|
رغم هزيمته بالثلاثة المريخ الاقرب الي الصعود من الهلال
|
في البداية حظوظ المريخ والهلال في الصعود الي المرحلة القادمة من الدورة الافريقية صعبة جدة ولكن ليست مستحيلة , الا انه وحسب المعطيات التي امامنا فان حظوظ المريخ في تجاوز الترجي اكبر منها بكثير امام حظوظ الهلال في تجاوز الدراويش , بالاضافة الي ان المريخ سيلعب في قلعته الحمراء وسط جمهوره ( الراقي) ومحبيه فان المريخ عودنا علي قهر المستحيل , بعكس الهلال الذي بالاضافة الي انه سيلعب خارج ارضه وبعيدا عن جمهوره ( الاشتر) وان كانت هذه نقطة في صالحه الا ان الهلال بلا روح وليس للاعبيه اي دوافع للتقدم اكثر من هذا في البطولة , فهم كعادتهم تعودوا الوصول الي بدايات المراحل الختامية من البطولات والمساعدة في تتويج الفرق الاخري والقيام بدور جيد لها وتقديم هدية في اعداد تلك الفرق بالاحتكاك معها لتواصل الفرق طريقها الي المنصات ويرجع الهلال الي زرائبه وهو يرخي ضنبه , دائما ما يذكرني الهلال هؤلاء الاشخاص من الكومبارس الذين يتقدمون مع النجوم نحو المنصات فيعتلي النجم المنصة ويعود الكومبارس الي مواقعه امنا مطمئنا قانعا بدوره , او مثل الاطفال الذين يرافقون لعيبة الفرق الكبري الي داخل الملعب وبعدها في احسن الاحوال ينتشروا في الميدان يلقطوا الكور البتطلع او يعشوهم بدري ويمشوا ينومو
|
|
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: اساسي)
|
Quote: عند الصمت المهيب لا نتحدث الا نحن , فنحن القادرون علي صنع المعجزات بعدين اخوانا الهلالاب ديل زي الحِلل وجرادل الطلس الفاضية صوت عالي وهي فاضية |
.. جابو لي جرايد بايته من السودان .. ضحكني واحد كدا اسمو هيثم كابو .. بيهضرب كدا بي نفس الهضربة بتاعت مخدر أبوالقاسم ,, ضحكني شديد جدا .. حتى النقط البكتب بيها مزمل أبواقاسم .. ديل طبعا كتاب جرايد .. قاعدين يكتبو عن الهلال .. وعن الاسماعيلي وعن حمص وما ادراك ما شنو ما عارف .. اها كتابة الاسفير دي كمان حاجة تانية .. حسع زي المسكين الكاتب البوست دا .. كان ما كتب البوست دا .. والله كان نقول مخدر ابو القاسم وهيثم كابو ديل معاهم حق .. اسمع يا سيد البوست .. أخوك القال زعلان منك عشان ما شجعته الاهلي المصري شديد داك .. عامل كيف ..؟ ياريت تديني رقمو في الماسينجر الداخلي .. ايوة رقم تلفونو ..
