سرحان .. العتامنة .. طابت .. الحصاحيصا .. مدني وبالعكس

Quote: سرحان .. العتامنة .. طابت .. الحصاحيصا .. مدني وبالعكس

Quote: وكمان ذكرتنا أهلنا الطيبين ........... أحفاد الشيخ تاي الله و ناس المرحوم محمد نور ودالعربي و أحفادهـ

Quote: لما بصكم يصل الحصاحيصا أدونا طلة عليكم الله

Quote: الحصاحيصا هذه المدينة الطاغية الأنوثة دائماً ماتترك مساحة كبيرة في قلبها لكل ضيوفها تسكن فيهم وتسكن اليهم تأويهم في كل المواسم تجعلك ياسيدي تتسكع في أزقة شرايينها وتتكيء إن أردت على زوايا أوردتها تحفظك في مكان عميق من الروح هذا المكان بالطبع لايمكن أن يطويه النسيان وتربت على كتفك في كل لحظات الألم والحزن وأجزم أنك إن غادرتها فلن تنساها ستستفها بين ملابس وأغراضك الشخصية إنها مدينة غير كل المدن وإمرأة غير كل النساء ويكفي أنها لا تتثاءب !!!!! ستفتح لك أبوابها وتحتضنك بذراعيها وتمسح عن جبينك كل حبات العرق والتعب وتزيل عنك غبار السنين ليطل تاريخ الحلاويين جلياً يطل بكل هيبته وكل عنفوانه وسطوته وكل جذوره وارثه العريق والتليد افتح ابوابك ياسيدي لأهلها وافتح قلبك اجعله مكتباً وبغرفه الأربعة لتستقبل كل زائريك تفقد اهلها البسطاء والمعدمين خطط لتغير حياتهم وتمنحهم أملاً مشرقاً في الحياة لاتعتمد كثيراً على المحيطين بك رغم احترامنا لهم بل اذهب بنفسك لتتفقد خدماتها ادخل خلسة الى مدارسها ومساجدها تعال الى مستشفياتها على هيئة مريض سلم على أمهاتك في الطرق والشوارع اجلس معهن اسألهن عن قوتهن وعن أطفالهن ابتسم مع كل النساء المضحيات في الأسواق ادخل لكل هؤلاء على حين غفلة منهم لتعرف الحقيقة بنفسك دون أن ينقلها لك مدير أو غفير أو أن تضللك أقلاما ما في يوم ما وبعد أن تنتهي من كل ذلك ضع خططك المستقبلية خطط مدروسة بلا نظريات هندسية معقدة فأنت محظوظ والله محظوظ لأن القدر قد ساقك الى مدينة سرقها أهلها من الجنة !!! مدينة تحتاج الى القليل من المكياج لأنها جميلة دون فير آند لفلي ودون مساج أو تقشير !!!! فهي لوحة مثل لوحات دافنشي وفان جوخ لكنها تحتاج الى القليل من تناسق المساحات والألوان فتعال اليها بفكرك الثاقب وريشتك وفرشاتك الطبيعية صوب فرشاتك نحو قوس قزح ومن ثم ابدأ بالرسم لا اعرفك ولاتعرفني ولكن انا وانت نعرف هذه المدينة وشموخها وعزتها سيتكاتف معك اهلها طالما أك تريد أن تحملها في قلبك طالما أنك ستضخ فيها شيئاً من أنفاس خبرتك وحتماً يملؤهم الأمل في ان تغير هذه المدينة أن تغير فصيلة دمها وجيناتها الوراثية خذ ياسيدي قليلاً من خلاياها الجذعية لتزرعها في موطن الخلل حتى لاتذهب هذه المدينة الى العناية المكثفة وفقك الله في مهمتك وأعانك عليها

Quote: حبابهم ناس العتامنه وطابت وسرحان والحصاحيصا ..ومن لم يطرب لصديق سرحان فقد فاته من الطرب الكثير ..ومن لم يعرض على صوت الامين عبدالغفار ففاتته منه الحماسه الكتير ..ومن لم يعشق على صوت الخالدى واحمد الطيب وعماد احمد الطيب وعمار السنوسى فقد فاته الكثير ...ومن لم يحضر زمن مصطفى فال(الرماده فى خشمو) ... متابعين ...

