|
|
 مركبات عامة وبوح خاص ...
|
مساء الخير حين المساء وصباح الخير حين الصباح
اغالب اهوالي ، بالامس في طريق عودتي للمنزل ، نهاية المساء واستقبالي الشخصي للويل الطويل ، استغليت حافلة ، تحديداً لا اعرف أنني ركبتها أم هي من حملتها علي روحي وكتفي ، نعم كنت كما احملها تماماً !! الجميع لم يكونو رحيمين ، في المقعد خلفي يجلس شباب يتلفظون الفاظ يجرحون بها طبلة اخلاقي النسبية وعلي يميني مباشرة شاب وفتاة اظنهم ازواج إلا أن ليس لبيتهم اسرار فانطلقو يتجادلون بصوت غير منخفض ويفتقد التوادد والرحمة التي من المفترض أن تكون بينهم يناقشون في اشياء اظن انها حتي لو كانت في داخل بيتهم يجب أن تكون داخل غرفة وبصوت منخفض ، علي كل حال كنت احمل الركاب والحافلة علي رأسي وكنت احمل مايخصني وصامد وذاهل كما المجنون فجاة انطلق صوت الراديو واظنها احد الاف ميات التي تكاثرت وانطلق معها الزري الذي مضي :- كنتا معاك سعيد والليلة في بعدك ما اضناني اصبر امكن يفيد صبري وامكن نرجع تاني ، ضحكُت وهززت راسي بجنون وطرقتُ انظر الي اقدامى ودمع قلبي يسيل علي روحي بينما ضحكة كما الموت في وجهي ، ترصدتنى الاغنية بالكامل ولم تنتهي ابدا حتى انتهت منيّ فنزلتُ لا اقوى علي النزول حتى أنيّ نسيتُ ان ادفع لصاحب الحافلة ومضيت فصاح فينيّ :- يازول اديني حقي وهو ينظر الي باستحقار اعتذرت له بين دمع روحي وابتسامتى الباكية ونقدته حقه وهو يردد علي سمعي :- كلكم مستهبلين ما عندكم زِمة ولا اخلاق لم اهتم له ابداً فكل الحكايات لا تشبه ما اريدهُ انا ولا ما يريدهُ هو ، سحبت اقدامي فاتراً وارتميت في اول ركشه امني نفسي بالوصول الي البيت وفي الركشه كان ينتظرني الباشكاتب ليغرس نصله وهو يردد :- (عويناتك تُراع لولي لولي وعِقد ياسمين) ضحكتُ باستسلام لقدري ونزلت امام البيت وحمدت الله بانني لارغبة لي في الطعام ولا لاي شي غير ان استلقي علي (عنقريبي) وفعلت وانتظرت الويل الطويل .
في الليل تشتاق الفجر وفي الظلمة تحب النور
والدنيا مني واحلام
ياااااا سللللللللللام
|
|
  
|
|
|
|
|
|
|
|
Re: مركبات عامة وبوح خاص ... (Re: سفيان بشير نابرى)
|
سفيان ياعمك ،
مشتاقون يا صديق ..
| Quote: بالامس في طريق عودتي للمنزل |
| Quote: فجاة انطلق صوت الراديو واظنها احد الاف ميات التي تكاثرت وانطلق معها الزري الذي مضي :- كنتا معاك سعيد والليلة في بعدك ما اضناني اصبر امكن يفيد صبري وامكن نرجع تاني ، |
ايواا ، انت جيت من القاهرة يا عمك وما اديتنا خبر ، طيب !
| Quote: وفي الركشه كان ينتظرني الباشكاتب ليغرس نصله وهو يردد :- (عويناتك تُراع لولي لولي وعِقد ياسمين) |
ترع لولي وبحااار ياقوووت ياعمك، ياسمين دي منو كمان !؟
_____________
الأمور شنو ؟
| |
|
|
|
|
|
|
|
|
|
Re: مركبات عامة وبوح خاص ... (Re: Hassan Bakri Nugud)
|
Quote: ايواا ، انت جيت من القاهرة يا عمك وما اديتنا خبر ، طيب !
|
يا حسن بكري نقد يا صديقي
ياخ دي كتابة قديمة جدا
امس حصل موقف ذكرني ليها .
Quote: ترع لولي وبحااار ياقوووت ياعمك، ياسمين دي منو كمان !؟
|
يا صاحبي القصة كلها في الخاص يوجد الكثير
بس انتهاك خصوصيتك في مركبة عامة ده حار جدا .
اهو الاهوال ماشيه
| |
|
|
|
|
|
|
|
|
|
Re: مركبات عامة وبوح خاص ... (Re: سفيان بشير نابرى)
|
Quote: ضحكتُ باستسلام لقدري ونزلت امام البيت وحمدت الله بانني لارغبة لي في الطعام ولا لاي شي غير ان استلقي علي (عنقريبي) وفعلت وانتظرت الويل الطويل .
في الليل تشتاق الفجر وفي الظلمة تحب النور
|
حولا نفسنا انقطع معااااك
هي الحياة كده
ياصديقي ولسة قدامنا الطريق
المركبات العامةفيها المفارقات
والمفاجاءات كمافيها احسن واجمل الصدف
تحياتي سفيان
| |
|
|
|
|
|
|
|
|
|
Re: مركبات عامة وبوح خاص ... (Re: طارق جبريل)
|
هسي في شقي حال غيرك يا خال!!!
والله الغناء ده يوم يودرك رسممممي
اها ابراء في حواء وحلاته لما ......
