|
|
|
 Re: حلمانة حصلت انتخابات في سوداينزاولاين (Re: د.نجاة محمود)
|
عارفه يادكتورة .. في ناس بيكون عندها صناديق جاهزة وفيها ايقونات بتاعت وشوش ضاحكة وصور وزهور ..
يللا ديل ..
أخجج ناس ..
والله يعملو انتخابات هنا .. ما يفضلو فيكم الحبه ..
غايتو للضمان كدا .. برشح .. دينق رئيسا للمفوضية العليا للانتخابات بالبورد .. 
| |
  
|
|
|
|
|
|
|
 Re: حلمانة حصلت انتخابات في سوداينزاولاين (Re: د.نجاة محمود)
|
| Quote: حلمانة حصلت انتخابات في سوداينزاولاين |
يا دكتورة نجاة دي حلم مباااااااااااااااالغة ... عليك النبي البوست دا أرعيه كويس نجي نتجادع فيهو كان نطلع لينا بدايرة دايرتين
------------------------
من الخلعة الزول ما سلم ذاتو .... كيفك يا دكتورة و الاسرة انشاء الكل كويسين...
| |
|
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: حمد إبراهيم محمد)
|
Quote: صحت مهجومة وتفيت شمال ويمين
لانه عارفة حيكون في خج بالجد
وحينطرد كل الظلامين.. |
دكتور ة نجاة - سلام
أنصح بالبعد من المراقبين الدوليين - خاصة اللي عندهم أجندة تخريبية.
| Quote: غايتو للضمان كدا .. برشح .. دينق رئيسا للمفوضية العليا للانتخابات بالبورد .. (تمبس) |
علاء - سلام
دينق قايلو هين ليك - دا عاوز الجدادة بي بيضها!!؟
تحياتي
حمد
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: حافظ حسن ابراهيم)
|
| Quote: عليك النبي البوست دا أرعيه كويس نجي نتجادع فيهو كان نطلع لينا بدايرة دايرتين |
غياتو يا ولدنا انت ممكن تمر كمستنير ذي العجب.
بالله اتخيل ود الباوقة معلق في ايقونة ولا غريبة كايس ببرة
وجمعة اتعمل ليه استفتاء للطردة..
المستنيرين ديل قادر الله وكتين يلقو ريسة
الم تقل حبوباتنا
الله لا تدي الكدبسي ريسي
طبعا دي تراجي لما تفوز فد جلابي ما بلف بجاي..
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: عمر صديق)
|
يادكتورة
ياختي ده كابوس معقولة بكوري بعد العملو في الهاكر ده كلو يتنازل ليكم بالساهل كده
بعدين المنبر لسه في شبابو ماتم عشرين سنة بعد داك ح يفكر يعمل انتخابات
طبعا بكوري ح يكون المرشح الاول ورمزو الليمونة الجوه قلبي مشتوله
كوستاوي ح يكون المرشح التاني ورمزو الطيارة قامت
دينج المرشح التالت ورمزو الشاكوش
هشام هباني المرشح الرابع ورمزو البستم
عادل عبد العاطي ح يدعم كوستاوي لوووولز
بعدين نحن ح نقيف مع بكوري طبعا عشان جنا تعرفو ولا جنا ماتعرفو
واكيد ح يفوز بكوري واول حاجة ح يعملها ح يقوم يوصل كهرباء لي ناس الراكوبة لووووووووووووووووولز
اللهم اجعله خير
تحياتي
زاتوووو
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: عمر صديق)
|
| Quote: بس يعملو لينا فترة انتقالية ومشاركة في ادارة البورد |
وبن يا كوز؟
انت حتكون من اول معارضة الفنادق
ويمكن تطلب لجوء سياسي تمام في قرية يكون الولفير فيها خمسة نجوم
اوعى تجي تعمل مطالب الناس دي قارشة ملحتك شديد
يقومو يرسلو ليك الهاكر يتربسك برة
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: د.نجاة محمود)
|
| Quote: هو يعنى الخج داك ما كان بالجد |
تعرف الحديث بتاع ويكتب عند الله كذابا
اها انا من خبرة 10 سنة في البردبة
ما بصدق اي كلام تقولوالمعارضة لو جابت صور ولا فديوهات برضو ما بصدقها
لانه الحاجات دي ممكن تتفبرك...
عشان كدا ذات الخجة دي ما بصدقهاكلو كلو..
ودا الكلام البنبه ليه امنعوا الكذب يا ناس
وهم يكذبوا الى ان فقدوا مصداقيتهم االذي عود الكبريت؟؟
ا يصدق المستنير؟
ناااااااااااااااااااااااااااااه!
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: د.نجاة محمود)
|
لكن يا دكتورة لقيتينى كيف جوة الحلمة دى ؟؟؟
بس من هسه اتاكدى انو حصل تحول ديمقراطى ..
وبكرى ما يلعب لينا فى التعداد ...
واتاكدى فى الحلمة دى انو اتلغت كل القوانين المقيدة ..
وتقسيم الدوائر يكون حسب بلد اى زول ما يدخلوا
لينا ناس حمد بى خوجلى وناس حلفايا يعدوهم من ناس
اريزونا وهبانى من حى الضباط يعدو فى تكساس ويعد دا
يحسب لينا تاكسيه معاه ،، وناس العباسية يبقوا من سكان الرياض !
