ايوة نتيجة الانتخابات طلعت وانا جيت تاني الطيش

Quote: عايز ينسحب من البداية وانا اشيل واحنس فيهو شان يواصل

Quote: المرة الجاية ]

Quote: حبيبنا زاتوووووووو اولا انا اصلا متنازل لصالح مرشح اخر لو قاصد المجموع الكلي للناخبين في الدائرة حقتنا 45 الف خالص الود

تحياتي

زاتوووو

Quote: قصيّدة النوكيا الصوّر الخج... الصقر إن وقع كترة البتابت عيب ومع الخج الحصل مابينفع الجقليب ولقط النوكيا للخجآج سريع زي هبرة الفرنيب... وبرضو تقولوا فبركة يا حُماة الدين!!! تشككو في الجهاز، يا ظلمه يا حاقدين تقولوا ضعيّف!!! تقولوا خفيف!!! تبخسو فيهو يا جاهلين وعاملين فيها ما عارفين إنو سَنيّن... وخشمو سَنيّن... ولقطو سَنيّن... نغمتو جِلِد كديس وطلآق... وكان ختيتو في الهزآز، يدوّر خج... وكان دورتَ كمراتو، بيرُجّك رج... يخلى الظآلم المغرور، يتكهرب... ويضهّب... ويتوهدب... يقول يآ رب... يقول يآ رب... يقول يآ رب... تضاري علينا تذويرنا، وتغطى على دنانيرنا، وعلى شيخنا الحليفتو طلآق... من النوكيا وبنات كسلآ، ومن زولنا الِسآنو طَلق يمرق في فضايحنا، ويقطّع في مسابحنا... دخلنا معاهو في مِحّنة، ومرقنا ترانا لى مِحّنة... اريت كان مُتنا إرتِحنا... بركة الضآر وود الجآز جهاز النوكيا فاضحنا يموت لانغمة لاهزاز... بركة شيخنا ود عثمان جهاز النوكيا يا فتآن يفركع فيّكَ كوم بُمبآن تطش شبكة... تودّر بحري وأُم درمآن... ضربنا الكآس وراهو الكآس اكلنا المنقة والأنناس، وجاري ورانا كايسنا!!! بتدوّر تقطع معايشنا؟؟؟ بُكرّة بنمسكو السودآن... آمانة نضوقك زرّة نطردك من محلآتنا، وماتجي تاني من برّة... يالسببت لينا مغس اريت يا إنت تنضرا... هلو... يا أهلنا يا طيبيّن سلآم... يا أهلنا يا صامدين، ويا صآبرين... انا النوكيا، البخُج الظآلم الطَغيان تعالوا اتوحدوا اتلموا واعلنوا ضدهم عِصيان وروهم عزيمة شعب وكتين ينفجر بُركآن يزلزل طُغمة الطُغيان يهدّم فوقهم الأركآن يخلع كُل عميل وجبان، والتآريخ مزابلو تلِم كُل صاحب ضمير وسخآن... وطننا يطيّب ويتوحد ينعم في سلآم وامآن... فلنهتف من الأعماق: تسلم لينا يا سودآن، تسلم لينا يا سودآن تسلم لينا يا سودآن... . . . معاوية المدير...