|
|
 المكتبة النضالية للعلاّمة - صديق مهدي على - قدس الله سره
|
طبعا هذا الرجل علم على راسه نار ويعرفه القاصي والداني ..
ويستفيد الكثيرون من رؤيته التحليلية وقراءته النفّاذة للأمور في هذا الوطن ..
كما إنه من القلائل الذين يتميزون ببعد البصر ورؤية ما خلف الواقع ..
ويتميز بمهارة عالية وصمود نضالي لا تلين عريكته ولا يدركه التعب والملل ..
فهو مناضل شرس وفي نفس الوقت شاعر رقيق ..
وهو قارئ نهم للمعرفة والثقافة العامة وفي نفس الوقت معطاء كريم بالعلم والمعرفة يبذلهما للجميع دون تواني فينفق من فيض علمه للجمع إنفاق من لا يخاف نضب معين علمه ..
وهو فوق كل هذا وذاك عالم بالانساب واقدار الناس ..
بل هو ابرع من جوجل ايرث - حفظه الله - في معرفة تواجد اعضاء سودانيز اونلاين .. ويحدد مكان اقامته بدقة تعجز عنها فرقة مطاردة اسامة بن لادن في كهوف تورا بورا ..
لذا ولأنه نشر العلم فضيلة وواجب .. احب ان ابدأ بتجميع ما يكتبه العلامة صديق هنا
كما ارجوه ان يضيف كل جديد هنا ايضاً ..
حتي لا يرهق الجمع بكثرة هذه البوستات ويشتت جهودهم ويضيع علمه هباءا منثور ساي ولا يجد
من ينهل من فيضه ..
فيا صديق اكتب كتابة من لا يخشي فقر فإني سوف ابدأ بإيراد كل بوستاتك هنا طالما انه بكري مضيعك ووما عارف فائدتك شنو فلم يجعل لك مكتبة ..
يآخ انت مفروض يعلموا ليك منبر خاص زي بتاع الزقازيق واليوم الحار مُش مجرد مكتبة بس ..
|
|
 
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
أما هنا :
المفوضية المهببة تؤجل الانتخابات جزئيا استجابة لسيدها ك...د فضح الاثنين عالميا
فيقول بمعرفة استراتيجية عميقة بالرجل الصادق المهدي ..
وبصدق العلم هذه وحدها فيقول مخاطباً الامنجي المندس علاء بقوة وصوت من لا يخشي الطغاة
فيقول له بوجهه :
Quote: هكذا الغش و زى ما بقول المثل الكضب حبلو قصير و كمان المثل بقول الكوك ببين عند المخادة
اها يا ناس علاء الى العلا و لا الى الواطئ طبعا بعد الخبر كلكم بتجرو ا واطى .
دا حق الصادق المهدى يا علاء لان الصادق المهدى رجل و الرجال قليل و ما عداه كلهم اشباه رجال |
الم لكم بانه خطير جداً وعلاّمة فهذا هو يبين لنا - بتواضع - أن الصادق المهدي رجل والرجال قليل
بل لأول مرة أعرف ان الجميع اشباه رجال ما عدا هذا الصادق المهدي ..
شكراً يا صديق مهدي على الصدح بالحق الجميل ولو على نفسك بتصنيفها في خانة الاشباه .
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
اما هنا :
سلامتك أنور التكينة وعقبال البشير الترابى عبد العزيز خا...عبدالله احمد عبدالله
فهو يتجلي بشكل لا مثيل له و ( بنطط ) برشاقة بين مختلف العلوم و( فروعها ) سواء علم الانساب
او علم حركة المرور والطب والفلك والصيدلة فيقول مبتدئياً محاضرته العلمية :
Quote: سلامتك يا ود التكينة الصحفى المخضرم أخ عبد السلام التكينة حيث المرحومين عبدالرءوف التكينة
و ابراهيم التكينة منكما براء . وزى ما بقول المثل البطن بطرانة . |
ورغم انه الاخ انور التكينة حاول يغبش الوعي بتاع العالم الجليل قائلاً ردا عليه :
Quote: صديق مهدى ..
اراجوز المنبر ...
يسل روحك .. دى سلامتك و لا سل روح ..
اولا : عبد السلام التكينة اسمو عبد السلام احمد بابكر ، و المرحوم عبد الرؤوف اسمو
عبد الرؤوف حامد و دكتور ابراهيم التكينة اطال الله عمره و متعه بالعافية
اسمو ابراهيم حامد ، بينما انا انور محمد عبد العزيز .. و كلنا ملقبين
بالتكينة قريتنا الحبيبة بالجزيرة ..
و براء من شنو يا ديك العدة ؟ كلنا اولاد عم و ان اختلفت توجهاتنا السياسية
و الجماعة القلت عقبالهم ديل عقبال حادث حركة ؟؟ يتحثوا بى حديثك ..
يا خلف الله جننتنــــــــــــــــا !!! |
إلا انه لم يفقد تركيزه ولا لمساته العلمية فقد اعطي الاخ تمبس درساً مهماً في الطب حول مضار التونة ..
خالط كل ذاك بعلم الفك والتنجيم فقال له :
Quote: أول حاجة سلامتك يا تمبس من التسمم الذى تعرضت له بالامس عند رجوعك من عملك نتيجة لتناولك لعلبة
التونة البايتة . أوصيك أعمل حسابك ما تأكل ساكت لاننا محتاجين ليك مستشار فى الحكومة
الانقاذية الجديدة ألف حمد لله و سلامة من التسمم |
أما التلميذ غير النجيب تمبس ..
فقد أخذته المفاجأة بمقدرات هذا الشيخ ..
