كتب الكاتب الفاتح جبرا المتوفرة بمعرض الدوحة
|
مبدا التقية يتجلي عند التقدميين واللبراليين ويسار سودانيز اون لاين !
|
كنا وحتى عهد قريب نعرف التقية بإعتبارها ممارسة تخص الإخوة معتنقي المذهب الشيعي.ولكن التقية الليبرالية التقدمية هذه لم نعرفها إلا من خلال ممارسات الليبراليين واليسار في هذا المنبر.! لماذا لم يتداخل الإخوة الأدباء والشعراء في هذا المنبر، وهم كثر ليدلوا بدلوهم في موضوع يتعلق بحرية التعبير في هذا المنبر؟ مع العلم انهم شغلونا لازمان طويلة في هذا المنبر وخارجه بالحديث عن حرية التعبير وحرية الراي وحرية المعتقد وحرية الصحافة ..الخ اللهم الا اشارات خجولة من الاخ محسن خالد في بوست يخصه لا علاقة له مباشرة بالموضوع . هل نفهم من صمتهم هذا مؤاذرة ومسانده للحملة ضد منال!؟ اما لا يريدون الدفاع عنها خشية إغضاب اطراف الحملة!؟
|
|
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: اساسي)
|
الاخ عادل عبد العاطي مثلا تداخل في البوست المعني للاخ محمد سليمان ما هو المعيار ؟ ولم يهمه من الامر سوى اشاراتي العابرة عن موقف الحزب اللبرالي من الاسلام . وبعدها خرج ولم يعد بالرغم من انا هنا نراه حاملا لواء اللبرالية وحادي ركبها والمسوق الاول لها في المنبر بل وفي الواقع السوداني ولكن في ذلك البوست يصمت صمتا مهيبا عن الافصاح عن رايه في مسالة الحرية والتعبير في تلك الحالة , الا ان صمته كان مدهشا .
| |
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: اساسي)
|
سلام يا أساسى,,Quote: هل نفهم من صمتهم هذا مؤازرة ومسانده للحملة ضد منال!؟ |
لا تعطوا مواضيع لا حجم لها حجما,,, خلاف بعض الناس مع منال كان حول ما تكتب وطريقتها فى التعبير وليس ضدها شخصيا,,, لن يكون هذا البوست سوى جرجرة لما حدث فى البوست الأساس,,
ربط الوضوع بالليبرالية والتقدمية واليسار ربط غيرمفهوم!!!!!
هو مشى وين؟؟؟؟
تحياتى
| |
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: أيمن الطيب)
|
اساسي الما اساسي
خلعتنا والله ان شاء الله يخلعك جن كلكي (وجه ضاحك)
حق حرية التعبير حق مقدس؛ بل وحق اساءة التعبير ايضا مقدس؛ كجزء من حرية التعبير ؛ ودا موقف ثابت لليبراليين على الاقل .
اليساريين ديل ما تعول عليهم كتير لان مواقفهم في هذا الامر مزدوجة واغلبهم يدعمون انظمة مثل النظام الكوبي الذي يسجن الناس ويعذبهم لانهم يطالببون مجرد مطالبة بحرية التعبير .
البوست الذي تتحدث عنه دخلتو عن طريق اداة البحث ولم اقرأه كله ووجدته يحيل لقضية اخرى لا اعلم عنها اي شي - بوست منال - ولذلك لم ادلي بدلوي؛ ولو لاحظت اني في الايام الاخيرة لا ادخل المنبر الا لماما ولا اكتب لاني مضغوط جدا في العمل ؛ بل اني لا اجد الوقت لمتابعة بوستاتي وكما ترى الوهابي البائس عماد موسى محمد يمرح في احد بوستاتي ولا اجد الوقت لارد عليه .
