|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
مؤشرات كثيرة تشــير الى بوادر ازمة مادية كبيرة .. يمر بها الفريق العريق
- مستحقات لاعبين - مستحقات فنيين - ديون اضطر معها الاتحاد ان يحجب دخل الهلال من مبارياته - تسجيلات ضعيفة - مساهمة كابتن الفريق في حل مشاكل بعض اللاعبين المادية ببيع عربته الخاصة ( يتهامس بذلك العامة) - تجاهل ( يوسف محمد) الذي حضر بنفسه لاكمال انتقاله للهلال
واشياء اخرى كثيرة
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
يا وليد والمريخ زاتو لو مشى منو جمال الوالي بحصل الهلال في الفلس
وأندية هلال مريخ ياهو اعتمادا على رجال الأعمال والمحسنين .. يعني ما في حاجة مؤسسة يصرف منها على النادي
وبعدين غير كده انتو زاتو بتحس انو الصرف طائل ... لكنه للأسف صرف بدون مقابل .. يعني بدون نتائج على الأرض
وبدون حتى تطور ملموس في مستوى أداء فريقي الهلال والمريخ " غض النظر عن النتائج"
يعني الكورة البلعبا المريخ الآن .. لا تشبه أو لا تحكي لا من قريب ولا من بعيد واقع الصرف الطائل البتكلموا عن الناس
الصرف زاتو صرف غير مؤسس وما في محلو ..
والله بالجد أنا ما ممكن أجيب لي لاعب زي "وارغو" بملايين الدولارات عشان ألعبو مع واحد كُهنة أكل عليه الدهر وشرب زي فيصل العجب
أو واحد زي موسى الزومة أو بدر الدين قلق خلاص وصلوا حدودهم القصوى وما عادوا قابلين للتطور حتى لو جبتا ليهم تيلي سانتانا
كورتنا والله لا في المريخ ولا في الهلال ما بتستحق إنو يتصرف عليها مليم واحد ..
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
اخونا و ليد
لك التحايا
هو الهلال لسع فى طريقه و الله برضو دى خطوة كويسة يعنى ممكن يحصلوهو
لكن فى الشايفها دى هو وصل نقطة التصفية و المشكلة انه رئيسه ما ممكن يجيب خبر لانه هو نفسه ماهو عارف الحكاية دى
و يكون متظر ليه فرج يجيه زى ما منتظر الفرج لى بيطار و شريكاتها
الله يكون فى عونها و يصلح الحال بعد ها الحالة
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: فتحي الصديق)
|
فعلا يا فتحي الصديق
قوة الشــخصية ليست في الدكتاتورية .. قوة الشــخصية في حســن الادارة .. في انك تعرف كيف تدير مؤسـسـة وتدير الافراد الذين يعملون معك .. لتخرج من كل واحد فيهم افضل ما عنده ..
الطيب عبد الله زعيم الهلال ... لم يكن صـاحب مال كثير كالذي يمكله صـلاح ادريس الان لكنه كان اداري ناجح .. يعرف اين ومتى وكيف يتدخل .. يعرف ما هي القرارات التي تحتاج الى مشــورة .. وتلك التي تحتاج الى قرار ســريع حازم وقاطع
لا يدتدخل في الصغائر ابدا فهو الرئيس
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: محمد عبد الماجد الصايم)
|
ياوليد ياشفت عندي إحساس إنه الأرباب تعمد إيصال الهلال لهذه المرحلة من باب جوع ...... يتبعك مع الإعتذار لإيراد هذا المثل بعدين حكاية إنه كابتن الفريق يبيع عربيتو عشان يدفع لزملاءه هذه قمة الحبكة الدرامية التي لم تتطرق لها سيناريوهات أسامة أنور عكاشة. ذاتها يعني عاوزين يدو هيثم ده تاني سنتين تلاته عجاف لكن الهادي ختاها عدييييييييييييييل ل لما إتكيفت منو واللهQuote: والله بالجد أنا ما ممكن أجيب لي لاعب زي "وارغو" بملايين الدولارات عشان ألعبو مع واحد كُهنة أكل عليه الدهر وشرب زي فيصل العجب
أو واحد زي موسى الزومة أو بدر الدين قلق خلاص وصلوا حدودهم القصوى وما عادوا قابلين للتطور حتى لو جبتا ليهم تيلي سانتانا
|
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: ياسر يحى عبد الله)
|
Quote: - مساهمة كابتن الفريق في حل مشاكل بعض اللاعبين المادية ببيع عربته الخاصة ( يتهامس بذلك العامة) |
قابلته قبل فترة في دعوة عشاء ..... استغربت لمن شفت العربية السايقه ؟ سالت احد الاشخاص فذكر لي نفس حديثك اعلاه ياوليد ........ الغريبة هيثم خارج الميدان يختلف 180 درجة
عن هيثم داخل الميدان ....... مهذب لدرجة الحياء يتحدث همساً واكبرت فيه تواضعه الجم مع بعض الاطفال الذين طلبوا التقاط بعض الصور معه وصاحب بديهة حاضرة عندما قال له احد
الاطفال يا (كوتش) ...... رد عليه سريعاً مالك علينا لسه بدري قول يا (كابتن)
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: omer osman)
|
الشفت المريخ برضو بيعاني.