فبرطم قائلاً - وهو يقلب كفيه -
Quote: أنا ما باكل تونة بعد ارجع من الشغل .. قالو بتعمل برص .. باكله يوم الجمعة بس علي الريق .. أمبارح ما الجمعة .. أمبارح الخميس يا صديق .. كدي تعال كمان ما الخميس
أعمل لي قصيدة عليك الله |
وغادر تمبس وهو منتشي من هذا الدرس ويرجو من الله ان يعود مرة اخري ليستمتع بالتجليات الشعرية لعلامتنا الفذة ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
أما هنا :
عارفين أخر نكتة عن المطلوب عمر البشير
فكانما يريد العالم الورع ان يقول لنا بأن رووحو عن قلوبكم ساعة ولا بأس بقليل من الضحك
فيحكي نكتة اذهلت كل من قراها من شدة الضحك .. وبينت مدي ظرف هذا العالم ولطفه
وسرعة بديهته ومقدرته على انتزاع الضحكات من قلوب تلاميذه وفي اتعس اللحظات .
النكتة الفذة ( وانصح من يعاني من ضيق الشرايين ان لا يقراها فقد تنفجر من الضحك )
| Quote: أمس فى منتصف الليل رفع أيدينو للسماء و قال بأعلى صوته مدد يا مفوضية وربنا أستجاب بيومين زيادة |
.
.
ههههه لا استطيع ان اكتب المزيد فقد اخذ مني الضحك كل مأخذ
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
اما هنا:
ماذا قالت الحاجة قسمة فى مركز الشهيد عادل الدائرة 39 جبرة
فتتجلي المقدرة الإعلامية للعلاّمة صديق مهدي .. كما نجد في كلامه عين النقد الخبيرة ومقدرته على تلمس مكمن الخلل مباشرة دون اي تلجلج .. فقد كتب منتقداً التغطية الاعلامية للتلفزيون قائلاً :
Quote: اليوم الثلاثاء فى أستطلاع مباشر عبر الفضائية السودانية فى لجنة محمد نور حيث عدد المسجلين 1290
سأل المراسل الحاجة قسمة وهى امرأة عجوز لا حول لها و لا قوة أها يا حاجة أنت جالسة مرتاحة
أى يا ولدى الحمدلله الحمدلله الحمدلله وأكتفى بذلك المراسل و قال الان نعود للاخت سهام بالاستديو الرئيسى
دون طرح أى سؤال للحاجة قسمة عن سير الانتخابات خوفا من تفجير قنبلة لان المراسل يدرك تماما أن
الحاجة قسمة ما بتعرف الدوران يعنى سودانية مائة المائة .
و الله يا ناس المؤتمر الوطنى حالتكم متأخرة شديد و الله يكون فى عون البشير و المفوضية و مركز كارتر
و أمنجية المنبر و أذيالهم و مشجعيهم .
من هنا أقول العار العار العار يا عبد العزيز خالد يا عديم الوطنية و يا ترابى رأس الفتنة .
الان قد أتضح من هم أعداء السودان هم الانانيين النفعيين المندسيين أمثال عبد العزيز خالد
و البشير والترابى و أشباه الرجال الجبناء و الشكارات و المطبليين و المرتشيين و الناقصيين. |
وهذا والله لهو نعم النقد البناء ولفت النظر بطريقة حضارية لتجاوز وتلافي هذه الاخطاء مستقبلاً خاصة لهذا الجهاز العملاق المسمي التلفزيون القومي ليؤدي رسالته المهمة بكل كفاءة ..
شكراص عالمنا الجليل ونسخة من كلامك هذا سوف تكون على طاولة مدير التلفزيون ووزير الاعلام ورئيس الجمهورية من دغشاً بدري ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
اما هنا:
الاخ عبدالله دينق يتقدم على مرشح المؤتمر الوطنى المدعو عمر الشرير
ففي صبيحة اول يوم للانتخابات السودانية تتجلي مقدرات العلامة صديق مهدي في علم الفلك والتنجيم
ويثبت لينا بالدليل انه يده وااااااصلة ( ويؤكد ذلك ترديد كلامه خمسة مرات عند كل رد )
Quote: فى أستطلاع للرأى لجريدة الانتباهة مرشح المؤتمر الشعبى يتقدم على مرشح المؤتمر الوطنى الدباب عمر
البشير فى أول يوم للانتخابات مع أقبال ضعيف من قبل المواطنين نسبة لانتشار الاعداد الضخمة من عربات
لامن وأفراد الشرطة الذى يفوق عدد المنتخبيين |
كما لا ننسي - كعادته دائما - ينبهنا تنبيه لطيف وخفيف عن مساؤي انتشار رجال الامن والشرطة داخل المدن..
لكنه لا يقولها صراحة بل - حفظه الله - ينبه لذلك ضمناً ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
أما هنا :
أيها المواطن الشريف لا تحترم هولاء :- الميرغنى والبشير والترابى
هنا لن نقول يا سلام على الإبداع .. يا سلام على المعرفة .. يا سلام علي الذكاء والنجابة .. ياسلام
العالم صديق هنا ( دام ظله الشريف كما طالب بذلك الاخ عمار ) نقول دام ظله الشريف تأرجح في التاريخ ..
وقفز لمتون التفاسير .. ونط فوق كل ذلك ليتحفنا بمعرفته القانونية المعتبرة ..
دا بوست قانوني تاريخي تفسيري سيرة ارنؤطي لايترك مجال للشك في ان صديق مهدي على هو ابو المعرفة ذااتها ..
Quote: لماذا ؟ لانهم فعلوا بك و أجدادك الاتى :-
1-والد المسمى السيد محمد عثمان الميرغنى جاء الى السودان ضابطا على رأس جيش كتشنر الذى قتل
أهلك السودانيين فى عام 1898 لانه مصرى يخدم تحت التاج المصرى . لذلك ليس غريبا على أبنه
أن يفعل فعلته المهببة هذه ويقف ضد كل أهل السودان ويستمر فى الانتخابات المزورة لانه ليس حريصا
على مصلحة السودان و لا أهل السودان . لذلك أيها المواطن الشريف لا تحترم هذا الدخيل لانه لا يحترمك.
