالوا ليك من هو وزير الداخلية في أول عهد مايو
ما ممكن تقول مامون وتسكت؟
لازم تقول هو مامون عوض ابوزيد
وقس على ذلك
معقول شهيد في قامة الشهيد أحمد القرشي طه وثورة في قامة ثورة أكتوبر الناس ما تعرفا
دي جامعة شنو دي وديل طلبة شنو ديل
أنا أفتكر جامعة الخرطوم حقو تحقق مع الناس ديل الفضحوها على الهواء
وافتكر مدير الجامعة شخصياً ومعه الدكاترة لازم يطالبوا بإعادة البرنامج ده عشان يسمعوه بصورة خاصة.. دى دعاية سيئة لصرح مثل جامعة الخرطوم
| |
 
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
| Quote: كنت أشاهد في البرنامج في الإمارات وكان بجنبي قريب لى خريج قبل خمس سنوات من جامعة الزعيم الأزهري |
الأخ الفاضل / منصــوري , لك أطيب التحايا ..
لقد عانينا من هذة المشاكل في الجامعات السودانية , كنا نعتقد أن الحال أفضل في داخل الجامعات السُـودانية , لكننا صُدمنا بما شاهدناه في تلك المباني التي تسمي بالجامعات!!
-------------------
أنت ذكرت أن هنالك شخص قريبك / معكم الان وهو خريج جامعة الزعيم الازهري / أنا لدي صديق وزميل إسمه / ناجي أحمد عثمان , وهو بطرفكم في دولة الإمارات ( أتنمي أن يكون هو ) و إنقطعت مني أخباره منذ تخرجنا من جامعة الزعيم الازهري , كلية العلوم السياسية و الدراسات الاستراتيجيّة ..
حتي إن لم يكن قريبك هو صديقي , أرجوك أن تستعين به للبحث عن أخونا ناجي أحمد عثمان , في أبوظبي أو دبي علي ما أعتقد / وراسلني عبر الإيميل إذا سمحت ظروفك [email protected]
ورقم هاتفي موجود في بروفايلي بالمنبر .
و لك التحية مرة أُخري ..
| |
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: Mohammed Awad)
|
ثورة أكتوبر دي لمان قامت والله أنا كنت في سنة أولى إبتدائي.. في أصقاع السودان في شماله مدرسة الجزيرة شري الأولية بالمناصير.. لكن وأنا في أولى كنت أقرأ الجوابات والجرايد تجينا بالبوستة ومجلة الصبيان وعمك تنقو.. ومجلة الإذاعة والتلفزيون كانت في غاية الروعة في إخراجها أتذكر حتى الآن أرسلها لى شقيقي بمدرسة مروي الثانوية بالبوستة لأعرف اخبار ثورة أكتوبر. وأتذكر حتى الآن كان صورة الغلاف فيها هو تشييع شهيد ثورة أكتوبر الثاني الطالب بجامعة الخرطوم الشهيد بابكر حسن عبد الحفيظ الذي دفن بأم درمان وكمان لازلت أتذكر بي جوه خطاب بخط يد الشهيد بابكر حسن عبد الحفيظ يرسله لأخيه بأم درمان وهو جريح ويقول له سوف يذهب الحكم العسكري الغاشم فلا خوف على بعد ذلك إن حييت أو استشهدت
وتحته توقيع بابكر
مكتوب كدة
أخوك بابكر حسن عبد الحفيظ
لم يقل أخيك أو أخاك وإنما قال أخوك \ وهي مبتدأ والمبتدأ لاينصب ولا يجر ولا يكسر
ومنذ ذلك الوقت تعلمت الاعراب من شهيدنا بابكر وصرت أذيل كل رسائلي بكلمة أخوك وانا في مأمن من إعرابها..
