|
أقوال .. ماسورة .. يدكم معانا يا شباب يديكم العافية
|
السادة المشاركين تقبل الاقوال الماسورة في شتي المجالات (الرياضة .... السياسة والذى منو)
مواسير رياضية ...
تشهد البلاد صحوة رياضية ونفرة كروية كبري .. ولا نامت اعين الجبناء .. قول واحد
وقد قام سيادته بدعم الرياضة والرياضيين (صورة لسيادته في زي رياضي كامل وبجانبه السفير الصينى خلفية الصورة سد مروي) طبعا دي مجموعة بتاعت مواسير في صورة واحدة
من مواسيرهم قبل المبارة
المريخ المنتشي .. بهدفي (منو .. ومنو كدي) في مرمي فريق (حمام ميت) يستعد للترجي التونسي .. كاربوني المهمة سهلة (لكن دي زي شامبيون مباااااااااااااااااااالغة)
وارغو اسالوني عن الشباك (كلامك صاح تحمد سيدك الشبكة ما شفتهاالمرة الجاية ح نسألك من الاضاءة بتاعت الاستاد )
|
|
|
|
|
|
|
|
Re: أقوال .. ماسورة .. يدكم معانا يا شباب يديكم العافية (Re: omar alhag)
|
تصريحات ومواسير اخري مفيدة عن ابو الهل ...
كامبوس انها معركة رد الاعتبار (اهو .. تصريح والسلام) روني .. قادرون علي العبور من ميناء الاسماعلية (ياخي انتو .. كدي اطعلو من المينا البري .. خليك من الاسماعلية. الهلال يختمم اعداده بمران جماهير وتالق لافت (لمنو ومنو كده ما عارف) .. (لافت . لكن للتمارين فقط) ..
التحكيم الافريقي يغتال الكرة السودانية (بالله هو السودان من دول عدم الانحياز لإفريقيا ولا شنو) ... قيل لإعرابي من الدورى القطري .. ايها افضل .. كامبوس .. ولا كاربوني ... فتبسم الاعرابي داخل خط ستة.... وسكت فلاش الكاميرا .. وقتها كان حارس الهلال باسطا ذراعيه للهدف الثالث
فضحك الاعرابي للفلاش باك(للهدف الثالث) وقال .. كاربوني راكب مميز علي الخطوط التونسية(في المقعد الامامي جنب الكابتن وراغو بتاع الطيارة) اما كامبوس يفضله المصريون .. مسمسما(اي بالسمسمية) ومحمصا (اي برأس محمد حمص)
| |
|
|
|
|
|
|
Re: أقوال .. ماسورة .. يدكم معانا يا شباب يديكم العافية (Re: omar alhag)
|
اجوبة (مأسورة)
سئــــــــــــــــل خبير اجنبي (جا . البلد دي صدفة عبر ميناء وادي حلفا) عن حال كرة القدم السودانية.. فاجابهم بالمثل التايلندي المعروف لاصحاب القمصان الحمراء القائل ... بنمســــــــكا من الكوبري يعني بالعربي كده البلد دي من A2 Z دايرة شغل... فركب الخبير الاجنبي عجتله متجها صوب قطر حلفا ... ثم سئل خبير صيني( اتي عامل بناء فاصبح مهندس كباري فجاءة)انت بتشجع ياتو فريق فتبسم فرحا بعد ان نظر مليا تجاه عربته الجياد وقال بشجع الفريق البشير ... وسط تصفيق حار من بقية الصنيين في عفراء مول
| |
|
|
|
|
|
|
Re: أقوال .. ماسورة .. يدكم معانا يا شباب يديكم العافية (Re: almulaomar)
|
عمر الحاج
يا محاسن الصدف ياخ أنا في النت في اللحظة دي لحاجات تخص الـ steel pipe
----------------------------------------------- المواسير التانية ما عندي بيها شغلة قبل شوية شرفني شاب سوداني شغال معاى في نفس المبني دشه كلام كتير عن الرشوهم وقعدوا يطقعوا وعن الرشوهم في الاسماعيلية أحبطوا اني ما فارز ديل من ديل ......
ليك اجمل تحية
| |
|
|
|
|
|
|
Re: أقوال .. ماسورة .. يدكم معانا يا شباب يديكم العافية (Re: omar alhag)
|
شاعر المواسير الجميل الاستاذ حسن خمسة بوصة والشاعر المرهف علي اسبتس من اعلام المغالق الشعرية في البلاد ... فتعالوننعش ذاكرة التاريخ باولئك الافذاذ فقال احد مواسير الزمن الجميل .. (ايام كانت المواسير خشب) صوتك يحاكي الطنابير وريدك زاد عندي كتير.. والشوق كبر وماقدرة ادسو وبقي زي قصة سوق المواسير ...
الاشعار اعلاه من كتاب بعنوان شروح وتفاصيل لكلمة المواسير تقديم الشيخ: كاربونى التونسي. وقام بجمع المادة والترجمة
الشيخ :كامبوس الاسمعلاوى طبع بمطبعة الكونفدرالية .. في السنة ال21 من العام الشدادي . وفيه تناول الكاتب . كلمة مواسير وتشير المصادر ان اول من إستخدمها في كتاباته هو الشيخ وراغو بن اتنين مليار النجيري واشارة مصادر اخري الي الحاج عثمان شيكورا ونفس المصادر تشير الي ناحية نهر الكنغو عند قبيلة المازمبي وفي التاريخ الحديث يقال سمعها بعض الاعراب بالقرب من ناحية نادي المريخ عندما كان يلاعب الترجي التونسي ويشير الشيخ كامبوس الاسمعلاوي بان اصل الكلمة فرعوني بدليل انه سمعها في استاد الاسماعلية بالقرب من راية الكورنر في عهد حمص الخامس عشر .........
| |
|
|
|
|
|
|
Re: أقوال .. ماسورة .. يدكم معانا يا شباب يديكم العافية (Re: omar alhag)
|
إمتحانات المواسير .. السؤال الاول اجب علي جميع الاسئلة.. تبيهات لا تكتب علي الهامش (حرة ونزيهه). في حالة الغش (ستكون لجنة للدفاع عن الغشاش) في حال حصولك علي الدرجة الكاملة (رحلة ميدانية لسوق المواسير +عربية ماسورة هدية) ضع علامة ماسورة صغيرة او ماسورة كبيرة امام كل سؤال
أ.عام 2010 عام الرياضة في السودان وخصوصا كرة القدم ( ) ب.عام 2010 عام الدراما في السودان. ( ) ج.المدينة الرياضية بالخرطوم اكبر مجع رياضي بافريقيا. ( ) السؤال الثاني رتب القائمة (أ)مع (ب) أ كامبوس. وراغو. المفوضية. كاربوني. ب ماسورة ابو لستك ماسورة كبيرة. ابو المواسير. ماسورة مبااااااااااااالغة.
زمن الامتحان :(خد راحتك ع الاخر)
| |
|
|
|
|
|
|
|