2-الخائن الشيطان الاخرص المسمى عمر حسن أحمد البشير حيث أسم عمر منه براء لان عمر الحقيقى هو عمر
بن الخطاب رضى الله عنه ثانى الخلفاء الراشديين رجل تقيا ورعا عابدا عادلا شجاعا أما عمر اليوم فهو
منافقا كاذبا جاهلا جبانا خائنا قبح الله وجهه .
3-أما هذا الثالث فحدث و لا حرج جده من الارعين اللذين ساعدوا كتشنر على ضرب أم درمان قبح الله وجهه.
لذا يجب عليك أيها المواطن عدم احترام هولاء المنافقين اللذين يقولون ما لا يفعلون . |
أها عرفتو ارسطو شرب السم لشنو ؟!
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
أما هنا :
مثلث حلايب (( البشير المرغنى الترابى ))
فالهندسة تتحدث .. علم الاحياء يتكلم .. علم النفس يبرز ..
فالعالم صديق مهدي يكشف لأول مرة عن احدث نظرية هندسية اكتشفها ويثبت بالدليل القاطع بان
المثلث يتكون من ثلاثة اضلاع فقط ولايزيد ..
وعالم الاحياء صديق مهدي يغوص في البحيرات ليكشف لنا الستار عن طبيعة تماسيحها..
والعالم النفسي صديق مهدي علي يقول بان النفس البشرية للمزور جُبلت على الأنانية ..
فكتب:
Quote: طبعا أى مثلث يتكون من ثلاثة أضلاع بس المثلث دا يتكون من ثلاثة بطاقات مزورة :-
1-نفاق
2-كذب
3-أنانية |
وزاد عليها :
| Quote: هولاء هم تماسيح البحيرات |
لكن للأسف جاءت من شتت تسلسل افكاره وتاملاته الجميلة فكتبت له الاخت ماجدة عوض خوجلي كلام يدل على عدم تفهمها للدور الريادي الذي يقوم به صديق مهدي على لتنويرنا هنا فترك البوست متأففاً ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
أما هنا:
المفوضية القومية للانتخابات تعترف بعدم نزاهة الانتخابات... رئيسها ان هذه عتبة
فيتحدث العالم الجليل ( دام ظله الشريف ) حديث البارع في الطب في مبحث عن الاطفال الخُدج
ويتحدث ( قدس الله سره ) عن السياسة فيكشف عن ازمة انتخابات السودان
ويتحدث عالمنا الجليل عن الحقوق والقانون فيبين اوجه القصور في المفوضية الناشئة ..
وكل ذلك بلغته السلسة التي تجذب الانتباه وتذهل العالمين فيقول :
Quote: هذا هو أخر مؤتمر صحفى للمفوضية حيث تعترف بأن الانتخابات غير كاملة يعنى ناقصة أى عبارة عن مولود
ناقص معاق ربنا يكون فى عون السودان الذى أصبح حقل تجارب بدءا بالمشروع الحضارى وأنتهاءا بسد مروى
والانتخابات المهببة المحسومة أصلا للمؤتمر الوطنى اللص .
أهلى وأحبابى ما دام هذا هو رأى المفوضية يجب أن يكون رأيكم المقاطعة وعدم الذهاب الى أى مركز
أنتخابات لان الذهاب الى هذه المراكز يعنى أعدام السودان لذا يجب على كل مواطن أن يكون موجود فى بيته مع أسرته . |
ثم كما يحب دائما التاكيد ينبه الجمع قائلاً ..
| Quote: هذه كارثة يا شعب أنتبه ! |
وانا نيابة عن الشعب يا شيخنا الورع اشكر لك ما تفيض علينا به بين الحين والاخر من علم وتحليل..
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
اما هنا:
المؤتمر الشعبى يتخذ من منزل الترابى بالمنشية مكانا للتد...يفة والاحزمة الناسف
فالعلوم العسكرية هي من تتكلم .. علم المساحة من يقول .. علم السكان والتخطيط من يفكر ..
فبدءاً يحدثنا العالم الفاضل بلسان الخبراء عن مكافحة الارهاب ..
ويضيف اليه شئ من علم المساحة ..
ويختم بعلم السكان ولا ينسي ان يحذر الجمع عن اهمال قوله الكريم ..
كتب:
Quote: فى مكالمة تلفونية من صديق قديم يسكن مدينة الطائف ذكر لى أن أعدادا من شابات وشباب المؤتمر الشعبى
يتدربون على الاسلحة الخفيفة والاحزمة الناسفة بمنزل المدعو حسن الترابى من أجل خلق بلبلة فى كل من
الازهرى جنوب الخرطوم والحاج يوسف ببحرى وغرب أم درمان والمرخيات وجبل أوليلء وسوبا وكررى وسوق
الناقة ومناطق فى وسط الخرطوم وأم درمان وبحرى و تجمعات البصات والمساجد وكل هذا يبدأ مساء السبت .
لذا واجب علينا بتحذير المواطنين فى العاصمة بالذهاب الى الريف فورا و ما على الرسول الا البلاغ .
طبعا حسن الترابى معروف بخلق الشغب و الاضطرابات منذ الديمقراطية الاخيرة . |
ولا ننسي ان نشيد بجهده في الحث على الصداقة وضرورتها وفائدتها العظيمة ..
وكالعادة كما يفعل دائما لا يخصها مباشرة بالحديث لكن يتركها لذوى الالباب ليفهموها وذلك
بالإشارة اليها في مطلع حديثه عندما تكلم عن الهاتف واثره في التواصل وسرعة نقل المعلومات ..
أدهشتنا ايها العالم البارع
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: عمار عبدالله عبدالرحمن)
|
Quote: الشاعر صديق مهدي انقرض
او في حساباتك اعتبرته منقرض
|
يا عمار سلامات ..
الشعر دا بيسري في دم العالم صديق مهدي على وبقي جزء من مكوناته حتي كريات دمه البيضاء تعجز عن مهاجمته ..
