|
|
|
 Re: للمُدبرسين فقط ... (Re: Dr Mahdi Mohammed Kheir)
|
.
رباطابى فكر يخلى شقاوة الزراعة ويعمل مزرعة دواجن , بى راس المال العندو زرب حوشو بشبك سلك وأشترى ديك وخمس دجاجات وشوال عيش . الدجاج بيًض والبيض فقس والرباطابى يرش للدجاج والسواسيو فى العيش صباح ومساء وهو يدوبى فرحان ببشاير المشروع .
صقر أبن كلب لما ليك فى السواسيو كف .. كف خطف شديد , والرباطابى مرة يجدع فى بي الحجار ومرة يسكو بالعكاز وهو يسب وبسخط .. والصقر قاعد فى راس البيت حالف ما يفوت حوش الرباطابى إلا يكمل السواسيو ديل .
أسبوع كامل , والصقر ما عندو شقلة غير سواسيو الرباطابى لامن كملن .. إلا من فرد ويحيدة .
الرباطابى مسك آخر سوسيوا فى أيدو , والمغصة دايرة تكتلو , مشى جاب شوال فاضى ونفش خيوطة فى النص ودقا بأوتاد من أطرافو فى نص الحوش وخت السوسيوا فى نص الشوال .. وقعد بعيييد .
الصقر جا يختف آخر سوسيوا وشبك فى الشوال , الرباطابى مسك الصقر وجاب مقص . قطع للصقر مخالب قدمو اليمين وقدمو الشمال من قعرن , ومسك منقار الصقر قصا ليهو من آخرو .. وفكا وقالو ( أها ... دحين شوفلك زولا يسوليك نشا ).
.
| |
  
|
|
|
|
|
|
|
|
Re: للمُدبرسين فقط ... (Re: Dr Mahdi Mohammed Kheir)
|
.
مجموعة هذه الصور , التى ستنزل تباعا أدناه , نُشرت بواسطة مجلة (ناشونال جيوغرافيك) على إعتبار أنها أجمل صور فى العالم لشهر مارس
Omo River at Dusk
Sei Whale Skull, Chile
Sea Stacks, Outer Hebrides
.
| |
|
|
|
|
|
|
|
|
|
Re: للمُدبرسين فقط ... (Re: Dr Mahdi Mohammed Kheir)
|
.
أيام مايو , بنات الثانوى العالى عاملات مظاهرات ضد الحكومة . البوليس يضرب فيهن بمسيل الدموع ويسكهن .. والبمسكا يجيبا يركبا الكومر . الكومر أتملا بنات وحارسو شاويش رباطابى قاعد فى طرفو .
أدروب جا مارى لقى الكومر ملان بنات زى الفستق , وبدا يتلفت يمين شمال يفتش فى الطريقة التقعدو وسط البنات . بعد شوية أدروب بدأ يهتف من بعيد (تسقط مايو .. يسقط نميرى ) والرباطابى يعاين ليهو من بعيد ما شقالوبو الشقلة .
أدروب لامن زهج , قرًب شديد من الكومر , وفى وش الرباطابى بدأ يصرخ ويهتف (عاش كفاح الطبقة العاملة .. عاش الحزب الشيوعى السودانى) . الرباطابى نزل من طرف الكومر ودفر أدروب بعيد لامن رماه , وقالو (يازول أمش من هنا , والله إن بقيت لينين .. ما بتركب !).
.
| |
|
|
|
|
|
|
|
|
|
Re: للمُدبرسين فقط ... (Re: Mohammed Awad)
|
.
شكرا جزيلا للأعزاء:
سعد الدين , شبكة , محمد عوض
____________________________________
فلاتى شقال عتال فى سوق الخضار . تاجر بنقو , البوليس مراقبو ومتابعو , نادا الفلاتى وقال ليهو: تعال يا حاج محمد بالله شيل لى المقطف دا وصلو لى المحطة . الفلاتى شال المقطف المخيط فى راسو ومتابع تاجر البنقو , البوليس قبضم الإثنين .. وقدامن فتح المقطف لقى مليان قناديل بنقو فساقم دخلم الحراسة.
فى المحكمة , تاجر البنقو أصر أنو لا بيعرف الفلاتى دا ولا شافو قبل كدا . الفلاتى المسكين أخد سبعة سنين سجن !.
الفلاتى المسكين قضى مدتو وطلع من السجن ومشى بيتو بيًت وتانى يوم الصباح جا السوق يسترزق . واحد ود حلال كوركلو : بالله يا حاج محمد تعال شيل لى المقطف دا . الفلاتى عاين ليهو وهزا راسو (أ أااا .. حاج محمد تانى ما يشيل إلا أنكوليب بسس).
.
| |
|
|
|
|
|
|
|
|
|
Re: للمُدبرسين فقط ... (Re: Dr Mahdi Mohammed Kheir)
|
.
