|
التـفـــــااااف
|
وتبقى الحقيقة التي كانت على أرض الواقع .. وشهد عليها كل العالم بكاميراته وإعلامـه .. وشاشاته .. واقماره الصناعية المصوبة بدقة .. وما يكرفونات أكبر وكالات الأنباء في العالم ..
|
|
|
|
|
|
|
|
Re: التـفـــــااااف (Re: tmbis)
|
الشعوب الواعية .. هي التي تقرر مصيرهـا .. ولا تنقاد .. (وتلتف) .. حول من ترتضيه ومن تختاره بمحض إرادتها .. وعي الشعب السوداني .. اذهـل .. كل من كان يبحث عن إبرة خراب .. في كوم قش بلد طيب مسالم .. تربى على حب الخير لغيره .. شعب لا يعرف إلا أن يعيش كريم .. ويفوت الفرصة على كل من يريد خلق الفوضى .. نتاج ضعف .. عجز فيه عن المواجهة المباشرة ..
| |
|
|
|
|
|
|
Re: التـفـــــااااف (Re: tmbis)
|
الضربات الموجعة المتكررة التي أصبح يوجهها الشعب السوداني بمختلف فئاته ومفاهيمه منذ فترة طويلة .. إلى من يعتبرهم خارج منظومته التي لا تواكب قناعاته ولا تسهم في إرضاء تطلعاته .. ولا تجيد حتى على أسواء الفروض توجيه خطاب عقلاني تستطيع به أن تغير وجهها الكئيب وفشلها القديم .. كانت ضربات قوية موجعة كفيلة أن جعلت منهم رموز فقط مرسومة على الورق مجرد تذكار يحكي عن حقبة تاريخيه ماضية .. سرعان ما تنطوي لفتح صفحة جديدة ميزان القوة فيها يحدده الشعب بخياره الذي أرتضاه ..
| |
|
|
|
|
|
|
Re: التـفـــــااااف (Re: tmbis)
|
متلازمة الإحباط .. ستخيم لفترات طويلة جدا .. على من كانوا يعتقدون أن عامة الشعب تدين لهم بالولاء والطاعة العمياء .. وإعطاء فرصة أخرى لممارسة نفس الأفعال القديمة .. لكنهم ما كانوا يعلمون أن الشعب الآن ليس في حوجـة إلى خطوات إلى الخلف .. وعلى من كانوا يعتقدون أن خطابهم المهزلة العنيف .. سيخيفون به من يفترضون فيهم الخوف .. لكنهم ما وضعوا فرضية أن الجعجعة ليس من المفترض أن تخلق طحينا .. وعلى من اعتقدوا انهم في مكانهم الذي هم فيه قادرون بالضغط فقط على زر .. أو الصعود إلى أعلى منبر ما .. أو تدبيج تقارير وهمية .. لهم المقدرة على فرض امانيهم العريضة على شعب معلم يسير وفق قناعات داخليه لا يحركها إلا هو .. وفي اللحظة التي يحس أنها اللحظة المناسبة ... فكانت هي اللحظة المناسبة التي توجه فيها إلى المكان الطبيعي.
| |
|
|
|
|
|
|
Re: التـفـــــااااف (Re: بشير أحمد)
|
Quote: ومعاها وجع رقبة وفلايت وقطايع للمناضلين هنا . |
... المناضلين الهنا ديل مقاطعين الانتخابات يا دكتور .. مقاطعين من جهة .. وبيشجعوا من جهة وعينم على النتيجة من جهة .. دا يا ما ياهو اللف ذاتو .
| |
|
|
|
|
|
|
Re: التـفـــــااااف (Re: anwar abu gaidaa)
|
ااي اشرح ليك يا استاذ .. وليه لا .. إنت قاعد تقرا بي اضنينك يا انور .. .. .. إلتفاف دي يا انور .. جايه من .. لف .. دور .. ملفوف .. قوم لف .. وقعت ليك ..؟ التفاف حقتك القاصده .. لو عمله واحد من الجماعه اياهم بيفقد سوائل اليومين دي .. اكــرر .. التفاف .. جايه من اللف .. أو قوم لف .. التف فرتكان حوالين الحاجة .. معناته التف ..
