أعزائي المغتربين: لا تشتكو بعد اليوم

Quote: ما أشوف مغترب فاتح بوست بكرة بقول الضرائب ولا التعليم ولا الصحة ولا أي حاجة

يا عمكـ .. بتبالغ ياخ!
هسي من المرشحين ديل كلهم الجاب سيرة المغتربين منو؟

Quote: يعنى لو جاء غير البشير اي واحد ثانى كان حا يلغوا لينا الجبايات دي ما هو نفس البشير الذي لغى لينا الضرائب والتحويل الالزامي وغيرها يعنى هو الوحيد الساعدنا مش غيرو علشان كدة صوتنا لية رايك شنو

Quote: يا عمكـ .. بتبالغ ياخ! هسي من المرشحين ديل كلهم الجاب سيرة المغتربين منو؟

Quote: حبوبة هناي بتقول ليكم نسبة التصويت في أوساط المغتربين بلغت 86 بالمائة من العدد الكلي للمغتربين

Quote: Author: داليا الكباشى الاخ هـاني .. زمان (لمن كنا سوغار يعني) قبل ما يكون في انقاذ ولا غيرو كنا ننزل مطار الخرطوم ,يقولوا لي ناس ابوي : اي زول عندو دولارات او عمله اجنبيه يقيف لينا على جنبه ! اتذكر وقتها كلمتي : يا بابا (الدورارات) دي حاجه كعبه ..؟؟ لن انسى ما حييت اجازتنا السنويه الى السودان والشنط المملوءه علب صلصه وقشطه التاج والماجي ومعجون الاسنان (سيجنال الاحمر انذاك) وصابون كامي دا غير القمصان والبنطلونات والجزم .. واكتر حاجه كانت بتزعلني اني برجع من الاجازه بلقى فساتيني (الزمن داك فيها ربطه بي ورا وورود وفراشات) بلقاها ناقصه ! وتتعلل امي بملل انو ادتيها بت خالتك .. ما عندها غير واحد ! يعني نص الهدوم البتمشي بيها السودان ما بتجي معاك راجعه ..! لن انسى منظر كبابي الشاي الساده والبلح يطفح على وجهها من عدم السكر! لم يستوعب عقلي الصغير انذاك كيف لاناس ان يعيشوا بلا سكر وبلا فساتين !!! حكومه الانقاذ اتت ببعض المنغصات ايضـا : (رسوم القناه الفضائيه , مشروع دعم الحجاب , الزكاه (مبالغ تقديريه) ,رسوم المغادره .. (اخرى بتاعت ود الصايم) اتمنى ان يعاد النظر بها .. عذرا للاطـاله اخي هاني تحياتي ..

Quote: الأخ/هاني سلام يغشاك هون عليك يارجل ،لست وحدك المصاب بهذه الحالة التي تشبه (الكوفارة ) التي يكون صاحبها على وشك الإنهيار من شدة الشعور بالغثيان ،نعزّي أنفسنا بأن الذين صوتوا للبشير لم يكونوا في غالبهم من أعضاء هذا المنبر وأؤكد لك أن هذه النتيجة غير سليمة وهم يعلمون تمام العلم أن أعضاءه المقاطعين لم يذهبوا للتصويت وقد يستخدموا أسماءهم لتعبئة صناديقهم الفارغة، وقل لي بالله عليك من الذي يسألهم عن بطاقة التسجيل خاصتي مثلاً ؟. أكبر تجمع للمغتربين في العالم يوجد في السعودية ليست لدي إحصائية دقيقة ولكنهم لا يقلون عن ثلاثة أرباع المليون كان عدد المسجلين منهم 66000 أي أقل من 10% وهؤلاء أكثر من 90% منهم

Quote: لو كان السودانيين كلهم شاركو - ما كان الكيزان - حتى ولو بالتزوير - يقدرو يعملو اللي عملوه حسه لأن أي واحد صوّت كان حيهتم بصوته وما حيقبل يتلاعبو بيه