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: Mohammed Awad)
|
ليتك زرتها فى هذا الشهر...لوليت منها فرارا ولملئت منها رعبا..من بؤس وتردى اوضاعها
وجدتها وكرا للصوص والمتشردين والباعة المتجولين...وتسرح وتمرح فيها ( القرود)اى والله
القرود...والاوساخ والقمامة ملقاة على الارض ...كما هو شان اسواق الفراشة...وتسمع لغة
شوارع (الراندوك) متداولة بين الطلاب فى كل شان بصورة مقززة...ومستفزة...تغنيك عن اللهاث
وراء معرفة حقيقة وضعية التحصيل والبحث والمعرفة...مؤشر خطير...ينبغى على السلطة السياسية
ان تكون فى مستوى التفويض الممنوح لها من قبل هذا الشعب العظيم رغم الخصاص والمرض
والجهل وضيق الحال..والذى يحتاجه الشعب فى هذه المرحلة يرتفع عن مستوى البرنامج السياسى
الى مستوى برنامج نهضوى ينتهض به مجتمع انهار عمرانه المدنى وتستعيد به الدولة عقلها
الذى فقدته عندما اهملت الصحة والتعليم.
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: محمد مكى محمد)
|
[Bأول المتداخلين هنا الأخ الأديب الأريب الطيب شيقوق.. عضو المنبر القديم...
نعم قرأت رحلة العمر ومشوار السنين.. حاجة ما تقدم أبداً.. طبعاً قريتو زمان.. لكن من شدة جدتو كأني ما قريتو زمان.. كلام طبعاً يا ريت يكون في كتاب( بي ضبانتو) يعني اللغة الدارجية فيهو ما زادتو إلا طعم زيادة.. ولغتنا العامية لمان تطعم بيها اللغة العربية زي فصوص الذهب لمان تطعم بيها معدن الماس فهذا من ذاك .. وهذه من تلك.. شكراً الطيب على المرور بي جايd
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
أيحصل هذا في جامعة الخرطوم
ما شايفين عدد فتح البوست ده كبر كدة كيف؟ لأنو برضو في ناس فارغين زي ما جامعة الخرطوم صارت فارغة.. ناس فارغين مفتكرين هنا في كلام
بتاع ( جكس وتجكيس في الجامعة) عشان كدة جو هنا.. وإن كان هذا الكلام والتجكيس موجود فيها وفي غيرها وأكثر من كدة.. التجكيس ده كان زمان لما الجامعات نضيفة.. لأن التجكيس يا نهايتو عرس أو فراق.. لكن اليوم صارت البلاوي الحمراء والمصائب السوداء فيها وفي غيرها من الجامعات
...........
لكن هؤلاء المتداخلون العلماء ردوا هنا وقالوا كلماتهم المعبرة.. وهم موش خالين وفاق عن جامعة الخرطوم. يا قروا فيها يا عندهم علاقة بيها ويهمهم أمرها
ولذلك كل من قرأ فيها عليه أن يكتب عريضة يطالب بتغيير اسمها لشئ تاني.. معهد نظام سنة أو ثانوي عالي أو متوسط أو اي مقترح آخر لا يمت للتعليم والجامعات بصلة؟..d
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
الأخ منصوري سلام و ربنا ينصرك دائما
| Quote: كنت أشاهد في البرنامج في الإمارات وكان بجنبي قريب لى خريج قبل خمس سنوات من جامعة الزعيم الأزهري.. كمان هو عايز يشارك وهو جنبي...قال لا لا موش عبد الرحيم القرشي. لا لا هو عبد الفضيل ألماظ؟ لا حول ولاقوة إلا بالله دي مصيبة شنو دي؟ |
و الله لا عرفنا نبكي معاك و لا نضحك. بس نقول الحمد الله الذي نجاك من السكري و الضغط و فقع المرارة.
و ربنا يعيننا في مصابنا، هذه و الله كارثة ما بعدها من مصيبة
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: هويدا شرف الدين)
|
أخي منصوري تحياتي
دخلنا جامعة الخرطوم في أكتوبر 1983م وأول شيء سمعناه هو ملحمة محمد الأمين مع أم بلينا السنوسي، خليل إسماعيل، عثمان مصطفى وآخرين.
لما الليل الداجي الطول
فجر النور من عينا اتحول
قلنا نعيد الماضي الأول
ماضي جدودنا الهزموا الباغي
وحطوا قلاع الظلم الطاغي
نسمعها في النشاط، في ميدان الآداب، في كافيتيريا العلوم، الاقتصاد، الهندسة وحتى في الباراكس، كل أركان الجامعة تعج ب: وكان القرشي شهيدنا الأول.
