|
|
 الوجود الاسرائيلي في جنوب السودان
|
بقلم الطيب مصطفى
أوردت من قبل في اشارة عابرة الخبر الذي يشير اليه الاعلان الذي ننشره أعلى هذا المقال مع حذف العنوان حتى لا نوفر اعلاناً مجانياً للشركة اليهودية التي افتتحت لها فرعاً في جوبا
الشركة اليهودية الاسرائيلية تسمى -كما يتضح من الاعلان- "شركة شالوم انتربرايزس المحدودة" ويوجد مقرها الرئيسي في العاصمة اليوغندية كمبالا لكنها فتحت فرعاً في جوبا عاصمة جنوب السودان رغم أنف جهاز الأمن الوطني ووزارة الخارجية للسودان جميعه خاصة وأن وزير الخارجية تابع للحركة الشعبية وهناك عدد كبير من السفراء التابعين للحركة في عدد من دول العالم ممثلين لحكومة السودان التي تشارك فيها الحركة بالحصة الاكبر بعد المؤتمر الوطني كما أن الحركة تحكم الجنوب بالكامل!
هل بربكم من "لعب عيال" أكبر من ذلك؟!
اعلان شركة شالوم وهي كلمة عبرية تعني بالعربية "السلام" ، هذا الاعلان لم ينشر في صحيفة يوغندية انما في صحيفة سودانية جنوبية وعلى رؤس الاشهاد ولم يتحرك مجلس الصحافة الذي لا اظن ان له سلطاناً على الصحافة الجنوبية كما لم تتحرك وزارة الخارجية ممثلة في الوزيرين علي كرتي والوسيلة السماني وليس دينق الور الذي يحرص على العلاقة مع اسرائيل اكثر من حرصه على علاقة الجنوب بالشمال ، أما صحافتنا السياسية الغارقة بما هو أهم - وهل يوجد أهم من حمل هيفاء وهبي وزواج اليسا؟ أقول أما صحافتنا فانها ليست معنية بهذه الأمور التي لا قيمة لها!
أما الحزب الحاكم "على نفسه فقط" وليس على الحكومة التي يعمل بعضها عدواً لها فاني لا املك الا أن اقرأ عليه وأخاطبه ببيت الشعر:"لقد اسمعت لو ناديت حياً ولكن لا حياة لمن تنادي"
نسيت أن اسأل وزارة الخارجية: ماذا تُراها تفعل مع مكاتب الحركة في الخارج والتي تباشر دور السفارات في وجود سفارات للسودان وتمنح تأشيرات دخول لجنوب السودان وبالتالي فان من يدخل جنوب السودان يستطيع أن يدخل شمال السودان ذلك أنه لا توجد نقاط تفتيش كما لا توجد تاشيرة بين الشمال والجنوب تحد من تدفق بين اسرائيل على الخرطوم التي لا اشك البتة أن اليهود يجوسون خلالها هذا بالطبع اذا غضضنا الطرف عن القوات الاممية التي يتسلل من خلالها كل شياطين الانس والجن!
السؤال الأهم الان هو : ماذا سيحدث اذا تمخض عن الاستفتاء وحدة بين الشمال والجنوب وهل سيستمر الحال على ما هو عليه أم أن مكاتب الحركة في الخارج ستغلق وبالتالي يقتصر منح التأشيرة على سفارات السودان بالخارج؟!
بالطبع لن يتأثر الجنوب بالاستفتاء بعد أن حكمته الحركة بالفعل من خلالا الانتخابات الاخيرة وبالتالي فان السؤال الأهم هو/ أيهما بربك أخطر على السودان الشمالي..وحدة تتيح وجود اسرائيل داخل الخرطوم والتي ستتسلل من الجنوب أم انفصال يجعل دخول بين اسرائيل متعذراً حين تقام الاسلاك الشائكة المكهربة بين الشمال والجنوب عند حدوث الانفصال؟!
السؤال موجه لمن "قدو رأسنا" عن الوجود الاسرائيلي في جنوب السودان عن الانفصال وهم لا يدرون أو يتجاهلون أن اسرائيل موجودة الان في جنوب السودان في الخرطوم من خلال حرية التنقل بين الشمال والجنوب!
أما أخبار شركة "شالوم" اليوغندية فقد استطاعت العام الماضي تهويد 1100 شخص وتدرس المجموعة المهوّدة الآن العبرية والديانة اليهودية ويتم ذلك بتنسيق مع السفارة الاسرائيلية في كمبالا! فماذا يفعل فرع الشركة في جوبا اليوم وماذا تراه سيفعل عند قيام الوحدة؟
السؤال ليس موجهاً الى الحكومة السودانية فحسب وانما الى الحكومة المصرية التي تعلم من هو عدوها الاستراتيجي الذي يكيد لها آناء الليل وأطراف النهار وهي في غمرة ساهية لاهية غارقة في بحور الأوهام ثم قبل ذلك الى مسلمي السودان جميعاً من الذين لم يخرجوا رؤوسهم حتى الان من رمال الغفلة
|
|
 
|
|
|
|
|
|
|
|
Re: الوجود الاسرائيلي في جنوب السودان (Re: محمد فرح)
|
فتأمل
Quote: أوردت من قبل في اشارة عابرة الخبر الذي يشير اليه الاعلان الذي ننشره أعلى هذا المقال مع حذف العنوان حتى لا نوفر اعلاناً مجانياً للشركة اليهودية التي افتتحت لها فرعاً في جوبا
الشركة اليهودية الاسرائيلية تسمى -كما يتضح من الاعلان- "شركة شالوم انتربرايزس المحدودة" ويوجد مقرها الرئيسي في العاصمة اليوغندية كمبالا لكنها فتحت فرعاً في جوبا عاصمة جنوب السودان رغم أنف جهاز الأمن الوطني ووزارة الخارجية للسودان جميعه خاصة وأن وزير الخارجية تابع للحركة الشعبية وهناك عدد كبير من السفراء التابعين للحركة في عدد من دول العالم ممثلين لحكومة السودان التي تشارك فيها الحركة بالحصة الاكبر بعد المؤتمر الوطني كما أن الحركة تحكم الجنوب بالكامل!
هل بربكم من "لعب عيال" أكبر من ذلك؟!