Quote: بالله انت من العتامنةالناس الطيبين عماتي امهم من العتامن رحمها الله بتول بت محمد الامين

Quote: بص سرحان في طابت مظبوط على نشرة ستة و نص صباحآ

Quote: حاولت اتذكر خط سير البص بين العتامنة وام بوشة ومعيجنة مصطفي ماقدرت سائق البص صاحب البوري الجميل من معيجنة مصطفي اسمو ود خير واجد كان بضرب بت الحاج حليمة كبي الجاز حليمة والبوري هذا يا سبحان الله من الكبري بالله انت من العتامنةالناس الطيبين عماتي امهم من العتامن رحمها الله بتول بت محمد الامين ولي عودة

Quote: وبص سرحان بمشي بي مساع وبيكه والبكاسي بتجي بي هناك الخلاه يجي بالحصاحيصا شنو

فعلا كلامك صاح
في زمن ما فعلا كان بمشي بمساعد وبيكة وللضمن كدي عمنا عبدالباقي الله يرحمو واسمو بيكة كان بسافر بيهو وبجي بيهو
لكن اظنها فترة اخرى غير التي بصددها الان
ولا حب جارف للحصاحيصا ساي ما عارف ؟
وبرضو في فترة من الزمان كانن باظين يا اخوي
كدي خليني امشي الحصاحيصا واواصل بهناك واشوف ليك الباظ التاني
شكرا عباس للفتة الممتازة

Quote: باظكم دا ذكرنى سائق كان يعمل فى حلتنا ابوفروع وناس ابوفروع ناس بصات السواق دا كان لمن ازعلوة عندو قولة مشهورة( اكان مشيت سقت بص سرحان حق النفيدية البقددو عينيامابسوق ليكم تانى ) كل كلام عمنا( ودهبت )دا كناولازلنا مافاهمنو لكن دائم الترديد ليهو لمن ازعل

Quote: لو قلت "البص" ولم تقل "الباظ" لنبهتك إليها بل "شاكَْلتَك"

Quote: ود البوش سلام ومحبة بظكم دا استوقفني في محطتين حبيبتين : طابت الشيخ عبدالمحمود والتي كنت آتيها على بوكسينا موديل 78 والذي كنت أقوده وأنا عمري 16 سنة يوم الأحد ...يوم السوق ..وألف ليك البرندات والمطاعم والمغالق وأمشي بهناك أمسح وبعد ما أمسح أمشي أتبرك في القبة ..ألقى العرب انتهى سوقهم والعربية تقنت ....وأسعد بوصول ضيفة عزيزة تنضم لمجموعات سابقة في زريبتنا ....هوي يا عبدالرحمن النعجة دي بتاكل قدر البقرة ،،،ألحق بيها سوق الاربع ..أو سوق العزازي يوم التلات ...وكان ما جابت سعرا ..أضبحا..أم جريس وأم بوشات وبحر العلوم والفوار وود البصير وكنبو عجان وأم سنة وخيار وبي كندوة على الولي وابسير ومناقزة وشرفت وطيبة الشيخ القرشي وبي كوبري قرشي ...تبدو علامات المدنية من القبب الاسمنتية المستديرة والمحالج وريحة الجمكسين والقطارات والروائح الآتية من ربع الخراب وحلة فور تثير أشجان المسطحين في ضهر الباظ ..بي ضرا ..عينيهم محمرا وضربوا المشاوي والفول ..قرط على كدا ههههههه تحياتي

Quote: بظكم دا استوقفني في محطتين حبيبتين : طابت الشيخ عبدالمحمود والتي كنت آتيها على بوكسينا موديل 78 والذي كنت أقوده وأنا عمري 16 سنة يوم الأحد ...يوم السوق ..وألف ليك البرندات والمطاعم والمغالق وأمشي بهناك أمسح وبعد ما أمسح أمشي أتبرك في القبة ..ألقى العرب انتهى سوقهم والعربية تقنت ....وأسعد بوصول ضيفة عزيزة تنضم لمجموعات سابقة في زريبتنا ....هوي يا عبدالرحمن النعجة دي بتاكل قدر البقرة ،،،ألحق بيها سوق الاربع ..أو سوق العزازي يوم التلات ...وكان ما جابت سعرا ..أضبحا..أم جريس وأم بوشات وبحر العلوم والفوار وود البصير وكنبو عجان وأم سنة وخيار وبي كندوة على الولي وابسير ومناقزة وشرفت وطيبة الشيخ القرشي وبي كوبري قرشي ...تبدو علامات المدنية من القبب الاسمنتية المستديرة والمحالج وريحة الجمكسين والقطارات والروائح الآتية من ربع الخراب وحلة فور تثير أشجان المسطحين في ضهر الباظ ..بي ضرا ..عينيهم محمرا وضربوا المشاوي والفول ..قرط على كدا ههههههه