|
|
 نصيحة خالصة للاخ عضو المنبر .. المحترم صديق مهدي علي
|
الأخ صديق مهدي علي ..
اولاً السلام عليكم ورحمة الله وبركاته..
ثانياً دي نصيحة جادي فيها ولا ابتغي من وراها إلا دوام وجودك بهذا المنبر وعدم توقيفك
لأي سبب من الاسباب ويمكنك ان تاخذها بأي منحي شئت فقط اتمني ان تقراها بعين واعية وقلب سليم
ثالثاً لست اكبر منك سناً لكني مشاهد اليوم وقبله من ايام لما تفعله وتكتبه في المنبر
فمن باب المحبة الاخوية والنصح لوجه الله احب اعطيك ملاحظات ..
|
|
 
|
|
|
|
|
|
|
 Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
اول ملاحظة يا صديق مسألة فتح البوستات الكتيرة دي غيــر مجدية
وبعضها عبارة عن رد لبوست آخر بدل ان ترد فيه تقوم تفتح بوست ..
خلي فتح البوستات شوية يا صديق وبدل تفتح بوستات حاول اشغل نفسك بالتداخل ببوستات الآخرين
يآخ اقول ليك شئ شوف علاء الدين يوسف وين ؟
محل ما يقبل إتداخل معاهو في موضوع بوسته وقول ليهو كدا صاح وكدة غلط وناقش الناس فيما يقولون
لو عاوز بوستات نضال ومعارضة فتش ود عمتك هشام هباني وقدر ما يفتح بوست تعال اديهو فيهو النجيضة
أقلاها اهو هباني بوستاتو بايرة وما بيدخلها غير الضباع عشان يضحكو في هبالتو
يبقي انت بدل تخليهو عرضة للضباع ينهشو في لحمو البقي فطيس تعال ارفع ليهو بوستاتو
وإشتغلوا مع بعض حواء الطقطاقة ودو دو .. واحد يشيل والتانية تخت ..
واواصل معاك
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
لو غلبتك قصة انك تبقي شايل كورس عند المناضل هشام هباني يا صديق ابقي حاول أول شئ اقرأ للناس التانية
واستوعب ما يقولوه كويس واعمل سيرش وبحث عشان تتاكد عن ما خفي عليك من معلومات .. بعد كدة لو بقي عندك رأي يا صديق برضو ما تفتح بيهو بوست منفصل رد ليهم في محلهم .. وهم اكيد بياخدو ويدو معاك
ما اساسا سودانيز للحوار بعد ما تتحاوروا لو لقيت في خلاصة مهمة صعب عليك تقنع بيهو الشخص دا امشي افتح بوستك براك وخليهو يلخص السابق كلو ..
وبواصل معاك في حتة اللغة ..
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
اللغة يا صديق اهم شي في النضم دا كلو .. حتي لو ماعندك فكرة تقولها لكن استخدمت لغة راقية ومحترمة
بتلقي من يصفق ليك .. شوف هسع القومة والقعدة بتاعت ناس فور اول ديل في شنو .. قايلها في فكر والا ثقافة !!
وحاة امي فهمهم ياهو زاااتو بتاع الرجرجة والدهماء الهنا بس بيستخدمو لغة مطنقعة شوية وكم مصطلح
علي كم مثل زائد كم حديث وكلام حبوبات وبتلقي الناس فتحت خشمها ..
فطور لغتك يا صديق وابعد من قصص اي زول يتداخل تشتمو وتوصفوا بصفات سوقية ومبتذلة
يآخ انت حتي البيدافع عنك بتقول عليهو غواصة ..
فحاول ركز في كتابتك مرة واتنين وتلاتة بعدين صيغ ما عاوزة .. ولو كتبت في لحظة بتاعت غضب
او ما مركز في الكلام البتقولوا ما عيب بكرة تعتذر ..
اهم شئ تجود لغتك
وبواصل معاك في التصنيفات
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
الشئ التالت يا صديق مهدي علي .. حكاية تصنيفك للناس دي من طرف ..
دا كوز .. ودا ماسح جزمة البشير .. وديلك غواصة .. وديل قابضين حقهم من السفارة
والخامس انتهازي..
يا صديق انت ما إله عشان تعرف الفي الضمائر ولا الحقيقة بمجرد انك تقرأ للزول حرف من خلف شاشة
يبعد عنك الآف الاميال ..!