الطباخين وعمال البوفيهات يعرفون أن القرشي شهيدنا الأول.
أما الآن، فيُستنتج أن الملحمة راحت فيها.
أول مرة أسمع فيها أحد أركان نقاش لدالي (في القرن العشرين) يعلق بقوله:
(جامعة الخرطوم انحطت، يوم دخلوها الوهابية).
في القرن الواحد وعشرين هنالك مقال للقراي عنوانه:
(شيوخ التكفير، أساتذة جامعات)!!!!!!!!!!!!!!!!
سُئل المدرب حسن المصري:
الكورة دي مالها، الحصل عليها شنو؟
فرد بقوله:
السمح شنو؟
طيب، السمح شنو يا منصوري؟ لحدي ما الجامعة تكون سمحة؟؟؟
(لبروفيسور) الزبير بشير طه كان يدخل إلى قاعات المحاضرات – في هذا العهد - وهو يرتدي ملابس الدفاع الشعبي، ومدير الجامعة – حينها – يتفرج ومبسوط.
أحد شعراء البطانة قال:
يا بلدي إيه الجاكي
غير كيزان بتلبس كاكي
وموش كيزان بس، معاهم وهابية.
وكيزان مع وهابية، زي إرتفاع درجة حرارة الجسم بمرض الملاريا ومعاهو هضربة.
هي الوهابية شقية الحال دي، ناسا خلوها، نحن معشعشة عندنا.
(حسبنا الله ونعم الوكيل)
سؤال بريء:
هسع إنت بتتونس كيفن مع زولك بتاع الزعيم الأزهري دا؟ والله لياقتك عالية.
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: ندى عثمان حسن)
|
Quote: هسع إنت بتتونس كيفن مع زولك بتاع الزعيم الأزهري دا؟ والله لياقتك عالية.
|
كيف الحال يا استاذ منصوري
النخبة السودانية التي درست في جامعة الخرطوم تركت السودان زمان وهاموا في ارض الله الواسعة
لماذا؟؟؟ لأن الحكومات المتعاقبة بطشت بهم وفي زمان مضى قريب جداً تجد ان كل الشعب السوداني
يبحث عن السفر خارج السودان وخصوصاً النخبة منهم وهنا ايضاً لماذا؟؟ لأنه لا مكان لهم اصبح بين
الشعب الذي اصبح يتكلم لغة الرندوك والجامعات الآن اصبحت للقتل والموت في وضح النهار ذبحاً
الجامعات الآن وجامعة الخرطوم اصبحت مكاناً (للختف) وكل من اراد ان يقضي ليلة حمراء مغضباً ربه
ذهب بالقرب من جامعة الخرطوم بسيارته ورفع اجمل ما انتجته حديقة الجامعة وتوجه بها إلى اقرب
شقة مفروشة وخلاص.
لا ثمن للعلم في سودان العلم القديم
الحمدلله على كل حال
الصادق
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: هويدا شرف الدين)
|
المنصوري ولا تستغرب ولا حاجة طالب مولود آخر التمانينات..جايي من كاب الجداد وللا العبدوتاب (ريفي المتمة)...وللا حتى من السجانة! مامن أسرة سياسية ولا علاقة له بالسياسة..حيعرف من وين الشهيد القرشي؟؟ ثورة أكتوبر و غيرها من الاحداث التاريخية في تاريخ السودان الحديث مغيبة عمداً من الاعلام الحكومي الواسع الانتشار!مثل هكذا معلومة موجودة فقط في كتب قليلة..أو احيانا في مقال في بعض الصحف..فكيف يعلم هولاء الشباب؟؟؟... الحل يكمن في: صياغة مناهج التاريخ التي تدرّس بالمدارس...أيضاً الاحتفال بثورة أكتوبر و أنتفاضة أبريل اعلامياً... ولا اعتقد أن هذا أو ذاك بقريب المنال في سودان اليوم...فلا تثريب على الطلاب المساكين
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: زياد جعفر عبدالله)
|
عزيزي ،
إنهاثورة التعليم الواطي!!.