ما عندكم اي حاجة يا انور .. قاعدين سااااااي ,,
| |
|
|
|
|
|
|
Re: التـفـــــااااف (Re: tmbis)
|
Quote: متلازمة الإحباط .. ستخيم لفترات طويلة جدا .. على من كانوا يعتقدون أن عامة الشعب تدين لهم بالولاء والطاعة العمياء .. وإعطاء فرصة أخرى لممارسة نفس الأفعال القديمة .. لكنهم ما كانوا يعلمون أن الشعب الآن ليس في حوجـة إلى خطوات إلى الخلف .. وعلى من كانوا يعتقدون أن خطابهم المهزلة العنيف .. سيخيفون به من يفترضون فيهم الخوف .. لكنهم ما وضعوا فرضية أن الجعجعة ليس من المفترض أن تخلق طحينا .. وعلى من اعتقدوا انهم في مكانهم الذي هم فيه قادرون بالضغط فقط على زر .. أو الصعود إلى أعلى منبر ما .. أو تدبيج تقارير وهمية .. لهم المقدرة على فرض امانيهم العريضة على شعب معلم يسير وفق قناعات داخليه لا يحركها إلا هو .. وفي اللحظة التي يحس أنها اللحظة المناسبة ... فكانت هي اللحظة المناسبة التي توجه فيها إلى المكان الطبيعي. |
لك التحية اخى علاء
| |
|
|
|
|
|
|
Re: التـفـــــااااف (Re: وليد الطيب قسم السيد)
|
Quote: فكانت هي اللحظة المناسبة التي توجه فيها إلى المكان الطبيعي. |
نفس اللحظة المناسبة التي انتهز فيها الفرصة ليرسل .. رسالة واضحة إلى كل الشعوب التي تستخدم العنف كوسيلة تعبير عن خسارتها .. مدفوعـة من جهات أخرى اشد ضعفا واحباطا تحرضها لخلق الفوضى .. الوعي العام .. عدم الاعتراف والانقياد إلى أي جهة ضعيفة تخيل لها أنها مصدر قوة وصوت عالي .. كان هو السبب الأول الذي دفع غالبية الشعب أن يتوجهوا ويعبروا عن خياراتهم .. بالإضافة إلى فرض السيطرة الأمنية وبسطها على أرض الواقع بخطط مدروسة كانا من أهم عوامل النجاح الرئيسية ... وهذا دلالة كافية تؤكد أن من وضع في حسبانه خلق أي فوضى .. سيواجه في الخط الأمامي إرادة شعب قوي .. لا يمكن أن تتخطى دفاعاته اي ترسانة وتعبره لتواجه الطوق الأمني الذي اشاد به كل من كان يتوقع غير ذلك .. حتى باتت الجهات الخارجية التي أتت للمشاركة لأول مرة .. تسخر ممن كانوا يروجون بإمكانية فوضى وأحداث كتلك التي يتداولها اعلامهم .. وترصدها كاميراتهم .. انموذج الوضع الحالي .. سيغير قناعات الكثيرين الذين كانوا على أرض الواقع هناك .. وأختلطوا بالعنصر السوداني .. وبالتركيبة السودانية .. التي لا يعرفون عنها إلا ما يصلهم من حقائق مزيفة وبيانات مغلوطـة .. تؤكد حقيقة ضعفهم العقلي .. وحقيقة عزلتهم البعيدة ورهانهم الفاشل جدا .. بإمكانية التغيير..
| |
|
|
|
|
|
|
Re: التـفـــــااااف (Re: tmbis)
|
شكرا على الشرح يا استاذ علاء واقول ليك قوم لف مش كده والله انا غلطان والله عندنا جنس كوميديا مباالغه وكوميديا جايه من كمونيه؟؟؟ والتفاف من تفاف ونصرف زى ما دايرين هو نحن عارفين نحن منو عشان تدينى حصة عربى؟؟ هو انا عربى والله افريقى افريقى والله عربى انا سودانى موحد والله فرتق وتجى تقول لى التفاف قوم لف اوعه تعملها وتلفها جدجد تحياتى ايها الحبيب انور ابو غيداء
| |
|
|
|
|
|
|
Re: التـفـــــااااف (Re: anwar abu gaidaa)
|
والله يا تمبس انت مفروض المره الجايه تسمي البوست بتاعك السقوط وحاول تركز فيه علي كمية الناس السقطوا في المرحله الاخيره دي من الوطنيه والديموقراطيه للتكريس للشموليه و التطبيل للمؤتمر الوطني حسنا فعلت انه خيار واجمل حاجه انه تتفرز الكيمان
راهنا عليك لكن عملته لينا احبااااااااااااااااط
| |
|
|
|
|
|
|
Re: التـفـــــااااف (Re: anwar abu gaidaa)
|
Quote: شكرا على الشرح يا استاذ علاء واقول ليك قوم لف مش كده والله انا غلطان والله عندنا جنس كوميديا مباالغه وكوميديا جايه من كمونيه؟؟؟ والتفاف من تفاف ونصرف زى ما دايرين هو نحن عارفين نحن منو عشان تدينى حصة عربى؟؟ هو انا عربى والله افريقى افريقى والله عربى انا سودانى موحد والله فرتق وتجى تقول لى التفاف قوم لف اوعه تعملها وتلفها جدجد تحياتى ايها الحبيب انور ابو غيداء |
والله يا أنور كلامك دا إلا تخت لي دليل مقام .. وتمسك لي الزمن حتين افهمو ليك .. يازول الكلام الكبار دا قاعدين تجيبوهو من وووين ..؟
سلم علي المعاك جميعا..
