إلى أعز عزيزة في دنياي ..

Quote: يا عمك انا والله كايس لي ايميل اي زول في المنبر دا لي يومين وكت لقيت ايميلك دا قلت يا ما انت كريم يا رب المهم في الامر زولكم دا والله ضرسنا بي عبارتو العجيبة دي في فناء القطية توسد عماد ساعديه ناظراً للنجوم وقد ألتمعت عيناه بتصميم بينما كان معتصم ابن عمه ثائراً منتفضاً .. عليك دينك يا ود الصايم أسال لي الزول دا من المعايير بتاعت النجوم الجوة القطية دي ولا خليهو يعرف ليك القطية ذاتا هي شنو يمكن في أنواع من القطاطي ونحنا ما عارفين عارفك ما بتاع مشاكل لكن عليك دينك وريني حركة سمحة كدا وديني تجي السودان بعزمك شية في قندهار وشيشة في الكرين وشامبيون وبزيانوس في رشوة احسن من كدا عليك الله

Quote: ياخوي (زولك) ده قول ليهو عين السخط تبدي لك المساوئ .. يعني هسع يا عمك الزول ده لو ركز شويييييييية كدي ما كان شاف كلمة فناء دي .. ولو ما عارف إنو فناء = حوش يبقى عليهو العوض ومنو العوض .. عشان الزول مفروض يكون أقلاها ملم باللغة عشان ينتقد .. وقول ليهو القطية سكنا فيها وقدينا (صريفها) ..

Quote: يا ود الصايم معليش نشغلها ليك شوية بس أعفي لينا والدعوة قائمة ونأسف كتير للإزعاج والله الفناء مبنى ما فيهو سقف يعني عينك للسماء لمن نقول فناء البيت يعني حوش البيت لكن القطية فيها سقف من قش ماخد شكل هرمي وفي عاميتنا السودانية بنقول فلان قاعد في الحوش لكن ما بنقول فلان قاعد في حوش القطية لان القطية ما عندها حوش الحوش حوش البيت واهدي المعايير ياخوانا ويكبيديا ملحوظة صغيرونة القصة أعجبتني جدا فأمعنت فيها حتي فطتنت لهذا وكاتبها الاستاذ زهير اكثر من رائع لكن هي مداخلة ودية ساكت والله لكن يا استاذ زهير استوستختني شديد والله برضو بقول ليك القصة جميلة جدا تسلم يا استاذ زهير