ياخي إنت زولك دا هسع دخل مدرسة؟؟
ياخي دا في التلفزيون وعلى الهواء مباشرة
بيقول ""الجِنوب"" !! بالله دا فرقه شنو
من الرحمة بت الله معانا؟؟
كنت في الإجازة ، بقعد مع واحد صاحبي في دكانه،
كل يوم بجينا أستاذ- تعرف أستاذ يعني شنو؟؟
أستااااااذ بتاع علوم ،
بيجي شايل ، وكل يوم ،
جريدة الدار وجريدة المريخ!!!
دا غير الأستاذ العامل للطلاب إمتحان
COMPERHENSION أي والله
COMPERHENSION
أها رايك شنو في وزيرك الحضر الدكتوراة
في أمريكا يوم داك بيتكلم في التلفزيون
عن إمريكا Imreeka !!
آي والله ؛ إمريكا Imreeka كدا عديييييييل
آها تقول في زي دا شنو؟
تورة التعليم العالي!!
ياخوي دا التعليم الواطي.
تحياتي
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
الاخ العزيز منصوري لك التحية
هذا هو حصاد ثورة التعليم التي يتغنى بها صانعي حضارة السودان الجديدة
في عهد الانقاذ الشهداء فقط من تقام لهم الاحتفالات وتعزف لهم الموسيقى
الشهداء هم من يقتلون ابناء جلدتهم،،، اما شهداء الحرية والتحرر فهولاء
في عرفهم غير شهداء
رحم الله جامعة الخرطوم ويا حسرتا على الشعب الذي فرط في اعرق مؤسسة علمية
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: بكري اسماعيل)
|
ا
الأخ منصوري وضيوفه
تحايا و ود
حقيقة انه لواقع مزري بكل المعاير, بل ومشحون بالغبن والمرارة, فواقع التعليم
بشقيه العام والعالي بلغ من التردي مبلغا, نسف كل تواريخ التميز والازدهار لهذه
المؤسسات. فهذه الأجيال والتي من المفترض أنها رصيد لهذا الوطن يتم هدرها ليست
صدفة بل بوعي وسؤ قصد من الطغمة الحاكمة و التي فطنت لما يمكن أن تأتي به المعرفة
من تنوير ورفض وتمرد علي السائد مستصحبة تجربتها الشخصية, فهؤلاء الذين يعملون
معاولهم هدماً في التعليم هم من أبناء الكداح الذين علموا أن لا مخرج ولا عاصم لهم سواه
فوصلوا به مبتغاهم ولكن غريزة البقاء قادتهم لحجر هذا الامتياز علي أنفسهم مستصحبين
مقولة جحا: (بعد مرقت من بطن أمي إن شاء الله تنشق ) وبناءً علي ذلك أنفذوا خططهم
لتكون أمية المتعلمين هي السائدة في الوقت الذي يرسلون فيه أبناءهم ليحصلوا علي
شهادات وخبرات من الغرب الكافر لتؤهلهم لحكم أبناءنا بعد حين.
أخي...
إن ما نشاهده من أحوال هذا الجيل لا يدعونا إلي عَنفهم بقدر ما يدعونا للرأفة والحزن
عليهم فهم ضحايا للتغييب والاستهلاك والهدر ,هم ضحايا التهميش والتجيش والغبن
والجوع والإحباط و انعدام القدوة. فهم يدرسون في مؤسسات تفتقر لأبسط مقومات
التعليم والمعرفة فلا أستاذ ولا معمل ولا مكتبه لا سكن ولا أعاشه بل قهر وتفتيش
وعنف و جباية فكيف نرجو منهم ما هو أفضل.
