|
|
|
 Re: المكتبة السودانية: TEARS OF THE DESERT ....د. حليمة بشير (Re: adil amin)
|
قصتي مع هذا الكتاب...
شاهدت في نشرة اخبار في فضائية الحرة..امراة سودانية تسلم الرئيس الامريكي الاسبق جورج بوش كتاب...صعقت لاول وهلة...واستدركت انا الذى اعاني من داء الكتابة ايضا كاقوال شاهد اثبات...ان هناك قوى خفية ابقت هذه المراة الشجاعة على قيد الحياة لتقدم هذا العمل الابداعي والاجتماعي والانساني الرائع للانسانية وللعالم الحر..وتنجلي الحقلة المفقودة في ازمة دارفور عبر بعد جديد...سافرت العام الماضي الي الدوحة...وما كان يخطر في بالي ان اجد هذه الكتاب الذى خلته فقط متوفر للقراء خلف بحر الظلمات...في الدوحة مع شقيقتي الاستثنائية والمثقفة سعاد وابنها المبدع الامين...كنت اعرف ان سيكون لي برنامج حافل من النوع الذى يستهوني بل يستهوينا نحن الثلاث...قمنا بغزوة لمكتبة جرير..وعندما كنا نتجول في اورقتها ...اقترب مني هندي يحمل كتاب وقال لي(are you a Sudanese?see this beautiful book. I read it my self. It makes me cry and fell in a deep sorrow)
اخذت الكتاب ونظرت وكانت المفاجئة..كتاب حليمة بشير...الذى ما كنت احلم بالحصول عله لعدم تعاون من يقيمون في العالم الحر وهذا الفضاء عندما تتصل بهم ويعتقدون انك تريد منهم نقودا او حديدا او حجارة او شيء من ما يعظم في نفوسهم...وهذا ايضا شيء من حتى من رزائل اهل هذا البورد...بعد قراتي للكتاب..تاكد لي تماما ما قاله الهندي والهنود اهل الحكمة كتاب خمس نجوم فعلا...
.....
عندما عير المعتدون الطبيبة المسكينة في صحراء دارفور بعد ان انتهكو عرضها:نحن تركناك على قيد الحياة حتى تخبري العالم كله عن الاغتصاب!!!...لم يدرك هؤلاء الاوغاد القصة العربية في الاثر..عندما دعا الخلفية احد رجال البادية على مادبته وصادف ان قدم له زوج مشوى من الحمام البري...نظر الاعرابي اليه وضحك قال له الخليفة...ما يضحكك؟؟...رد الرجل...في الماضي كنت قاطع طريق واردت ان اقتل رجلا...وقال لي لا تقتلني ساشهد عليك هاتين الحمامتين...كانتا على فرع شجرة قريب ..وقتلته...وهنا عبس الخليفة ونظر الي الرجل وردد: فعلا لقد شهدتا عليك....وامر السياف بدق عنقه وذهبت مثلا)
قدمت حليمة بشير شهادتها للعالم والانسانية عبر كتاب في ادب السيرة الذاتية...سيظل علامة فارقة في عالم(المكتبة السودانية)....وسياتي اليوم...الذى يصبح هذا الكتاب اقوال شاهد اثبات وعبرة لمن اعتبر...لن اعرض الكتاب بعملية نسخ لصق او اترجمه ولست مترجما...فقط ساعرضه على الملا هنا..واتمنى ان يكون هناك من قراه...حتي نقيم حوله حوار ثري جديد...وندعم ترشيح هذا الكتاب لجائزة بوكر البريطانية
| |
  
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: adil amin)
|
حتى نعرض الكتاب بصورة مرحلية ومنسقة
يتكون الكتاب من اربعة اجزاء رئيسة بعناوين الاتية
1- طفلة من الصحراء
2- مدرسة في الصحراء
3- صحراء النار
4- صحراء اللاعودة
وتحت هذه الاجزاء الرئسية توجد عدد من الفصول
طفلة من الصحراء
1- السماية(سبق تناوله اعلاه)
2-رحلة الجدة سومة الي الوادي الضائع
3- شليل وينوbone moon madness
4- مو وعمر وانا
5- الختان
استعرض الجزء الاول عبر فصوله الخمس الحياة في دارفور في ذلك الزمن الغابر.. الارض والانسان وجوانب حية في تراث قبيلة الزغاوة من مشاط و شلوخ وختان وحبهم للون الاحمر(حتى شراب الفانتا الحمراء) وانواع الاطعمة من لبى وعصيدة...كما وصف البيئة القاسية والعمل الشاق الذى تقوم بها النساء من جمع الحطب ونقل المياه من الابار العميقة...وفي رحلة الجدة سومة مع حليمة وصديقتها خديجة..الي مجاهل جبل مرة والمغامرة المرعبة مع كائنات اخترعتها الجدة سومة(الاكاديم)...او الحيوانات الاخرى المفترسة من هجر وضباع ونموروغيرها من الهوام...وليس من بينها الكائنات الاكثر فتكا (الجنجويد)... هي ما كان يرعب النساء في ذلك الزمن السعيد في زمن ثورة مايو الاشتراكية والحكم الاقليمي اللامركزي...كانت مغامرة جمع الحطب وما ترتب عليه من ماسي مضحكة والفزع الرهيب الذى سببته بومة لحليمة وصديقتها وعودتهما منهكتين ..اثار استياء والد حليمة الميسور الذى وجه نقده غير المباشر للجدة سوما عبر ابنتها زوجته..لان الحطب والماء يمكن شراؤهم من الباعة المتجولين على عربات الكارو...ولكن حكمة الجدة سوما التي ورثتها من ابيها والاجداد...كانت تقف حول تدريب الصغار على الحياة الشاقة ...فقد ياتي يوم يحتاج الصغار لهذه التجربة من اجل البقاء على قيد الحياة في اسوا الظروف...وهذا ما حدث فعلا لاحقا وللمزيد من التاكد انظر الي صورة البروفايل وكيف استطاعت هذه المراة الدارفورية العيش في خط 11 تنتظر ان تستقر صخرة سيزيف التي يتدافعها كيزان المركز مع كيزان الهامش على حال يعيدها الي قريتها....صراع فاجر ودون ادنى شعور بالحياء رغم ان الحياء شعبة من شعب الايمان..
