|
وشئ من وجد مقيم ... ديوان الشجن والحنين
|
(1) الطالعة من نفس القصيد
ترجيني يا هجعة قوافل الاشتها ،
وارجاك في عيني ليك
كل الاماني
الشايلة من ظنك عشم
ما كنت يوم
فاكر كمان
انو الحروف
لمن تجيك
ترجع معطنة بي اريج
كل الحكايات الفرح،
تتلاشى
اوجاع الالم
لي زول حزم
زكايب كل احزان السفر،
زولا هجر
فارق عوينات الحبيب
واتملى في بحر العدم .
شوفتك....
سنى الفجر الموشح بي عناقيد التشوق،
يا ساكنة جوات الحلم
يا مارقة من نفس القصيد عند السحر ،
لما الاماني الهايمة تتوسد شعاع القمرة
تستحلى النغم.
ما كان هواك ،
في سكة الغربة الضياع ،
مشوار وهم
بل كان حقيقة
وكان معاناة الكلام
بين خفقة الخاطر
ووشوشة العيون الفي سحر
خلت ملامح فجري زي نورا شلع
شتت مسامات الظلم
صار المجاز كلمات غناوي الريد جوى
الشايلة من سحرك قبس
بدد عُتم .
شلتك ذهول،
كوم الاماني
وشهقة الامل المعشعش
في حشايش الروح
رُزم
شلتك انين
نايا حنين،
شلتك صبر،
ترياق توحش واغتراب،
شلتك
جوة في جوف الفؤاد اجمل وشم .
شلتك بريق،
صحو الخواطر جوة في عمق
الشجن،
لمن تفيض
حرقة وانين ،
تمرق سهم،
جوة القليب،
جوة الترانيم الخوابي
الشايلة آهات القوافي...
مسدار ونم
|
|
|
|
|
|
|
|
Re: وشئ من وجد مقيم ... ديوان الشجن والحنين (Re: خالد المحرب)
|
Quote: علميني يا ساحرة يا اجمل عيون وريني كيف اكبح جماح خيل المشاعر جوة في جوف الفؤاد |
وإنت يا دكتور .. يا شفيف المشاعر وأنيق الحرف .. ورينا كيف نقراك صاح وكيف نسمع همس حروفك الطالع من أعماق صوتك الرويان شجن ومتسلسل حنين .
سلمت أخي وسلم يراعك .. وتدفق كما السيل .
مودتي ،
( ليمو )
| |
|
|
|
|
|
|
Re: وشئ من وجد مقيم ... ديوان الشجن والحنين (Re: د.محمد حسن)
|
Quote: نزف جرح الغمام هتن فوق البوادي عصير كلام مرق من النسيم حبة حنين قوقت حناجر قمري فوق نيمة بتغازل للقمر وعيني مشتهية المنام |
قوقاى عجيب ..خلط الحنين والفرح والنحيب..ده عصير كلام ممزوج رهيب..رهيب رهيب ..يا ظريف..
تقديرى وأحترامى..
| |
|
|
|
|
|
|
Re: وشئ من وجد مقيم ... ديوان الشجن والحنين (Re: د.محمد حسن)
|
يا د. محمد حسن,, يا مرهف,,Quote: وشئ من وجد مقيم ... |
شئ!!!
مقيم وين؟؟
ما عندك حل غير الوجد دا كلو يطلع هنا,,
عشان المساحات تفضى,, ونحن نقرأ ونسمع ونستمتع,
إتدفق يا دكتور إتدفق,, الشجن والحنين إذا ما طلعو بعوقو!!!
تسلم يافنان,,
تحياتى
| |
|
|
|
|
|
|
Re: وشئ من وجد مقيم ... ديوان الشجن والحنين (Re: أيمن الطيب)
|
Quote: سنى الفجر الموشح بي عناقيد التشوق،
يا ساكنة جوات الحلم
يا مارقة من نفس القصيد عند السحر ،
لما الاماني الهايمة تتوسد شعاع القمرة
تستحلى النغم.
ما كان هواك ،
في سكة الغربة الضياع ،
مشوار وهم
|
دوك صوتك وصل حبل الحرف ودوزن مقاطع شوق يا صاحب.