لذا الشاعر لا ينقرض .. هو كالعنقاء يخرج من رماده
نريد فقط ان ننبه الجميع - من بينه انت - ان السيد صديق مهدي ( دام ظله الشريف ) ليس شاعر فقط
فهو يغرف من العلم والمعرفة بشتي الاتجاهات ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: mayada kamal)
|
ميادة كمال تحياتي يا صديقة ..
| Quote: خف على الراجل شوية ياااااااخ |
والله الكيزان ديل اصلو لا يعجبهم العجب لا فط الصيام في رجب..
ياصديقة الزول دا انا من المقتنعيين بيهو جداً واول من بشر بموهباته وابداعاته المتعددة
وهذا البوست لا يصب إلا في خانة محاولة لفت النظر لقدرته العلمية الفذة وغمتلاكه لناصية البيان والعلوم المختلفة من عدة جهات..
لذا - بلييييييييييييييز- نرجو عدم التصيد في الماء العكر وإفتكار يعني - بعد الشر - اني اقصد شئ ىخر
فكل ما اقصده - ووجهي يفيض براءة - ان احفزكم للقراءة له للنهل من فيض هذا العلم المتدفق
دمتي باحثة عن الحقيقة ومواظبة على حضور الجلسات الفكرية للعلامة الفذ صديق مهدي علي ( دام ظله الشريف ) او كما قال عمار ..
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: Hassan Makkawi)
|
اوووو حيدر ياااا
زمان في الحلة لمن يكون في تمرين أو دافوري اولاد الحلة كانو بتشاكلو في أول عزلة في واحد اسمو "كراكة"
اها كراكة دا ما ألعب زول ولا اي شتين ، كان وهو في الحقيقة ما بعرف كورة أصلاً ، لكن في أي دافوري لازم يعوق ليهو زول من الفريق التاني
اها يا صاحبي انت ياهو كراكة دا زاااتو (الله يطراهو بالخير) ، يازول الله لا يوقعني في عزلة انت تكون فيها بيغادي
ود الزين مشتاقين يعلم الله
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: محمد يوسف الزين)
|
عليك الله يا حيدر لِمّ لي الشُغُل دة معاك لحدي ما أجيب ليك الباقي
Quote:
زى ناس علاء الدين و أمثاله ينطبق عليهم المثل البقول الكلب بريد خانقو .
ونا س علاء الدين طبعا هم اللذين طبلوا وهللوا لهذه الشرزمة الشريرة التى قتلت ملايين الشباب فى حرب
خاسرة بدليل دخولهم فى سلام من أجل بقائهم فى السلطة فى حين أنهم دخلوا هذه الحرب بأسم الاسلام و لا
شنو يا علاء الدين يوسف و أنت أنذاك كنت مقاتلا فى صفوف الحركة الشعبية بأسم اليسار .
و الان تأتى مدافعا عن اللذين عذبوك وبهدلوك و أدخلوا فيك عقد لا يعلم بشكلها الا الله
لذا نحن نعذرك و نقول لك أنبح كما نبح قبلك العقيد يونس محمود ود الرماش |
Re: نِهاية الصَّادِق المَهْدي
| |
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: علاء الدين يوسف علي محمد)
|
يا عمار وحسن مكاوي ومحمد يوسف الحبيب معليش .. كدي اول شئ النعلق على اخونا علاء الدين يوسف دا الطلع حركة شعبية ومقاتل كمان .. لوووووووول
يآخ دي ما بتتفوت هههه
Quote: شنو يا علاء الدين يوسف و أنت أنذاك كنت مقاتلا فى صفوف الحركة الشعبية بأسم اليسار .
|
إبداااااااااع
اولا : يا علاء الدين يا امنجي يا ظلامي ما تحاول تلف وتدور .. كشفنا نومتك .. وطلعت مجرد مرتزقة يبحث خلف المال ..
ثانياً : شيخنا العلامة ( طيب الله ممشاه ) كما اثبتنا سابقاص لا ينطق عن الهوي بل علمٌ ومعرفة تُكتري
والشيخ صديق مهدي على تجاوز الآفاق في المعرفة وضم بين ( ضفتي ) عقله علوم متشتتة سواء الفلك او التنجيم او علم الارواح والتناسخ او رمي الودع وشخيت الربل .. او الكهانة وقراءة الكتاب ..
فإذا قال انك كنت مقاتل وحركة شعبية فمن يكذبه ؟؟؟؟؟؟
من ؟؟؟!
رد يا امنجي ما تقعد مبلم وتهز لي راسك الكبير دا ساي ..
نعم ويشهد على ذلك مدينة قيسان التي كنت من أوائل من اسقطها في عهد الديمقراطية السابق
وتشهد صورك باللبس خمسة مع القائد الجسور والاسد الهصور ياسر عرمان
فبطل لف ودوران وعد لقواعدك سالماً في الحركة الشعبية وسنعطيك رتبة رائد في دولة السودان الجنوبي الوليدة
بدل الوكيل عريف امن الفرحان بيها امن دي في دولة الجلابة ..
هذا وننتظر كل ما ستمدنا به في تجليات وقرآت ( علامتنا ) صديق مهدي علي
ونرجو من العضاء تربيع اليدين والرجلين والاستفادة من هذه الدروس المجانية من الشيخ
وبلاش فرفرة في بوستات وكلام لا تُقدم لهم فكرة ومعلومة ويتابعوا محاضراته واقواله القيمة
ــــــ
احيييييي يا فشافيشي ..
