|
باركو لحبيبنا محمد الطيب شيقوق النجاح الباهر
|
محمد الطيب شيقوق - ملقب بالبودا و لاعب كرة قدم متميز يلعب الان في اشبال امبدة تحت اشراف شقيق محمد على سفاري
احرز 203 طبعا أكبر من نسبة شيقا عشان كدة كسر قاعدة Like father like son مبروك حبيبنا الطيب مع أمنياتنا بمزيد من النجاح والتقدم.
|
|
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: الشفيع وراق عبد الرحمن)
|
شكرا ليك اخي الفاتح على هذا البوست الذى فكرت فيه شخصيا ولكن اشفاقا مني على الاعضاء من عنت المجاملات افراحا واحزانا فقد آثرت لزوم الصمت
لك ولجميع اخوتي المتداخلين عميق شكري وخالص امتناني
واصل انا ماسك الكشف بسجل ليك في الجانا والماجانا
شكري للاخ الكريم عاصم القنصل في السفارة السودانية بالهند على رسالة تبريكاته الطيبة بعد ان اطلع على هذا البوست ولفت نظري اليه
و الشكر لكل معلمي البودا بمدرسة الخضراء بامدرمان
| |
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: عبدالعزيز الفاضلابى)
|
Quote: مبارك يارفيق الزمن الجميل ومن هسع الولد محجوز للبنية إيثار عشان يلموا دولارات امريكا والـ OMR ونحن نرجع للبلد انت تسوى ليك شويهات فى الدندر وانا اتجدع تحت ضل النخل والمنقة فى الفاضلاب |
خلاص يعني سويتنا اسكراب يا سجم الرماد
انت ايثار دي ما تديها لوالد محمد يحت فيها الشيب وتجيب ليهو المصلاية والابريق
مسنوووووووووووووووح
| |
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: الطيب شيقوق)
|
مبروك علي الجنا بالبخاتة والهوادة والخير اللترادى نحنا في طرف البيت لامن تجينا الأخبار من شبه القارات اليابان والهند ياشيقوق ماتخاف الله لسع مفكر تترشح ولاشنو؟حكايتك مع السفارات
Quote: واصل انا ماسك الكشف بسجل ليك في الجانا والماجانا |
( أضرب القراف خلي الجمل اللخاف ) المهم كدا عليك كرامتين للسيارة الكاميري ونجاح الجنا . شكرا الأخ الفاتح ولكم أطيب التحايا
.
| |
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: الفاتح ميرغني)
|
Quote: مبروك علي الجنا بالبخاتة والهوادة والخير اللترادى نحنا في طرف البيت لامن تجينا الأخبار من شبه القارات اليابان والهند ياشيقوق ماتخاف الله لسع مفكر تترشح ولاشنو؟حكايتك مع السفارات
Quote: واصل انا ماسك الكشف بسجل ليك في الجانا والماجانا
( أضرب القراف خلي الجمل اللخاف ) المهم كدا عليك كرامتين للسيارة الكاميري ونجاح الجنا . شكرا الأخ الفاتح ولكم أطيب التحايا |
سليلة الإبداع سمية الحسن طلحة. غايتو الطيب ده عاوز ليهو مراح عشان يوفي بالكرامات العليهو. هنا بس في اليابان مطالب زي عشرة كرامات بما فيهم كرامة الكامري!
لك فائق تقديري وإحترامي
| |
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: الفاتح ميرغني)
|
أخواتي اخوتي واعمامي ( اقصد العم جعفر اسماعيل يا اخوانا)
لكما عميق الشكر وخالص الإمتنان على التبريكات مع أطيب امنياتي لكم/نّ بالتوفيق والنجاح.
الكرامات في الطريق يا اخوانا
الفاتح قول لبت البطانة العنبلوك مربوط في الشاية وعلوقو قدامو ولعي الجمر للمشاوي
هيييييييييييييع
| |
|
|
|
|
|
|
Re: باركو لحبيبنا محمد الطيب شيقوق النجاح الباهر (Re: الطيب شيقوق)
|
Quote: ألف مبروكـ يا شيقا شغل نضيف والله |
Quote: مبروكـ يا فاتح يا عمكـ رسّل للبودا حاجة يابانية نضيفة! شنو داير تعمل ميت ببوست بس |
! هو قال عاوز كدارة زي بتاعت رونالدينو، غايتو أخف من ابوه البيطلب كامري وإنت ماشي.
بعدين يا عمك شنو ميت ببوست وإنت عامل رايح ياخي بالله أنا جادي جدا
| |
|
|
|
|
|
|
|