ولا يمكن اي من يختلف معاك يبقي ضدك على طول الخط ومتآمر وعميل .. لو عملت كدة وبقيت كدة
يبقي خليت لود عمتك العبيط شنو ؟! ماهو دا المطفش الناس من النقاش مع هباني
وخلاهو هو نفسو منكسرة وذليل وما يقدر يجادل اي زول في أي شئ الا بالبذاءة والسفالة والعوارة
يا صديق الناس تختلف هنا في افكارها ومواقفها السياسية ومعسكراتها البتنضم ليهالكن قد تجدهم متفقين حول قضية معينة
وبالعكس قد يتفقوا في اي حاجة لكن قضية معينة يختلفوا حولها للطيش - والامثلة كتيرة - فإبعد من اي زول يتداخل معاك تديهو رشاش كلمات لدرجة انه المنبر بقي مافيهو صليح ليك البتة ..
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
| Quote: اي زول يتداخل معاك تديهو رشاش كلمات لدرجة انه المنبر بقي مافيهو صليح ليك البتة .. |
والحتة دي مافي صالحك يا صديق مهدي ..
يمكن هسع الناس شايفاك ظاهرة غريبة ومحيرة كدة وبيردو عليك ..
لكن صدقني بعد فترة بتكون استهلكت نفسك ورميتها في بئر سحيق من السقوط اللغوي والمفاهيمي
والناس تكتشف انك زول بيضة ساي ولو جيت سلمت على الزول ما بيرد عليك ..
وانا شخصيا بتضرني الشئ دي لاسباب كتيرة :
اولاً بعتبر فاكهة للمنبر دا وبتزرع في الناس الابتسامة شاءوا او لم يشاءوا نعم قد تاتي الابتسامة على أشكال مختلفة لكنها في النهاية إبتسامة ولو حاكت رقص الطير المذبوح
ثانياً شايف انك جديد في المنبر وشكلك ما كنت بتقرا ولا متابع وفجأة كدة جيت بشرت في حفلة فيها راعي
المكان وقطع فيك باسوورد فجيت كابي الجكة بدون تدبر عشان كدة الواجب تنبيهك ..
ثالثاً مهما حصل وكان رد فعلك لكن يجب ان تكون هناك قرود تنطط وسط الضباع والسباع والثعالب داخل جنينة حيوان المنبر ولا نامت اعين حماة حقوق الحيوان ..
اقول قولي هذا واسأل الله ان تتقبل قولي بصدر رحب وتتابعه بجدية ففيه الكثير من الحقيقة
وهي نصيحة ليك ونصيحة لكل من يريد ان يلعب دور مهرج بلاط السلطان
*-*-*
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: ABUHUSSEIN)
|
| Quote: تمبس يا خوي نحن يدينا رفعناهم زماااااااااااااااااااااااان باقي بس نرفع الجزم |
المحيرني اى بوست يفتحه ينتهى بدخول اول متداخل ...ولمن ينتهى يفتح آخر ويشتغل فيهو لغاية يجي متداخل يقفل بيهو البوست ...لا يرد ..جاى من اجل الكتابة او شبيهة الكتابة ...
الزول ده سبب رئيسي لتحول الكثيرين مؤخراً من المعارضة للمؤتمر الوطني ...الزول ده صدقوني مؤتمر وطني ...
ابو الحسين ارفع جزمتك الله يرضى عليك ...
| |
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: فايزودالقاضي)
|
هشام مدنى و وليد عبد اللطيف حديث الساعة المبوب
حيدر الزين ياخوي الدنيا دي باقيلك فيها عمار
موش دا البوست بتاعي ومخصص لي والله مسامحو لي الله والرسول
والله نصحتو وقلت له كلامك دا غلط
ودا كان ردي هناك وتاني كان كتبت شيء في حقة اكون ابن حرام
Quote: : ياصديق مهدي الله يهديك ويسامحك
ياخ اتكلم في السياسة للصباح واختلف معاهم
بس ما تحاول تتعرض بالشتيمه لهم
ياخي رجاء
امس رسلت ليك رسالة برضو ما اشتغلت بينا
مافي داعي لمثل هذه المهاترات
احترم الناس عشان تحترمك |
بس ياجماعة انتو كمان ساعدونا في عدم ملاحقتة
وارفعوا عنه ايديكم اذا كان هو لم يعجبكم لاتدخلوا بوستاته
او امتنعوا عن الرد له وهذا امكن يكون اخف شيء بالنسبة
للناس المتابعة للمنبر ...
-----------------------------
صديق مهدي والله شتمتني لكن مسامحك دنيا واخره
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: وليد عبد اللطيف)
|
سلامات بالصديق وليد عبد اللطيف..