ملحوظة:خايف اكون السوداني الوحيد القرا الكتاب ده غير حليمة بشير....يا عيب الشوم عليكم...
| |
|
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: adil amin)
|
| Quote: ملحوظة:خايف اكون السوداني الوحيد القرا الكتاب ده غير حليمة بشير....يا عيب الشوم عليكم... |
الغريبة في ناس قرتو ما فهمتو....وعايزة تزايد باسم الكاتبة
وقالو لغة من غرب افريقيا ما سودانية....طبعا ديل ناس جمهورية العاصمة المثلثة ومخلفات الشيوعيين والكيزان في البورد...
كدي يوررنا انجليزي السودان كيف
قد تكون حليمة ذكرت الوقائع وقام بالصياغة الادبية كاتب اوروبي
| |
|
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: amir jabir)
|
الاخ امير جابر
سلام
شفت نخبة المركز الذين اقسمو ان لا يدخلها عليهم مسكين
المازومين فكريا وثقافيا وسياسيا
عاملين فيها منقطنها
يحقرون مبدعين الهامش
وللاسف شهرتهم الكاذبة في البورد تجعل ما يقولونه من غثاثات حكم
تناول الاخرون لكتاب دموع الصحراء...بالطريقة الصفيقة في البوست المجاور....وتركيزهم على الكاتب وترك الكتاب...هو جزء كبير من ازمة السودان القديم
وهم اجبن من يقومو بحوار حقيقي حول الكتاب نفسه
والامر ليس سوى حسد من شخص عاطل عن المواهب لم يقدم للسودان شيئا حتى الان ويثير الزوابع غير الممطرة في البورد...
احرص انك تقرا الكتاب الرائع بلغة الفرنجة واهل الذوق والشعور
ولا تجعل احد يتحكم في وعيك ويقيم الاشياء نيابة عنك
ما فعلته حليمة افضل من كل حركات دارفور المسلحة ومن الدباب خليل ايضا طيبيب تحول الي دباب اتخييل... وعمره الرواية العالم ثالثية ..ما كان لها ثمن..بعيدا عن التفكير المادي الرخيص
وانا بنتظر ال########ين ديل هنا...كان بجو
عزيز جابر اذا عايز تشوف السودان الجديد بوضوح....اختى الشيوعيين والكيزان ديل في البورد وفي السودان وفي البلد الانت فيه الان
| |
|
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: MAHJOOP ALI)
|
Quote: سلامات يا دكتور البندر ..
..
أنا لو كنت مراغب دولي للبوست دا .. كان استبعدت adil amin لانو كتابتو بالنسبة لي خارم بارم ساااي ..
يا عادل
نصيحة من أخوك البوست دا .. مهم شديد .. اتخارج لينا عشان نعرف نقرا إنت مش فتحت ليك بوست لي حليمة دي بي هناك
يللا عليك الله امشي اكتب كلامك (الممل) دا بي هناك .. ليك علي أنا بجيك
يللا اطلعاكه نحن الاتنين .. ما تخرب البوست دا بي تقالة دم كتابتك |
اهو بوست صلاح البندر... عجب فاكهة المنبر الحر المستلب ضحية عبدالله التعايشي تمبس
ولحدي ما يجي هنا ابو جهل ده
انا بعرف الناس بمحتوى الكتاب ليقيموه بانفسهم وفقا للوقائع الموجودة في السودان وشعار ان لا اكذب ولكن اتجمل لن يجدي في زمن ثورة العلم والمعلومات
بعدين يا تمبس...المغييب.....انت لم تكتمل فيك شروط الاسيتقاظ...ووعيك لا يتجاوز بوستات الشمار...وعالمك المازوم سودانيز اون لاين
البوست ده مفتوح قبل بوست صلاح البندر...وعن الكتاب نفسه وليس كاتبه..عشان كده امشي انت محل...الظن والجهل المستطير هناك مافي زل بعرفك هوا ساكت....اوعك بتاريني ...لو بارتيني يا وعيت يا جنيت...
