|
بطون الفقراء في حاجة الى طعام وطعام الاغنياء في حاجة الى بطون
|
ليس الفقر عيبا ولا الغنى شرفا بل هي ارزاق تتنزل من السماء ولا أحد له صلاحية توجيهها . . وبعد التوزيع كل مخلوق يلعب صالح ورقو . . ولكن الورقو شين طوالي الناس تقبل منو لاغادى تتحول على الناس الفكين تيكتين وهو في زول بقعد ليهو مع معرج . الموضوع طويل ومتشعب ومعقد وتم تناوله عبر كل الاحقاب الانسانية لمعالجة آثاره الضارة بالمجتمعات تناولته كل الاديان السماوية لتخفيف حدة الفجوة بين الفقر والغنى تناولته كل النظريات الانسانية عبر العصور المختلفة ونواصل
|
|
|
|
|
|
|
|
Re: بطون الفقراء في حاجة الى طعام وطعام الاغنياء في حاجة الى بطون (Re: عبدالله ود البوش)
|
يحكى في قديم الزمان بان رجلا غنيا اوصى اولاده على فراش الموت بان ينبشوا قبره في نفس ليلة دفنه ليروا ماذا يحدث له . وعند موت الرجل اتفق اولاده بان يكلفوا حطاب القرية المسيكين بالقيام بهذه المهمة الصعبة بمقابل مادي يسيل له لعابه ولايتردد في رفضه وبالفعل توجه الحطاب ليلا الى المقابر وعندما هم بنبش القبر سمع صوتا لايدري من اين يأتيه ولكنه يسمعه يقول له : من انت ؟ وارتجف الحطاب وقال : انا ود حطب الله ( ليس زميل البورض ) ... الناس دي بقت صعبة خلاص الصوت : مهنتك ؟ الحطاب : حطاب الصوت : من اين تأتي بالحطب ؟ الحطاب : من الخلا الصوت : هذا الخلا لايملكه أحد الحطاب : نعم بروس ساي والله الصوت : بماذا تقطع الحطب ؟ الحطاب : بالفأس الصوت : من اين جئت بالفأس ؟ الحطاب : العود من حطب الله والحديدة اشتريتها الصوت : بكم اشتريت الحديدة الحطاب : بقرش ونص الصوت : هل دفعت القرش ونص ؟ الحطاب : دفعت القرش والباقي التعريفة الصوت ارجع ادفع التعريفة قبل ان تمثل امامنا هنا رسميا وكلم جماعتك قول ليهن زولكم دا يا داب بدينا معاه من الشلن القاه واقع وعمل عليهو حميل
| |
|
|
|
|
|
|
Re: بطون الفقراء في حاجة الى طعام وطعام الاغنياء في حاجة الى بطون (Re: Siddig A. Omer)
|
صديق يا لذيذ يا رايق دا كلللللللللللو ما مهم المهم ات تبقى طيب تحياتي واشواقي الشديدة خلاس للعيال ما لك انت يا مجنون
Quote: الم تجمعنا "فتته" عمنا الطيب
|
يا سلااااااااااام يا مجيغا بالله شوف كلنا نتلم في صحن فتة واحدة بدون فوارق ولا حتى كنا ندري بانه بيننا فوارق مادية ولاقبلية ولاجهوية ولا سجم رمادية وشوف اليوم ...... فعلا البون شاسع ..... طيب ات آ صديق ما كويس مالن جادعنك في الخور
Quote: "حجوة...ام ضبيبينة" |
يااااااااااي كلمتك دي استايل سنة كم يا عمو .... انت كنت مسجون ولا شنو ؟ ضبانة الحمير التزوزي بيك يا صديق . ياخي ماتجي عمرة ..... ولا نجيك على الشاطي
اخوك الكلب
كلاب البورض
. .
| |
|
|
|
|
|
|
|