|
هام وعاجل لمشتركي شركة زين "توجد نماذج من الاحتيال وارقام الجوالات "
|
تلاحظ في الفترة الاخيرة ورود رسائل للجوالات .. وهذه الرسائل تختلف باختلاف نوع الشريحة التي تستعملها , فان كنت تستعمل شريحة الدفع المقدم فانها تفيدك بوصول رصيد لحسابك وقدره كذا جنيه .. واما ان كنت تستعمل شريحة الدفع الاجل اي ان تلفونك فاتورة , فان الرسالة تأتيك بانه قد تم خصم مبلغ كذا من فاتورتك لهذا الشهر ...
|
|
|
|
|
|
|
|
Re: هام وعاجل لمشتركي شركة زين "توجد نماذج من الاحتيال وارقام الجوالات " (Re: العوض المسلمي)
|
والله ياعمكـ دا الحصل لي بالضبط الاسبوع الفات .. تعرف في كبري بري سمعت صوت رسالة ما اشتغلت بيها قلت لمن اقيف .. اها لما وقفت لقيت الرسالة بتقول تم اضافة 10 جنيه لرصيدك .. ما ركزت شديد وبعد شوية اتصلت بي واحدة قالت لي انا حولت رصيد في تلفونك بالخطأ ولو سمحت ترجعو لاني انا موظفة في محل اتصالات .. قلت ليها انا الآن ما فاضي لكن اول ما الاقي محل اتصالات برجعو ليك . وفعلا رسلت ليها الرصيد في نفس الرقم الرسلت لي منو ... لكن في القصة دي في تفصيلة غريبة لازم اقولها الناتج بعد التحويل من خلال الرسالة المضروبة دي كان مساوي للمبلغ المحول + رصيدي الاصلا موجود او مقارب ليو شديد .. دا معناتا انو في زول من العصابة دي شغال في زين وهو البكشف ليهم ارصدة الزبائن .. والا كيف بيعرفو دا دفع مقدم من دفع آجل .. القصة كبيرة يا ود المسلمي كبيرة شديدة والبلد بقى مافي زول برحم اخوهو وحسبي الله ونعم الوكيل .
| |
|
|
|
|
|
|
Re: هام وعاجل لمشتركي شركة زين "توجد نماذج من الاحتيال وارقام الجوالات " (Re: عبدالوهاب علي الحاج)
|
Quote: لكن في القصة دي في تفصيلة غريبة لازم اقولها الناتج بعد التحويل من خلال الرسالة المضروبة دي كان مساوي للمبلغ المحول + رصيدي الاصلا موجود او مقارب ليو شديد .. دا معناتا انو في زول من العصابة دي شغال في زين وهو البكشف ليهم ارصدة الزبائن .. والا كيف بيعرفو دا دفع مقدم من دفع آجل .. القصة كبيرة يا ود المسلمي كبيرة شديدة والبلد بقى مافي زول برحم اخوهو وحسبي الله ونعم الوكيل . |
ده كلام غريب جداً .. منتظرين تفسير وشرح كثير جداً من مزمل خيري لو كان عندو علم بالموضوع ده !
| |
|
|
|
|
|
|
Re: هام وعاجل لمشتركي شركة زين "توجد نماذج من الاحتيال وارقام الجوالات " (Re: عبداللطيف محجوب)
|
طبعآ زولك قالى لى والله انا رسلت ليك رصيد بالغلط قلت ليهو بالحيل برجعو ليك اسى انت وين؟...
قال لى فى اركويت قلت لى سبحان الله طيب انا زاتى فى اركويت ما اجى اديك ليهو كاش لانو تلفونى مابيحول وكدا
صحبك قال لى انا من اركويت وحاليا فى تندلتى...
قل خلاص لمن تجى اركويت اضرب لى بديك ليهو ... زولك حنس بى جاى بى جاى لقا روحو خسر رصيد من تلفونو ساكت غايتو فلا الآخر اخدت لى كم نبزة كدا وفجعت من الضحك
| |
|
|
|
|
|
|
|