|
Re: دايرة عنوان لمركـز كومـون الاعلامـى .. (Re: وجدان جمال)
|
تلقيت رسالة بالبريد من الاخ يوسف محمد الحسن مدير مركز كومون يعاتبنى فيها على شيل حال المركز بسبب هذا البوست ومدنى مشكوراُ بكافة ارقام هواتف المركز وهاتفة الخاص وآسفة لعدم نشر الرقم كاملاً حتى لا اكون سبباً فى اى ازعاج للاخ يوسف ..
Quote: الأخت الأستاذة / وجدان مع تحياتي وكل السلام ،، هذا يوسف محمد الحسن مدير مركز كومون الاعلامي ، وبعدين شيل الحال لزومه شنو ونحن تلفوناتنا شغالة ماشاء الله ؟! 0183250444 - 0183256444 وكمان عندنا موقع الكتروني : www.common.sd وأهو ايميلي عندك وكمان الجوال الخاص +++++0912399 ، اتفضلي .. يوسف
|
| |
|
|
|
|
|
|
Re: دايرة عنوان لمركـز كومـون الاعلامـى .. (Re: وجدان جمال)
|
الاخ يوسف آسفة لو سبب لك البوست اى ازعاج .. بس عنوانكم المعروف كان هو : السودان - الخرطوم مركز الفيحاء التجارى - الطابق الخامس - مكتب رقم (4) .. تلفونات : 798901 - 766123 - فاكس 798900 ولقيت كل الارقام دى موقوفة من الخدمة ودا السبب الخلانى اقترع البوست دا ..
والسبب الاساسى لبحثى لعنوانكم وهى انى كنت مشتركة فى خدمة المنبر الجوال عشان جاتنى دعوة من مركزكم رسالة فى موبايلى قبل الانتخابات لمتابعة الانتخابات وموضح فى الرسالة طريقة الاشتراك والغاءها .. أشتركت وسعدت بخدمتكم جداً .. بس بعد انتهت الانتخابات قررت اوقف الخدمة ..!
كان مكتوب فى رسالتكم للالغاء ارسل الحرف (s#) الى رقم معين .. حاولت اكثر من عشرة مرات بيجينى رد من مركزكم انو الرمز غلط برغم انو هو نفس الرقم الرسلتوهو فى الرسالة .!
وفى النهاية فكرت قلت ارفع بوست واسأل الاخوان والاخوان كان يدلنى زول على عنوانكم والاخوان ما قصروا .. يعنى كونى سألت من عنوانكم دا شيل حال .!!! وبعدين انتو كنتو فى الفيحاء وانا لقيت عنوانكم فى الموقع فى الفردوس .!!!!
عموماً .. شكرا بعد اتصالى الخدمة وقفت ودا كان المطلوب لانو الرسائل بقت مزعجة جداً لى ..!!
وجدان
| |
|
|
|
|
|
|
|