|
|
 الرئيس ساركوزي يكرم "خدر" لنجره مصطلح "الخج" الذي فضح انتخابات السودان
|
اثناء قراءته للتقرير الصحفي اليومي الذي يعده قصر الاليزي بالاشتراك مع
وكالة الانباء الفرنسية
اطلع الرئيس الفرنسي ساركوزي على اخبار تزوير الانتخابات السودانية
مشفوعة بتقارير اعدتها لجان الاتحاد الاوربي وبعض الجهات الاوربية
وشاهد شرائط الفيديو التي تم عرضهاعليه تحت عنوان "عملية الخج"
وعبر الرئيس ساركوزي باعجابه بالمصلطح لقربه من اللغة الفرنسية
قائلا "اتخوجولي" اي "جميل جدا"
ووجه الرئيس ساركوزي بمنح الشخص الذي اتى بمصطلح "الخج"
جائزة "مواطن من اجل الديمقراطية"
وهي جائزة رفيعة تمنح لمواطني الاتحاد الاوربي الذين يقدمون اعمالا جليلة
من اجل التحول الديمقراطي في العالم الثالث
تهانينا موصولة لزميل المنبر خدر لتفرده ونجره هذا المصطلح الذي
التصق بالتجربة الانتخابية المهزلة واصبح وصمة في جبين النظام
مبروط يا خدر الجائزة ودخلت التاريخ من اضيق صناديقه
وما تنسانا من خيرات الاتحاد الاوربي
|
|
  
|
|
|
|
|
|
|
 Re: الرئيس ساركوزي يكرم "خدر" لنجره مصطلح "الخج" الذي فضح انتخابات السودان (Re: د.معاويه عمر)
|
يحيا (الخج)!!
(خج) فى الموضوع طوالى!!
و(خج) جوة البيت ما تقيف برة!!
والمؤتمر الوطنى (خج) فى حتة ضييقة!!
يا (خاج) ما ينشلوك
انا مشى (الخج) السنة دى !!
(وخج) الدواء جيدا قبل استعماله!! وكذلك (خج) الصندوق جيدا (بعد) حشوه
و(خج) صناديقنا ولا لالوب بلاد بره!!
مساهمة(خج)ـــــــــــولة لترسيخ مصطلح الخج
مبروك الجائزة لخدر صاحب مصطلح (الخج) !!
ما بتـ(خج)ـــلوا من فعلتكم؟!!
| |
|
|
|
|
|
|
|
|
|
Re: الرئيس ساركوزي يكرم "خدر" لنجره مصطلح "الخج" الذي فضح انتخابات السودان (Re: ابراهيم على ابراهيم المحامى)
|
يا ابرهة
اضيق صناديقو شنو ياخي , دي كانت اوسع صناديق يسمع بيها العالم
صناديق و اسعة و شفافة تتيح للمزور انو يعرف الصندوق إتملا ولا لسة
و بعد داك يديهو خجة 
ياخي والله و والله الاسبوع الفات بعد فضيحة الخج دي , كنت مشارك في كونفراس في الهيج
والله يا ابراهيم في البريك بتونس مع ناشطة هولندية قالت لي ياخي ما معقول البعملوا
فيهو ماس حكومة البشير ديل .. قالت لي بالحرف الواحد (الناس ديل ما بخجلوا ؟)
كانت بتتكلم بإندهاش انو حكومة زي دي حكمت السودان 21 سنة كيف ما قادرة تفهم
حتي كيفية إنها تخدع رعاياها ؟ قالت لي ياخي الطفل الصغير بعيش مع والدينو 4 سنوات
بس بعرف كيف يغشهم و يحصل علي الدايرو منهم .
فضحونا ياخي قدام الشعوب الصديقة
| |
|
|
|
|
|
|
| |
Osman Musa
Kostawi
أحمد الشايقي
خدر
فاروق أبوحوه
فيس بوك
تويتر
انستقرام
يوتيوب
بنتيريست