قال تقية قال ... شايفنا شيعة ؟؟
| |
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: Abdel Aati)
|
العزيز اساسي
تحياتي لك
تعرف البوست الخاص بالمعيار مادخلته إلا عندما حدثني به الاخ غسان وهبي وكان قد وصل الى الصفحة الرابعة فجلست اتابع وانتقي مداخلات عزاز شامي تيسير عووضة وبعض المداخلات فيه كانت جيدة في الدفع بالمبررات لكن في خلاصته قلت رأئي في بوست آخر عندما آثار الموضوع الزول الجميل ودالصائم فقلت رائي واضحاً وما دخلت في البوست لانه مضى بعيداً وصار محصور بين عناصر محددة من الزملاء وفيه الكثير من الطرح المتحامل على اجمالي المواقف لا الرأي في الموقف المحدد فآثرت ان ابقى متفرجاً استناداً على انني غير مشاركفيهمن البداية ولاحظت تجاهل المتداخلين لعدمن المشاركات جاءت متأخرة عموماً لي بوست في هذا الشأن وهوكتابة تحت الطلب واسئلة في غاية السخف !!! ولعله كان نتاج انبراء البعض للتقليل من شان بعض الكتابات واصحابها دون تأهيل كافي لعلي هنا ايضاًطرحت رأئي بصراحة انني مع حرية التعبير مطلقاً سقوط مدوي لابوالسارة بابكر في عمودية جعيبات وعلوبة !!!! ولا اعتقد ان الاحجاميكون بمثابة مجاملة لاحد إلا اذا كُنا نكتب كشلليات هنا ... مع مودتي واحترام لاختلافات الرأي .
ونواصل بحول الله .
.................................................................حجر.
| |
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: Abdel Aati)
|
اخونا اساسي اول شي ما تقعد تنجر ليك في مصطلحات سياسوقافية وتشبكنا مبدا التقية وبتاع هو نحنا الشيعة ذاتو عرفناهم شنو لامن نعرف ليك (التقية) عندهم عاملة كيف؟؟ الدور بتاع المثقفافية بتوعننا ديل حاول ابعد منو موش لانو مابنهشك بس لانو اصلا لانو فهم استعلائي وبتاع مخارجات.. ايه يعني تشبكنا (التقية) في حين انو الحركة الانتا مشبهها على التقية قد لاتكون بتشبها.. وحتى لو فرضاً طلعت بتشبها قد لايكون السووها قاصدين مسالة (التقية) القتها دي..
زي ناس بن لادن لقو الامركيان شابكنعم تنظيم القاعدة تنظيم القاعدة قامو قالو خلاص نعمل تنظيم القاعدة تصدق وتامن انا مقتنع تماما انو مافي شي اسمو تنظيم القاعدة وان هي إلاافتراءات سووها الغربيين وخلو العالمين دي تصدقا..بعدين الاخوة ديلاك لقو نفسهم في النمط ده من التفكير فقامو قرضو عليهو..
تجيير انماط السلوك البشري لصالح المخارجات التي يقوم بهاالمثقفون والمحللين والنقاد وغيرم، دي مسائل سخيفة وفيها تضييق وتحديد لي انماط عديدة واختزالها في مواعين جماعة محددة..
ياخ يدورك كمثقف صعلوك وود حلة انو تحاول ماتكرث لي الفهم ده .. فساعدنا نرجع الاشياء الى سيرتها الاولى..
ده ما كان عن لغتك المتطورة دي.. اها في قصة
Quote: لماذا لم يتداخل الإخوة الأدباء والشعراء في هذا المنبر، وهم كثر ليدلوا بدلوهم في موضوع يتعلق بحرية التعبير في هذا المنبر؟ مع العلم انهم شغلونا لازمان طويلة في هذا المنبر وخارجه بالحديث عن حرية التعبير وحرية الراي وحرية المعتقد وحرية الصحافة ..الخ اللهم الا اشارات خجولة من الاخ محسن خالد في بوست يخصه لا علاقة له مباشرة بالموضوع . |
افتكر القصة دي تم تجاوزها في منبر سودانيز ده زمان يابلدينا.. وقنا انو المنبري اذا ادلى برايه فقد افصح وخير وبركة واذا لم يدلو برايه فلا يعني ذلك تجيير صمته الى جهة من الراي دون غيرها.. والموانع قد تكون كثيرة ليس اقلاها مزاج ساي..
بعدين ياخي براك قتها
Quote: مع العلم انهم شغلونا لازمان طويلة في هذا المنبر وخارجه بالحديث عن حرية التعبير وحرية الراي وحرية المعتقد وحرية الصحافة |
كانت شاغلة البورد ده لفترات طويلة.. المسالة دي حيلتو ويعجنو فيها لامتين؟؟ يعني انحنا نقعد نرجي كل مابكري يدي زول باص ويرد لعضوية ويفتح الموضوع ده نعقد معاهو القصة دي؟؟ تظل مدورة كده زي (الرفولفينق مرابحة اقريمنت)؟!