واذا عرفت فالزم
بعدين مراقب وليس مراغب...انت علاء الدنان ما قعد يديك دروس عصر
| |
|
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: عبدالله الشقليني)
|
Quote: الأخ عادل أمين
تحية طيبة
الموضوع قديم ....
وقد قابلت الرئيس الأسبق بوش ،وقد كان اللقاء بفيديو يو تيوب تم حذفه
من أرشيف سودانيزأونلاين ، وذلك عيب الأرشفة في سودانيزأونلاين !!!!
ونحن ندعي بأنها الخيط الذي تم عليه كتابة الكتاب وندعي بأن كاتبه ألأصل :
DAMIAN LEWIS
|
الاخ العزيز عبدالله الشقليني
تحية طيبة
لم يذكر حد في البورد هنا محتوى الكتاب اصلا....
وهذا اختلافي مع صلاح البندر
لا يعنينا الكتب منو
ولكن كتب شنو
وهذا النوع من الرويات(السيرة الذاتية) قد يكتبه شخصين كما فعلت اعتماد خورشيد في كتابين...ذكرياتي مع عبدالناصر وحكايتي مع صلاح نصر...ساعدها صحفي مصرى لا اذكره الان اعتقد مفيد فوزي
....
نعم الرواية كتبت بذكاء خارق..وحبكة تدل على وعي عميق بازمة السودان الحقيقية التي اعيت من يداويها....ومعرفة تامة بالسودان..وذكر في مقدمته ان الاسماء وهمية...ولكن كل الوقائع بمكن ان تحدث في السودان في حرب الفجار(2003-2007)
....
انت يا عبدالله من تلاميذ الاستاذ محمود...الذى كان يحس بالام الانسان في هوامش السودان الاربعة وانشا سد رشاد في جبال النوبة 1957
هل تعتقد...النفاق الذى يمارسه بعض اهل اليسار هنا يخدم قضية السودان...انظر كيف ابتهج الكيزان بالبوست المجاور ليخدرو به حواسهم الميتة بان كا شيء في دارفور تمام..والحاكم بامر الله مظلوم ظلم الحسن والحسين...وقصة حليمة بشير دي خيالية وتجني على السودان...وضرب احدهم مثلا ايضا برواية سليف وقال مافي زولة بالاسم ده...لكن نسى انه هناك رق فعلا وقد كتب عنه سودانيين(نقد وبلدو وعشاري)...وكما صور تبارك في البوست المجاور ما قصرت...في تشويه مسار البوست
....
يا عزيزى
انا هنا بعرض الكتاب كراوية سودانية
واذا كتبه دميان....هذه عبقرية عجز عنها حتى متسكعين دارفور في العالم الحر والدوحة..واذا استفادت منه حليمة بشير ما مشكلة انا من اشد المعجبين بالمثل السوداني(الخيل تجقلب والشكر لحماد)
....
ولدي سؤال واحد لاهل المنبر الحر
المراة العجوز من دارفور الفي بروفايلي دي ...قاعدة هنا ليه؟؟؟
واحد يمشي ليها ويسمع قصتا؟؟
يمكن تكون قصة افضل من بتاعة حليمة بشير مش كده؟؟
| |
|
|
|
|
|
|
|
|
|
Re: المكتبة السودانية: TEARS OF THE DESERT ....د. حليمة بشير (Re: adil amin)
|
الاخ العزيز محجوب علي
سلام
نعم القول ما قالت حزام
ازمة اليسار السوداني واليمين واحدة
انظر هذا المقتطف من شوقي بدري
عن نظرة نخب الشمال المؤدلجة لاهل الهامش
Quote: من الاشياء التي تؤلم الانسان هو انه ان الشماليين لا يتصورون ان الجنوبيين خير منهم . نحن الشماليون اللذين عشنا فى الجنوب عرفنا روعتهم , كان اغلبهم خيراً منا فى الدراسه والرياضه ومكارم الاخلاق .
لقد قال لي قيادي شيوعي وهو ممسك بكأس من الويسكي (ياخي الجنوبيين شنو البنتكلم عنهم, ديل عبيد معفنين, ما ليهم هم غير السكر و السرقة).
في السنة الماضية ونحن في مؤتمر المانيا السنوي شاهدت الزعيم وزير التعليم العالي بيتر ادوك بقامته الفارعة وطلعته التي تجبرك على الاحترام. فكرت وقتها في الرئيس لويجي ادوك. وكنت اقول لو كان هنالك الكثيرين من امثاله لما كانت هنالك حروب, ولما كانت هنالك مشاكل في السودان.
|
المصدر
http://www.sudaneseonline.com/index.php?option=com_content&vi...8-09-50-42&Itemid=55
وفعلا الشيوعيين الجد جد ماتو والنص النص فاتو وفضل في البورد الذى البندر وخالد العبيد
| |
|
|
|
|
|
|
| |
adil amin
amir jabir
عبدالله الشقليني
عمار عبدالله عبدالرحمن
MAHJOOP ALI
فيس بوك
تويتر
انستقرام
يوتيوب
بنتيريست