جميعا دي كيف معاك .. ؟
قوم لف كدا
| |
|
|
|
|
|
|
Re: التـفـــــااااف (Re: tmbis)
|
التفاف حول الواقع المرير التفاف حول الهزيمة على طريقة القط الذي لم ينال اللحمة فقال (عفنة) التفاف حول حقائق احزابهم وانكسارها وغيابها التفاف حول صراع الرجال الذي سقطوا فيه كالنساء وينتظرون الفرج من اوكامبو وامريكا التي تحولت الى مؤتمر وطني التفاف حول حول بعدهم من احزابهم الفوقية وتلقي الاشارات والاكتفاء بالطاعة التفاف حول الهروب وهروب حو الالتفاف التفاف حول عمالتهم ورهن نضالاتهم بقصص اللجوء السياسي والكذب والتدليس التفاف حول حقيقة قياداتهم المحنطة التي لاتعرف عنهم شيئا التفاف حول نتيجة هذه الانتخابات التي كشفت سوءتهم الحزبية والفكرية التفاف حول مواجهةواجباتهم في المرحلة المقبلة واكتفائهم بالصياح التبريري التفاف حول الحقيقة وتعلقهم باغصان الكذب اليابسة ويظلون في هذا الدوران حتى يغمى عليهمويطيحون اعمل حسابك ياتمبس حتى لايسقطوا عليك باجسادهم الضخمة
| |
|
|
|
|
|
|
Re: التـفـــــااااف (Re: أبو عبيدة البصاص)
|
التفاف يعني تلف علي حاتم السر في مسقط راسه وتديه 17 صوت في راسه
وتلف علي عصام الترابي وتديه واحد صوت في صندوقه
وعبدالله دينق 4 صيتان في اسرته
وواحد مين ماعرف تطلعو ملوص في حنانو
فعلا تفاف !!
| |
|
|
|
|
|
|
Re: التـفـــــااااف (Re: عبداللطيف حسن علي)
|
Quote: التفاف يعني تلف علي حاتم السر في مسقط راسه وتديه 17 صوت في راسه وتلف علي عصام الترابي وتديه واحد صوت في صندوقه وعبدالله دينق 4 صيتان في اسرته وواحد مين ماعرف تطلعو ملوص في حنانو |
.. .. إنت نقد جاب كم يا عبد اللطيف (الـ تفاف) ..؟ نقد طبعا ما محتاج يلتفو حوالينو .. هو براهو قام ( لفه) .. التحية لي حاتم السر .. وعبد الله دينق .. وكل الناس الثبتت قدام الصناديق .. ومارسو حقهم .. والتحية للشعب الطلع في انتفاضة عشان يعبر عن رأيو ويجيب البيحكمو أما الناس الطلعت ملوص .. وقامو يجقلبو ... ينتظرو كمان اربعة سنة كدا ويعملو لياقات من حسع دي .. اتمنى إنو نقد بعد اربعة سنة لو الله حيانا نشوفو بي شاكوشو .. والشعب السوداني ملتفي حوالينو وكاااسح شديد
| |
|
|
|
|
|
|
Re: التـفـــــااااف (Re: أبو عبيدة البصاص)
|
Quote: جيت اسلم مارق دقيقه قبل امش عاوز اقول ليك كرررب يازول والله المنبر ده بعد شويه نقعد نتونس فيهو برانا احب الكرنب والقرنبيط ذاتو |
.. الأمور مكررربة يا بصاص وواضحـة .. والشوف واضح .. والقراية واضحة لكن معظم (الملتفين) حوالين الحقايق مفترض يكررربو شغلم هم . ويشوفو الواقع ..
| |
|
|
|
|
|
|
Re: التـفـــــااااف (Re: Osman Musa)
|
كيفك يا اسامة .. كلو تمام كلهم بيسلمو عليك ..