Quote: هل نفهم من صمتهم هذا مؤاذرة ومسانده للحملة ضد منال!؟ |
طبعا انا ماعارف منال دي منو ولا موضوعا شنو.. لكن الكلام العام الساي بتاعك ده ممكن يقولو زول عام ساي وهم كثر..بس ما انتا.. لانو الصمت مسالة عامة لايمكن من خلالو ان تفهم منو مسالة خاصة..
من خلال قراية عامة لي بوست المعيار من حقك تقول ماتشاء ومن حق غيرك يقول ليك مايشاء في الماتشاء القتها انتا ومن حقك ترد بما تشاء على من قال في حق مشيئتك شيئا.. ومن حقك تطلب من من تشاء ان يتوقف عن الكتابة.. ومن حق المطلوب بالتوقف انو مايتشغل بيك الشغلة... ومن حقك تطالب بطرد شخص من العالم.. ومن حق العالم انو ما يعبرك في مطلبك.. من حقك تقول العايزو.. ومن حق العالمين دي تسمعك او لاتسمعك.. نظم العالم هذه الحقوق وعمل ليها خطوط حمرا فيما يعرف بالقوانين واصبح الانسان يتكلم فيما يشاء لمن يشاء كيف يشاء وعلى المتضرر النبش في القوانين والانظمة فاذا نجح في تجريم الكلام فيمكن حينها ان يطالب بحقة ..
مابعرف من وين جابو قصة انو البت دي بتسي لينا.. في حين انو منال لم تعلن انها وكيلة احدهم هنا..
| |
|
|
|
|
|
|
Re: مبدا التقية يتجلي عند التقدميين واللبراليين ويسار سودانيز اون لاين ! (Re: DKEEN)
|
Quote: كنا وحتى عهد قريب نعرف التقية بإعتبارها ممارسة تخص الإخوة معتنقي المذهب الشيعي.ولكن التقية الليبرالية التقدمية هذه لم نعرفها إلا من خلال ممارسات الليبراليين واليسار في هذا المنبر.! لماذا لم يتداخل الإخوة الأدباء والشعراء في هذا المنبر، وهم كثر ليدلوا بدلوهم في موضوع يتعلق بحرية التعبير في هذا المنبر؟ مع العلم انهم شغلونا لازمان طويلة في هذا المنبر وخارجه بالحديث عن حرية التعبير وحرية الراي وحرية المعتقد وحرية الصحافة ..الخ اللهم الا اشارات خجولة من الاخ محسن خالد في بوست يخصه لا علاقة له مباشرة بالموضوع . هل نفهم من صمتهم هذا مؤاذرة ومسانده للحملة ضد منال!؟ اما لا يريدون الدفاع عنها خشية إغضاب اطراف الحملة!؟ |
يا جماعة زي ما في حاجة اسمها حرية/حق التعبير في حاجة تانية لا تقل عنها أهمية اسمها حرية/حق عدم التعبير ما داير أعبر عن رايي ياخي مش أنا حر؟ هسي سلب الآخرين حقهم في عدم التعبير دا فرقو شنو من سلبهم حقهم في التعبير
تيسير عووضة/الطرف الشمالي الشرقي للحملة
Quote: من خلال قراية عامة لي بوست المعيار من حقك تقول ماتشاء ومن حق غيرك يقول ليك مايشاء في الماتشاء القتها انتا ومن حقك ترد بما تشاء على من قال في حق مشيئتك شيئا.. ومن حقك تطلب من من تشاء ان يتوقف عن الكتابة.. ومن حق المطلوب بالتوقف انو مايتشغل بيك الشغلة... ومن حقك تطالب بطرد شخص من العالم.. ومن حق العالم انو ما يعبرك في مطلبك.. من حقك تقول العايزو.. ومن حق العالمين دي تسمعك او لاتسمعك.. نظم العالم هذه الحقوق وعمل ليها خطوط حمرا فيما يعرف بالقوانين واصبح الانسان يتكلم فيما يشاء لمن يشاء كيف يشاء وعلى المتضرر النبش في القوانين والانظمة فاذا نجح في تجريم الكلام فيمكن حينها ان يطالب بحقة .. |
دا الكلام ..
ــــــــــ والله يا دكين رغم إنو الكلام دا فيهو شغل بالبارد لي أنا زاتي لكن والله تظل من أجمل الحاجات الطلعتا بيها من المكان دا وإنت عارفني ما بمرق ليك النصيحة بالساهل يخرب بيت أبو كدا زاتو
| |
|
|
|
|
|
|
|