|
|
|
 Re: شي من الجدية .. فرص المريخ اضمحلت وانتعشت فرصة الهلال (Re: طلحة عبدالله)
|
Quote: غايتو يا وليد كلامك عن المريخ دا ياهو ذاتو
لكن حكاية انو الهلال يمش مصر عشان يرجع ببطاقة التأهل
دي عليك النعمة زي الزول البملأ ليهو في فنطاس موية بالغربال.
وعموما كدا الكورة السودانية كلام فاضي ساي ياخ . |
كابتن وليد
ياخي اخونا طلحة جاب ليك الكلام من الاخر
وين في لاعبين في الهلال من النوع الذي يهدد المرمى
غير امبيلي ( شجاعة واصرار وعزيمة ) ورجوله
وطبعا هو يلعب لنفسة
اما باقي اللاعبين مافي واحد بيلعب لنفسة حتى وتقول هم المجنسين
تعرف ياوليد في مصر اللاعب ينتظر زميله تجيهو نزلة برد بس (عشان يركب في خانتو)
الهلال 15سنه تاني بيعتمد على هيثم مصطفى والمعز
ياوليد والله الكلام دا لو قالو واحد غيرك
كنا سكتنا وقلنا الله في ويكضب الشينة
------------------------
ياوليد حارس المرمى لازم تسعين دقيقة يكون برجف من الشوت من بعيد والضربات المعكوسة خارج خط سته والانفراد
| |
 
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: وليد عبد اللطيف)
|
مرحب كابتن ولي
وكمان يا ولي يا صديقي كم من فريق جاهز اضاعه حارسة
وعند مثال اعظم فريق قومي برازيلي 1986
ذلك الفريق ما حاز الكاس بسبب حارسه فقط
وعكس ذلك ايطاليا 1982
ايطاليا مقارنة بالباقين كانت حارس (زوف ) مع انه كبير في العمر ومعاجم قناص روسي
حتى ايطاليا في الكاس الفات ( بوفون )
هسع الاسماعيلي الحضرة كان شايله في الكورة الفاتت
لو ما لعب الكورة الجاية
سادومبا وامبيلي ومهند خارج المنطقة بهددوا الاسماعيلي
| |
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: جمال السنوسي)
|
يا جمال السنوسي
اهم حاجة
انه لو خرج المريخ سيخرج بفعل الحظ والاقدار التي افقدته حتى الان نصف لاعبيه
ايداهور ، حافظ ، محمد كمال ، سفاري ، الشغيل ، السعودي الصغير ، السعودي الكبير ، كلتشي ، طمبل ، موسى الزومة
ديل 11 لاعب خارج الحسابات
ونفس الشي لو تأهل الهلال حا يكون تأهل بسبب الحظ ما اكتر
المهم لو الهلال اتأهل ما حا يجيب شي لي قدام
ولو المريخ تخطى هذه العقبة وتأهل .. حا يجيب الكاس ده ..
| |
|
|
|
|
|
|
|
|
 Re: شي من الجدية .. فرص المريخ اضمحلت وانتعشت فرصة الهلال (Re: وليد محمد المبارك)
|
Quote: فالاخبار تقول انه حدثة مشكلة كبيرة بين الحضري والاسماعيلي .. وللصراحة انتصار الاسماعيلي على الهلال في الخرطوم .. للحضري نصفه .. لانه قد حافظ على شباكه نظيفة .. دفاع الاسماعيلي ضعيف .. وهجوم الهلال لا باس به ..
والهلال يحتاج الى هدفين فقط للعبور .. او هدف واحد للتعادل ..
وهذا الامر ان كان الحضري خارج التشكيلة وارد جدا |
.. دقيق يا شفت فيما يتعلق بالهلال ..
أول حاجة انا ضدك فيما يتعلق بالحضري ووسواس الحضري ..
إنت قون يا وليد وانا قون .. وزي ما عارف حارس المرمى اللاعب الوحيد لما يمنح ثقة كافية .. ما بالساهل تجيب فوقو قون وبيكون شايل الدفاع والفريق كلو.. ودا بالضبط الحصل .. الجرايد الكتبت عن الحضري في السودان .. قبل الكورة ضخمت الحضري وصورتو بي الشبح المخيف .. ودا ظهر حتى في طريقة استلامو للكورة .. وهي عالية .. وطبعا إنت عارف كيف حارس المرمى لما يكون مليان ثقة .. بيكون استلامو للكورة عامل كيف ..