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: Amira Elsheikh)
|
ود الزين سلام كتير
ياخي أنا كلمتك قلت ليك حا أغيب كم يوم
أنا هنا في الجو دا و الطبيعة دي تفتح ليك بوست زي دا
حيث الطبيعة و نِعم الله من جو و أمطار و خُضرة و ضباب و حيث لا تُرى الشمس
تجي تقول لي قدس الله سره أنا لسه ما قريت كل البوست أكمل البوست و أجيك بي يالمشاركة في الحديث عن صديق المناضل و الشاعر و المفكر و العالم بكل بواطن أمور كل خلق الله
تحياتي ليك و لكل المنجضين من هبالات المناضل المذكور
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: Faisal Elrasheed)
|
Quote: علي الأيمان يا أميرة ما شُفت البوستات دي إلا هسي
دة اليربوع الأقطبوطي ذاتو ؟
يا يربوع
عليك الله لمن تفتح فيني بوست رسِّل لي في السنجر أشوفو قبل يمشي الخور
باقي التلاتة لقيتم لِحقوا أُمّات طه |
علا الدين الايام دى انتو فوقكم الملايكة
وتمنيناتكم80......89 راقدة هبطرش,,
خليك ماتعب روحك ساى,,,
نحن بنجيب اللنكات ورانا شنو??
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: Amira Elsheikh)
|
Quote: ابوحسين,,,سلااااام,,
اها نحن قول رفعنا يدينا وكيبورداتنا,,,
البوقف الطريفى شنو?? |
وعليك السلام أميرة
الطريفي دا إسبيشيال كيس لأنو الراجل عندو فروقات كتيرة و من حقو إستفرد بالمناضل صديق علشان إجيب الفرق
دا غير إنو المناضل صديق كتب إسم الطريفي من ضمن الأسماء التي رفعها لي بكري لكي يتم إيقافهم من المنبر
و شوفي الحجوزات الحاصلة دي ألحقي أحجزي ليك حاجة و لو بسيطة و الله البوست دا شكلو كدا حا إتنقل مع كل الأرشفات في كل الربوعات من هذه السنة و السنين القادمة
أوع إفوتك و بعدين تجي تفتشي في الواسطات
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
Quote: سلام جمال الدين احمد الحسن يا صديق حيدر الزين يا ساكن السعودية . طيب أنت خائف مالك
ما تكتب بأسم الحقيقى و لا الجواز فيهو مشكلة يا جمال يا أبو حسين . |
الزول دا قاصد جمال الدين الأفغاني إكون
ياخي أنا إسمي الحقيقى مُش الحركي أو اللقب
عادل حسين محمد عباس علي عزالدين عليك الله شوف فيهو واحد من الأسماء اللي جابها دي ؟؟؟؟
ود الزين بتجيبو المناضلين ديل من وين ؟؟؟؟
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
إحدى القصائد التي تجاهلها المدعو حيدر الزين عمداً مع سبق الإصرار
Quote: المسيرة
فتح عينك يا عضيرة
فتح شوف المسيرة
تتحدى المسيل والزخيرة
والعساكر الجوة الحظيرة
والعتان والثيران والبقيرة
الليلة يومك يا مهيرة
زغردى من توتى الجزيرة
وقولى مرحب بالجروح والجبيرة
مرحب بالزنازين والحصيرة
|
عليكم الله عاينو لي اللون الأحمر دا ياخي جهجهته الثروة الحيوانية ذاتها دي قصيدة و لا قعدة في بيت عرقي ؟؟؟؟؟
حيدر الزين عليك الله خليك مُنصف الزول شامل شامل شامل حتى الرسوم و الدمغة مستوفيها
أنصف الراجل و ما تتجاهل الجانب الشعري في مواهبه المتعددة
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
ود الزين و الله ورطتني بي بوستك دا و جهجهته لي إجازتي بي زول وهم
كدي شوف القطعة النثرية دي :-
| Quote: شوف الناس بتعمل أيه يا سودانى بتعمل رحلة بدون تكليف فى ثانى أيام عيد الآضحى فى بحيرة عظيمة باريزونا 0فعلا بحيرة عظيمة أعادة البسمة لكل الناس كبار وصغار 0 حيث المناظر الجزابة من مياه وزوارق وجبال وسحب 0كمان فوق ده كله ناس حلوة وظريفةلاقلنا ولاقالوا كت الناس تتونس وتحكى وتضحك بكل أريحية مرة أخرى يا سلام عليك يا بحيرة المهم الزول الما جاء والله فعلا ظلم نفسه وأخذ ذنب كبير فى حق زوجته وأولادهوالما عنده أولاد ده أصلا مظلوم 0لكن حقيقة للزمن الما مشى البحيرةدى فعلا مظلوم لانه جمال مبالغ فيهيعنى طبيعة جزابة وكل الناس مبسوطه بس عظمة يوم الوقوف بعرفة 0يا سلام عليك يا بحيرة فعلا رجعتنى شاب فى النهاية ما عندى كلام اقوله غير أنى أقول عشرة سنة كنت مدفون أو نايم نومة أهل الكهف ربتا يبارك فى من نظم هذه الرحلة لكن فعلا تستحق الاشادة وبخاصة لكن فعلا تستحق الاشادة وبخاصة المنظيمين لهذه الرحلة فلا نامت أعين الجبناء 0أنشاء الله ما أشوف منظر قبيح يمسخ على رحلة العشرة سنين دى قولوا خير 0بالله أتخيل ألاشياء الجميلة دى كلها فى فينكس أريزونا الولايات المتحدة الامريكية 0 والله أنا لو مليونير أقطع تذاكر للناس الخارج أمريكا عشان يجوا ويشوفوا هذه البحيرة 0 معليش لسع أنا ما حكيت عن التنظيم الداخلى لهذه البحيرة أنشاء الله المرة الجاية والله تعبت السلام عليكم ورحمة اللهوبركاته |