Quote: هههههههه .. شنو يازول ؟ بعد أكتساح . طوالى التفااااف ؟ |
.. دي شركة يا اسامة .. .. في واحد بيطلع في اليومين دي الجزء التاني .. خليك قريب ..
| |
|
|
|
|
|
|
Re: التـفـــــااااف (Re: tmbis)
|
تامبا
تحياتي ومبروك مقدما العالم يدرك أن النجاح حليف من يعمل ويجتهد لم تكن العملية الانتخابية نزهة ولم تكن تمنيات لكنه العمل الدوؤب والمثابرة ومعرفة العضوية ومعرفة المناصرين ومعرفة الحجم الحقيقي كانت أول صيحة الغريق هي.................... التشتيت ثم ذهبت ادراج الرياح حين تشتت القوم ثم كان الفوز الذي يشهده العالم في رياض الخير في مكة في لاهاي أين ما كانت الصناديق كان جمهور السودان يقف تحت ظل الشجرة هذا الالتفاف وهذا التضامن هو ما نبتغيه مرحبا بالمستقبل الجميل
| |
|
|
|
|
|
|
Re: التـفـــــااااف (Re: علي الكرار هاشم)
|
والله لمن الواحد يبذل مجهود ذهنى ... ويستجمع شجاعة وأمانة مع النفس ... ويقرر يدعم المؤتمر الوطنى بعد تعب ...
يجيك زول زى عبداللطيف نقد دا ... يقول ليك السقوط ..
السقوط دا يا عبد اللطيف هو أفضل ما تفتقت عنه قريحتى .... وأقصى حدود معرفتى السياسية ... وأمانتى تجاه نفسى ووطنى ...
خليك انت فى معسكر "الناجحين" و "الشرفاء" .... انشالله ينفعك ...
ولا أراك الله "سقوطاً" فى عزيزٍ لديكم ...
... المهم ....
| |
|
|
|
|
|
|
Re: التـفـــــااااف (Re: تبارك شيخ الدين جبريل)
|
Quote: السقوط دا يا عبد اللطيف هو أفضل ما تفتقت عنه قريحتى .... وأقصى حدود معرفتى السياسية ... وأمانتى تجاه نفسى ووطنى ... خليك انت فى معسكر "الناجحين" و "الشرفاء" .... انشالله ينفعك ... |
.. والله قريحتي لامؤاخذه أنا برضو يا تبارك فيا اصحاب .. (قريحتي) راحت .. دعو القريحات تتفتق .. فهذا موسم تفتق القريحـات ..
تعرف يا تبارك أنا بصدد خطـة طويلة المدى تتعلق بي كيفية يكون عندك اكثر من قريحـة تدخل بيها البورد بتاع سودانيزاونلاين دا .. بي صورة أوضح: كل زول تجيهو بي القريحـة البتريحو تفتقه عندو وتمشي .. عشان يرضى عليك .. وإنت قريحتك حقتك بت أمك وأبوك .. عنها ما تتفتق ..
نقط نقط المهم
| |
|
|
|
|
|
|
Re: التـفـــــااااف (Re: علي الكرار هاشم)
|
Quote: أين ما كانت الصناديق كان جمهور السودان يقف تحت ظل الشجرة |
سلامات يا الكرار .. جمهور السودان .. مارس حقه الطبيعي دون أن ينقاد إلى رأي أحدهم .. ودون أن ينسحب من منازلة كان في انتظارها منذ سنوات .. بالجهة الأخرى الضعاف هم من حاولا تحييد هذا الشعب وحاولو خداعه حتى في إرداته .. لكل فرد حرية أن يفعل ما يشاء .. ولطالما كانت حرية الشعب في التوجه إلى صناديق الاقتراع .. فلهم حرية خياراتهم .. كما للذين يرفضون لهم حق الرفض .. والمحصلة النهائية واضحة للعيان .. يكفيني فقط راي الشعب .. فقد أجمع الشعب وحدد خياراته .. فمرحبا براي الشعب في كل مكان .. ومرحبا بالشعب يحدد من سيكون أمامه ويحمله أمانة الوطن .. وعلى الذين حاولو .. أن يلتفوا على الخيارات فما عليهم إلا ان يكونو اكثر عزيمة وإصرار من الشعب الذي حدد خياراته بنفسه .