اعلان شركة شالوم وهي كلمة عبرية تعني بالعربية "السلام" ، هذا الاعلان لم ينشر في صحيفة يوغندية انما في صحيفة سودانية جنوبية وعلى رؤس الاشهاد ولم يتحرك مجلس الصحافة الذي لا اظن ان له سلطاناً على الصحافة الجنوبية كما لم تتحرك وزارة الخارجية ممثلة في الوزيرين علي كرتي والوسيلة السماني وليس دينق الور الذي يحرص على العلاقة مع اسرائيل اكثر من حرصه على علاقة الجنوب بالشمال ، أما صحافتنا السياسية الغارقة بما هو أهم - وهل يوجد أهم من حمل هيفاء وهبي وزواج اليسا؟ أقول أما صحافتنا فانها ليست معنية بهذه الأمور التي لا قيمة لها!
أما الحزب الحاكم "على نفسه فقط" وليس على الحكومة التي يعمل بعضها عدواً لها فاني لا املك الا أن اقرأ عليه وأخاطبه ببيت الشعر:"لقد اسمعت لو ناديت حياً ولكن لا حياة لمن تنادي"
نسيت أن اسأل وزارة الخارجية: ماذا تُراها تفعل مع مكاتب الحركة في الخارج والتي تباشر دور السفارات في وجود سفارات للسودان وتمنح تأشيرات دخول لجنوب السودان وبالتالي فان من يدخل جنوب السودان يستطيع أن يدخل شمال السودان ذلك أنه لا توجد نقاط تفتيش كما لا توجد تاشيرة بين الشمال والجنوب تحد من تدفق بين اسرائيل على الخرطوم التي لا اشك البتة أن اليهود يجوسون خلالها هذا بالطبع اذا غضضنا الطرف عن القوات الاممية التي يتسلل من خلالها كل شياطين الانس والجن!
السؤال الأهم الان هو : ماذا سيحدث اذا تمخض عن الاستفتاء وحدة بين الشمال والجنوب وهل سيستمر الحال على ما هو عليه أم أن مكاتب الحركة في الخارج ستغلق وبالتالي يقتصر منح التأشيرة على سفارات السودان بالخارج؟!
بالطبع لن يتأثر الجنوب بالاستفتاء بعد أن حكمته الحركة بالفعل من خلالا الانتخابات الاخيرة وبالتالي فان السؤال الأهم هو/ أيهما بربك أخطر على السودان الشمالي..وحدة تتيح وجود اسرائيل داخل الخرطوم والتي ستتسلل من الجنوب أم انفصال يجعل دخول بين اسرائيل متعذراً حين تقام الاسلاك الشائكة المكهربة بين الشمال والجنوب عند حدوث الانفصال؟!
السؤال موجه لمن "قدو رأسنا" عن الوجود الاسرائيلي في جنوب السودان عن الانفصال وهم لا يدرون أو يتجاهلون أن اسرائيل موجودة الان في جنوب السودان في الخرطوم من خلال حرية التنقل بين الشمال والجنوب!
أما أخبار شركة "شالوم" اليوغندية فقد استطاعت العام الماضي تهويد 1100 شخص وتدرس المجموعة المهوّدة الآن العبرية والديانة اليهودية ويتم ذلك بتنسيق مع السفارة الاسرائيلية في كمبالا! فماذا يفعل فرع الشركة في جوبا اليوم وماذا تراه سيفعل عند قيام الوحدة؟
السؤال ليس موجهاً الى الحكومة السودانية فحسب وانما الى الحكومة المصرية التي تعلم من هو عدوها الاستراتيجي الذي يكيد لها آناء الليل وأطراف النهار وهي في غمرة ساهية لاهية غارقة في بحور الأوهام ثم قبل ذلك الى مسلمي السودان جميعاً من الذين لم يخرجوا رؤوسهم حتى الان من رمال الغفلة |
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
الحكومة المصرية لها علاقات دبلوماسية مع اسرائيل وتجارية واضحة لا لبس فيها
الاسرائيليين يدخلون مصر بسيارتهم في ساحل البحر الاحمر لكن قوات الجيش المصري تقتل السودانيين كل يوم في حدود غزة .........
السودان له علاقات في السابق كانت واضحة مع اسرائيل وكان ذلك في عهد الرئيس نميري وفي فترة الديمقراطية تمت محاكمات للذين شاركوا او ساهموا في ترحيل الفلاشا لكن نظام الانقاذ كرم نميري وحماه بل وسمح له ومن كان معه ان يكونوا احرار في السودان بعد ترحيل الفلاشا .
لا داعي لان نهاجم الجنوبيين فنحن في الشمال قمنا بدور اكبر في خدمة الصهيونية بترحيل الفلاشا وبكل غباء نحاول منح وطن لفلسطينيين مهجرين من العراق وهو ما تم رفضه في كثير من البلد ان الاخري
تحدث في حلقة من حلقات تلفزيون السودان مفكر الاسلامويين حسن مكي عن التجارة مع اليهود وقصد اسرائيل في حلقة كان النقاش فيها بينه وبين انس كوز الاهلية علي ما اذكر وعلي عبد الفتاح ...... وفي تلك الفترة كانت العلاقات مصابة بالتعكير مع مصر كوسيلة ضغط اعلامي قد يكون """"" او غيره
الحركة الاسلامية في السودان وما نتجت عنها من حكومة في ظاهرها تعادي اسرائيل لكن نسال انفسنا ......من قفل كل مكاتب حركات المقاومةالفلسطينية ومن زود الاستخبارات الامريكية بمعلومات عن الجماعات الاسلامية المتطرفة بعد احداث 11 سبتمبر ومن سمح للسي اي ايه بالدخول والتواصل معها في عهد الانقاذ وكلنا يعرف السي اي ايه ودعم امريكا لاسرائيل
بل لماذا السكوت عن الهجوم الكبير الذي قتل فيه العشرات بطيران اسرائيلي في الاراضي السودانية في شمال شرق السودان
لم نسمع ولا ادانة واحدة او تهديد للحكومة الاسرائيلية التي اخترقت الاجواء السودانية في ابعد عملية جوية بعد ضرب المفاعل النووي العراق في القرن السابق
سلام لك محمد ومحمد عوض
| |
|
|
|
|
|
|
|
|
 Re: الوجود الاسرائيلي في جنوب السودان (Re: الفاتح سليمان)
|
كلامك زين..
