|
سلام ياناس المنبر ..... فيكم زول بعرفنى.....؟؟؟؟؟؟؟؟؟
|
انا بقيت ما بعرف زول,,,,,كل مواضيع الواجهة لاعضاء جدد وين الناس القدامى,,,اذا مشيتو مكان تانى ورونى اقتراح للقدامى نقدم استقالة جماعية مافى داعى نحجز مكان ,,غيرنا فى حوجةاليه
ولا شنو...؟؟؟؟؟؟؟؟؟
|
|
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: Mohamed E. Seliaman)
|
Quote: السلام عليكم ورحمة الله أنا بعرفك تماما قبل ثلاث سنوات قلت لي بجيكم في الشرقية وما جيتنا في البيت متذكر ؟ |
محمد اى سليمان
بالله انت قاعد لا هسى,,,يازول الشرق بقى شرقين والغرب تقطع اربعة الجنوب قالو منفصل ابها فيها الفصول الاربعة
صحى والله بعرفك,,, قبل 3 سنوات وعشمنا فيك لا انقطع لا فات بس وين اخوان البنات ودكين عشا البايتات
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: lana mahdi)
|
Quote: يازول دة شنو الانهزام دة؟؟ لنا + 7 سنين مرابطة هنا(:(: أبوقوتة قنبلة الود الموقوتة بعد الدوام...إنا ههنا قاعدون(: |
الحبيبة لنا من ,,,,هاهنا ابصرت بعيدا شعاعا سنا,, بلد تكاثرت فيه محنا,,, نخرت مهاد لمرقدنا,,, من اجل مصالح دنا وخلافات لا تعرفنا,,, حكام لهم طرق مستهجنا تفرقات ,انهيار,انفصال اضحى دنا,,, اكل مال,فقد فال,ركوب عار دعاة الفنى,,, ضاع الوطنا ضاعا الوطنا الامل لنا الامل لنا يابنت الهنا
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: doma)
|
هو في حيا ما بعرف ابوقوتة زي ماقالت عمتي الله يرحمها عندما حاول يدقسا سيد الجداد وياخد منها ديكها بابخس سعر قاليها كان ما عاجباك سعري دي وديهو ابقوتة .. بتعرفي ابقوتة يا حاجة ؟ فردت عليه عمتي بت البوشني الله يرحمها وهو في حيا في الدنيا دي مابعرف ابوقوتة ؟ . . الشدر الكبار فيهو الصمغ ... بكري ما لاقاك ؟
تحياتي يا كلس
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: المر)
|
يامرتضى
دكتور سجيمان قالوا بقى وزير حيوانات ,,,,صحى الكلام دا
كسرة
بالله شفت علاء الدين بتاع بونا ,,مش كان صاحبنا وبياكل معنا فى البيجيه بقى مدير اعلام مكتب نافع,,بتصدق الكلام دا,,تذكر لما كان بتعين بينا فى كتابة عموده اليومى بتاع جريدة الجامعة وكمان عندو 15 مليون دولار,,, شفت الدنيا كيف
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: محمد عبد الماجد الصايم)
|
إنت مش أب قوته قنبلة الود الموقوته البتشجع الهلال وخريج الهند ومغترب في السعودية وليك حولين كاملين من السودان "يعني زكاة دبل يا عمك إذا بلغت النصاب". أب قوته عليك الله ناس عمر بخيت وهيثم مصطفلي والمعز وأمبده ومدثر كاريكا ديل دايرين بيهم شنو ديل ما ياهم زااااااااااااااتم البقولو عليهم مواسير وفريقكم دا بعد شويه بيكون داير سباك بدل مدرب أب قوته القده عطشانه. وأوعك تاني مرة تقعد تبكي على الزمن الفات نحن أولاد اليوم وهنا بهدي ليك أغنية بصوت ترباس بتقول "جاي تفتش الماضي" إنت قايل نفسك موظف جمارك غير التفتيش ما عندك شغله ، أها أنقول ليك قوله كان بتقدر على الخطط الجديدة الفي المنتدى حبابك وخوض مع الخائضين وكان كمان غلبتك وداير يوم أمس يرجع تاني أقول لك ألبد مع اللابدين ومر دون تعليق. ناس زي بدر الدين شنا وود قاسم ود. أبكر آدم إسماعيل وأهل العوض وشيري وبت قوقو ود. زولا وأخرين ليهم وحشه تحياتي
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: محمد عبد الماجد الصايم)
|
Quote: كرّهتونا الزمن الجميل زاتو!! قوم لف ياخ! |
قالو ايام زمان جوز البوست تلاتة فرد زمن دكين واساسى السمين من الجكس شيرى وهوزى ومن الكبار عمو حمزة وودقاسم وكان فى واحد اسمه هوب ليس قلباسمه لى هوب فل كان ساكن مكة التنعيم,,اخيرا قلب مسيحى وسافر جنيف,,, كانت فى واحدة اسمها رودا مردا,,,زى ود ادم اسى ديييييييك قالت الله مافى عديييييل شفا الحرية كييييييف,,
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: وليد الطيب قسم السيد)
|
أبوقوتة تحايا وأشواق أنا موجود لكني أيضا مثلك لا أحد يعرفني ، وكمان المدعو أساسي ينكرني .. تلك كانت أيام حلوة حيث كانت سودانيزأونلاين واحة فكر وعلم وأدب ، وكانت مصدرا للخبر .. أتذكرك كثيرا وأنا اتردد على مزرعتي في سوبا غرب حيث يتواجد الكثير من الأبقوتاب هناك يفلحون الأرض ويربّون الماشية ويشيعون في المنطقة الأمان بحركتهم الدائمة ، وينادونني بابن العم . فضل ما سيأتي به هذا البوست هو : لمّة القدامى وربما يتعاهدون على معاودة النشاط الفكري والأدبي والعلمي والصحفي لاستعادة ما مضى من أمر المنبر وبعيون عصرية ..
