|
|
|
 Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: المسافر)
|
| Quote: يقولون إن غابت الجسوم بقت الرسوم وإن غاب جسمي فهذا رسمي أذكروني في التاريخ فإن الذكرى ناقوس يدق في عالم النسيان أخوكم فلان الفلاني .... |
أي واللهِ صدقت
و أعْتقِد إنّك أكتر زول في صورتك الرّاهِنة تحتاج لهذه المقولة
بالمناسبة البعض تذْكُرهم إنجازاتِهم أبد الدهر
و آخرون بيروحوا نكِرات ساي
لو بحثت بالكتير تلقاهو عندو صورة في لمّة و معلِّق ليهو في رقبتو ديباجة للتعريف عن نفسه
لأنّه غير معروف
| |
  
|
|
|
|
|
|
|
 Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: المسافر)
|
لمسافِر
شايف مُعدّل التظورِف عِنْدك مُرْتفِع في البوست دة
دي من علامات الخرف ولاّ شِو؟
ذكّرتني قِصّة الفراش الحائر املشى لي بيت زميل مِنْبر حوار
وفتح ليهو أبو الزميل
و لأنّهم دُفْعة (الفراش ووالد الزميل)
الفراش قايل والد الزميل ياهو الزميل بحكم إنو هو ما شاف الزميل قبل كدة
أها أبو الزميل بعد فضّلوا جوة
قال ليهو يا أخوي ما عِرِفْتك
قام الفراش عاين ليهو و قال ليهو معاك الفراش
عمّنا إتلخم وقال ليهو فراش شِنو يا أخوي
قال ليهو الفراش الحائر ياخ
أوووووووعك تكون لابس ديباجتك بس
| |
|
|
|
|
|
|
|
|
|
Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: علاء الدين يوسف علي محمد)
|
ياخي قلنا للمزاح بقى موضوع عديل كده
زي صاحبنا الداير يعرس الشايقية ههههههههههه
| Quote: لو كان بتقدر تستخدموا ما كان حاولت تضغط العالم العربي لعدم تقديم القروض لقيام السد من خلف الكواليس |
اها، دي معلومه، وفعلا بشكرك عليها
Quote: بعدين لا أعتقد إنو عندها حق فيتو ضد الإنفصال أو الوحدة
و إلا ما كان أبو الغيط و سليمان رايحين جايين |
الجاب سيرة الانفصال هسه شنو؟؟ ااااااااا عشان الموية، طيب
زمااااان صلاح سالم برضو عمل رايح جاي لمن رقص عريان في الجنوب (طيب ما عريان
بلباسو بس)
نفس السناريو
يازول خلينا في موضوعنا وفي اطفالنا الح يشربوا مويه نظيفة
ونتمنى لكل السودان مياه نظيفة
اساسا الفيتو المصري ما عنده علاقة بمشاريع المياه التي تخص الشرب والاستخدام
الآدمي
| |
|
|
|
|
|
|
|
|
|
Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: علاء الدين يوسف علي محمد)
|
يا علاءالدين عليك الله ما تبخــس لينــا إنجازاتنــا كـده ياخ ...
المحطــة ده اكبر محطة للمياه العذبــة فى افريقيــا ( شايف كيف )
+
حنفتتح محطة بحــرى بعــد توسعتها لتصبــح اكبــر من اكبر محطة للمياه العذبة
فى افريقيــا ( ننافــس نفسنــا برانــا )
يعنــى نحــقق رقــم قياســى ونجـئ برانــا نحطــم الرقم القياســى حقنــا ..
ترمـــة :
خالد حسن ابراهيم ( الشهير بخالد جردل ) اســم من اسماء الانجاز فى شعبيتنا
ورئيس اتحاد جامعة الخرطوم
تعرفــه البيداء والرمح والقنــا ..
| |
|
|
|
|
|
|
|
|
|
Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: بكرى ابوبكر)
|
الريس بكرى وعلاء ..
| Quote: يا اخوى مسئول من الخير الفى الصورة الفوق دى خالد حسن ابراهيم ود الشعبية و خريج هندسة الخرطوم ولا بتهيا لى اصلو كنت قايلو بقى شعبى |
نعم هو المهندس خالد حسن ابراهيم خريج الخرطوم وود الشعبية
الجدير بالذكر ان المهندس خالد كان يشغل منصب مدير عام شركة شينقيتل للاتصالات بموريتنانيا
وشينقيتيل هو المشغل الذى فازت بة شركة سوداتيل فى موريتنانيا قبل اعوام ، اعيد الى
الخرطوم ليشغل منصب مدير هيئة مياه الخرطوم ..