انا لا اعيب حكومة الجنوب.. فالجنوب خال من الحكومة تمامآ
من يديرون السلطة هناك مجرد اشخاص يديرون مصالحهم الشخصية ليس الا.
انا اؤكد ليك لو اسرائيل جات بشكل مباشر للاستثمار فى الجنوب لا شعب ولا حكومة يمكن ان يعارض.
كذلك فى الشمال لكن الفرق انو يمكن ان تلاقى معارضة شعبية للفكرة وموافقة حكومية تحت تحت ليه؟
لانو الاصل فى القصة امريكا..
والحكومة ماشاء الله عليها بى فوق لن نذل ولن نهان..
تحت تح بيمدحوا ليهم سمح الوصوفو..
ماداير اتعمق كتير فى القصة دى بالذات لانها بحر
تحياتى
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
غايتو نكتة اسرائيل دا الذ نكتة في تاريخ الوطن العربي
يعني هو كاتب المقال دا ما يسأل ناس المؤتمر الوطني عن الصادرات السودانية التي
تصدر الى الاردن وعن طريق منطقة التجارة الحرة يتم تغيير الديباجة وتدخل الى اسرائيل
عيني عينك، وبعلم الحكومة السودانية ويمكن تكون بشراكة الحكومة السودانية
واسرائيل عندها تطبيع ومكاتب في القاهرة والاردن والمغرب وموريتانيا و و و و
بعدين ياخي لو الجنوبي دا لو اتهود ما يتهود، موش ياها ديانة سماوية وللا حاجة تاني
واحنا برضو كمسلمين ساهمنا في اسلام عدد يقدر من اهلنا الجنوبيين، المشكلة وين
بعدين لا استبعد فعلا ان شركة اسرائيلة فتحت فرعا لها في الجنوب، لكن هل لتجني ثمار
اقتصادية او سياسية، ابدا، بس من اجل المغفلين اصحاب العقول المسطحه يقعدو يلوكوا في الكلام
دا، والليله ووب ونعمل شنو، والله اكبر، والخطر الداهم، واعتصموا بحبل الله جمعيا وان قمتم الى
الصلاة و....... وناس نتياهو و وايهود باراك ما جايبين خبركم والملاريا والبلهارسيا تقرض
فينا قرض، لا تعليم ولا صحةن ودا كلو لييه، لانه في في شركة اسمها شالوم فتحت فرع في جوبا
شالوم
| |
|
|
|
|
|
|
|
|
|
Re: الوجود الاسرائيلي في جنوب السودان (Re: أحمد ابن عوف)
|
محمد فرح.
سلامات.
أين كان الطيب مصطفى عندما قذفت طائرات إسرائلية مقاتلة قافلة الاسلحة المتجهة الى حركة حماس ؟
لماذا لم نسمع كلمة من الطيب مصطفى في تلك الحادثة المهينة؟ بعدين المشكلة وين في وجود شركة إسرائلية؟
إيران بالنسبة لنا في الجنوب وكل الدول التي دعمت حكومات الخرطوم في قتل أهل الجنوب من الممكن أن نعتبرها عدو.
| |
|
|
|
|
|
|
|
|
Re: الوجود الاسرائيلي في جنوب السودان (Re: Deng)
|
وهل الجنوبيين ملزمين بتبنى قضايا العرب ومشاكلهم وبلاويهم؟ هل هم سيكونون فلسطينيين اكثر من الفلسطينيين اهل الجلد والرأس والذين يفاوضون اسرائيل ليلا ونهارا سرا وعلانية.
كل العرب يفاوضون اسرائيل ويقيمون معها العلاقات التجارية والقنصليةالا نحن الذين لانعرف اين هى مصالحنافنحن نريد ان نلعب دور المركز مع اننا دولة طرفية لاتقدم ولاتؤخر.
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Deng)
|
Quote: لقد ارتكبنا خطأً فادحاً حين قلنا إن على مصر أن تتعامل مع السودان كما يتعامل معها حتى اليوم أو قل كما تعامل معها حين وقّعت اتفاقية كامب ديفيد مضحِّية بقضية العرب الأولى وانكفأت على نفسها وقزّمت دورها التاريخي الذي جسّده صلاح الدين الأيوبي قاهر الصليبيين وق(.........) قاهر التتار لتترك إسرائيل «تبرطع» في الساحة العربية وتفعل ما يحلو لها في غياب مصر التي بلغ تقزُّمها درجة ألا تتدخل إلا لخدمة الأجندة الإسرائيلية وهل أدلّ على ذلك من انحيازها لإسرائيل في حربها على غزة ضد حركة المقاومة الإسلامية «حماس»؟! أقول لقد ارتكبنا خطأً فادحاً حين ظننّا أن مصر تستخدم مبدأ المعاملة بالمثل وهي التي تعتبرنا مزرعتها الخلفية وتفترض أن على السودان الشمالي أن يدفع «دم قلبه» في سبيل الوحدة مع الجنوب وأن يظل ضعيفاً منهَكاً مستنزَفاً في حرب أضاعت عمره وأراقت دماءه لتحقيق إستراتيجية مصر وأن يخوض الحرب حتى آخر قطرة من دمه في سبيل تحقيق الأجندة المصرية التي لا تكتفي فقط بوحدة السودان وإنما استنزافه وجعله ضعيفاً ذليلاً غارقاً في الفوضى والتخلف.