،،،،أبوقصي،،،،
| |
|
|
|
|
|
|
Re: وشئ من وجد مقيم ... ديوان الشجن والحنين (Re: د.محمد حسن)
|
(2)
لـمـا الــكــلام راح وانـعـــدم
حرق قلبي الكلام لما انكتب
لا ليه مثيل
بين الصحائف
او بين وريقات الكتب
كتبتو من عمق الشجن
وشيتو بي كل الحنين
مليان ادب
وسجعت زي قمري الخريف
ورجعت مليان اشتها
زي المطر وكتين يصب
زي السحاب
شايل نداه وكل دميعاتو
وسرب
كتبتو يا زول للعيون
الفيها برتاح من تعب
دفقتو بين الاسافير
والفضا
مرقتو..
وا شري واساا
من جواي من جوف العصب.
اه يا مسادير السفر
يا نمة في ليل السهر
يا قمرة بين ستاير الليل وبين
ومضة الفجر الشهق
آه يا قلب
شلت الكلام
جواك نغم
لا فترت من طول المسافة
ولا الحبيب ليك اقترب
| |
|
|
|
|
|
|
Re: وشئ من وجد مقيم ... ديوان الشجن والحنين (Re: د.محمد حسن)
|
أبو التومات
تعجبني هذه القفزات المبطنة في النص و التورية و الإستعارة :
ترجيني يا هجعة قوافل الاشتها ،
الشايلة من ظنك عشم
ما كنت يوم
فاكر كمان
انو الحروف
لمن تجيك
ترجع معطنة بي اريج
كل الحكايات الفرح،
تتلاشى
اوجاع الالم
لي زول حزم
زكايب كل احزان السفر،
واتملى في بحر العدم
شوفتك....
سنى الفجر الموشح بي عناقيد التشوق،
يا ساكنة جوات الحلم
يا مارقة من نفس القصيد عند السحر ،
لما الاماني الهايمة تتوسد شعاع القمرة
تستحلى النغم.
كوم الاماني
وشهقة الامل المعشعش
في حشايش الروح
رُزم
كلها صور بإطار من ( خشب ) الخيال الجامح
سأعود للبقية
| |
|
|
|
|
|
|
Re: وشئ من وجد مقيم ... ديوان الشجن والحنين (Re: د.محمد حسن)
|
(3) زولك رقد
وهمستي لي هوي يا ولد!! اتفتحت كل النوافذ للهوى... والشوق سحاب .. شايل ندوات المنى الما ليهو حد . وجريت عليك لمن لقيت عينيك ضجت بالهوى وفرحت جد، شلت الضجيج جواي غنيوات وانفعال وسدرت في الليل الموشح بي نسيمات الخريف لا خفت من طول المسافة ولا التباريح التهد وصرخت بين شهقة الفجر الوليد وارتحال باقي النجوم قبال اكمل للعدد يا نيل اقيف يازول ارح والموجة تهمس للضفاف زولك رقد مليان عشق تريان ونديان الكلام فترت قوافي الشوق سفر ودرت خواطر في السهر اتمددت بين الليال كل حكاوي العاشقين سجعت حمامات الحنين رجعت كليمات قلتهن والليل اواخر رفعت ايدي للسما (آه يا معين ) حلق القوافي اتنشق الصوت الصدى اتبلل الشوق الندى ومرقت ليك عشان يغسلني المطر ويعمدني بي الوان قزح يلبسني اطياف من مرح واتدلي لي من القمر هاتف نده ( حجيتك خيرا جاك ما تهتم للشوك النابت في موطاك بحر الدميرة الكان بهدم في البيوت كان لينا فال بحر التحاريق صار لينا زي كابوس مقيم ، يا زول تعال ) النيل جواي ساكن من زمن تشكيلي كان نقطة نُطف النيل جواي هادر من زمن صارت عناويني المنافي وصرت محصور في جوازات السفر يازول زي نفس الدعاش دايما بتديني الحكاوية المستحيلة وليك بتدوزن وتر بتشد من عصب الجنون بمتد ما بين نبضة القلب الصدح وعمق التاوه في مسارت الرؤى ونبض الطنون انا فيك موال توجد احتمال رهق الرحيل بين مقلتيك ورخاوة الحس الشجون مشوار طويل ما ليه حد وانت في جواي اريج مشوار عشم اديني حاجات زي سوسنات قمرة بتهل اديك سر بوح النجوم وكتين تطل
| |
|
|
|
|
|
|
|