رباطابى لابس على سنجة عشرة , عمة كبيرة وجلابية وملفحة وعصاة عمدة , قاعد فى الدرجة الثالثة مسافر البلد بالقطر . مرة كبيرة فى العمر جاتو من آخر عربية القطر مدتلو جوابا فى أيدا (يا ولدى عليك الله أقرأ لى الجواب دا !) .
الرباطابى قال للحاجة : والله يا حاجة ما بعرف أقرأ .
الحاجة مطت شفايفا وقالتو: مخيير الله , بي عمتك الكبيييرة دى .. وما بتعرف تقرأ ؟.
الرباطابى وقف على حيلو , قلع عمتو وختاها للحاجة فى راسا , وقالها : أها .. دحين أقرئ إنتى !.
.
| |
|
|
|
|
|
|
|
|
|
Re: للمُدبرسين فقط ... (Re: Dr Mahdi Mohammed Kheir)
|
متابعين يا دكتور مهدي
يديك الصحة والعافية. طيب هاك واحدة
عمك امراته، ولدت له مولود،وشب الولد،وفي ركن المنزل نجار،ذهب له عمك، واعطاه عربون
لعمل عربة خشبية تساعد الولد علي المشي.
النجار قبض العربون،ووعده بالبدء بالعمل،كل يوم عمك يجي ماري بالنجار،مذكرا،والنجار
علي وعده بنتهي منها،مسألة وقت،الولد كبر،ودخل المدرسة،والنجار شابك ليك الراجل
مسألة وقت. الولد دخل الجامعة وتخرج،وفكر يتزوج،والنجار لسة،علي وعيده للرجل
الولد تزوج،وامراته علي وشك وضوع، ذهب اليه والده،شارحا،بأنه اعطي النجار عربونا
لعمل عربة خشبية له، دافعا الابن للنجار،لعمل تلك العربة لابنه الذي علي وشك الوصول
ذهب الولد للنجار،مذكرا له بحديث وعربون والده،لم ينكر النجار،قال له الابن بانه
يريدها،لابنه. وافق النجار،وذكر له،لايحتاج لكثرة الطلة مثل ماكان يفعل والده
لتذكيره بعمل العربة.مسألة وقت ليس الا.
| |
|
|
|
|
|
|
|
|
|
Re: للمُدبرسين فقط ... (Re: Dr Mahdi Mohammed Kheir)
|
شكرا يا الفاضل على المشاركة اللطيفة
__________________________
شاب رباطابى "تمتام" مغترب فى السعودية , ومشغول بلم القروش .. عشرة سنين ما نزل أجازة . العزابة الساكن معاهم نصحوه يتزوج طالما ما فى حاجة رابطاهو بالبلد .
أخونا بدا يفتش فى العروس ويوصى فى أصحابو والأسر البعرفا (يا جماعة عليكم الله فففففف .. فتشوا لي عروس!).
الزمن طال .. وأخونا زهج .. والعزابة المعاهو يئسوا من قصة تفتيش عروس من السعودية دى , فواحد من أصحابو قال ليهو : يا أخى ما تغطى كدحك وتريحنا وترتاح !.
الراجل ما أقتنع , قال يضرب لى أخوه فى جدة يمكن يلقى ليهو حل . أخوهو أول حاجة قالا ليهو (أنتا بنات أعمامك وخالاتك ديل البعرسن منو ؟ .. يا خوى ما عندك طريقة غير تغطى قدحك !).
برضو أخونا ما أقتنع , قال يضرب لى أمو الحنينة فى السودان تشوف ليهو عروس هدية ورضية و ... سمممحة .
ضرب لأمو ضيعتلو الوكت فى يا حشايا ويا ضنايا ويا شريرى بقيت للعرس ! , أبوه مسك السماعة (أسمع يا ولد , حًرم بت عمك من قبل ما تغترب حارساك , ونحنا ما عندنا بتا عنست قدر دا , ويا ولدى الما غطى قدحو ما فى زولا بغطيهو ليهو , خلاص الموضوع دا خلص تب .. خلنا نحنا نقوم بالواجب ونرسلا ليك).
بعد ستة شهور من الكلام دا , أصحابو مشو معاهو المطار يستقبلوا العروس . واقفين قدام باب إستقبال المسافرين , قدر ما تظهر عروس مرسلة .. الجماعة : دى هى ؟؟. أخونا : لا لا .. دددددد دى ما هى . دى هى! . دددد دى ما هى .
آخر عروس طلعت من المطار ماشى وراها راجل شايب قصيير , واحد فيهم إتجرأ سأل العريس منهم ما فى . العريس براهو قال ليهم: يايايايا ياها دى !.
واحد من الجماعة سألو : يا خوى العروس وعرفناها , المصيبة الجارا وراها دا منو ؟؟.
العريس: دا ! دددد دا ... ما أبو القدح.
.
| |
|
|
|
|
|
|
| |
Dr Mahdi Mohammed Kheir
saadeldin abdelrahman
SHIBKA
Mohammed Awad
الفاضل يسن عثمان
فيس بوك
تويتر
انستقرام
يوتيوب
بنتيريست