|
جاء هذا في مقال للطيب مصطفي حول زيارة نافع وعثمان مصطفى اسماعيل لمصر
| Quote: السؤال ليس موجهاً الى الحكومة السودانية فحسب وانما الى الحكومة المصرية التي تعلم من هو عدوها الاستراتيجي الذي يكيد لها آناء الليل وأطراف النهار وهي في غمرة ساهية لاهية غارقة في بحور الأوهام ثم قبل ذلك الى مسلمي السودان جميعاً من الذين لم يخرجوا رؤوسهم حتى الان من رمال الغفلة |
وقس مستوي التناقض في اقل من 24 ساعة اليس هو القائل بان مصر قد انكفأت علي نفسها واصبحت عميلة
لاسرائيل؟؟؟طيب ان صح هذا الكلام اذن ماذا يضير مصر من وجود اسرائلي في جنوب السودان ؟ حتي لو في
جنوب سيناء؟
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Deng)
|
Quote: فالجنوب خال من الحكومة تمامآ
من يديرون السلطة هناك مجرد اشخاص يديرون مصالحهم الشخصية ليس الا. |
البعض منكم احيانا لا يعطى امثالنا اى خيار غير الشفقة على هذا نوع من الكلام الغير مؤسس. دى كلها امنيات مبطنة تطلع فى لحظات الفلتة الفرويدية. اكثر من ثلاث ملاين طفل فى المدارس, كبارى و طرق و تجارة و مئات التراكتورات توزع على الولايات العشرة, جيش يتدرب و سلاح الجوى سينضم الى الحدمة قبل الاستفتاء و تمثيل دبلوماسى فى جوبا لمعظم دول العال. يا اخى عندهم تلفزيون و فضائية و جرائد الكترونية و مطبوعة و لحكومة مواقع اليكترونية...ارحمنا من الكلام المعمم دى.
هل فى مشاكل فى الجنوب? نعم فى مليون مشكلة. هل فى فساد? نعم, و الفاسدون كثيرين و اغلبهم يتخذون الخرطوم كملجىا.
مبروك على مثلث حمدى الناجح.
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
| Quote: اكثر من ثلاث ملاين طفل فى المدارس |
تم بناؤها بواسطة الامم المتحدة
تم بناؤها بواسطة الامم المتحدة
معظم التجار اجانب من يوغندا واما شماليين
| Quote: مئات التراكتورات توزع على الولايات العشرة |
يوم واحد ماشوفتة لى تركتر غير التراكترات البيجرو بيها العربات الوحلانة
| Quote: جيش يتدرب و سلاح الجوى سينضم الى الحدمة قبل الاستفتاء |
دا مربط الفرس زاااااااااااااااتو البنتكلم عنو
| Quote: تمثيل دبلوماسى فى جوبا لمعظم دول العالم |
متذكر فى قنصلية سرقوها رجالة بالنهار والحكومة رقدت رز عشان تقنعهم يقعدو
| Quote: يا اخى عندهم تلفزيون و فضائية و جرائد الكترونية و مطبوعة و لحكومة مواقع اليكترونية |
بجيبو فيهم شنو؟ والله اول مرة اعرف..
| Quote: هل فى مشاكل فى الجنوب? نعم فى مليون مشكلة. هل فى فساد? نعم, و الفاسدون كثيرين و اغلبهم يتخذون الخرطوم كملجا |
دا كلو كلام غير مؤسس برضو؟؟؟
عليك الله لمن تشفق اشفق على روحك..
ياخ انت اخطاء املائية ساكت انا شفقت عليك..
تحياتى
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
لا تشفق على اخطاءى الاملاءءئية لان عربيتى ليست جيدة و لا بستعملها فى شئ غير التواصل هنا. اما ان كنت لا تعرف ان للجنوب فضاءئية و همك كله شنو البجيبو فيها!!! فحديثك بان المدارس و الكبارى امم المتحدة و التجار كلهم شمالين و اجانب يبقى سامبالا ساكت. تمشى الجنوب هسى وتشوف الناس بيعمل فى شنو لمستقبل بلدهم بتنهار عصبيا.
قال بجيبو فيو شنو قال.
مافيو مسلسلات مصرية طبعا و لا الدجل الزائف حول الهوية الزاتئفة.
الجنوبين ييطيرو من جوبا الى دبى فى الويكاند للشوبينغ و جاى باسطوانة كلهم اجانب و الشمالين البسيطرو على كل شئ!!!
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
كلنا خطاؤون ياعزيزى.. اخطاء املائية واردة جدا فى البورض دا..
لكن اديك معلومة.. انا بسافر جوبا كتير جدآ الكلام الانت بتقول عليهو دا محصور بطبقة معينة سردتها فوق بالنسبة للشوبينغ.
باقى الغلابة القاعدين هنا ياكلو شباتى من السوق ديل والاكل قروشهم منو مشا بيها شوبينغ (مع العلم انى بحب الشباتى دا شديد)
تمشى سوق كونجو كونجو غير اليوغنديين مافى زول ببيع الا من رحم ربى من ناس جوبا وتفكيرو تجارى بحت فكر وعمل مشروع..
ترجع للبارات والكافتيريات تلقى العجب.. كلهم اثيوبيين وصينيين وجنسيات اخرى (كوين اوف شيبا مثالا)
اخواننااولاد جوبا المجتهدين بيشتغلوا تبع المنظمات بفروعها..
اما الطبقة البروتاريا شديد تلقاهم شغالين طرحة بالمواتر (طرحة: اجرة او CAP )
طالما انت الله جابك عاوزك توضح لى بتمشى شوبينغ كل ويك اند ولا لأ.
بالنسبة للاذاعات: راديو جوبا دى لذيذ جدا واسمعه اكتر من راديو امدرمان لكن الفضائية الانت بتشوف فيها المسلسلات المصرية والهويات الزائفة دى وين؟ اوعا تكون جوبا.. اوريك الاقمار الصناعية المتوفرة هناك ولا مافى داعى؟؟
بس الخوف تتطلع لابد مع الجماعة القبيل قلتهم بيلبدوا فى الخرطوم برضو؟؟
ياخ ما عيب عليك
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
Look Mr. Awad,
You came swinging alleging that there is no government in Southern Sudan and that those who are in charge are there to serve their own interest. I explained to you that this was not the case and that the government of the South has done remarkably well and that there are signs of some progress in education, infrastructure, roads, economic activities-and this is all in five years.
انا لا بمشى شوبينغ فى دبى و لا فى فرينش ريبيرا ولا لابد فى اى حتة و لا فى سبب واحد بخلينى البد. بعلن الدخلى السنوى فى البلد الانافيو علشان الضرائب.
بالله بتمشى جوبا و عمرك ماشهدت SSTV . ايكون فتحو فرع التجانى الماحى فى جوبا كمان!!!