خلي بالك دائماً من اللون الأحمر وصف عظمة يوم البحيرة بي عظمة يوم الوقوف بي عرفة
تأمل بلاغة التشبيه
لو كنت وقفت بي عرفة ما كنت قلت كلامك المخستك دا
يوم عرفة دا الناس اللي بجيهو من شرق آسيا و جنوب آسيا كل عمرهم بلمو في القروش علشان اليوم دا
الواحد شايل أبوهو و عمرو قريب مية سنة حايم بيهو كل المناسك طمعاً في رضاء والدو و علشان إشوف فرحة والدو بي يوم عرفة
تجي تقول لي عظمة يوم البحيرة زي عظمة يوم عرفة
قوم لف بلا بحيرة بلا وهم معاك
حيدر الزين بتجيبو المناضلين ديل من وين ؟؟؟؟؟
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
دي من أول كتابات المناضل صديق
Quote: طبعا الكل يعرف الزبير محمد صالح0هذه قصة طويلةاسمها أبو طويلةلقصة استشهاد هذا الرجل الذى رحلوعقبال رحيل الاخرين 0الاخرين هم أعضاء المؤتمر الوطنى واخوان البنات كثيرين ما شاء الله 0واذكر اخوان البنات البقتل عضو فى المؤتمر الوطنى انشاء الله يكون جليس الرسول فى الجنة 0طبعا اى عضو فى المؤتمر الوطنى دمه مباح وثمنه حورية فى الجنة 0بعد ده نرجع لحكاية الزبير الذى دفع الذى دفع الثمن غالى نتيجة التهور 0طبعا الحكاية دى هى حكاية استشهاد الزبير محمد صالح هى التى اخرجها نافع على نافع المجرم قتله الله حيا وميتا 0وشهادة أخونا الزبير التى شرفته بهايعنى ثمن المكافأة فى مشاركته الانقلاب على حرية الشعب السودانى الجريح 0وذلك حدث فى يوم 29-6-1989 وذلك يوم شؤم يوم اتى بهولاء الاوغاد فالعار يا شعب اذا رضيتم بهولاء الاوغاد عبر صناديق الانتخابات 0ابدا لاتعطوهم هذه الفرصةوالسودان امانة فى عنق كل سودانى امه بت عم ابوه 0 واذكرم اى عضو بتاع مؤتمر وطنى هو مولود غير شرعى يعنى ود حرام 0وفى الختام اقول لكل مواطن سودانى بحب السودان عليك باعضاء المؤتمر الوطنى
فى كل بقعة من بقاع السودان الطاهر الذى دنسته ارجل هولاء الجبناء 0فاليوم قبل غد نهدم بيوتهم لانهم هدموا لانهم هدموا العيم والاخلاق وهدموا السودان والمثل بقول لاتؤجل عمل اليوم للغد فهيا يا بنى وطنى عليكم باعضاء المؤتمر فهيا يابنى وطنى عليكم باعصاء المؤتمر الونى واسرهم فى اى مكان داخل وخارج السودان الله أكبر على أعضاءالمؤتمر الوطنى هيا اعدام المؤتمر الوطنى قبل الانتخابات 0وانشاء الله بالتوفيق نصيحةنصيحة لا تؤجل عمل اليوم للغدوالرهيفة التنقد 0 والله وبالله ثلاث الناس ديل لو اعطيتوهمالثقة فى الانتخابات الرماد كال حماد |
و اللي موجودة هنا :-
الزبير محمد صالح الضحية
و لاحظ عنوان البوست و الكلام داخل البوست و الله إنت فعلاً فلته يا دوب إقتنعت بي المقولة البتقول يخلق من المويه فسيخ (هي كدا و لا أنا كوجنتها كمان؟)
الزول دا غائب ليهو يومين أوع إكونو حرمونا منو تاني ؟؟؟؟
| |
|
|
|
|
|
|
|
|
 Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
Quote: حيدر الزين عليك الله خليك مُنصف الزول شامل شامل شامل حتى الرسوم و الدمغة مستوفيها
أنصف الراجل و ما تتجاهل الجانب الشعري في مواهبه المتعددة |
والله يا ابوحسين انت ظالمني ظلم الحسن والحسين
الرجل دا بالمناسبة زول انصفوا شعيرياً مافي غيري وغير الشاعر المرحوم الهادي آدم رحمه الله
فالهادي هو اعتمده في الشعر واجازوا شعيريا - كما سبق وذلك الشاعر ذلك في احد المناسبات-
ورغم إنه بيشّعر من ستينات القرن المنصرم لكن كنت أنا اول من طرح موضوع ديوان شعري يجمع بين ضفتيه هذا الشعر المتلاطم ..
بل وبادرت بطباعته وتوزيعه كما لم يقصر زميل المنبر الذواقة للشعر الأخ عبد الوهاب على الحاج بالمساهمة في تصميم وإخراج الديوان
فطلع الديوان في شكله النهائي هكذا :
ودا كلو موثق هنا دا : (السياج) الديوان الشعري الأول للشاعر المبدع صديق مهدي على
وفيهو اغلب اعماله الادبية من شعر ونثر وقصة قصيرة وتفسير احلام ..
تحياتي
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: ABUHUSSEIN)
|
الحبيب ابوحسين
صباحاتك فل
Quote: Quote: والعتان والثيران والبقيرة
ياخي دي إبداع ما بعدو إبداع |
الابداع لا ياتي عن فراغ يا ابو حسين .. الابداع والموهبة تحتاج لنقاء واجتهاد ومثابرة
وقد قام النحرير صديق مهدي ببذل جهد خرافي هنا حتي يعتل قمة المبدعين ..
دا من فرض ماهو موهوب قال لا ما عاوز عنوان الديوان الا يكون ( السياج ) وقال في ذلك
- لدي العديد من الحيوانات الشاردة والواردة عتان وثيران وبقيرة وابو الدردقان
وحيوان آخر هجين منتج في معامله اسمه الاقطبوط وغيرها ..
فبذل هذا السياج ليحفظهم فيها ..
