|
|
|
 Re: سيـــــــــــــــــــك (Re: زهير الزناتي)
|
لمن لا يعرفون الكوشتينة فإن السيك هي من أقسي النتائج في لعبة الوست والتي تلعب كالآتي :
توزع الأوراق بواقع ورقة لكل لاعب حتي يصبح لكل لاعب 13 ورقة ... إذا ما نجح (الشريكان) في أكل كل الأوراق تسمي النتيجة النهائية سيك ... وهنا يهيج الحضور ويعلوا صراخهم ... وتكتب علي حائط النادي أو المكان الذي أقيمت فيه اللعبة ... بالتاريخ وأسماء اللاعبين خاصة المهزومين ... وينتهي القيم ويأتي لاعبين آخرين حتي إذا كانت التوزيعة الأولي ولم تصل للفورة بعد ...
| |
  
|
|
|
|
|
|
|
|
Re: سيـــــــــــــــــــك (Re: زهير الزناتي)
|
نعم قرشو تسمي أيضاً إسنافيك ...
ما هي الأسباب التي تؤدي إلي الإسنا أو السيك أو الإسنافيك
1/ أن يصر أحد اللاعبين علي اللعب رغم أن ورقه كعب وليس به ورق كبار يمكن أن يخارجه من الإسنا وهي أسواء أنواع الإسنا خاصة إذا كانت في قبوله والجميع قال pass وهذه لا تنسي وقد يحرمه زميله من اللعب معه مرة أخري ...
| |
|
|
|
|
|
|
|
|
|
Re: سيـــــــــــــــــــك (Re: زهير الزناتي)
|
يا أسامة تمنع الوشوش في هذا البوست ... قول لي ليه .. لأنه الوست عندها برضو قوانين وتقاليد ... يمنع طبعاً الكلام أثناء المعركة الإنتخابية .. أقصد بعد توزيع الورق ... خاصة من اللاعبين ...وده لي لنزاهة اللعبة ... وأي زول سمع زول يتكلم .. أو عمل إشارة ... طوالي من حقه يدك اللعبة ... في ناس طبعاً حنباكين ... لو زول قال إحم ساي ولا كح وشاف ورقه كعب طوالي يقوم يدكها
| |
|
|
|
|
|
|
|
|
|
Re: سيـــــــــــــــــــك (Re: زهير الزناتي)
|
نرجع لأسباب السيك :
3/ أن تكون الطربيزة مايلة .. يعني فيها واحد كيشة ورغم إنه ورقة كويس لكن برضو بياخد سيك .. ويعذب معاهو زميله ... ويقوم زميله يكورك فيهو ويقول ليهو .. يا زميل عذبتنا .,.... وسيكتنا
| |
|
|
|
|
|
|
|
|
|
Re: سيـــــــــــــــــــك (Re: زهير الزناتي)
|
ودي الأخطر
4/ أن تكون المباراة مطعمة يعني بقروش ... زي حكاية السلطة والثروة ... اها يكون في إثنين (شريكين) شفاتة وما بيخجلوا والكوشتينة حقتهم والخصوم فارات ... ومعلمين الورق ... يقوموا يوزعوا الورق الكبار لنفسهم ... وممكن كمان بيهرشوا الجماعة ... يتكلموا ويعفصوا في كرعين بعض تحت التربيزة والجماعة ما في زول قادر يدكها ... وياخدوا سيك زي العجب .... وخشمهم يكون ملح ملح ... يا حنبكوا وقاموا جارين بالقروش ... يا كمان إستسلموا لمصيرهم ... وينتظروا التوزيعة الجديدة ...
| |
|
|
|
|
|
|
|
|
|
Re: سيـــــــــــــــــــك (Re: زهير الزناتي)
|
العزيز زهير ،،
والله من أول يوم عندي أحساس بأنه هذه الأيام زي ماتتفرج في كونكان الكيشة واحد يفتح وما يعرف وواحد
يفوت الفتوح وتجيه اللعبة لافة تاااني ويقول هاي هي "فتحت"
الله يكفينا شر لعب الكيشة
| |
|
|
|
|
|
|
|
|
|
Re: سيـــــــــــــــــــك (Re: NEWSUDANI)
|
نيو سوداني والله اللعب مع الكيشة مشكلة لو لاعب مع الواحد تتغلب لمن الله يغفر ليك ولو لاعب ضدك كمان ما بتستمع ... اها في الويست أعمل حسابك من الكيشة بيسيكك يسيكك .... خاصة لو الزول اللاعب ضدك شفت ويغش في الإنتخابات أقصد اللعب
| |
|
|
|
|
|
|
|
|
 Re: سيـــــــــــــــــــك (Re: زهير الزناتي)
|
سلامات زهير الزناتى يا عزيز
الزملان فى الويست المعروف إذا الواحد موزع المفروض القبول ما يكون عند زميله ... بس الويست السودانى بخلى الواحد يوزع والقبول عند زميله وعلى ذلك قس بما يحدث فى ظل إنو واحد من الشريكين حرامى كروت والتانى زول قلع وبخوف فى اللاعبين معاهم.
نوع الإسنا ده بخليك تحرد اللعب 4 سنة بالتمام والكمال
بس للحق اللاعبين معاهم فيهم على الأقل واحد كيشة
| |
|
|
|
|
|
|
| |
زهير الزناتي
قرشـــو
Osama Mohammed
شول اشوانق دينق
فيس بوك
تويتر
انستقرام
يوتيوب
بنتيريست