كتب الكاتب الفاتح جبرا المتوفرة بمعرض الدوحة
|
|
 انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)!
|
أذكر بعد غياب قرابة ال 4 اشهر
فتحت الفيس بوك ووجدت طلبات كثيره للانضام لي كاصدقاء
قرابة ال 145 طلب
وبدأت اضيف فيهم ...وانتبهت انه في طلب اضافه باسم
Tragie Mustafa وانا لا اكتب اسمي باضافة ال e
في الآخر...وانما صفحتي الحقيقيه باسم واكتبه هكذا
Tragi Mustafa
وموضوع ال e لصقوا فيني بكري ابوبكر الله يسامحه ولكنه ليس من اسمي الاصلي.
يبقى البعرفني من الاون لاين بيعتقد بان اسمي هو يكتب هكذا..بينما البعرفني شخصيا
بيكون اخد طريقة كتابة اسمي مني شخصيا وبالتالي بيعرفها بالطريقه الصحيحه.
وحقيقي انشغلت ولم اهتم بالتبليغ
اليوم فؤجئت بهم يشتمون ناس قرفنا باسمي
وذلك من خلال البوست الوضعته اختنا اماني العجب
عن ردايو قرفنا...ولما فرحت بالانجاز ةدخلت اهنأهم
وجدت صورتي الما بتغباني واطفالي وشاتمين ناس قرفنا؟؟!!
اها متذكره ناديه عثمان كتبت زمان انهم انتحلوا اسمها ونسخوا صورتها
بس ما متذكره اولاد الحلال جوا نشروا ليها اي ايميل لناس الفيس بوك للتتصل بهم.
اها يا شباب ويا ناس النخوة و المروة
فتشوا الزول ده منو ووريني نأدبه كيف
واضيفوها بالله وشوفوهوا بكتب باسمي شنو؟؟؟
خالتكم فترانه ومافضيه للشغلانات دي.
وما اظن في اي هباب ممكن يتكتب اكثر مما اتكتب لينا هنا
وبمواقع آخرى
فما في شيء بقى بيحرك فيني شعره.
|
|
  
|
|
|
|
|
|
|
|
Re: انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)! (Re: Tragie Mustafa)
|
Quote: خالتكم فترانه ومافضيه للشغلانات دي.
|
Quote: وما اظن في اي هباب ممكن يتكتب اكثر مما اتكتب لينا هنا
وبمواقع آخرى
فما في شيء بقى بيحرك فيني شعره. |
والله يا تراجي بقيتي بتقولي حكم، ويسلم فمك يا بت مصطفي
تعرفي دي أحسن حاجة فى سودانيز أون لاين، بتخلي جلودنا بتتخن، والواحد بقى ما شغال بالفارغة كتير، والشتائم اللي إتشتمنا فيها هنا، وفى تلفوناتنا وحتى كمبيوتراتنا بدخلوا فيها وبشتمونا، تاني ما أظننا بنشتغل بالفارغة كتير، والله أنا شخصياً بشكر كل زول شتمني فى النت، ياخي دي كبسولات علاج مجانية على تقالتة الدم، والواحد بقى زي أختي تراجي دي والله فتران وما فاضي للشغلانة دي.
بالمناسبة يا تراجي الفيسبوك دا بفيدك فيهو عزيزنا حاتم على، تعرف يا حاتم انتحال الشخصيات فى الإنترنت دا حقو تفتح ليك مكتب وتعملوا بزنس كويس لملاحقة جلافيط النت.
تحياتي يا غالية، وشوقنا بحور
| |
|
|
|
|
|
|
|
|
|
Re: انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)! (Re: النذير حجازي)
|
النزير حجازي اخي الاصغر الغالي
كيف احوالك؟؟؟
ومشتاقين يا ود امي
النبي شفته جنس المحن دي؟؟؟؟
Quote:
والله يا تراجي بقيتي بتقولي حكم، ويسلم فمك يا بت مصطفي
تعرفي دي أحسن حاجة فى سودانيز أون لاين، بتخلي جلودنا بتتخن،
والواحد بقى ما شغال بالفارغة كتير، والشتائم اللي إتشتمنا
فيها هنا، وفى تلفوناتنا وحتى كمبيوتراتنا بدخلوا فيها وبشتمونا،
تاني ما أظننا بنشتغل بالفارغة كتير، والله أنا شخصياً بشكر كل زول
شتمني فى النت، ياخي دي كبسولات علاج مجانية على تقالتة الدم، والواحد
بقى زي أختي تراجي دي والله فتران وما فاضي للشغلانة دي.
|
فعلا يا النزير و العجب هم يشتموا ويجروا يشتكوا لبكري قبلنا
ويعملوا لك فيها مؤدبين ونحن فتوات البورد!