(عدل بواسطة Zakaria Joseph on 05-18-2010, 03:30 PM)
(عدل بواسطة Zakaria Joseph on 05-18-2010, 03:31 PM)
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
Listen Mr. Joseph
I think by the time you were in Juba you were entertaining your self with SSTV instead of thinking of a poor child who dosent have somthing to eat within the area you live in, not even far from it.
I think you are right about your point of the known of the goverenment that do think of themselves only and I agree with you but talking about development.. yes, juba is now diffrent than before but not as much as you said my friend forgive me but you are just a dreamer as I can say.
you are sitting over there with an open imagination that tells you this false development that you wish to be but with the current situation I dont thing you can grow more than SSTV that make you think its the top of the world my friend.
as I explaing to Mr. Joke or what ever is his name that you guys ran away and to cover such behaviour you want to pretend as a peace keeper and self defender on behalf of Juba people where I think you will be rapped if you just walked from your home to down town this days so DONT TELL ME WHAT DOES IT LOOK LIKE WHILE YOU ARE SITTING THERE ENJOYING THE WELLFAIR GIFTS MY FRIEND.
I hope I did not write too much and foirgive my spelling mistakes as English is not my first language
By the way, the other branch of Tigani Hospital will be open soon so see you there.
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
اسرائيل حكاية ((ام ضبيبينا ))
والله ياجماعة بالدراجى كدة الموضوع دة ((اسرائيل وبتاع عملتوا لينا به سافوتا عديل يا ناس
اسرائيل فى سوق المواسير ,,, اسرائيل فى سوق ليبيا اسرائيل وقفت العمل فى ترعة كنانه والرهد
اسرائيل جابت سلاح لى قرنق اسرائيل فى دارفور ،،، اسرائيل تطلق قمر صناعى ،،، اسرائيل توزع مخدرات
الواحد بقى متخيل انوا الاسرائيلين ديل بيقوموا من الصباح بقولوا هيا ندمر السودان لانه خطر حقيقى على الوجود الصهيونى فى المنطقة والمفاعل النووى دى معمول اصلا لتدمير مسجد النيلين والطيران الاسرائيلى و الطيارين ديل بتدربوا على اهداف كرتونية على شكل السودان ويتم تدميرها بعنف وغضب شديد
يا عالم مشكلة السودان الحقيقة هى من حكموا السودان من 1956 الى اليوم وحتى الانقاذ يعنى اسرائيل لم
تضرب منطقة تلسى فى جبال النوبة بالسلاح الكيمائى ,, ولم تقل الاستاذ عوض جلدكون الاستاذ فى مدرسة تلوا بكادقلى ولم تسلح القبائل العربية فى جبال النوبة بهدف القضاء على القبائل الزنجية لان ارضيها اراضى زراعية لحيونات البقارة ,, ولم تقتل الاطفال فى جنوب السودان فى الحرب لانهم فى النهاية ((شفع متمردين ويمكن فى المستقبل ان يكونوا متمردين وهى لم تقتل اهالى كجبار البسطاء عندما خرجوا فى مسيرة عفوية لان بيوتهم المبنيه من الطين سوف تغرق فى مياة السد ولان بحيرة السد سوف تغرق التاريخ السودانى كما اغرقه مياة السد العالى حلفاء مهد الحضارة فى العالم ؟؟
اسرائيل ايه السادة لم تخطط للبرنامج العروبى الاسلامى فى السودان ولم تقدم اوراق اعتماد السودان فى جامعة الدول العربية فاصبحنا طيش العرب على ان نكون اول افريقيا ,, ولم تخرجنا اسرائيل من دول الكمنلوث فاصحبنا اكاديميا طيش العالم ,,
اسرائيل دى ما عندها معنا اى مشكلة ولا بعرفونا ولا فاضين لينا ولا ناقصين قرف اصلا ,, وبعدين اسرائيل عندها امكانية تضرب اى جزء فى السودان فى اى وقت وفى اى لحظة وممكن تخنق اى وهم فى اى فندق فى العالم وتدمر و تهكر جهاز اى زول عامل فوقا مفكر وعبقرى فارحموا نفسكم يا ازيال العرب يا ابو لصيق
والحمد الله الواحد قابل اسرائيلين عينك يا تاجر عالم محترمين ومهذبين وحتى الكلام العادى دة بكون بصورة مهذبة ومنخفضة ولا بقون اسود ولا بيض وبساعدك فى كل شئ وهم بشر عاديين جدا لا كرعين كبار ولا مصاصين دماء ولا مرافعين ولا اى شئ فيهم الصادق فيهم الكضاب والحرامى والبوليس وبتاع حقوق الانسان بتزوجوا بطلقوا بحبوا بشربوا موية بشربوا بيرة فى الباكل لحم وفيهم نباتى بشوف انوا الحيوان عندو حق فى الحياة
تحترم نفسك بحترموك تقل ادبك بدفنوك حى ترزق وزول بسال منك مافى ,, فياريت ما تخلقوا لينا عدوء وهمى وتتحججوا انكم حامين الدين والعقيدة وابناء العباس والرسول جدكم لانوا الموضوع دة بالذات نحنا الكفار الزمان الكان بدخلوا بينا اولادكم الجنة ((we dont give ########))
وختاما مافى زول يجى ناطى هنا يقول لينا فلسطين والقدس وبتاع لانو نحنا كنوبة من جبال النوبة الضربنا بالرصاص والكيمائى انتوا ما اسرائيل ومرحبا باى اسرائيل فى وطنه الثانى وحبابكم عشرة
وياريت الطيب مصطفى دة والباقين لو فى اسرائيلى دق ليك الباب وجاء فى بيك فى الشمالية اطبحوا طوالى لكن فى مناطق معينه فى السودان دى ما مشكلتك
ويلا قوموا لفوا
| |
|
|
|
|
|
|
|
|
|
Re: الوجود الاسرائيلي في جنوب السودان (Re: على ميرغني)
|
ويعني هو الوجود الإسرائيلي في السودان كلو " شماله وجنوبه" حا يكون أسوأ من وجود الكيزان واللصوص والقتلة وشذاذ الآفاق من أمثال عمر البشير والطيب مصطفى ونافع علي نافع وغيرهم ؟؟
يا عمي النظام الموجود حالياً في السودان يعامل الشعب السوداني بأسوأ من معاملة دولة الاحتلال ..