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: معتصم دفع الله)
|
Quote: أها إنت زاتك بقينا ولا بنشوفك بي هناك .. |
معتصم
ياحليل العذوبية
زمان كل اسبوع بشوف تمبس عند الحلاق الدولى,,,اسى بقى شهر ما يمر بقى الهندام ما ضرورى ,, اكل عيش اكل عيش
قول ليه انو بنجى مع العفش
والله الشوق بحر,,,
اما عن الهلال ,,قالو امس كان لاعب والله ما شفتو مع انو فى البيت وما عندى موضوع شاغلنى ه
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: وليد الطيب قسم السيد)
|
طبعا بنعرفك ...صاحب الكلمة الحلوة اللطيفة والشعر والسجع الجميل ياخي والله أنا افتقدت ناس كتيرين خلاص مثلا وين مانج؟ manj وين eyes of liberty غايتو الأخير ده مرات كنت بجي بلقى شكلات عجاجتها قايمة وما بعرف إذا ده هو ولا اسم على اسم برضو كان في واحد اسمه تراث وواحد اسمه الصاوي ديل شاكلوني وكرهوني في البورد لكن برضو مهمين أهمية كل الناس البحترموا كلمتهم وكلمة غيرهم نتمنى نشوف المنتدى قادر على استيعاب القدامي والجدد والأجد من الجدد.. بس لو بكري يسمع النصيحة ويبوب المنبر :( تحياتي
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: nile1)
|
Quote: علم من أعلام المنبر ومحارب قديم وتسأل...؟؟؟عموما لم يعد أحد يعرف البورداب موديل 2000 و2002 ...لم يعد أحد يعرفنا يا صديقي خاصة وأننا أطلنا الغياب من المنبر....مرحبا بك |
مهندس نايل
اخبارك,,وانت مئذان غادرت الرياض فقد طال غيابك عن البورد ياصدقنى كن بخير وهذه دعوة للعودة لوطن الشتات التحيات للعيال
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: حبيب نورة)
|
الأخ أبو قوته
أنا عدت للسودان في أغسطس 2008 لقينا حكاية الغربه جاره فقلنا أحسن ننط الصفحات ونقلب آخر صفحه في سفر الغربه..وقد كان أتمني أن أراكم جميعا متي ما تواجدتم بالخرطوم..أنت وود قاسم والشايقي وتمبس وود العمده وود شاموق وصلاح درار وأبو جهينة ..وجميع قدامي البورداب الذين لم تحضرني أسماءهم رقم هاتفي للجميع 0922272633و 0912315538 تحياتي وودي
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: حسن الطيب يس)
|
أها يا أب قوته أمة لا إله إلا الله دي كلها طلعت بتعرفك تقول لي شنو وتقولي منو؟ وطبعاً نسيت أن أضيف إلى سيرتك الذاتية أنك شاعر بس إنتاجك بمشي وين ما عارف يعني فنان ساكت في زمن الفن البلوشي دا ما غني ليهو أغنية قال دي من كلمات الأستاذ أب قوته وأخشي ما أخشاه أن يكون شعارك زي الإنقاذ نأكل مما نزرع ، وفي حتة الزراعة دي قرررربت تبقي علينا حكاية الجداده (الدجاجة) الصغيرة الحمراء. إتذكرت ليك شاب دارفوري أصيل وزول كتاباته في هذا المنتدى جميله وصادقه إسمه حامد حجر برضو ده من قدامي المحاربين المختفيين وهناك كمان أب حراز الرائع وسودانية 2000 الغريبة نحن في ألفين وعشرة.
| |
|
|
|
|
|
|
Re: سلام ياناس المنبر ..... فيكم زول بعرفنى.....؟؟؟؟؟؟؟؟؟ (Re: حسن الطيب يس)
|
Quote: إسمه محمد سلمان أبو قوتة ذهبت معه الي أهلة في سنجة هو صديق حميم كم إشتقت له حسن الطيب |
حسن الطيب الرجل الحبيب
ابقوتة بتاع سنجة دا زى ابقوتة بتاع القضارف
كنت طالب فى الهند وساكن مع اولاد القضارف,,,عندنادكتور مبعوث جاء زائرهم فى البيت لقانى واكرمتو,,,لما قابلهم قال ليهم ولد القضارف الاسمو ابقوتة دا مهذب خالص الاخيرة دى زمان
تحياتى
| |
|
|
|
|
|
|
|