مافيها نفس للتزوير ... الحاصل إنو ماسجلتو في السجل الإنتخابي وبس

Quote: شكلك كدا يا أخ جلال ما زاملت ليك كيزان ولا حضرت ليك إنتخابات مشاركين فيها كيزان

Quote: ياخوانا جوة المركز مراقب لي كل مرشح والصندوق في صفحتو التذوير يتم كيف؟ سمح نفترض ضابط المركز عندو تعليمات لو مازور النتيجة قيامتو ربطت... في طريقة للتزوير؟ كيف؟؟ دا سؤال يشيب الراس عديل الإقتراع يتم وإنت قاعد .... والفرز بدون ترحيل صناديق لي برا المركز.... وضابط المركز يشيل النتيجة وإنت في حنكو!!!!!! .... االقصة إنو الشغلانة دي مافي زول كان خاتي في بالوا حاتكون كدا ودي حقيقة الكل بيهرب منها ... شان كدا الناس المشو وسجلو معظمن مؤتمر وطني ...

Quote: ياجلال انت عارف انو كلامك ده اصح كلام اتكتب في البورد ده من شهرين ذكرتني بقصة فرعون وقلة عقله الناس كلها ساكتة وفرعون في الشارع يسير عاريا لانه يلبس ملابس لايراها الا العقلاء وباعتباره عاقل مغفل ادعى انه يراها فلبسها وخرج والناس محرجون لااحد يقول الحقيقة وهو يتمخطر في الشوارع ظهر طفل ضغير يهتف ان فرعون عريان وحينها ضحك الناس على فرعون وقلة عقله الناس في هذا المنبر في موجة جماعية قطيعية ضاعت منه الحقيقةكما يضيع شليل في العاب الاطفال انتقلت هذه الهستيريا من الداخل بالذات من المعارضة التي فقدت ادوات التحليل كما قال دكتور عبد الله على ابراهيم اليوم في قناة النيل الازرق بدل من مناقشة القصور وادراك الخلل وتحليل ظاهرة شعبية المؤتمر الوطني غير المتوقعة طفقوا يكذبون على انفسهم تزوير ،،تزوير ،،،الحبر ،،،الصندوق واصبحت رقصة جماعية كلامك صحيح المؤتمر بدا في التسجيل الاولي لانصاره قبل عام من الان وكان بامكان المعارضة ان تفعل ذلك والمؤتمر بدا في تصنيف القوائم وتوزيع المجموعات والمعارضة نائمة تنتظر الفرج من الحركة الشعبية وجاءت المباراة والذي لم يتمرن وليس له خطة ليس امامه الاان يلوم الحكم والميدان معارضة عريانه وحايمة في الشوارع وليس هنالك من احد لكي يردها الى صوابها على الطلاق شيطان مايقدر يزور ،،،هنالك اخطاء بالجملة لكنها ابعد مايكون عن التزوير

Quote: ماذا يعني زيادة 40 مقعد للجنوب و4 بجنوب كردفان و2 بأبيي؟؟؟ .. اليس هذا اقرار بالتزوير في التعداد السكاني ماذا يعني وجود سجل مختلف عن الذي تم تسليمه للاحزاب السياسية؟؟؟ ولم صلحة من تم تسجيل اعداد اضافية؟؟؟ مذا يعني التخبط الذي ساد توزيع البطاقات الانتخابية في غير مراكزها رغم ادعاء المفوضية وتشدقها بالجاهزية ولمصلحةمن انت هذه الثغرات؟؟؟ على فكرة أنا أدليت بصوتي.. لكن شواهد التزوير وعدم الشرعية لا يخطئها إلا صاحب غرض.. فليهنأ كل منا بما توصل له.. نسأل الله أن تسود مجانية التعليم والعلاج بلاطبقية كما شهدنا خلال 21 سنة السابقة لحفظ النسيج الاجتماعي السوداني الذي انهار بسبب التفاوت والطبقية التي خلقتها طغمة الانقاذ التي تهوى أكل المال العام واذلال الشعب بالجبايات والرسوم وحماية الفساد والمفسدين.. سلامي..

Quote: كلامك عين العقل يا جلال يا اخوي لكن علي الحلال تشيل اسئلتك دي وتلف بيها البورد كوووله ما تلقى ليك اجابة تفش قلبك شوف موضوعك ده قراهو فوق الاربعين وح يصلو ال1000 ومافي زول ح يهببو ليك الناس بقت تتاوق وتقوم صوف ويمشو يفتحوا بوستات التزوير التزوير التزوير ولامن يلقو زي اسئلتك دي يقومو يلفو ويدورو وبعدين يقولو التزوير حصل زماااان من الاحصاء السكاني طيب انتو وين وقاعدين تسووا في شنو ومن ما بدا التسجيل شابكننا تزوير ونشارك ونقاطع ونشارك ونقاطع لامن التسجيل قفل وهم لسه شارك ونقاطع لامن جات الانتخابات وهم لسه نشارك ونقاطع

Quote: وتسجل قواعدها في السجلات الإنتخابية ... طيب تم التسجيل وجئنا جميعا لنقوم بالدور الذي تقوم به أى قوى

Quote: والله يا جلال عملنا الكلام ده ( الاتحادي الدموقراطي) وخاصة في مناطق نفوذنا مثل كسلا و القاش و شيخ مجذوب جاب ناسو من الدقش وعملو قهوتهم امام المراكز التي فتح بعضها و لم يجد الجماعة رموز مرشحين وقال ضابط المركز المسئول بعد اتصالات مع عدة جهات خلاص صوتو ولائي بس و تعالوا راجعين لمن تكتمل المعينات. و المراكز الاخري لم يكن فيها معينات اصلا و لم تفتح ابوابها اصلا في اليوم الاول و شرحه حصل في بربر منطقة نفوذ د الجعلي مرشح الاتحادي لمنصب والي نهر النيل يعني يا ود جبريل المفوضية متأمرة ولبست فقط فاشلة في عملها الاصلي المنوط بها و هي العملية الفنية الانتخابية.... و ننتظر حتي نهاية يوم الخميس و نجيك