___ اسهل شيء في الدنيا ادارة الاستثمار الرياضي فكرة بسيطة تقوم علي تسويق العلامة التجارية واللعيبة فكرة ان تصبح هذه المؤسسات قطاع مساهمة وتدرج في سوق الاوراق المالية فكرة جيدة انجلترا اغلب أنديتها بملكوها رجال اعمال والاسثمار ناجح مع اكثر من عشرين نادي...نادي واحد وقع الموسم وعاقبوه بالهبوط الي الدرجة الثانية أسبانيا اعتقد برشلونة مؤسسة تساهمية وبالعكس هي بتتبرع من اموالها للفقراء...اعتقد انو ده ممكن يكون الاسلوب الانجع مساهمين و مجلس ادارة بحددوا أصحاب قدرات ادارية وفنية وتسويقية واسثمارية ..فنايل واعلام ساي يغنوا...لانو بيع الشعار في الاشارات اصلا ممنوع. ريـال مدريد قدر تسوق لتوشيبا ولا اتش بي ما بعرف اجهزة كمبيوتر مصممة بشعار مدريد.يعني الشركات البتبحث اعلان وتسويق للقواعد الجماهيرية الكبيرة
المشكلة في دي يا وليد وحتظل قائمة طول ما الاندية الرياضية الضخمة بتعتمد علي حلول فردية لرجال الاعمال ستظل المشكله هي المشكلة فاستثمار رياضي محفز للمساهمين هو الممكن يطور الكورة ويساهم في استقرار الاندية.شخصيا لو كنت بشجع واحد من الفرق دي كنت حطالب بكدة فالمؤسسية مطلوبة.
علي فكرة نادي الموردة قبل فترة شاهدت جزء من مباراة عجبني الفريق في شكل ترتيبه ولبسه..سألت قالوا لي ماسكه زول اداري محترف تقريبا بطور فيه..لكن اعتقد عنده مشكلة مالية برضو ..من الحاجات الغريبة في الهلال والمريح مسألة تصاميم شعاراتهم ودرجة الالوان البستعملوها
تحياتي
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: GamarBoBa)
|
قمر بوبة يا حبيبنا الفكرة لخصها امين قبيل وكت قال في مشكلة ادارة في السودان كله
Quote: المشكلة في دي يا وليد وحتظل قائمة طول ما الاندية الرياضية الضخمة بتعتمد علي حلول فردية لرجال الاعمال ستظل المشكله هي المشكلة فاستثمار رياضي محفز للمساهمين هو الممكن يطور الكورة ويساهم في استقرار الاندية.شخصيا لو كنت بشجع واحد من الفرق دي كنت حطالب بكدة فالمؤسسية مطلوبة. |
مين يسمعك مع انها ما كمية وحلها ده واضح وبسيط لكن ما عرفنا السبب في العمل ببيه هل عن قصد ولا بلاده ؟
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
عشان تامنو بس
Quote: وكشف يوسف خلال مؤتمره انه قام بزيارة صباح امس الي مكاتب الاتحاد العام لمقابلة سكرتير الاتحاد الاستاذ مجدي شمس الدين لكنه تفاجأ بوجوده بالقاهرة وحاول ملاقاة رئيس الاتحاد العام الدكتور كمال شداد ليشرح له ما حدث بينه وبين الهلال وبينهما عقد احتراف ملزم من اجل اخذ رايهم القانوني حول حالته الراهنة وفقا للقوانين والتشريعات الصادرة من الاتحاد الدولي. وعقب ذلك قام بكتابة تظلم رسمي بواسطة وكيله سلمه الي الاتحاد العام وتطرق يوسف محمد اثناء حديثه متاسفا علي ماحدث لمواطنه امولادي وقال ان ماحدث لامولادي يعتبر سيناريو قريب الشبه يحدث له وهو ابن من ابناء الهلال معتبرا ذلك سلوكا غير لائق ادارة الهلال فقيرة ولاتفهم قوانين الفيفا في مداخلة اثناء المؤتمر عزا وكيل اللاعب يوسف محمد مايكل كوكا ماحدث لموكله بانه شئ مؤسف وغريب لم يشاهده من قبل وان السيناريو بكامله يؤكد له ان