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: طلحة عبدالله)
|
Quote: الكلام دا كان زمان جدا يا أساسي في عصر الأقوياء هسع المريخ عود جماهيرو على الخذلان وأية حاجة تهرد الكبد |
يا طلحة قول كلام غير دا , خلي عنك الاحباط لهؤلاء الرشاشات فهم قد ادمنوا ذلك , المريخ هو الفريق السوداني الوحيد الذي تراهن عليه وقت الصعاب , المريخ لا يخور ولا يوهن وان فعل فانه سريعا ما يعود و انت بقيت ميتان كدا مالك مصاحب ليك هلالاب الايام دي ولا شنو؟
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: طلحة عبدالله)
|
العجيبة يا أساسي لأنو أساساً انتو ما عندكم حاجة تعتمدوا عليها فاقول لك كهلالابي الهلال إلى دور الثمانية إنشاء الله والشراط هنا لي القدرو 100 ريال لي 100 ريال يا اساسي
لو موافق على الشراط قول عوك نحن واثقون من الفوز في الاسماعيلية لأنو مصر اصبحت لنا عادية جداً وخوفة زمان خلاص انتهت
Quote: تسكتي ليه ؟ مريخابية ارفعي راسك
عند الصمت المهيب لا نتحدث الا نحن , فنحن القادرون علي صنع المعجزات بعدين اخوانا الهلالاب ديل زي الحِلل وجرادل الطلس الفاضية صوت عالي وهي فاضية |
بس في حاجة عاوز اقولها ليك: انا شخصياً مع المريخ اليوم لأننا خلاص تعبنا من عقدة شمال افريقيا والترجي دا بالذات
اللهم انصر هلال الملايين على الاسماعيلي
الصادق
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: tmbis)
|
Quote: أنا ما بسالك حسع دي .. بسألك بعد شهــر .. يبتدي العددان للشهر ابتداء من صافرة الحكم النهائية .. مساء اليوم باستاد المريخ .. سوف تغيبين عن البورد .. لمدة شهــر بعد صافرة الحكم مساء اليوم باستاد المريخ |
تمبس ياخ اقرانى صح,,,,
الليلة تحديدا ماحاغيب وتلفونى مفتوح والبوست بتاعى جاهز بس كوبى.. بوست,,ارسال,,
ياجماعة الزول مايعبر عن اعجابو بايتها حاجة فى البورد دا?
وبعدين ياتمبس ياخ نحن بقى عندنا نص عندكم فبالله مرة واحد جاملنا خت علمنا دا فى مربعك دا,,,, بطل تحقر بينا,,,بـطل تهدننا,,,بطل تربط لينا بالبوستات,,,خليك رغيغ ياخ
(عدل بواسطة Amira Elsheikh on 05-08-2010, 08:53 AM)
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: محمد عبد الماجد الصايم)
|
Quote: يا تمبس ما تخاف رسلت ليهو رقمك واتوقع منه بكرة رسائل بالكوم بس ما تعمل رايح |
... Quote: نُطالب بعدم إغلاق الجوّالات ـ الموبايلات!! |
..اخوك دا أوعه بيكون بيبكي زيك كدا .. ؟ يامحمد الصايم .. أرجو الا تقوم بي ارسال أي رسالة إلا بعد تمريرها على ساقوم بتنقيحها ومن ثم اعيد ارسالها لشخصك .. تتم عملية التصحيح وفقا لي المعايير بتاعت البورد .. مش الزول دا لقيتو هنا في البورد دا .. خلاص ترسل ليهو بي معايير البورد .. بالمناسبة .. اقترح إنك تكتب الرسالة من أصل وتلاتة صور .. ترسل ليهو صورة من الرسالة وهو في الصناعية وصورة وهو قاعد يبكي .. وصورة وهو ما قاعد يتعشى .. الأصل يرفق مع تذكرة السفر ورقم الحجز .. لانو قالو التونسية ما بتتأخر
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: عمار يس النور)
|
Quote: جماهير المريخ ترهب بعثة الترجي امس عدد المشاهدات: 99
نشرت: 07/05/2010 - 04:17 عدد رقم 6716 • حشود بشرية وجماهيرية كبيرة اكتظت بها ساحة الوصول بمطار الخرطوم الدولي مساء امس لاستقبال بعثة الترجي التونسي حيث قامت جماهير المريخ بالتلويح بالهتافات ورفع الاصابع متوعدين الترجي برباعية وخماسية في مباراة الغد المصيرية فيما قام المشجع (لب) بحمل اعداد كبيرة من الفراخ وقام باكلها امام بعثة الترجي. |
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: مأمون)
|
Quote: بالاضافة الي ان المريخ سيلعب في قلعته الحمراء وسط جمهوره ( الراقي) ومحبيه |
يا أساسي الجمهور الآن أصبح دوره ثانوي وهامشي جداً ولو كان للجمهور دور "أساسي" لما إنهزم الهلال من مازيمبي والإسماعيلي في ملعبه ولماذا إنهزم الأهلي المصري من النجم الساحلي في عقر داره بالثلاثية لو كان للجمهور الراقي دور "أساسي" أين كان هذا الدور في مبارة الصفاقسي الشهيرة الأهم كفاءة اللاعبين وقدرات المدرب وهذه غير متوفرة في المريخ حالياً مع تمنياتي للمريخ برد الإعتبار داخل الديار
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: Elsheikh Mohd Aboidris)
|
Quote: تسكتي ليه ؟ مريخابية ارفعي راسك
عند الصمت المهيب لا نتحدث الا نحن , فنحن القادرون علي صنع المعجزات بعدين اخوانا الهلالاب ديل زي الحِلل وجرادل الطلس الفاضية صوت عالي وهي فاضية |
غايتو انا حاسدكم علي الميزة دي... تنغلبو ستمية صفر...ويجي هارون دياب يقول ليك...كبوة صفوة... ولو كان دا الهلال كان اتغلب تسعمية..