اها الاغنية الجبتها دي كان يوم الحافله
الفوق دي اظنو كان لحقنا طه اماتو خلهن .
| |
|
|
|
|
|
|
|
|
|
Re: مركبات عامة وبوح خاص ... (Re: باسط المكي)
|
Quote: حولا نفسنا انقطع معااااك
هي الحياة كده
ياصديقي ولسة قدامنا الطريق
المركبات العامةفيها المفارقات
والمفاجاءات كمافيها احسن واجمل الصدف |
التحيات الجميلات يا باسط يا مكي
ولسه ولسه ، صدقت يا صاحبي
بس المفارقات دائماً هي الاكثر
ودائماً تستمع فيها لما ليس لك
به دخل غصباً عنك وباصرار غريب
الصدف فيها تكون ناااادره لذلك
نسميها صدف .
سعدت بمرورك يا جميل .
| |
|
|
|
|
|
|
|
|
|
Re: مركبات عامة وبوح خاص ... (Re: سفيان بشير نابرى)
|
بافتراض الخاص المباح والعام المركب..
يذكرني ان علاقة الركائب التنقلي لم تكن لها ذات صلة
بيك ياعمك...
كدريشن خواطره اعمق
نامل ان تكون كما نشتهي ..
ومابين كل خطوة واضافة تستوعب ذاكرة فرحك بوح اعمق
لك كل مايمكن ان يمتع...
| |
|
|
|
|
|
|
|
|
|
Re: مركبات عامة وبوح خاص ... (Re: حافظ كنجال)
|
Quote: بافتراض الخاص المباح والعام المركب..
يذكرني ان علاقة الركائب التنقلي لم تكن لها ذات صلة
بيك ياعمك...
كدريشن خواطره اعمق
نامل ان تكون كما نشتهي ..
ومابين كل خطوة واضافة تستوعب ذاكرة فرحك بوح اعمق
لك كل مايمكن ان يمتع... |
صديقي حافظ آدم المدعو بحافظ كنجال أو حافظ شليل
الاشواق الاشواق يا صاحب
نعم في زمان ما كنت مدمن الكدريشن وانت سيد العارفين
والسير بالاقدام هي رياضتي المفضلة لفلس دائم ولاستحاء
أن يحرجني كمساري مركبة عامة لكن تغير الحال يا صديق
لذا اصبحنا نسمع البوح الخاص في المركبات العامة التي
ندفع فيها النقود الخاصة ولا يدفعها لنا أحد ممن يجرحون
طبلة ودننا بعبارات جارحة او خاصة .
فسبحان مقلب الاحوال .
كيفك انت ؟
| |
|
|
|
|
|
|
|
|
|
Re: مركبات عامة وبوح خاص ... (Re: الفاتح سليمان)
|
سفيان
سلامي الما ليهو حد ولا عد
إنت رحلتك دي ما زي حقتي أنا !
أنا حقتي (رحلتي ) ماشي جاي لمن تنزل من حافلة الشهداء
وتمشي المحطة الوسطى بي رجليك
وتجي شاقي بيوت الهنود ديلك ! وتشم ريحة حي الشهداء العريق !
وكمية كدا من الناس منحدره كان ماشة كان جاية ! وبوزاي الشارع دا
شارع الدكاتره امدرمان !
والإتنين بصُبن في الجامع الكبير حق امدرمان ! الكلام دا لسنين عــددا
وحتى قبل ما يكون شُغلي في المحطة الوسطى كنا نعشـق سـوق امدرمان .. !!
تقديري ومعزتي ،،،
هشام
| |
|
|
|
|
|
|
|
|
|
Re: مركبات عامة وبوح خاص ... (Re: Hisham Ibrahim)
|
Quote: إنت رحلتك دي ما زي حقتي أنا !
أنا حقتي (رحلتي ) ماشي جاي لمن تنزل من حافلة الشهداء
وتمشي المحطة الوسطى بي رجليك
وتجي شاقي بيوت الهنود ديلك ! وتشم ريحة حي الشهداء العريق !
وكمية كدا من الناس منحدره كان ماشة كان جاية ! وبوزاي الشارع دا
شارع الدكاتره امدرمان !
والإتنين بصُبن في الجامع الكبير حق امدرمان ! الكلام دا لسنين عــددا
وحتى قبل ما يكون شُغلي في المحطة الوسطى كنا نعشـق سـوق امدرمان .. !!
|
فعلاً يا هُشام يا اخوي
ذكريات طازجه وبطعم متجدد
سوق امدرمان لوحده حكاية
ولا كل الحكايات احكي يا صاحبي
احكي .
| |
|
|
|
|
|
|
|
|
|
Re: مركبات عامة وبوح خاص ... (Re: الفاتح سليمان)
|
Quote: نابري ومهداوي ومحمد ادم المافيش الشوق بحر
عجبتني كلمة دسم الما بدورها وداير احشرها هنا بدون اي داعي
ممكن |
ممكن جداً يا دكتور
كم وددت ان اكون في هذه اللحظة صانع سُفن يا صاحبي .
| |
|
|
|
|
|
|
|
|
|
Re: مركبات عامة وبوح خاص ... (Re: الملك)
|
| Quote: تصدق ...ممكن فى ناس تكون مشتهية الحافلة الركبتها دى..؟ |
تعرف يا صاحبي هسي انا مشتهي اركب علي الخط ده
يا ملك حكاية حافلات امدرمان والخرطوم وبحري
حكاية معاي علي طول بتحصل معاي قصص غريبة فيها
في مرة ركبته جوار مجنون كاااامل الجنون بتصدق ؟!
| |
|
|
|
|
|
|
| |
سفيان بشير نابرى
Hassan Bakri Nugud
باسط المكي
محمد علي شقدي
قاسم المهداوى
طارق جبريل
حافظ كنجال
Ahmed Abdallah
الفاتح سليمان
Hisham Ibrahim
الملك
فيس بوك
تويتر
انستقرام
يوتيوب
بنتيريست