يا وليد ربنا يديك العافية وطولة البال وما قصرت بعفوك عن صديق
وانا شخصيا عافي ليهو كل ما قالوا في حقي وعمري ما شلت منه
بالعكس كتير جدا بكتب ليهو رد او اقرا ليهو واكون اضحك
ودا حال اخونا وهبة كذلك حسب ما اعرف وفايز واغلبية المتداخلين
وانا بخلافك ما قاعد اشوف في زول بيطاردو ولا زول ساكيهو بالعكس
هو ساكي نفسو زي الكلب وقت يسك ضنو ويجري وراهو مُش بيفضل يلف حول نفسو
دا حال صديق مهدي قريب السنة بالمنبر وهو ساكي ضنبو ولافي في نقطة واحدة حول نفسو
يفتح بوست لا يرد على المتداخلين ويمشي يرد علي بوستو ذات نفسو في بوست جديد
وفي نفس الوقت صديق لا يتداخل مع بقية الاعضاء - زي الطيرة الاسمو هشام هباني داك -
الكلام دا انا بكتبو الآن بذل نصيحة اخوية لصديق مهدي ام قصة ملاحقتو دي فما اظن
انها بتخرج عن دائرة تشبيهي اعلاه والا لما كان صديق مهدي استعدى جميع الناس
بإختلافهم وهو كل يوم ينبذ جماعة وطائفة منهم
لك خالص تقديري ومودتي
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: فايزودالقاضي)
|
Quote: المحيرني اى بوست يفتحه ينتهى بدخول اول متداخل ...ولمن ينتهى يفتح آخر ويشتغل فيهو لغاية يجي متداخل يقفل بيهو البوست ...لا يرد ..جاى من اجل الكتابة او شبيهة الكتابة ...
الزول ده سبب رئيسي لتحول الكثيرين مؤخراً من المعارضة للمؤتمر الوطني ...الزول ده صدقوني مؤتمر وطني ...
|
كلام فايز ود القاضي دا يا صديق يُضاف للنصائح اعلاه
برضو تمعن فيهو كويس فهو يحمل حقيقة ارجو إنك تستفيد منها ..
ـــــــــ
غايتو يا فايز زول ؟إتحول بقرب للمؤتمر الوطني غير عصام دهب مافي هنا .. وعصام زاتو ما شايل
كورس صديق مهدي دا فشوف لينا غيرو منو ..
ود عمتو بصدقك انه غواصة إلمانية ولهو اجندة خفية لكن صديق دا الله اعلم يقدر يدجن ليهو
غنماية خليك انه يشتغل تجنيد
| |
|
|
|
|
|
|
|
|
 Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
الأخ صديق مهدي نصحناهو يقلل فتح البوستات ويراعي لمصداقيتو ويتخير لغتو
فتمادي في غيــه بل وأصبح يجلب الأكاذيب الصريحة والاشاعات مثل بوسته عن
إختطاف باخرة سودانية من قبل قراصنة صوماليين .. ويبدو إنه ارتضي لنفسه
أن يكون نسخة أخري من قريبه هشام هباني في سوء اللفظ والكذب والبذاءة
فهنيئاً لك يا صديق مهدي علي وقدامك المنبر امرح وفنجط فمصيرك سيكون
العزل الصحي مثلك ومثل قريبك هباني ....
ستبدي لك الأيام ما كنت جاهل ** ويأتيك بالأخبار من لم تزود
ويـأتيك بـالأخـبار مـن لم تبع له ** بتاتاً ولم تضرب له وقـت موعد
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
عزيزي الأخ / حيدر الزين .. وبقية الأخوة المتداخلين ...
تحية ملؤها الود والتجلة ؛؛
حقيقة يا جماعه هذا الرجل أنتم من خلقتم له هذه الهالة الكاذبة باهتمامكم به وبموضوعاته الجوفاء .. وصدقوني مثل هذا النوع من البشر يسعد كثيراً بهذه الضجة الفارغة ويستمريء المسألة ويتمادى فيها إلا ما نهايه ...
لو تجاهلتم هذا الرجل سينتهي من تلقاء نفسه تماماً كالفقاعة التي لا تحوي علي شيء سوى الخواء ...
وصدقني أخي حيدر لن ينفع معه نصح ولن تجدي محاولات الإصلاح .. ولكن لو أهملته الناس صدقني سيتبخر في الهواء .. ويا جماعه انتم براكم سويتم للعشر شوك ...