| |
|
|
|
|
|
|
Re: التـفـــــااااف (Re: Kostawi)
|
Quote: بوست ناقص علاء الدين الكوز بدرالدين الكوز ود الباوقة الكوز و الشدرة والواضح ما فاضح |
.. وناقص سلمى العسل كمان .. ااي الواضح ما فاضح .. الأخ .. تبع وووين ..؟ أوعه تقولي معارض كمـان ..؟ والله اظنك معارض سيارات ..
.. كنت عايز اقوليك أنا ما برد علي أطفال الانابيب .. لكن لقيت نفسي ببالغ .. معقولة إنت تكون طفل انابيب ..؟
ياخ إنت لما كنت طفل انابيب .. كان الأنبوبة منكم بيصوروهو بالجلابية .. والمظاهرات بيفرقوها بالسواري وبوليص الردا ..
| |
|
|
|
|
|
|
Re: التـفـــــااااف (Re: tmbis)
|
Quote: بوست ناقص علاء الدين الكوز بدرالدين الكوز ود الباوقة الكوز و الشدرة و الواضح ما فاضح |
.. طيبما تمشي تشوفم ووين وناديهم
يــا .. أمبوبة
| |
|
|
|
|
|
|
Re: التـفـــــااااف (Re: tmbis)
|
أنا غايتو أفضل الالتفاف حول الناس الحلوين الزمان لما كانوا حلويين وبتحبوا ومافي شيء محيرني أكتر من التيرمنولجي بتاعت السودان البوردابي الحديث قوم لف يا عمك الصحبة الاسفيرية دي بقت مهلكة وخيطك ده اربطو في العمود ده وكاااااك والله أنا قدمت قدم شديد خالص وحان قطافي آه.. متين القيامة تقوم.. أقصد متين اجازتي دي تنتهي؟ ما تدينا شوية غنا من ذوقك الحلو يا تمبس قبل ما تنتهي الاجازة وخلينا معاك نغنى لزمن طيب والله مشتاقين
| |
|
|
|
|
|
|
Re: التـفـــــااااف (Re: rummana)
|
Quote: أنا غايتو أفضل الالتفاف حول الناس الحلوين الزمان لما كانوا حلويين وبتحبوا ومافي شيء محيرني أكتر من التيرمنولجي بتاعت السودان البوردابي الحديث قوم لف يا عمك الصحبة الاسفيرية دي بقت مهلكة وخيطك ده اربطو في العمود ده وكاااااك والله أنا قدمت قدم شديد خالص وحان قطافي آه.. متين القيامة تقوم.. أقصد متين اجازتي دي تنتهي؟ ما تدينا شوية غنا من ذوقك الحلو يا تمبس قبل ما تنتهي الاجازة وخلينا معاك نغنى لزمن طيب والله مشتاقين |
والله ليك وحشة لكن يا رمانـة .. شايفك ليك فترة يا رمانة شرفتينا .. وقلت اكيد ح تقعدي ليك يومين تلاتة وتمشي .. بعدما تزهجي من المكان دا كما زهج الذين من قبلك .. لكن لقيتك قوية ومصادمة .. غنا يا رومانة .. حليل زمن الغنا والناس الكانت بتسمع الغنا في المكان دا .. تخيلي يا رمانة طلعوني ليك ما بعرف اغني ولا حاجة .. اقوليك حاجة ..؟ قالو ذاتو ما عايزين غنا في المكان دا .. لانو مخص للسياسة والمعارضة ما موقع بتاع حاجات تانية .. المهم يا رمانة الواحد بقى لما يجي ينزل أغنية لازم يكتمل ليهو النصاب القانوني من ناس زمان .. لما كانت الفايده كبيرة في المكان دا .. بي البرامج البتنزل .. والكلام البتكتب والقصة .. والشعر .. حتى برامج الغناء الاسبوعية . إلخ .. نحن يا رمانة احسن ناس بنعرف نفسد حاجاتنا السمحة .. بي يدنا .. المهم تكوني طالباني اغنية .. احتمال الحال المايل دا ينعدل .. استمتعي بي اجازتك هنا في كوم التناغض دا .. واريتو جيتك تجيب باقي الناس السمحة ..
| |
|
|
|
|
|
|
|