انا قايل قلبكم مات؟؟؟
هسي بلاهي عليك زول غلبوه 3 في 15 دقيقة يجي يأمل تاني جنس املك دا...
يا اخي ناس الترجي ديل عندهم واحد عاتي كدي من جهات افريقيا التحت لينا دا براه كان خلوه في الهجوم والباقين بقوا دفاع بجهجه باكاتكم... وكان في الشوط الاول جبتو 4 صفر ممكن عادي في الشوط التاني يكشحوكم بي قون...
اما لو كشحوكم بي قون قبال ما المذيع يقول...1 2 3 تيست فيبقي لازم تقفلوا التلفزيون وتتحولوا لقناة اقرأ يا اساسي..
ومع ذلك: يمكن تغلبو في حالة يدوكم 6 ضربات جزاء... وتطفوا نور الاستاد 20 دقيقة...وتطردوا تلاتة لاغبين من الترجي بمن فيهم القون...والباقين تدوهم منشطات...
ديل ناس شبعانين ومتعافين...تلاقوهم بي ناس سفاري؟؟؟
الهلال وضعوا افضل ومع ذلك...بي الحكم ساكت ما بطلعوه غالب من مصر...
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: محمد عبد الماجد الصايم)
|
هسع بجوك ويقولوا ليك...نحن خلينا الكلام الهلال...؟؟؟
وكأنهم ما كانوا طرفا في موقعة ابي حجار... وكأن الدجاجة الحمراء لم تكن الا في كتاب المطالعة... وكأن عبدالكريم النفطي ما كاكا مع الدجاجة الصغيرة الحمراء.. وكأن خديجة لم تقع من البلكونة... وكأن محمد كمال لم يبيض...وانما باضت دجاجة عبدالكريم...
انا غايتو امس لو كان كنت مريخابي...كان طرشت عووووووع واتغتيت بي باقي المخدة...
| |
|
|
|
|
|
|
Re: رغم هزيمته بالثلاثة المريخ الاقرب الي الصعود من الهلال (Re: nazar hussien)
|
Quote: اليوم فى سوق التياب السودانية
طوب احمر باصفر اسمه الحمام طار,,, |
هاهاهاهاهاهاهاهاهاهاهاهاها وتاني هاهاهاهاهاهاهاهاهاهاهاهاها وبصراحة يا أب قوته مجهوداتك في الشماته لو وظفتها في الشعر مثلاً كان فت جرير زاتو. وبيني وبينك هم يستاهلو لأنه لسانهم طويل في الفاضي ولكين إنتو برضو الرشاشات ياكم الضلع الثاني الأعوج يعني ما تشكر لي الراكوبة في المطره ولكنهم ما أتوا للتنافس بل أتو للكسير التجاهل التجاهل التجاهل حقوق الفكرة مسجلة هنا بإسم مصطفي محمود<[/B]/font>
| |
|
|
|
|
|
|
|