|
|
 ياجماعة حبر ألأقتراع ده بطلع كيف؟؟؟بقى شكلو زى الحنة..
|
ذهبت اول يوم لمركز ألأقتراع وفقأ لتسجيلى بسفارة السودان بالرياض...وكان مكان أسمى حسب التوزيع هو مخرج 26 شارع حمزة بن عبدالمطلب...قاعة ألأركان..
حشود حشود..ما شاء الله.إحترمت فى الحضور تفهمهم للديمقراطية وهذا فهم حضارى لآختيار مرشحهم للرئاسة..
أعجبنى التنظيم..أول شىء هناك قاعتان للأقتراع بالنسبة للسفارة..قاعة درة ألأماكن وقاعة أركان..ذهبت للأولى لاقانى ليك زول متجهم..قال لى ورقة تسجيلك ..قلت ليهو خلينى أشوفه ليك..وكان مالقيته ما ممكن أصوت..قال لى ماممكن تدخل ذاتو..
تحاورت معه وكنت عايز اعرف فهمو شنو وحلو شنو؟؟لقيتو زول محرسنو الباب بس..ويمنع اى زول ما يدخل إلا بورقة تسجيل..
عرفت من بعض الناس أن هناك جهاز كمبيوتر ومن خلال الموظف وبأوراقك الثبوتية يطلع رفم تسجيلك ووريك إنت فى أى قاعة للتسهيل على الناس وما شاء الله فى اقل من دقيقتين كان أدانى رقم التسجيل وعرفت بأنى انا فى اى قاعة..
رجعت لزولى داك ووريتو وقلت ليهو لو جاك زول زى حالتى دى..دلو..ووجهو..الراجل برحابة صدر شكرنى وقال لى العترة بتصلح المشية..
الناس ديل كان من المفترض ينوروهم بكل المعطيات عشان يكونوا فى الصورة..
كدى خلونى فى عنوان البوست..بصراحة اليوم الثالت والحبر ده ماطلع..الشىء شنو؟؟؟
تقديرى..
|
|
 
|
|
|
|
|
|
|
 Re: ياجماعة حبر ألأقتراع ده بطلع كيف؟؟؟بقى شكلو زى الحنة.. (Re: الشفيع وراق عبد الرحمن)
|
Quote: ود عباس يا اخوي
حسب تصريح المدام البتاع ده داخلة في تركيبته الحنة
ده من الريحة وكده
البتاع ده بعد اليوم التاني بسود الظفر بشدة ولا اظن بوجود ما يزيله
ودي |
والله يا الشفيع يا اخوى كلام المدام ده شكلو صح..لآن هناك رائحة حنة..وأللا حلم الجعان عيش..
..يا اأخى خلى المفوضية تورينا الحبر ده من وين وإذا ما عندو أى مشاكل صحية ..فى إعتقادى حايكون أفضل من الحنة..واها المراة ما تعدى وقتها وهى جالسة فى الحنة ومضيعة زمن عشان تشيل الحنة..
أشكرك على مرورك...
وتحياتى..
| |
|
|
|
|
|
|
|
|
|
Re: ياجماعة حبر ألأقتراع ده بطلع كيف؟؟؟بقى شكلو زى الحنة.. (Re: داليا الكباشى)
|
Quote: بابا اتصل علي الليله قال لي صوتوا هو وماما من اول امبارح
والحبر لاصق في يدهم زي الحنه فعلا زي ما قلتا ..
غايتو ما عندك حل الا الشامبيون السعودي بتاع مياده دا
|
داليا الزولة الرائعة...
كيفنك..ونحن إفتقدناك أكثر..إن شاء الله تجى بالسلامة والشمبانى السعودى بتاع العنب محمدك ومحمد مياده..
تسلمى على المرور..تقديرى وأحترامى..
| |
|
|
|
|
|
|
|
|
 Re: ياجماعة حبر ألأقتراع ده بطلع كيف؟؟؟بقى شكلو زى الحنة.. (Re: ismeil abbas)
|
Quote: البحث عن الحقيقة يعتبر غنى للمؤتمر..؟؟
كل من يأتى بالحقيقة هنا يصنف حسب أمزجة الناس.. |
.. يا اسماعيل .. تجاوز الحتة دي .. واكتب وجهة نظرك تراجي دي كويس إنو جات قالت ليك الكلام دا .. وجاته الشجاعة ... لكن الكعب البقرو كلامك دا ويختو قدامك علامة وينمطوك ..
أهم حاجة في المسالة دي يا اسماعيل إنك عملت الحاجة القادك ليها راسك .. وما قادك ليها اي واحد من المساكين ديل .. وأهم حاجة إنك رجل واعي .. ومسؤول ..
الاتوصلت ليهو من خلال البورد دا .. إنو مسرح كبر جدا .. اي زول بيقول اي حاجة وبيعمل اي حاجة .. لكن الواقع ما ليهو اي علاقة ..
الما بيعرفك بيجهلك يا اسماعيل .. ودي حقيقة الفرق بين البكان دا .. وبين ما المكان دا ..
انا زمني كعب جدا وإن شاء الله بمشي بصووط الليلة نهاية اليوم .. أو بكرة من الصباح كان الله هووون .. وإن شاء الله الحبر دا يطلع من اصبعي بعدما ادخل اصبعي في الفتيل بتاعم دا .. اهـــا .. سوووو وووووط .. ومنو في الفلاسفة ديل ليهو حق إنو يتحكم في خياراتي .. ومنو فيهم ليهو حق .. يفتي .. الناس البتقول في الكلام دا فيهم الما سجل من اساسو وفيهم العامل فيها سياسي ضليع وفيهم العامل فيها شارب المعارضة شراب .. وفيهم الما لاقي ليهو مكان عشان يسجل فوقو وقول سجل فوقو تاني البيوديهو عشان يصووط شنو ..
بالمقابل .. ادي نفسك فرصة وعاين لي جموع الناس الفي السودان القاعده تختار خياراته وفقط احكم ..
| |
|
|
|
|
|
|
|
|
Re: ياجماعة حبر ألأقتراع ده بطلع كيف؟؟؟بقى شكلو زى الحنة.. (Re: tmbis)
|
تمبس الحبيب..
تتخيل يا تمبس..ده الصح..
Quote: الما بيعرفك بيجهلك يا اسماعيل .. ودي حقيقة الفرق بين البكان دا .. وبين ما المكان دا ..
|
والفرق بين البكان ده والمكان ده البا..والبدورنا مرحب بيهو والمابدورنا برضو مرحب بيهو...
شكرآ يازول ياراقى..وشكرآ على المرور..
تقديرى وأحترامى..
| |
|
|
|
|
|
|
| |
ismeil abbas
خدر
Mayada
الشفيع وراق عبد الرحمن
Tragie Mustafa
ابو جهينة
داليا الكباشى
tmbis
فيس بوك
تويتر
انستقرام
يوتيوب
بنتيريست