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: الصادق سلفاب)
|
الاخ العزيز منصوري
تحية طيبة
إتفق مع رد الاخ الصادق سلفاب في كثير من أجزائه
وهذا الإستطلاع هو إستفتاء حقيقي للتحصيل العلمي في السودان ، وهو محصلة نهائية للتغبيش الذي ظلت تزرعه المناهج المدرسية في ذهنية طلابنا الخصبة ... .... يا جماعة العيب مافي الطلاب .. العيب في المنهج ومن يحشى أذهان الطلاب بالأسر الفرعونية ، وبقصص حاتم الطائي وزرقاء اليمامة وثورة التصنيع الأوربي ، وعهد النهضة ، والفتح العثماني وينسى التاريخ الكوشي النوبي المروي وممالكـ البجا ، وعلوة والمغرة ، وثورات الشعوب الأفريقية ضد الإستعمار ، وشهداء المقاومة ، وهذا الأستفتاء هو محصلة نهائية للتغييب الإعلامي الذي أصبحت تهتم به قنوات الإعلام المختلفة وتكرس جهدها في الإهتمام بموخرة نانسي عجرم (الله يكرمكم) أكثر من إهتمامها بمقدمة أبن خلدون (كما قال أحدهم)
يو تيرن هذا السؤال أشبه بسؤال بلد المليون شهيد وأسماء المليون شهيد في حكاية المعاينة للبنت السمحة والبت الشينةيا منصوري ...
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: Sidig Rahama Elnour)
|
استاذ المنصوري
تحية عطرة..
مبروك للانقاذ تنفيذ المشروع (المصري) الحضاري.
قلة القلة من المصريين تعرف تاريخ وجغرافية بلدها ناهيك عن العالم.
قابلت عدد من النخب المصرية السياسية قال لي معظمهم بالحرف الواحد مشكلة المصريين هي انهم قليلي
القراءة وقلة منهم واسعةالاطلاع والثقافة لكن السودانيين يحبون القراءة وكثيرين منهم مثقفين.
قلت لهم ان الاجيال السودانية القادمة لن تختلف كثيرا عن واقع الحال في مصر.
الحكومة المصرية لها محاولات تشكر عليها بانشاء المكتبات العامة وتحرص على ان يكون بكل مدرسة ابتدائية كانت او عليا مكتبة في محاولة منهم لنشر الوعي وثقافة القراءة.
اها نحن..كان مالحقنا عقابنا واطاتنا اصبحت...
القراءة والشغف للمعرفة وفضول الاطلاع يتعلمه المرء منذ الصغر من أهل بيته ومدرسيه في مراحل التعليم المختلفة بل ومن افراد مجتمعه ممن يجدون متعة في تعليم الاخرين وتزويدهم بالمعرفةحتى وان كانوا اميين لا يستطيعون القراءة.
لقد بدل الانقاذيون هذه الروح تبديلا,,وغيروا المنظومة الاجتماعية,,ولوثوا المناخ التعليمي والاقتصادي والاجتماعي
العام الذي كان بيئة مشجعة Cultured n sophisticated الي مناخ منحل داخليا ملتزم ظاهريا غارق في السطحية التي انحصر جلها في مظاهر الترف والثراء الفاحش ومظاهر التدين المتطرف او الاسترزاقي فماعادت الثقافة تساوي شيئا في اعين الناس
بل لاقيمة ولافائدة منها لانها لاتضع الرغيف على الموائد ولا تستر الجثث المتهاوية.
ياللحسرة.
التحية للجميع
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: Omayma Alfargony)
|
المنصوري سلام عليك وعلى زوارك
المصيبة لو بقت مصيبة جامعة الخرطوم وحدها بتكون بسيطة وخفيفة ولكن هذا قليل من كثير من التدهور الذى اصاب كل اوجه الحياة فى السودان... الدمار الذى احدثته الانقاذ فى التلعيم يحتاج الى جهود خرافية لاصلاحه والادهي والامر مع هذا التردي المريع تجد من يشيد بما ارتكبته الانقاذ من جريمة فى التعليم العالي ..
كيف للطلاب من المرحلة الابتدائية وحتي الجامعية ان يكون ملمين بتاريخ وجغرافيا وثقافات بلادهم المتنوعة والثرة مناهج التجريب الفاشلة التي تطبق عملت على تغييب مهارات كثيرة وخلقت مقدرات الحفظ والحشو واصبحت اذهان الطلاب عبارة عن اشرطة تسجيل يتم محو القديم الذى تراكم للتخلص من الامتحانات لتخلو الخانة لحشو غث جديد ..
الدمار الشامل بسبب سياسات التعليم فى زمن الانقاذ هدفه افراغ العقل البناء والناقد والفاحص والنتيجة اجيال فاقدة للهوية والبوصلة .