مرحب بأي وجود أجنبي في السودان إذا كان التمن هو الخلاص من عصابة القتلة واللصوص الحالية
قال إسرائيل قال .. ياخ انتو أكعب من الشيطان ذات نفسو
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Elhadi)
|
| Quote: مرحب بأي وجود أجنبي في السودان إذا كان التمن هو الخلاص من عصابة القتلة واللصوص الحالية |
حكمتو بالغة والله...
عندك امثلة افغانستان والعراق ياقريبى..
لكن انت لو قاعد فى البلد دى مابتقول كلامك القلتو دا..
تقولوا وتتفرج فى الاخبار تشوف اهلك بيحرقوا وتجى جارى البورض تقول خبر عاجل تمرضنا زى هبانى صح؟
يخس
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
| Quote: انا قاصد بالتجانى مستشفى المجانين يا عوض |
يُقال ان الفهم قِسم.. وانا قلت ليك C U there عشان الفهم يقع ليك لانو عارفك ماحاتفهم النقطة دى بالذات ودا من اسباب وجود التيجانى الماحى..والصورة دى ممكن تلقاها محل ما انت قاعد زاتو لكن يبقى قناعتك انت كيف؟؟..
انا لست من مواليد المنشية ولا غاردن سيتى زى مابتفتكر وحياتى ابسط مما تتخيل.. ممكن تشفق على لكن اشفق على حالك فى الاول..
وبعدين انت بعضم لسانك مش قلت جوبا Devoloped والشوبينغ كل ويك اند ومش عارف ايه..
يبقى تجاوب على سؤالك بى نفسك فى الفرق بينها وبين باقى المدن ولا تحملنى عناء عدم تفكيرك فيما يقوله لسانك..
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
الأعزاء زكريا وجوك.
محمد عوض يدعي بأنه حريص على جنوب السودان وعلى أهل الجنوب . ولكن الرجل في حقيقته ليس سوى أحد العنصرين والكيزان الحايمين في هذا البورد.
أرجوا أن تراجعون مداخلاته وسوف ترون العجب. لا تضيعون وقتكم مع أمثاله. لأن أمثاله لا يريدون أي خير لشعب الجنوب.
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
...السؤال الموضوعى فى ظنى هل أن التطبيع مع إسرائيل
عاد يار من عُدة خيارات...؟ أم هو خيار وحيد وعقلانى ولا مناص
من دفع إستحقاقاته والعامل معه بدون أوهام وإسقاطات أيديلوجية
ودينية...؟ فى ظنى أن الإجابة الثانية هى الصحيحة..حيث لم يعد موضوع التطبيع
مع إسرائيل خيار مطروح لرفضه أو الموافقة عليه...التطبيع مع إسرائيل خيار عقلانى جدا
خذ مثلا المكاسب التى عادت لبعض الدول العربية من التطبيع الإقتصادى مع إسرائيل وعلى سبيل
المثال لا الحصر دولة مصر المجاورة,,فقد بلغ مقدار التبادل التجارى بينها وبين دولة إسرائيل
فى عام2008 ,,292 مليون دولار وبزيادة قدرها 18 بالمائة عن العام 2007، فى حين لم تتجاوز التجارة البينية بين الجزائر وليبيا40 مليون دولار فى العام 2009..... وتساهم في دعم التجارة البينية بين اسرائيل ومصر 575 شركة منها 300 شركة مصرية...وتستورد الاردن سنويا من إسرائيل منتجات بما يعادل 60مليون دولار ...وبلغ حجم الصادرات الإسرائيلية للدول العربية والإسلامية فى العام 2008 حوالى 2,1 مليار دولار(تأمل)..وبلغ حجم الواردات من الدول العربية والإسلامية إلى إسرائيل حوالى 3.24 مليار دولار...إذا سقطت ورقت التوت فى ما يتعلق(بفرية) المقاطعة..بعد أن إتضح أن الموقف من إسرائيل لا يقوم على منطق دينى ولا أخلاقى...إذا فى ظل كثافة(طوابير) التطبيع مع إسرائيل ,,أرى أنه يجب أن تقوم
الحكومة السودانية بالتطبيع مع إسرائيل,,وعلينا أن ندعم هذا الموضوع....
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Zakaria Joseph)
|
| Quote: تقول شنو يا دينق. عصابهم بائظة و الاستفتاء لسه بعيد جدا. |
| Quote: أكد مارتن ماجوت ياك السكرتير القومي للاتصال الجماهيري والفئوي بحكومة الجنوب، أن الإقليم سينفصل لا محالة. وأضاف: كل من يتحدث في هذا الوقت سواء في الجنوب أو الشمال عن الوحدة وبناء الثقة يعتبر (واهماً). وزاد: نقول لهم (فات الأوان)، وعلى الجميع أن يواجه الحقيقة. وأكد أن بناء الثقة الذي يتحدثون عنه لا يمكن أن يحدث خلال الستة أشهر المتبقية للاستفتاء، وقال ماجوت في حوار مع «الرأي العام» يُنشر لاحقاً، لن يكون هناك استقرار في السودان دون انفصال، وأوضح أن خيار شعب الجنوب هو الانفصال لا غيره، وأضاف: (تأكدت من ذلك أثناء العملية الانتخابية لكل المدن والأرياف بالجنوب باعتباري سكرتير حملة الرئيس سلفاكير)، وتوقع أن تكتسح نسبة الاستفتاء، النسبة التي أحرزها رئيس حكومة الجنوب.وفي السياق أكد مارتن ماجوت أن البترول سينفصل مع الجنوب، وستؤول ملكيته لحكومة الجنوب، وقال: على الشركات إعادة صياغة عقودها مرة أخرى.وأضاف مارتن: حال الانفصال لن نترك (جالون بنزين) للشمال، وزاد: إذا أرادوا بترول الجنوب فعليهم أن يقوموا باستيراده من الجنوب. من ناحيته قال المتحدث باسم الجيش، اللواء كوال ديم كوال، فى مقابلة مع «راديو مرايا» أمس إن الجيش الشعبي شكل نواة لقواته البحرية بعدما انشأ وحدات للقوات الجوية. |
اها الكلام دا قالو محمد عوض برضو؟؟ عشان ماتنضم ساكت
قوم لف
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Deng)
|
| Quote: ولكن الرجل في حقيقته ليس سوى أحد العنصرين والكيزان الحايمين في هذا البورد |
سيد دينق
بالله سيب التركيز البتركزو مع مداخلاتى فى بعض البوستات وركز مع علاء الدين شوية..