الثقة الاتمنحت للحضري المقابل ليه كان خضوع هجوم الهلال بكلياتو للعامل النفسي بتاع انو الحضري ما بيدخل فوقو قون .. ونسو إنو الحضري دخلت فوقو تلاتة اقوان زي السم في نفس المكان دا وبعد الكورة انتهت يكون صلى ليهو عشرة ركعات شكر ..
اطراف الهلال وهجومو اتعاملو بالعكسيات بي طريقة ساهلة كانت بتدي الحضري كل ثانية ثقة زايده في نفسو وبالتالي ريح دفاعو .. من اي كورة ساقطة وراهو بالرغم من قلته ...
اي كورة اتلعبت فوق .. استولى عليها الحضري بشكل ممتاز جدا .. لانو دا تخصصو .. في حين إنو كورتين اتجربت في الحضري بي تحت .. كان التحكم فيها بنسبة اربعين في المية .. واصعب حاجة لحارس المرمى انو يرد الكورة .. في واحدة في الشوط الأول والتانية الهدف المؤكد الضيعو كاريكا في (خط تلاتة) والقون فاضي ..
بي صراحة من خلال متابعتي للحضري كتير جدا .. تحكمو الأرضي تعبان جدا .. ودي ثغرة لو انتبه ليها هجوم الهلال ممكن كان النتيجة بالخرطوم اتحسمت .. مش كل الكور تتلعب فوق ويمتص بيها الحضري حماس اللعيبة والجمهور ويفصلم عن جو المباراة وجو حماس جمهور الهلال في استادو ..
لعيبة الهلال لو دخلو مباراة الرد وفي بالم الحضري موجود أو لا .. صدقني ما ح يقدرو يلعبو كورة .. الحضري موجود أو ما موجود اعتقد انو مفترض ما يشكل هاجس للعيبة .. نعم هو لاعب خبرة ومتمكن .. لكن بالمقابل هجوم الهلال فيهو عناصر بتعرف تجيب القون بالاختراق لي دفاع الاسماعيلي الهش .. أو التمرحل في الهجمة .. واللعب بشكل كويس قدام المرمى ..
بالمناسبة:
قبل المباراة في الخرطوم قريت إنو الحضري مصاب بي انفلونزا وما ح يشارك .. والآن نفس الطريقة مشكلة بين الحضري والاسماعيلي .. عارف يا وليد دي الطريقة الاعلامية القاعدين ننهزم بيها ونهزم بيها نفسنا قبال ما ندخل اي مباراة .. ودي نفس الطريقة الاتهزم بيها المريخ من الترجي تلاتة صفر في تونس .. والشوط الأول كانو حايمين في الميدان زي الما بيعرفو ليها .. والشوط التاني دخلو الميدان وبقو ناس الترجي في البحلهم وتموها وقعان في الواطة .. بعد اي هجمة يقوده المريخ ..
نفس المشكلة ح تواجه المريخ في امدرمان الضغط الجماهيري .. والتسرع في حين ح يلعب الترجي وهو تعبان ودفاعو مرتبك ومخلخل .. لكن المريخ عندو منو البجيب ليهو قون .. دا السؤال المهم ..
| |
|
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: طلحة عبدالله)
|
| Quote: اطراف الهلال وهجومو اتعاملو بالعكسيات بي طريقة ساهلة كانت بتدي الحضري كل ثانية ثقة زايده في نفسو وبالتالي ريح دفاعو .. من اي كورة ساقطة وراهو بالرغم من قلته ... |
وليد +تمبس
اها دا الكلام الحصل في المباراة بالظبط ودي من الاشياء
التي تدع الحارس يكون ثابت ويطمن دفاعة
ويعتبر الحارس نصف الفريق
Quote: وكمان يا ولي يا صديقي كم من فريق جاهز اضاعه حارسة
وعند مثال اعظم فريق قومي برازيلي 1986 |
بس ياوليد ماتنسى هذا الفريق كان يلعب خطته بناءا على ضعف حارسة
وكان هو الثغرة الوحيده بالفريق وشوف كيف كان الدفاع والوسط والهجوم
وعندما نشلهم باولو روسي بثلاثية ابكى البرازيل وابكانا
وهذه مباراه لم تنسى لان باولو رواسي اخرجوه من السجن في وقتها
لكي يلعب مع ايطاليا
ومنها تغيرت طريقة اللعب لفريق البرازيل واصبحت تشبه الكره الاوربية
| |
|
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: tmbis)
|
مرحب يا تامبا
كلامك ده بكون سليم لو كان القون البنتكلم عنه اكرم او معز
ده الحضري يا تمبس
الحضري من حاز على لقب افضل حارس في افريقيا اخر ثلاث دورات
الضري الذي احرز كاس افريقيا ثلاث مرات
واحرز كاس الشامبيون مع الاهلي مرتنين ولعب معاه اربعة نهائي
الحضري يا تامبا واجه افضل لاعبي العالم ومهاجميه وما استطاع احدهم قهره
جميعهم
كفاية في الكاس الاخير قابل كل الفرق المتاهلة لكاس العالم وقهرها
هو الحضر من احرج الايطاليين والبرازليين
في كاس القارات
الحضري يا تمبا لا يلعب على الصحف كورته في الميدان
حتى عندما انتصر عليه الهلال 3 في سنة 2007
من اثر في معنوياتهم الاعلام هم لاعبين الهلال .. فبسبب الشحن تعاظمت همتهم وادوا فوق طاقتهم ومقدرتهم وانتصروا على الحضري ..