وهم مساكين والله ..فجهلهم او فى الحقيقة اجهالهم ليس ذبنهم ..
ياحليل جامعة الخرطوم عندما يذكر اسمها كنا نرتجف قبل دخولها لاننا كنا نعلم ان بها جهابذة العلم فى بلادي وان خريخي جامعة الخرطوم كانوا ملمين بتاريخ وجغرافيا السودان والفضل ليس لها فقط بل لكل المراحل التي كانت قبلها والتي اصبحت فى خبر كان بفعل الانقاذ .
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: إسماعيل حسن)
|
| Quote: ياحليل جامعة الخرطوم عندما يذكر اسمها كنا نرتجف قبل دخولها |
الكلام ده قالوا آخر المتداخلين هنا.. الأخ إسماعيل حسن..
معذرة للزملاء العلماء المتداخلون هنا. كل واحد مشى في إتجاه علمي بحثي مهم للغاية ولكني سوف أرد عليهم شوية شوية بس كنت مشغول..
بالضبط
يا اسماعيل انا كنت مجرد ما يذكر اسم جامعة الخرطوم بخاف.. برضو!! طوالي أتذكر الرياضيات ومسائل الجبرة ديك الفيها 30 سطر حتى تصل للنتيجة والأستنتاج..
بعدين في حاجة نحن لسه ما دخلنا الجامعات لكن نجي ناكل مع اقاربنا في الجامعة الأكل راقد والخير باسط.. طوالي تجر صينيتك وتقعد.. التكاسا بتاعين التاكسي يجو ياكلوا فيها.. الطباخ يديك كباية اللبن والملاح والعيش والذبيب وقطعة الباسطة ومرات برتكانة..زيك وزي أي طالب جامعي.. الناس المسؤولين يعرفوا ديل تكاسا ما طلبة جامعة لكن لايسألوهم.. رئيس الطباخين يقول ليك( ما ديل قروش الشعب.. ودي جامعة الشعب.. خليهم ياكلوا الخير باسط...) أنا شخصياً يمكن اكلت في جامعة الخرطوم أكثر من أربعين مرة..
..........
| |
|
|
|
|
|
|
|
|
|
Re: أيحصل هذا في جامعة الخرطوم؟؟!! أكاد لا اصدق عقلي (Re: منصوري)
|
اخ/ منصوري .. سلامي
تدهور التعليم بدأ من المراحل القبل الجامعية ( الاساس والثانوي) ..
حينما تحول التعليم الي تجارة واستثمار بتشجيع الحكومة..
في اجازتي الاخيرة الي الخرطوم ..فوجئت بوجود مدرسة ابتدائية
او مرحلة اساس في المربع الذي امام منزلنا في بيت شخص اعرفه
(وهو عبارة عن حوش به غرفتين خلف خلاف مع برندتين).. عندما
سألت مندهشا عن الحاصل؟ اجابوني بكل بساطة المدارس الخاصة اصبحت منتشرة
في الحي مثل البقالات..دون شروط او مواصفات ، الشرط المهم ان يدفع صاحبها
المستثمر الرسوم المطلوبة للحكومة..كارثة تعليمية.
..اما وجود طلاب (اطفال يافعين مع اخرين وصلو مرحلة البلوغ) يجمعهم
سور مدرسة واحد فهذه كارثة اخلاقية اخرى ..يجب وقفها..
اصبحت القصة .. لا تربية ولا تعليم ..
| |
|
|
|
|
|
|
| |
منصوري
الطيب شيقوق
احمد محمد بشير
Walid Safwat
Mohammed Awad
على تاج الدين على
عمار عبدالله عبدالرحمن
محمد مكى محمد
هويدا شرف الدين
عبد الحي علي موسى
الصادق صديق سلمان
صديق عيسى صالح
زياد جعفر عبدالله
سليمان عبدالرسول
الصادق سلفاب
Sidig Rahama Elnour
Omayma Alfargony
إسماعيل حسن
حسن محمود
خالد العبيد
فيس بوك
تويتر
انستقرام
يوتيوب
بنتيريست