مادايرك تشتت انتباهك عشان راس السوط مايصلك بعدين تقعد تكاكى..
انتو وكت عاوزين مصلحة الجنوب دا ماتقعدوا فيهو تشوفوا مشكلتو شنو وتحلوها
جارى لابد مع ناس لاهم من لونك ولا طبقتك ولا نظرتهم ليك اكتر من انك لاجئ ياعزيزى
فكنى من قصة ضابط فى الجيش ولا غفير مستشفى البيت الابيض..
انت مجرد شخص تخدم اجندة معينة تنتهى بانتهاء الاجندة لعلمك..
تانيآ انا لا اسكن منشية ولا رياض ولا ادافع عن نظام معين..
لعلمك انا مشيت اى مكان يخطر على بالك فى ربوع سوداننا الحبيب..
ادافع عن اى شبر فيهو بسبب ذوى القلوب البيضاء وان كانوا سود فلا فرق بين عربى ولا اعجمى الا بالتقوى..
الجنوب ياعميل تعرفت فيه على اناس لايمكن ان تكون يما من الايام من ملَتهم..
ولا يمكن يوم من الايام انا انسبك ليهم..
فهم يستاهلو مننا كل خير ولو بالدعاء
اما انت فيمكنك مساعدتهم بالاجابة على السؤال التالى:
مَنْ قَتَلَ قرنق ؟ و لِماذا ؟
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
Quote: عندك امثلة افغانستان والعراق ياقريبى..
لكن انت لو قاعد فى البلد دى مابتقول كلامك القلتو دا..
تقولوا وتتفرج فى الاخبار تشوف اهلك بيحرقوا وتجى جارى البورض تقول خبر عاجل تمرضنا زى هبانى صح؟ |
يا محمد يا أخوي ..
وفرق السودان الحالي (سودان المجرم عمر البشير) من العراق وافغانستان شنو ؟؟ إن لم يكن السودان أسوأ منهما !!
ولا انتو فاكرين السودان ده بس ياهو الخرطوم (قاردن سيتي والعمارات والرياض والطائف والمنشية والصافية)
وحتى في داخل الخرطوم بالله الفرق شنو عن الوضع عن العراق وعن افغانستان إن لم الحال فيها أسوأ مما هو عليه الحال في بغداد أو كابول
مافي أي فرق إذا كنت بتقصد بالمقارنة الإشارة لمسألة الانعكاسات الأمنية والاقتصادية على حياة المواطن في العراق وافغانستان جراء التدخل الدولي فيهما والأوضاع الواقعة على المواطنين في السودان تحت ظل حكم عصابة القتلة واللصوص الحالية .. نفس الأوضاع هي هي .. إن لم يكن الحال في الكثير من أصقاع السودان هو الأسوأ حقيقة في هذا الجانب ..
ومن ناحية تانية كمان فلو كان السودان بالأهمية الجيوسياسية والاستراتيجية لكل من العراق وأفغانستان أو يشكل الخطر والتهديد الذي شكلته تلك الدولتان لكان التدخل الاجنبي والعسكري المباشر فيه سابق على التدخل في كلاً من العراق وافغانستان ..
لكن لا السودان ولا النظام السياسي فيه لهما أي قيمة أو يشكلان أي خطر يستدعي منحهما أولوية التدخل المباشر ولذلك يسرح ويمرح فيه أمثال عمر البشير ..
في حالة السودان والنظام الموجود فيه، فربما تكفي بعض العمليات الجراحية الصغيرة لتأديبه وإعادته لسلوك الدرب القويم كما جرى في العام 1998 وكما هو الحال في قرار الملاحقة القضائية لرئيسه المجرم عمر البشير..
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Elhadi)
|
المشكلة وين يا اخ
هل ستضرر الجنوب من الوجود الاسرائيلى؟
هل سكان جنوب السودان عرب ؟؟؟ مع العلم ان العرب الاصليين لهم علاقات مع اسرائيل ولك فى الاردن اسوة حسنة
هل سكان جنوب السودان مسلمين؟؟؟؟ وعدد البلدان الاسلامية التى لها علاقات مع اسرائيل لا تحصى
اسرائيل دولة من حقها البحث عن مصالحها ومن حق الاخرين التعامل معها وفقا للمصالح المشتركة
ماهى دواعى قلقك من الوجود الاسرائيلى فى جنوب السودان واسياد البلد مصالحهم تقتضى الوجود الاسرائيلى من تهويد وتجارة وتصدير وبيع مياة النيل واستيراد اى شىء من تل ابيب
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Elhadi)
|
| Quote: في حالة السودان والنظام الموجود فيه، فربما تكفي بعض العمليات الجراحية الصغيرة لتأديبه وإعادته لسلوك الدرب القويم كما جرى في العام 1998 وكما هو الحال في قرار الملاحقة القضائية لرئيسه المجرم عمر البشير.. |
وانت بتفتكر مثلا انو انا عاجبنى الكلام دا ومبسوط منو خالص يعنى؟؟
لو داير تعرف الفرق بين الخرطوم وكابول تعال اوريك ناس كابول زاتم الفى خرطوم يقولوا ليك شكلو كيف..
لا احد يتمنى الحرب.. فالحرب افظع مما تتخيل..
يمكن ان تسأل الاخ دينق.. كان كما يقال من احد المشاركين فى حرب العراق بحسب رواية الراوى
اذا كان لك بعض الآرآء عن السياسة فى بلدك فحاول وانت قاعد فيها..
ماتبقى عميل زى باقى الجماعة وتجرى تقول واك واك ضربونى بى فنيك نووى وتضرب الويلفير وتقعد
برضو اتذكر فى ناس مكويين بنفس النار الانت بتعانى منها لكن صابرين وقاعدين
ديل انا بعتبرهم الماسكين على الجمر..