خليناهم لله!!
وما شغالين بيهم شغله زي ما قلت.
Quote:
بالمناسبة يا تراجي الفيسبوك دا بفيدك فيهو عزيزنا حاتم على،
تعرف يا حاتم انتحال الشخصيات فى الإنترنت دا حقو تفتح ليك مكتب
وتعملوا بزنس كويس لملاحقة جلافيط النت.
تحياتي يا غالية، وشوقنا بحور |
اها حاتم علي ده راسلوا لي بالله بالماسنجر
لانه بكري طابلنا برضو...يعني ما خلصنا لسه
من طبيل الانقاذ بقينا في طبيل بكري ابوبكر.
وحاتك بنرد ماسنجرات بس....فكلم حاتم يراسلني ولا بس يجي
يرد في البوست ده طوالي واكون شاكره.....
| |
|
|
|
|
|
|
|
|
|
Re: انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)! (Re: النذير حجازي)
|
Quote: بالمناسبة يا تراجي الفيسبوك دا بفيدك فيهو عزيزنا حاتم على، تعرف يا حاتم انتحال الشخصيات فى الإنترنت دا حقو تفتح ليك مكتب وتعملوا بزنس كويس لملاحقة جلافيط النت.
|
هلا يا النذيرو شكرا للثقة الغالية دي ، واهو نحاول نساعد قدر ما نقدر ، و جلافيط النت ديل من كترت ما اتعولوقوا فينا زمان اتخصصنا فيهم و كونها فيهم خبرة كمان
و نفتح ليهم مكتب ياخي مالك علينا الواحد برا بطنو طامة من الكتابة في المنتديات و الفيسبوك خلي نقعد نصاقر العلوق ديل
ديل ياخي امنجية و ناس مريضة نفسيا الشغلانة دي اكل عيش ليهم نحنا نتلايق معاهم فوق كم
نخلي تراجي تتبع الخطوات دي و الشغلة دي ما بتاخت وقت انشالله
| |
|
|
|
|
|
|
|
|
|
Re: انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)! (Re: Ahmed musa)
|
يا احمد موسى سلام
وضحكتني وكتلتني من الضحك يا اخي
Quote:
أُم حازم ... مافهمت ... يعني أسع أنا مصاحب منو في الفيس ؟؟؟
غايتو صاحبيتي دي عاملة صورتك أظن ...
أفيدني أفادك الله... عشان لو طلعت زولة تانية الدليت جاها |
انت مصاحبني انا يا اخي
وهارين كل يوم و الثاني عندكم مجموعه صحيح؟؟!!
بغطس لما ارجع بلقى منك كوم مجموعات مستنيه قبولها
وبس اقبلها ينردعوا في رقبتي يقولو لي رسليهم
لقائمة اصدقائك....وعييييك اقفل الفيس بورك واقوم جاريه.
| |
|
|
|
|
|
|
|
|
|
Re: انتحال اسمي(Tragie Mustafa)بالفيس بوك بينما اسمي الحقيقي(Tragi Mustafa)! (Re: محمد طاهر تكنه)
|
الاخت تراجي سلامات
اسة نحن نعرف كيف انك تراجي مصطفي ماتراجي بتاعت الفيس بوك مايمكن
تكوني تراجي بتاعت الفيس بوك ودايرة تحرضينا علي تراجي
وممكن تكوني تراجي مصطفي الفي الفيس بوك الحقيقية ماتراجي الكاتبة البوست دة
واللة ممكن تراجي البتكتب فوق دي تكون هكر يعني كيف نعرف انوا انت تراجي الماهكر
او الفي الفوس بوك ماتكون تراجي الهكر
راسي لفة من الكتابة
يازولة انت بنعرفك من جرة قلمك (طقطقت كيبورتك)
زولك/تك بكون كايس الشهرة
لك المودة
| |
|
|
|
|
|
|
| |
Tragie Mustafa
النذير حجازي
Amani Al Ajab
عبد العظيم احمد
حاتم علي
Ahmed musa
ismeil abbas
Adil Osman
عمر التاج
علاء الدين يوسف علي محمد
الملك
Mahjob Abdalla
Asim Fageary
محمد طاهر تكنه
Hamid Elsawi
محمد مكى محمد
فيس بوك
تويتر
انستقرام
يوتيوب
بنتيريست