مع خالص تحياتي وتقديري ؛؛؛
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: أزهري سليمان)
|
عزيزناازهري سليمان
مشكور علي المساهمة الراقية وياريت الزول دا اقلاها يستفيد .. يكبر راسو يقرأ يعرف من النصائح دي
لكن قدر ما ننصحو هو ماشي سادر في غيو زيادة
ربنا يديك الحسنة والاجر فيما تقوم بيهو تجاه المدعو دا
تحياتي
وبالله يا ازهري شوف معاك زول تقدم ليهو شنو وهو شغال يكتب لي شنو:
Quote: الطيور على اشكالها تقع طبعا انت و حيدر الزين من طينة واحدة لا تصلح اجتماعيا
هذا الرجل المدعو حيدر الزين لا يملك لا فهم و لا رجولة |
سامحك الله يا صديق يا جنريتر وربنا يشفيك يآخ
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
عزيزناازهري سليمان
مشكور علي المساهمة الراقية وياريت الزول دا اقلاها يستفيد .. يكبر راسو يقرأ يعرف من النصائح دي
لكن قدر ما ننصحو هو ماشي سادر في غيو زيادة
ربنا يديك الحسنة والاجر فيما تقوم بيهو تجاه المدعو دا
تحياتي
وبالله يا ازهري شوف معاك زول تقدم ليهو شنو وهو شغال يكتب لي شنو:
Quote: الطيور على اشكالها تقع طبعا انت و حيدر الزين من طينة واحدة لا تصلح اجتماعيا
هذا الرجل المدعو حيدر الزين لا يملك لا فهم و لا رجولة
سامحك الله يا صديق يا جنريتر وربنا يشفيك يآخ
================================================**********************=================
الاستاذ حيدر الزين
ان اخر ما كتبه الاخ المحترم صديق مهدى على امد الله فى عمره ليكون اذية على الاخرين مقاله الطيور على اشكالها تقع والاساءة البذئيه الى شخصك الكريم
اخر ما يرغب ان يجده عبر هذا المنبر العظيم (وكذلك انا او اى شخص اخر)زميل و مدير المنبر يجعل من توجيه تعليقات انتقاديه عقيمه فى المنبر العام ، وبالتالى فان ذلك الموقف يشكل لك ضعطا عصبيا ، ذلك لان هذا الوابل من التعليقات والبوستات السلبيه سيكون له - لا محاله- نتائج سلبيه على ادائك واحترامك يا استاذ صديق لذاتك ومشاعرك تجاه ما تكتب - ويمكن القول الان بانك اذا كنت تعمل وتعيش مع مثل هذة النوعيه من الاشخاص ، فان صفاءك الذهنى فى فتح البوستات سيعتمد على انتقاد والاساءه على هذا الشخص الذى وجه اليك النصيحه وليس نقدا اخ صديق مهدى
لا تعتبر تطبيق النصائح التى تحتاجها للحصول على النقد البناء شئيا مزعجاواحب ان اقول اليك يا استاذ صديق المهدى على المحترم:-
1- البوست الذى دائما تفتحه غير دقيق
2- كتابتك فى حاجة الى التحسين
3 اعتقد ان تحليل المعلومات فى حاجه الى اكمال
اخ حيدر الزين
تقبل اعتذارى الشخصى لتلك الاساءة التى بدرت من احد اعضاء المنبر المدعو صديق مهدى على
اخ صديق
شايف الاخوان بيقولوا عنك شاعر كدى اكتب لينا قصيدة تسلينا شويه
مع تحياتى للجميع
| |
|
|
|
|
|
|
|
|
 Re: نصيحة خالصة للاخ عضو المنبر .. المحترم صديق مهدي علي (Re: أزهري سليمان)
|
الاخ ازهري سليمان ..
يازول تقديرك وإحترامك فوق راسناومشكور جداً لتواضعك الكريم
وصديق مهدي يتقبل نتيجة ما يرتكب فيهو و
Quote: اخ صديق
شايف الاخوان بيقولوا عنك شاعر كدى اكتب لينا قصيدة تسلينا شويه
|
هي جنس قصائد وعصايد لكن يا أزهري ..!
يمين بالله تقرأ ليهو قصيدة هنا تشوف جنس قرود وعتان وثيران تنطط لمن تتحير
تقول ياربي خشيت حديقة الرهد والا شنو؟!
| |
|
|
|
|
|
|
|
|
|
Re: نصيحة خالصة للاخ عضو المنبر .. المحترم صديق مهدي علي (Re: HAIDER ALZAIN)
|
العزيز حيدر الزين
اتصلت بك ليه ما بترد
بينى وبينك صديق دا ح يعمل قصيدة رهيبه زى شعر عادل امام فى مسرحية شاهد ما شافش حاجه
رب قوم ذهبوا الى قوم
مالقوهمش
اخذوا تاكسى ورجعوا تانى
تحياتى
صديق عليك الله اكتب لينا قصيدة من شعرك النارى
فى انتظارك
مهداه الى حيدر الزين وابوالحسين وشخصى الضعيف واعضاء المنبر العام
| |
|
|
|
|
|
|
| |
HAIDER ALZAIN
هاشم نوريت
يحى الشريف
Mohammed Awad
علاء الدين يوسف علي محمد
ABUHUSSEIN
tmbis
فايزودالقاضي
وليد عبد اللطيف
Faisal Elrasheed
Hassan Makkawi
Hani Arabi Mohamed
إدريس محمد إبراهيم
فيس بوك
تويتر
انستقرام
يوتيوب
بنتيريست