والله كان ده السبب يكون الشغلة لابعين فيها كبااااار والكلام ده زعلهم يا ربي؟؟؟؟ كدي ننتظر البروف إنشاء الله يشوف البوست ده ويفتينا وأكيد كان جا بنقرا لينا كلمات ساخرة وفي التمنيات...
البروف الفاتح يوسف جبرا شخصياً ضيفاً على البوست.. إني إذن لسعيد
Quote: الحبيب الشايقى .. شكرن ياخى على البوست ده .. (أعتقد أنى) لسه فى (الرأى العام) !
تحياتى القلبية ..وألف شكر يا حبيب
والله يا بروف نأمل أن تكون كذلك وأن تتحفنا بساخر سبيل ولا تحرمنا من أسلوبك الناقد الساخر الذي يريح أعصابنا ويرمم مرارتنا الإنفقعت. وعلى كل حال كان عملوها بيكونوا هم الخسرانين وأصدقك القول ووالله ما بنفتح الخرابي دي إلا عشان عمودك ده، وكان ما كده والله ما أغبش عيوني بي ناس هناي داك حق ورق الجرايد.
أسأل الله أن يمتعك بالصحة والعافية ويديمك لي فقع مرارة ناس هناي وترقيع مرارتنا الفقعوها، ويطول لينا عميرك.
ومشكور كتييييييير على الزيارة دي. بس ما قلت لي رأيك في القراصة والملاح الأخدر ده، شكله كده ما عجبك؟
ياريت لو كنت في الخرتوم والله كنت حققت ليك الأمنية دي بي خدرة جروف كمان بس تجيب معاك مقص لزوم قص اللياقة وكدة. مسألة الرأي العام والله ومغادرتك المحتملة ليها زي ما قلت هي البتخسر قلم نظيف وكلمات نزيهة لا مآرب ورائها. وعزائنا بل فخرنا أنك معانا هنا في حوش بكري ده وهنا لا حجب ولا منع نشر، ونتطلع لكل كتاباتك هنا ونتابعها بشغف. فلا تحرمنا من هذه المتعة ومن جرعات المسكن لمرارتنا.. ومشكور كتييييييير على تواجدك معنا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Al-Shaygi
ahmed haneen
الفاتح يوسف جبرا
MOHAMMED ELSHEIKH
د.أحمد الحسين
فيس بوك
تويتر
انستقرام
يوتيوب
بنتيريست