ادارة الهلال يبدو انها فقيرة بالقوانين وانهم لايفهمون قوانين الفيفا يوسف: لاتلوموني في اي تصرف اقوم به طالب يوسف محمد جماهيرالهلال بعدم الحزن علي مالحق به وتمني لها كل التوفيق لفريقها العظيم وطالبها بعدم لومه علي اي تصرف قد يقدم عليه بعد مغادرته الي بلاده صباح اليوم مؤكدا بانه مازال يكن كل الاحترام لجماهيرالهلال التي تعتبر عزيزة علي نفسه ولكنه حزين لما حدث له. المحترفون لن يختاروا السودان واجهة للاحتراف اتفق يوسف هوت وموكله مايكل اثناء حديثهما في المؤتمر علي ان السودان يبقي ليس واجهة جيدة لكل المحترفين لممارسة رياضة كرة القدم في بداية الطريق الي اوربا علي حد تعبيرهما والدليل والبرهان الاهمال الذي وجدوه فرصة اخيرة للارباب اكد يوسف محمد بانه تحصل علي رقم الهاتف الخاص لرئيس نادي الهلال السيد صلاح ادريس في القاهرة عن طريق المهندس شاكر علي الطاهر وتحدث الي الارباب شخصيا وذكر له الارباب انه يعامله معاملة الاب لابنه وانه مشغول ويرتب لبعض المهام في القاهرة وسيقوم بالاتصال به بعد نصف ساعة من حديثه اليه لكن رئيس الهلال وبمرورايام لم يتصل به حتي هذه اللحظة واكد يوسف بانه سيغادر صباح اليوم عائدا الي نيجيريا ومنها الي لندن وينتظر مكالمة هاتفية من رئيس الهلال كفرصة اخيرة ان كان بالفعل هناك حرص من ناديه لاكمال المشوار الاحترافي مايكل : الوضع انقلب راسا علي عقب والتغيير كبير قال مايكل كوكا انه حضر للسودان مرات ومرات ولكن هذه المرة لاحظ تغيرا كبيرا في مفاهيم اداريي الكرة خاصة نادي الهلال ويبدو ان رئيس الهلال هو الناهي والآمر ولايستطيع احد ان يتحرك بدون اخذ التعليمات منه. الوكيل يطالب بمرتبات 6 شهور طالب وكيل اللاعب يوسف محمد بمرتبات 6 شهور من ادارة الهلال عبارة عن مستحقات موكله بعد تعاقده مع النادي السوداني في يناير الماضي. |
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
الى الاخوه المريخاب هذا ليس اوان الشماته .. ان الهلال يمر الان بمشكلة حقيقية .. مشكلة قد تعصف بهذا النادي العريق وتلقى به الى غياهب النسيان .. لابد وان يتحد رجال الهلال الان .. لا بد الاطاحة بصلاح ادريس اولا لابد ان يجمع جمهور الهلال مديونية النادي وان تساهم الدولة في سداد المتبقي
الهلال في معضلة حقيقية .. والناس لن تعي ذلك الا بهزائم كهذه ..
الان فقط سيلتفت الناس الى مشكلة الهلال
| |
|
|
|
|
|
|
Re: الهلال في اتجاه التصفية .. فيها تحصلوه او ما تحصلوه (Re: وليد محمد المبارك)
|
مصيبة جديده
خبر صغير في صحيفة الصدى يقول ان وكيل اللاعب امبيلي سيشتكي الهلال للفيفيا لتاخره عن سداد مستحقات اللاعب منذ يناير
Quote: قال فخري يعيش وكيل اللاعبين التونسي إنه بصدد تقديم شكوى للفيفا بصفته وكيلاً للكنغولي إمبيلي مهاجم الهلال، وأشار الوكيل الى أن الهلال لم يلتزم بدفع مرتبات إمبيلي وقال: لديه متأخرات، اللاعب لم يتسلم مرتبه منذ يناير الماضي ومع ذلك ظلم ملتزماً بواجباته واستمر مع الفريق، ونوه الى أن الفيفا يتشدد في هذه المسائل، وأن الهلال سيتعرض لعقوبات ما لم يلتزم بدفع مستحقات اللاعب. |
المصدر : صحيفة الصدى
| |
|
|
|
|
|
|
|