ليس العكس
والدليل انه قبل معظمهم بعد اقل من عام في البطولة الافريقية وما استطاعوا شيئا
| |
|
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: وليد محمد المبارك)
|
ياوليد السلام عليكم..
بصراحة ياوليد انت لاتقل من المحللين المالين البلد..\
وبتفهم فى الكورة أكثر من ناس كتار هنا بتلعلع ساى..
أهم شىء فى المحلل أن يأتى بقراين منطقية تقنع الناس..
وبعدين البحصل بعد داك اليحصل..
من لم يلعب الكرة لايستطيع ان يفتى فيها..
أنا كنت حارس مرمى .وفعلآ حارس المرمى نصف الفريق..ووجود الحضرى له تاثيره على النتيجة..
أتمنى لفرقنا النصر لرفعة الكرة السودانية..لافرق عندى بين هلال ولا مريخ ..ويعجبنى ألأمل بروحه القتالية..
رغم هلاليتى المعلنة..
| |
|
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: منتصرمحمد زكى)
|
سلام يا صاحب البوست
المتابع للرياضه المصريه يجد ان الاخوه المصريين دائماً قبل المواجهات
الكبيره يثيرون مواضيع وازمات فااااااااارغه لشغل المنافس بها ودونكم
الحديث فى الخرطوم قبل اللقاء الاول عن رفض الحضرى للتدرب بسسب مستحقاتهو الماليه
واحتمال عدم اداء المباره مع الفريق وكل هذا لم يحدث ..
على الهلال وادارة الهلال وجهازه الفنى عدم شغل انفسهم بمشاكل الحضرى المفتعله
ومشاركتهو عن عدمها ..
مع وجود هذا الحضرى الاهلى ( اترش ) 3 فى المقبره ايام كانت مقبره ..
فما المانع فى احراز انتصار على الاسماعيل فى وجود الحضرى ,, نرجو من الجميع
عدم ربط اللقاء واختصارهو فى لاعب واحد مهما كان هذا اللاعب وتاثيرهو ؟؟
| |
|
|
|
|
|
|
|
|
|
Re: شي من الجدية .. فرص المريخ اضمحلت وانتعشت فرصة الهلال (Re: عمران حسن صالح)
|
يا منتصر ودمحمد ودزكي
ياخي ارحمنا معقول لكن بس كلامك دا
Quote: بكل حيادية .. المريخ سيهزم الترجي 2-1 .. 3-1
لكنه لن يتأهل الا اذا حدثت معجزة في زمن اللا معجزات
الهلال سيخرج بهزيمة ثقيلة من الدراويش تجعله يرفض اللعب في الكنفدرالية ...... |
وبي هزيمة ثقيلة كمان
الخوف من مصر واللعب فيها دا كان زمان والهلال اتعدى المرحلة دي خلاص
الكورة مدورة والغيب عندالله العظيم
وإنشاء الله نحن واثقون من تأهل الهلال من الاسماعيلية
الصادق
| |
|
|
|
|
|
|
| |
وليد محمد المبارك
omer osman
جمال السنوسي
طلحة عبدالله
فايزودالقاضي
وليد عبد اللطيف
tmbis
مريم بنت الحسين
khaleel
ismeil abbas
منتصرمحمد زكى
حبيب نورة
عمران حسن صالح
الصادق صديق سلمان
فيس بوك
تويتر
انستقرام
يوتيوب
بنتيريست