|
انت يالابيض ضميرك
|
مافي اجمل من ان تكون زول نظيف, جواك سكون وبياض اخاذ جواك وطن لكل الناس الغلابة والجاي في الطريق في نص الليل قاصد درب ضاع منه في ظلمة الحياة. اصلوا انت بئر غريق لكل تعبان لمى يحكي وعارف انك ما بتخيب ظنه ابدا انت نادر في زمن صعيب بس وجودك ما مستحيل, ربك الخلاك قادر يوجد زيك كتير انت اصلا زول صعب على وصفه, انت زي البلد مليون ميل حدوده وانت حدودك الجنة انت كوكب او مجرة ضامة كل الخير مافيها مكان للسواد كل الكواكب مشعة لامعه تدي ضوء ما بتدي ظل. دا انت جواي وصفك , جواي ساكن, جواي متحكر ومتملك كل الاماكن .
|
|
|
|
|
|
|
|
Re: انت يالابيض ضميرك (Re: Tragie Mustafa)
|
دشدشة ماركة مسجلة واورجينال كمان ما من ماركة صنع في الصين
اهلين اختنا تراجي
والله شوقنا بحر وعلى قول واحد صاحبنا كدا شوق لو مرا على جبال فرتكتها ولو مرا البحار غطست حجرها ولو مرا على فلسطين بس لحد هنا وغلبه يعمل فيها حاجة
ماشفتي بقيت طيبة كيف
مع ودي
هاجر المدشدشة
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
هاجر ، تحياتي
Quote: عايزة اغرق في بحارك واتوه في وديانك وثمار اشجارك يبقى زادي . انت اجمل دنيا زرتها وماقدر يوصفها مدادي |
والله لكن بختو!
_________________________ الخوف يجيك واحد/ه ناطي هسة يطلّع ليك كلامك ما فيهو ( معايير) ! أصلها قصة المعايير دي موضة في المنبر الأيامات دي .
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
هل الحب احساس موجود داخلنا وجزء من انسانيتنا ام حدث يحدث بوجود مواصفات ومقايس؟ ام هو ظهور حبيب ثم غدره لنا ثم يموت معه الحب فينا ونصبح بعده بدون؟ لا يمكن ان نكون بشر من غير حب هو متأصل فينا منذ المولد وحتى الممات , هو العطاء والكلمة الطيبة والدمعة النازلة لحظة حنين تغلب على الكلام ويتوه مننا ويبقى التعبير عنه باحساسنا الاصلوا مخلوق معانا.
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
بين وجودك وبين غيابك شعور زي الموت والحياة احاسيس كتيرة غريبة فيها الحزينة والمفرحة اكيد عرفت غيابك يعني الحطام والانهزام وحاجات كتيرة مبكية ولما تحضر يامناي تضحك الازهار ويشدو الكروان في ضفاف النيل لما يحضن وجه الشمس المشرقة .
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
Quote: انا لا قلت شاعرة ولا قلت دا شعر
دا كلام سااااااااااي
وبس
|
معقولة الكلام السمح ده كلو كلام ساااااااي! والله أسمح من شعر ناس كتااااار هنا ده ..
أكتبي ، وعبّري علي أكتر من راحتك..
متابعه بي مزااااج
| |
|
|
|
|
|
|
Re: انت يالابيض ضميرك (Re: Hassan Bakri Nugud)
|
شكرا اخ حسن
اكيد كلام ساااااي
كلام بيطلع من جوانا عشان يقول انو في احساس جميل اسموالحب
كل انسان بيحسه.
زي الدرويش لما يتوه مع نغمات الطار وكلمات العشق مع محبوبه
كلها كلمات تدغدغ احساسه ويصيبح اسيرها ويدخل في دنيا تانية
وهو فيها يفقد الاحساس بالحوله الى ان يغمى عليه من هول التاثير
كلمات تفعل الافاعيل بحس الانسان المرهف وتسيطر عليه الفكرة.
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
Quote: مافي اجمل من ان تكون زول نظيف, جواك سكون وبياض اخاذ جواك وطن لكل الناس الغلابة والجاي في الطريق في نص الليل قاصد درب ضاع منه في ظلمة الحياة. |
كلامك سمح بالحيل
--- تحياتي
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
هاجر ..ازيك ...
صباحك بالخير ياحسن
انا لا قلت شاعرة ولا قلت دا شعر
دا كلام سااااااااااي
ههههههههه
بقيتي تخافي تقول انك شاعرة ..الله يجازي ناس ود الرشيد وبقية الرهط المعاكس .
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
عليك الله انت بصحك يا بت هل يوجد جبهجى أو جبهجية عندها احساس
و بعدين يا انا بفتش لى فى طيور طارت فر مشت وين ما معروفة
والايام دى السكة حديد اشتغلت عقبال الرقشة و الكارو
عاد جنس عواسة يا هاجر دقيق مع بصل فجل مع بصل توم
الناس دى قبضت على الشيخ مالو عايز يقلب الكومة المهببة دى و لا شنو
بعد راحة يا مساطيل
| |
|
|
|
|
|
|
Re: انت يالابيض ضميرك (Re: صديق مهدى على)
|
Quote: عليك الله انت بصحك يا بت هل يوجد جبهجى أو جبهجية عندها احساس
و بعدين يا انا بفتش لى فى طيور طارت فر مشت وين ما معروفة
والايام دى السكة حديد اشتغلت عقبال الرقشة و الكارو
عاد جنس عواسة يا هاجر دقيق مع بصل فجل مع بصل توم
الناس دى قبضت على الشيخ مالو عايز يقلب الكومة المهببة دى و لا شنو
بعد راحة يا مساطيل |
هسّة ده شنو ده !؟ دي ما العواسة زاته !
يا زول ما تخلي البت تكتب الدايراهو وأمش شوف ليك خبر عاجل ألفو ، ولا نزّل ليك مليون بوست جداد من جنس كتابتك التقول بتكتبها واقف علي حيلك دي .
______________
همّ بيطلعوا إمتى !
| |
|
|
|
|
|
|
Re: انت يالابيض ضميرك (Re: هاجر التهامي ياسين)
|
اليوم اعلنت انهزامي وانهياري امام حبك
اليوم اعلنته جهرا ونشرته عشقك للملا
اعلنت ايماني بك وبان انت من احتواني
وبأن انت من اسقاني ترياق الحياة واحيى
روحي بعد ان قبرت في احدى معابر الزمن
اجل احياها والبسها ثوب مطرز من فرح
اليوم اعلنت ثورتي على كل الكره في دواخلي
واغتسلت منه بالبرد واصبحت انت تغذيني بالتسامح
الى الابد, الم اقل لك بانك اجمل حدث في حياتي حدث.
| |
|
|
|
|
|
|
|