| |
|
|
|
|
|
|
|
|
|
Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: مزمل خيرى)
|
السلام عليكم
علاء الدين كيفك؟
من يوم شية بيت الفنون تاني ما لاقيناك
بخصوص المحطة ، هناك بعض تخبط في المعلومات المذكورة في هذا البوست
أرجوا من الزملاء السماح لي بكتابة بعض المعلومات الحقيقية ،
صلتي هي صداقتي لاثنين من المهندسين المنفذين الذين أداروا هذا المشروع ، وتابعت معهم تنفيذه الى ان انتهى
المعلومة الصحيحة هو بالفعل أكبر محطة مياه في أفريقيا بواقع طاقة 200 MLD per day ( مئتي مليون متر مكعب في اليوم الواحد)
ولكن هناك مغالطات أخرى في مايخص المحطة ، والمحتفى به في الصورة أعلاه
فهيئة مياه الخرطوم ليست لها علاقة بمحطة المياه هذه حالياً
أعود لكم
| |
|
|
|
|
|
|
|
|
|
Re: نائب الرّئيس شيخ/علي عُثْمان و اسْتِكْمال النّهْضَة بيان بالعمل (Re: الرفاعي عبدالعاطي حجر)
|
Quote:
قال ليهو الفراش الحائر ياخ
|
النحل أبو العسل
انت فاكرها قصة الفراش الحائر...
بالمناسبة دي أحكي ليك قصة الفراشة القاتلة...
واحد ملاكم معروف بإسم الفراشة القاتلة .. كان بجيد رقصة الفراشة في الملاكمة..
أيوة ... رقصة الفراشة في البوكسينق ...
يوم زاد الكأس كأسين وحلى له يقطع القنطرة على خلق الله...
كل ما يجي عابر سبيل يناولة بوكس ويرميه ليك في الترعة ...
اثنين زي حالاتي كده ينهنهو وقفو جانب في انتظار الفرج... فرجاً قريب..
كل ما جاء عابر سبيل يتداولوا فيما بينهم... باقيلك بفكنا منو... باقيلك بفتح لينا الطريق..
وأول ما يصل عابر الطريق إلى القنطرة يتصدى له الفراشة القاتلة بلكمة ترميه في الترعة..
الحكاية طولت وناس التريعة كترو
جاء واحد جايقانتيك كدة يتطوطح..
الإنين رفعوا رأسهم شوية واحد يقول ليه الجايقانيك ده بفكنا منو..
الثاني يقول ليه لا لا .. ما بقدر...
الجايقانتيك من أول لكمة نزل الترعة.. ورشاشه شلع فوق الاثنين..
جا واحد طويل... الأول قال التول ده بلولحوا ويرميه
الثاني يقول ليه لا لا .. ما بقدر ...
التول أول ما وصل لكمة الفراشة القاتلة انبرش في التريعة..
جا واحد عتليت.. الأول قال العتليت ده بكرفسو ...
الثاني قال ليه لا لا .. ما بقدر ...
العتليت أول ما وصل لكمة الفراشة القاتلة انطرح في الترعة..
الأول قال لي التاني كأنك بتعرف الفراشة القاتلة ده ما تمشي عليه..
أمشي حنسو ... يخلينا نفوت وتاني ما بنجي المولد..
الثاني قال ليه طول بالك الفرج قريب...
وعينك تشوف رميتو..
جاء واحد أطرش ماشي ومن هناك يسوي في عاااع ااااع اااااو
الثاني قال للأول جاء الفرج ... الأطرش دا برميه...
وصل الأطرش عند القنطرة وبدأ الفراشة القاتلة في رقصة الفراشة
وكتر الرقيص واللكمات الطائشة
والأطرش لعلع بوووووع ااااااع
ولفة ولفتين لفح ليك الفراشة القاتلة ونزل بيه الترعة...
الثاني قال للأول:
ما قلت لك الأطرش برميهاااااااع وووووووووووع
| |
|
|
|
|
|
|
| |
علاء الدين يوسف علي محمد
humida
الطيب رحمه قريمان
عبد اللطيف السيدح
أحمد ابن عوف
محمد فرح
EMU إيمو
المسافر
بكرى ابوبكر
الوليد الرشيد وراق
بدر الدين اسحاق احمد
مزمل خيرى
محمد يوسف الزين
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست