كتب الكاتب الفاتح جبرا المتوفرة بمعرض الدوحة
|
Re: المرشح معاوية عوض الكريم يحرز (701) صوتا (Re: فايزودالقاضي)
|
سلام يا أبو السارة ..
Quote: عرفنا الـــ 700 الـــ 1 ده جابوا من وين ؟!!!! |
الأخ ود القاضي تسأؤلك غير موفق ! الصحيح .. عرفنا الــــــ 1 الــ 700 جابا من وين ؟؟
ـــ حصول معاوية ( رمز الماسورة ) علي هذا الرقم الكبير .. دليل علي نزاهة الإنتخابات !!
| |
|
|
|
|
|
|
Re: المرشح معاوية عوض الكريم يحرز (701) صوتا (Re: السيد المسلمي)
|
Quote: حصول معاوية ( رمز الماسورة ) علي هذا الرقم الكبير .. دليل علي نزاهة الإنتخابات !! [/QUOTE
ابوالسيدوالله مشتاقيين دايرين نشيل صورة من النتيجة حقت الماسورة ونوزعها علي المراقبين الدولين وربما عقد السيد النايب موتمرصحفي في قاعة محمدين في الزاكياب لشرح اسباب النتيجة والخطة للمستقبل للترشح للدواير القومية او رياسة الجمهورية
| |
|
|
|
|
|
|
Re: المرشح معاوية عوض الكريم يحرز (701) صوتا (Re: مزمل خيرى)
|
Quote: غايتو يامحمد لقيتك شيال حال زى صاحبك ابوخلية ياخى كبسور دا مش قال انو ناس الشرطة ماخلوهو يحضر الفرز |
الاخ مزمل الف شكر للمرور لكن السيد النايب زي ماكان بقول منعوني ناس الشرطة من الحضور للفرز وهذه تعتبر من انواع الدعاية السوداء كان الروح تكون ديمقراطية ويعلن النتيجة مع ارفاق صور لعمليات الفرز ومايعمل فيها نايم
| |
|
|
|
|
|
|
Re: المرشح معاوية عوض الكريم يحرز (701) صوتا (Re: عبداللطيف خليل محمد على)
|
يوووووووووووووووووووووووووويوىىىىىىىىىىىىىىىىىىىىىىىىىىىىىىىىى كان ما كان عندنا بكاء الزغاريد دى كانوا سمعوها ناس حجر العسل اتاريه قريبى ما هين نحن ساكت رامنو وما ماملمعن وكان عارفين كدا كنا رشحناه رئاسة الجمهورية لكن تانى ما ندقس اول انتخابات برمزنا دا ذاتو يانا المرشحنه وما بنضيع الفرصة تانى عليكم النبى شوفوا جنس المغسة دى هسى كان الرئيس بقى مننا وجعلى وعارفنه وراسه عديل ما لاصقابى ساكت والحالة نزل مستقل يعنى كان لقاله موتمر وطنى حشر راسه فيه كنا ما بنرضى برعاسة الجمهورية ذاتها ونفتش لرعاسة امريكا والبيت الابيض ويعنى اوباما دا اخير من معاوية ولا رمزه متل اليل معاوية وكلام يا عوض دكام طلبتكم بالنبى شوفوا جنس المغسة دى اها مسعولين من الخير نعله معاوية سرى ما دى ما وقعله فى خجة كدا والسيطان ديل لقطن من الخجة باقى نحن جننا وجن الحرام وحق الناس برى الله والنبى من حق الخلق وانشاء الله عاد لو معاوية دا وقعله فى خجة تانى ما يتنيها
| |
|
|
|
|
|
|
Re: المرشح معاوية عوض الكريم يحرز (701) صوتا (Re: Tragie Mustafa)
|
Quote: يا معاويه سلام
وحياة خوتك البلقى 701 مع ناس الانقاذ ديل ماهو زولا ساهل كويس يا اخي انه في منطقتك سكنك في 701 نفر بحترموك والله دي شهاده ما ساهله! |
دى شهادة الواحد يبروزها ويعّلقها عديل كده تتخيلي يا تراجى ال701 دى جبتها وانا مغمض !! والله لو فتّحت ولقيت ميزانيات كبيرة .. ح اشكل خطورة عديل كده ..
| |
|
|
|
|
|
|
Re: المرشح معاوية عوض الكريم يحرز (701) صوتا (Re: محمد المسلمي)
|
Quote: الاخ مزمل الف شكر للمرور لكن السيد النايب زي ماكان بقول منعوني ناس الشرطة من الحضور للفرز وهذه تعتبر من انواع الدعاية السوداء كان الروح تكون ديمقراطية ويعلن النتيجة مع ارفاق صور لعمليات الفرز ومايعمل فيها نايم |
والله يا عمك ما عامل فيها نايم ولا شي .. زي ما قلت ليك كان الغياب بسبب وفاة جدتي لها الرحمة والمغفرة وهذه النتيجة تمت اذاعتها في الفضائية السودانية والاذاعة .. يعني مافي مدّسه
| |
|
|
|
|
|
|
Re: المرشح معاوية عوض الكريم يحرز (701) صوتا (Re: محمد المسلمي)
|
الأخ المسلمى سلامات
يا معاوية البركة فيكم فى وفاة جدتك
وربنا يتقبلها قبولاً حسناً ان شاء الله
وبالنسبة للأصوات ومقارنةً مع ما ناله الدكتور نافع فى انتخابات 86 (13 صوت على حسب قولهم)
وفوزه الكاسح فى انتخابات 2010 (المخجوجة)
تكون فرصك فى الرياسة موثوق بها
عليك بدراسة منهج الخج من هسع
وأستعد للانتخابات القادمة
| |
|
|
|
|
|
|
| |