والله لايضيع اجر من احسن عملا
انت ما مؤمن؟ قول يالطيف
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
محمد فرح
ماذا عن الوجود الايراني النووي في الشمال
بالله ل عليك كلم صاحب الغفلة خال المشير يتحفنا عن الوجود الشيعي النووي الايراني في مثلث حمدي
لحكومة و شعب الجنوب مطلق الحرية في تحديد علاقاتها وفقا لمصلحة شعب الجنوب
كفاية وصاية و عهدها ولى و انتهى بنهاية حلم الطيب في اسلمة و تعريب الجنوب
اصحى يا بريش
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Deng)
|
| Quote: إيران بالنسبة لنا في الجنوب وكل الدول التي دعمت حكومات الخرطوم في قتل أهل الجنوب من الممكن أن نعتبرها عدو |
بس ماتجى جارى تقول لى كانو بيدعمو الحكومة بى صواريخ باليستية والموضوع المخستك داك..
عندك دليل جيبو لينا هنا..
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
| Quote: اعترفت الحركة الشعبية بأن التمرد وسط قوات الجيش الشعبي بولايتي جونقلي وأعالي النيل بات أكبر تحد يواجهها في الوقت الراهن وتباينت وجهات النظر بين القيادات السياسية والعسكرية حول المعالجات التي يجب القيام بها لإحتواء تصاعد الأوضاع ميدانياً . وافادت الأنباء ان الحركة دخلت في سلسلة من الاجتماعات خلال الأيام الماضية لمناقشة التحديات التي تواجهها الحركة والتي من شأنها التأثير على الأستقرار في الجنوب خاصة مع اقتراب موعد الاستفتاء على تقرير المصير . وأقر اجتماع جزئي للمكتب السياسي تكليف د. رياك مشار – نائب رئيس الحركة – لقيادة التفاوض مع الفريق جورج أطور وإقناعه بالحضور الي جوبا لمناقشة تداعيات مايحدث في جونقلي وايجاد المعالجات المناسبة . وفي المقابل دعا اجتماع ضم القيادات العسكرية بضرورة استخدام اسلوب الردع ضد قوات أطور إغلاق الباب امام أية محاولات أخرى للتمرد على سلطة الجيش الشعبي . |
دا يطلق عليه اسم The Begining of the End
| |
|
|
|
|
|
|
|
|
|
Re: الوجود الاسرائيلي في جنوب السودان (Re: Mohammed Awad)
|
الســـــــلام عليكم
يعني يا محمد عوض ما تتذكر صاحب البوسط الا بعد ما شاءالله كم مداخلة 
مؤونة كافية يا حبيب
طيب رأيي في الموضوع
بشكل عام.. وقبل الرد على المشاركين الما قصرو
Quote: مرحب بأي وجود أجنبي في السودان إذا كان التمن هو الخلاص من عصابة القتلة واللصوص الحالية
|
ممكن أرد على الفهم دا؟ ومنهم أخونا القال التطبيع مع اسرائيل مكسب كبير والمقاطعة ورقة توت
طيب من مقال الطيب مصطفى أشيل حتة واحدة بس ، وبالمناسبة في كلام كتير قالو وانا ما متفق معاهو فيهو
الطيب مصطفى قال الشركات الاسرائيلية في الجنوب هدفها الشمال ، والجنوب كان مدخل بس
امسكو النقطة دي وبجيها راجع.
في فهم هنا في البورد غريب جداً وأنا في الحقيقة ما قادر يقع لي ،
تكتب موضوع عن كرهنا لاسرائيل طوالي يجو ينطو ليك ويتهموك في وطنيتك وانك بتحب الفلسطينيين عشان عرب ،وانت ليه ما دافعت عن ناس دارفور ، ياخي لا تعرف تضحك استهتاراً ولا تعرف تبكي زعلاً ساكتاً.
طبعاً دا فهم ساذج جداً وعبيط جداً جداً ومتخلف زاتو
في ناس فاهمين الحتة بتاعت الدين دي ، وعارفين نحن لمن نكره اسرائيل بنكرهها ليه ،
وعارفين تربيتنا الشفنا فيها ظلم الاسرائيليين واغتصابهم للأرض والعرض واستباحتهم الحرمات والدم عليهم لعنة الله الى يوم يبعثون
أي نعم نظرية المؤامرة في اي حاجة ما منطقية ، لكن البقول انو اسرائيل ما بتكيد للمسلمين يكون واهم.
وانو اسرائيل ما عندها أي اهتمام بالنيل بتاعنا دا يكون واهم برضو
وانو اسرائيل ما عندها اهتمام بافريقيا يكون واهم برضو
وانو اسرائيل ما قعد تجيك في شكل أمريكا والأمم المتحدة واهم برضو
أيوة اسرائيل ما بعبع ، لكن هم الخطر فاحذروه ،
ما عندي مشكلة انو الجنوبيين يجيبو اسرائيل أو الجن الاحمر ، على كيفهم ياخ
لكن دي اسمها "الانتباهة" ، ما انتباهة الطيب مصطفى المتطرفة شوية ، لكن انتباهة
واسرائيل ليست وجود اجنبي يا هذا ، اسرائيل..وجود اسرائيلي
مؤنة اعوام من الود
Quote: مرحب بأي وجود أجنبي في السودان إذا كان التمن هو الخلاص من عصابة القتلة واللصوص الحالية
|
| |
|
|
|
|
|
|
|
|
|
Re: الوجود الاسرائيلي في جنوب السودان (Re: محمد فرح)
|
محمد فرح
لكن بوستيك دا صحا لينا ضباع لا يعلم بيها الا الله..
تقوم تفكنى ليهم كدا وتمشى؟ يعنى لو ما حبوب الضغط والسكرى
الواحد شايلهم فى جيبو كان اكون فى التيجانى الماحى فرع جوبا اسى..
فى واحد مرتزق كبة الزوغة من البوست دا انا راجيهو..
لكن شكلو بعد ما يقرا المداخلة دى حيعمل لى حركة اضان جلد..
بتعرفا يادينق؟
| |
|
|
|
|
|
|
| |
محمد فرح
Mohammed Awad
الفاتح سليمان
أحمد ابن عوف
Deng
قلقو
ibrahim alnimma
Zakaria Joseph
amir jabir
JOK BIONG
Elhadi
خالد خليل محمد بحر
ماجد معالى
محمد على حسن
فيس بوك
تويتر
انستقرام
يوتيوب
بنتيريست