اما القصيدة المبدعة بإطلاق فقد سماها ( مرثية للحذاء ) هي سبب شهرته وتفرده هنا .. انصحك بشرب كوب من الحليب الدافي مع قطعة كيك من البُر قبل المجازفة بقراءتها - وستجدها بنفس الرابط 
تحياتي
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: معاوية عوض الكريم)
|
صدقت يا ود الزين
Quote: دا من فرض ماهو موهوب قال لا ما عاوز عنوان الديوان الا يكون ( السياج ) وقال في ذلك
- لدي العديد من الحيوانات الشاردة والواردة عتان وثيران وبقيرة وابو الدردقان
وحيوان آخر هجين منتج في معامله اسمه الاقطبوط وغيرها ..
فبذل هذا السياج ليحفظهم فيها .. |
فكل قصائده تحس بأنها تنهمر من شفتيه كما النهر المتدفق فلابد لها من سياج لكي لا تهرب بعيداً
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: معاوية عوض الكريم)
|
حبيبنا السيناتور معاوية عوض الكريم
يديك العافية يا ملك وليك وحشة يعلم الله ..
اها الخبر في الانتخابات حصل شنو ؟!
طلعت من ناس الصفر اللي صوتهم ما لمو فيهو والا خلوا ليك حرباشة بتاعت صوتين تلاتة كدة
غايتو حسب ما قريت شكوتك إنك دقوك وحموك تخش المركز وقلعوا ساعتك وجوالك فأظن اسمك زاتو ما بيكون نزل في القائمة
- يآخ زول يختار رمزو الماسورة طيب ويعرفوك كبسور كيف
تحياتي وليك وحشة مجدداً
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
حيدر الزين يعلم الله شوق زايد
يا عمكـ يكفينى اني دخلت المعركة وطلعت بشرف ( والاسد طبعا )
لكن لقيت ليك الشغلانة كلها لعب على العقول !!
وكنت ما عايز اخش في مشاكل - غايتو ربنا نهاها بي خيرا وشرها
طبعا الانتخابات دى شفنا فيها العجب العجاب ..
خشيت فى مركز مع المغرب كده اندرع فوقى مراقب محلي قال لي تطلع بره
او تورينى بطاقتك .. قلت ليهو ولا واحدة فيهن - واعلى مافي خيلك اركبو
كنت جاهز والله للكوماج - لكن هو بقى واعي وجرّ واطي !
وبالمناسبة رمز الماسورة دا اخد رواج كبير جدا والله
ومن الطرائف : في واحدة ادوها الاستمارة بتاعت رئيس الجمهورية قلّبتها فوق وتحت
وبقت تتلفت ، المراقب قال ليها مالك ؟ قالت ليهو : رمز الماسورة وينو ؟
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: معاوية عوض الكريم)
|
Quote: وبالمناسبة رمز الماسورة دا اخد رواج كبير جدا والله
ومن الطرائف : في واحدة ادوها الاستمارة بتاعت رئيس الجمهورية قلّبتها فوق وتحت
وبقت تتلفت ، المراقب قال ليها مالك ؟ قالت ليهو : رمز الماسورة وينو ؟ |
والله ايامك يا كبسور .. قلت لي بقيت اشهر من الشجرة زاتو
غايتو البعرفها انت هنا شهرتك والماسورة تجاوزت الافاق لكن انا ما مشيت انتخابات
والا كنت برضي فتشت للماسورة والجرس ،،
بس اكتر شي عجبني هرشتك للمراقب الفارة الزول دا ما عارفك قانوني والا شنو
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
آخر تجليات سيدنا العلامة صديق مهدي على - دام ظله الشريف - :
Quote: بدليل أي حكومة يكونها حزب الامة هم يتأمرون عليها و يسقطونها بأنقلاب عسكرى لذا أبناء الختمية
هم أصل المشاكل فى السودان و هذا التأمر بدأ ببداية الحكم الثنائى الذى حارب الانصار و منع
أبناءهم من الدراسة و الالتحاق بالجيش والشرطة أى منع أبناء الانصار من الالتحاق بالخدمة المدنية
و الخدمة العسكرية لذلك نجد كل الضباط فى الجيش و الشرطة من أبناء الختمية لذلك المثل يقول
الواضح ما فاضح أى أن السودان مشكلته الاساسية الختمية و الميرغنية لا نهم ذيول مصرية
يعملون من أجل مصر ليس من أجل السودان حتى الحاقدين فى التنظيم الاخوانى و الشويعى هم أبناء
ختمية حتى الحاقدين فى الصوفية هم أبناء ختمية .
أذا مشكلة السودان الرئيسية هو عداء الميرغنية و الختمية و الصوفية للانصار وأى أنسان يضع
أى مشكلة للسودان خلاف ذلك يعتبر مكابر فالنرجع بالتاريخ للوراء لكى نعرف بداية هذاء
العداء و العراك حيث تعتبر الحكومة الحالية جزء من هذا العراك لانها بذور ختمية
و الرجاء من الجميع التعامل مع هذا الموضوع بجدية تامة .
لانها هذا تشخيص للمشكل السودانى اذا كنا فعلا نحب السودان دون مزايدات . |
تجدونها هنا أعزائي المشاهدين ضباط الجيش السودانى أبناء الختمية هم عملاء المخابرات المصرية
ولا يفوتكم الحوار المنطقي والمعلومة المؤكدة التي يتبادلها مع مولانا احمد الشايقي
فالرجل - صديق مهدي علي - ضليع في القانون والتاريخ بنفس ضلاعتو في الشعر ..