اها كمان كان السجل دا مسسكتو ود
الباوقة انا من هسه مقاطعة ..
وما دايرة ما دايرة ما دايرة ...
بعدين مرحلة التصويت علاء يوسف دا
الا بعديصوت تمسكو لى اصبعو عندكم ...
ولا تقول لى حبببر ولا حبر ,,
انا بقترح نايب الامين العام للمفوضية يكون
محمد اى سليمان عشان عبدالله محمد عبد الله دا يفهم حاجة !!..
اها بعد السجيل ،، السجل دا يمسكوا د. مصطفى محمود
ويكون فى ايدى امينة على الحرام ما تقولى حاجة لما يجى
زمن الصوويت ...
وتراجى رئيس الهيئئة الفنية العليا للمفوضية
برضو خلى الفريق الهادى دا يفهم حاجتين !!!
اها كان فاز اب صلعة دا تانى .. ودينى مزورة !!
الا تنومى تانى وتحلمى لينا واحدة غيرها
على شرط لما تجى تنومى اخر زول تكونى شفتى
محمد عادل ،، او صديق مهدى
كوستاوى عليك بالمزيكا الحزاينى خلفية للحلمة دى !!
ــــــــــــــــــ
والله يا دكتورة انا تختينى فى محل غير الترطيبة
بتاعت الاصم دى بخسرك @@ لوووووووووووووووب
اصحاااااااااااا يا برييييش !!
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: دينا خالد)
|
حلمك في محله يا دكتورة جرت انتخابات وفاز فيها
الرعاة على الرعية والاغنياء على الفقراء والحيران
على المشايخ والضيف على المضيف،،ستحلمي وسنحلم معك
حتى يعجز الحلم عن حلمنا ويعلم الحلم باننا قد حلمنا
بالسماء التي تمطر اصواتا انتخابية على صناديق الاصم
المحصنة ضد الرقابة الليلية،،انه حلم انتخابات المشروع
الحضاري الذي يسرق احلام الشعوب وطموحاتها ويصادر املاكها
وحرياتها،، ما اجمل الحلم حين تكبد الحريات وتحطم الطموحات
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: Ahmed musa)
|
يادكتورة
تسلمي من الهضربة ،، الليلة اول يوم اسمع بقصة حلمتك دي
طبعا لو حلمت فعلا انا اعرف من الذي سيفوز
لان عقلك الباطني الظلامي ده لن يطيق فوز هولاء المستنيرين المناضلين
انحياز لاشعوري على قول فرويد
في كل الاحوال نحن خاجنها خاجنها خلي نزيد ليهم شعاتف الروح دي
على كل حال ان شفتيهم فايزين ماتكلمينا عشان قالوا الحلم الكعب مايتكلموا بيهو
بس قولي حسبي الله ونعم الوكيل
وشرك مقسم على كل الثوار في الكون
| |
|
|
|
|
|
|
|
|
|
Re: حلمانة حصلت انتخابات في سوداينزاولاين (Re: عبد الملك يوسف الملك)
|
يا دكتورة سلام
مشتاقين والله ...انتخابات هنا ؟
هاك السيناريو دا ..
.... Quote: لووووول اتخيلت ليك تراجي شايلة مكرفوناتها وحايمة في الحلة ... قاطعوا القلب النابض رمز الفانوس ...انا وبيان د. نجاة حايمين بالصايد التاني صوتوا للقانوس رمز الضلاميات ... ولا تصوتو لتراجي رمز القلنسوة* ... لووول دي عجبتني...طبعا تراجي معاها كوستاوي اعلام ودينق بودي قارد... ومصطفي محمود ورانا انا وبيان يحمل لافتة مكتوب عليها التجاهل التجاهل التجاهل .... وبيان تقول لي بي حرقة اقنوررررررررد..اكملي المسيرة يابت أنا انتعل كبكي ابو شلاخات...
تقول كدي الجزيرة تجينا نحن والعربية تحي لي ناس كوستاوي وتراجي ... وينقسم الحي بين فريقي
"الر يال" "وبرشلونة" الفانوس والقلنسوة ..وتكاد تميز بين التصفيق ال"مع" و "الضد"ويعدها العشاء في تراجي للمجموعتين ...والفطور في بيت د. نجاة للمجموعتين ...ثم ينطلق كل يحمل بوقه وفانوسه وقلنسوته ولاقتته ويبدا الدوس رة اخرى .. |
من هنا
الروووووووووووووووووووووووووووب
ـــــــــــــــــــــــــــــــ
* القلنسوة طاقية حمراء جميلة ظهرت بها تراجي في فيديو عرض هنا ...
| |
|
|
|
|
|
|
|
| |
tmbis
عفاف الصادق بابكر
حافظ حسن ابراهيم
حمد إبراهيم محمد
معاوية المدير
عمر صديق
ALZOLZATOO
Adil Hamza
دينا خالد
سليمان عبدالرسول
Balla Musa
ود الخليفه
طارق جبريل
Ahmed musa
القلب النابض
فيس بوك
تويتر
انستقرام
يوتيوب
بنتيريست