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
كتب العلامة والنسابة التاريخي المناضل الشريف صديق مهدي علي بهذا البوست:
لبنى احمد الحسين هى مهيرة بت عبود و رابحة الكنانية و هى عزة
Quote: لذلك لبنى احمد الحسين هى علم السودان لذا اى تعدى عليها هو تعدى على السودان لانها رمز
العزة والكرامة . من هنا أحيها امرأة سودانية مقاتلة من اجل شعبها المسحوق و قدمت نفسها
بكل شجاعة متحدية الزوابع الرعدية الرعديدة الغير مسؤلة لذلك كل الشعب يقف معها و يساند موقفها
وهى المطالبة بملاحقة اللذين شوهوا سمعتها زورا و بهتانا و تقديمهم لمحكمة العدل الدولية |
طبعاً الأخ العلامة صديق لو مسكت تناقشو في أي كلمة مما كتبها هنا دا كما سالهم الاخ عثمان رغيم قائلاً:
Quote: ما اظن انو الاتراك الكتلو ابو مهيرة واخوانا الخمسة
وجهوا لى مهيرة اهانة ولا سببوا ليها
الم اكتر من البوست دا
لبنى شنو البتقول عنها هى مهيرة ورابحة وعزة
فى ناس بتصر انها تخلط بين القضية وبين لبنى
وتختزل القضية فى شخص لبنى زى ما بختزلوا ملف المحكمة الجنائية الدولية فى شخص اوكامبو ويصبح الموقف من الملف هو نفسه موقف شخصى من اوكامبو
|
فحا تلقي الرد الوحيد البيرد بيهو علي الكل كالتالي:
Quote: انت منو و انت شنو حتى تحتقر لبنى انت تحتقر نفسك و بس لانك اهل لذلك اما لبنى اشرف منك و انت شن
عرفك بمهيرة يا اب عفنة يخسى يا كلب الانقاذ |
ولعمري إنها لغة راقيــة مختصرة مفيدة لدفع الحوار للإمام وتوضيح فكرته بصورة إستثنائية
فالرجل مناضل صنديد فابض علي جمر القضية بقوة ..
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
وهنا بهذا البوست :
مرتزقة القرن الحادى و العشرين هم أعداء الوطن وأعداء الشعب
يحدثنا حفظه الله حديث العالم بالسياسة والاجتماع والقانون فيوضح مسئولية المسئولين
وما يجب ان يتحملوه في سبيل شعبهم ..
بل ويقول ما يجب قوله والسكوت عنه..
ولأنه يعرف حرص جميع المسئولين بالسودان على راحة مواطنيهم فهو يطالب بتنبيههم الي المشاكل فيقول:
Quote: اذا افترضنا اننا رضينا بالواقع المر الذى يعيشه المواطن التعبان عشما فى ان ينصلح
الحال فلماذا هؤلاء المرتزقين يجاهرون بالعداء لاى انسان يحاول ان يتحدث عن سلبية النظام من
اجل لفت نظر المسئوليين للمشاكل المحيطة بالشعب من عدم توفر فرص عمل للخريجين حتى يساعدوا
اسرهم التى دفعت عليهم دم قلوبها من اجل ان يكمل الابن او البنت التعليم حتى يشارك فى رفع
العناء عن الاسرة . لماذا يحاول هؤلاء المرتزقة تشويه الانسان الذى يظهر الحقيقة و يصفونه
بالهبالة و كلمات لا يمكن ان تنعت بها حيوان و عند ماترد عليهم بالمثل تجد مجموعة السوء
تهاجمك هجوما عنيفا و يصفونك بعدم المسؤلية و انك انسان غبى لا ادرى .
|
ومن هنا فإني أوجه النداء لجميع المرتزقة بمراعاة حقوق الحيوانات والغباء فلا يعقل ان تصنف وترتب مع العلامة صديق مهدي في مرتبة واحدة ..
فهو القائل:
Quote: أيها القارئ تابع مداخلات هؤلاء القتلة ستجدها قبيحة و لا ترقى لمستوى الاهتمام او أخذها مأخذ الجد
فهى عبارة عن نباح كلاب لا غير |
شكراً يا سيدي صديق مهدي ففي كل لحظة أجدك تختار كلماتك بكل عناية واهتمام ..
| |
|
|
|
|
|
|
|
|
|
Re: المكتبة النضالية للعلاّمة - صديق مهدي على - قدس الله سره (Re: HAIDER ALZAIN)
|
اما هنا :
متابعة فى نشرة العاشرة مساء بتوقيت السودان و المذيع عمر الجزلى و زميلته
فتعود موهبته الإعلاميــة وقدرته الدقيقة علي التحليل الأخباري والقراءة الواعية والمعرفة بالناس
وليس ادل علي ذلك من قوله :
Quote: لقد تم اليوم الحجز على ممتلكات حزب المؤتمر الشعبى عن طريق جهاز الامن بما فى ذلك جريدة رأى
الشعب الناطق الرسمى بأسم حزب المؤتمر الشعبى و ذلك للاسباب الاتية على حسب ما ادلى به مدير جهاز
الامن عطاء المولى من داخل الاستديو |
فحاول احد المتداخلين التذاكي علي شيخنا - حفظه الله - وقال له :
Quote: الاخ صديق
تحياتي
اشير الي ان الذي كان يتحدث هو دكتور ربيع عبد العاطي مشتشار وزير الاعلام وليس محمد عطا
|
فأجابه فضيلة الشيخ موضحاً قوة حجته وبعد نظره فقال:
Quote: الاخ عمر البيان لمدير الامن اما بخصوص الاعلام تحدث ربيع يس فعلا و ما الفرق بين احمد و حاج احمد
المصدر القناة الفضائية السودانية و نشرة العاشرة مساء و المذيع عمر الجزلى صاح و لا غلط
يا بوليس |
وهنا نقرأ بين السطور معرفته الكروية الواسعة بالشقيقة مصر اخت بلادي ومنخبها الوطني..
لذا فلا غرو لما بين البلدين من علاقات امتدت في عمق التاريخ ان ينتقل ربيع يس ليستشيره وزير اعلام السودان ..
| |
|
|
|
|
|
|
| |
HAIDER ALZAIN
عبدالوهاب علي الحاج
mayada kamal
فايزودالقاضي
عمار عبدالله عبدالرحمن
طلال جبير جابر
Hassan Makkawi
محمد يوسف الزين
علاء الدين يوسف علي محمد
ABUHUSSEIN
humida
Faisal Elrasheed
معاوية عوض الكريم
Adam Mousa
باسط المكي
فيس بوك
تويتر
انستقرام
يوتيوب
بنتيريست