|
Re: تقول لي يا تمبس مافي هلالاب في البلد دي ....البلد الليلة مافيها غير الهلالاب يا تامبا فلنفر (Re: اسماء الجنيد)
|
سلام اختي اسماء الجنيد
Quote: مبرووك لقبيلة الهلال اينما حلوا ومزيدا من الانتصارات التهنئة مقرونة لكل الاخوة والاخوات اعضاء وزورا البورد ومحبي الهلال فى كل مكان
|
تعرفي يا اسماء الهلال دا فريق كبير كبر شديد خلاص والكبير الله رب العالمين سبحانه تعالى عن حالة اوصفة او شبيه.
امس الحال كان ما زي بعضو قبل المباراة وكنت حاسس الدنيا جايطة كدا في راسي وما كنت عارف السبب شنو لحدي ما بدأت مباراة هلال الملايين التعبانين الشقيانين الذين ملأوا الاستاد عن بكرة ابيه من الصباح ولكن اخوان البرنس لم يخذلوهم ولم يرموهم البحر بل شدوا على انفسهم فأفرحوهم وافرحوني وافرحوكي يا اسماء وأفرحوا تمبس وكل هلالاب العالم.
مبروك علينا الفوز ومبروك علينا تشجيع هلال الملايين والعقبال زي ماقال تمبس في مداخلتو الجميلة التحت ما نجرتق اولاد بمبه هنا وهناك.
الصادق
| |
|
|
|
|
|
|
Re: تقول لي يا تمبس مافي هلالاب في البلد دي ....البلد الليلة مافيها غير الهلالاب يا تامبا فلنفر (Re: Dr. Salah Albashier)
|
مبروك يا الصادق .. يادوبك الواحد كدا دا بقدر يضوق طعم لي اي حاجة .. .. تعرف امس بعد الشوط الأول والاداء الجايط شوية .. ما حضرت حتى التحليل .. انتقلت لي قناة أخرى وقلت ياخ اعصاب بي مليم أحمر ما عندنا .. احسن الواحد يخلي الكورة دي مفاجأة يرجع ليها وباقي فيها شوية يتمو غلاط ساااي .. والله قلبي ما طاوعني .. رجعت بعد بداية الكورة بي اقل من عشرة دقايق لقيت الود مساوي سخن بي الشباب .. قلت بعد كدا (بعد) لحدت عشرة لو الاولاد ديل ما لعبو الكورة العايزه انا .. معناته بيستنكحو فينا سااي .. بعد شوية طالبت بي تغيير سادومبا بيني وبين نفسي . ومهند برضو بيني وبين نفسي وهيثم وبرضو بيني وبين نفسي .. والحمد لله .. كامبوس ما خذلني .. كما لم يخذلني هيثم مصطفى بوجودو والكاريزما العالية والهيبة داخل الميدان .. الف مبروك يا الصادق تاني .. والله يعدل الخطوة .. وعقبال نجرتق اولاد بمبه .. جوه وبره
| |
|
|
|
|
|
|
Re: تقول لي يا تمبس مافي هلالاب في البلد دي ....البلد الليلة مافيها غير الهلالاب يا تامبا فلنفر (Re: tmbis)
|
تامبا
الهلال حاجة جميلة جداً ويا له من فريق ويالهم من لاعبين
Quote: بعد شوية طالبت بي تغيير سادومبا بيني وبين نفسي . ومهند برضو بيني وبين نفسي وهيثم وبرضو بيني وبين نفسي .. والحمد لله .. كامبوس ما خذلني .. كما لم يخذلني هيثم مصطفى بوجودو والكاريزما العالية والهيبة داخل الميدان |
سبحان الله كأننا نشجع الهلال بقلب واحد يا تمبس نفس طلباتي مع تغيير شوية وهو عدم خروج سادومبا ولكن دخول امبيلي معه بعد سحب البرنس البرنس وجودو يعطيني طعم خاص للمباراة فهو رجل الهلال الأول والقائد المحنك للفرقة الزرقاء
ولكن مهند لازال بطيئاً لا يقاتل يا تمبس وكاريكا يجري كأنه لا يريد أن يتوقف ولكن لا تحدثني عن علاء الدين يوسف وخليفة والتاج والمعلم عمر بخيت ومنير امبدة المعز ضعيف جداً واعتقد ان الوقت قد حان لوضع الدعيع في الواجهة (ولا رايك شنو انت؟؟)
Quote: الف مبروك يا الصادق تاني .. والله يعدل الخطوة .. وعقبال نجرتق اولاد بمبه .. جوه وبره |
والف مبروك يا تمبس
الصادق
| |
|
|
|
|
|
|
Re: تقول لي يا تمبس مافي هلالاب في البلد دي ....البلد الليلة مافيها غير الهلالاب يا تامبا فلنفر (Re: الصادق صديق سلمان)
|
وتتباركـ أيامكـ يا الصادق عندي مدام مضروبة في عقله بسبب ناس بيتم وطلعت ( مرخرابية ) أها دايماً يوم الهلال يكون لاعب بحضر الكورة براي وهي بتكون عاملة فيها عندها باقي غسيل من الشهر الفات عايزة تكملوا وأخوكـ بينسى نفسو ويقوم يكوركـ لامن يجي القون أها بتجي تنظر لي يا عمران الجيران يقولو علينا شنو ؟؟ أخوك يقوم يخجل ويجلي الموضوع شوية ويعمل فيها أبو الهدوء أمس بعد القون التاني كنت مهذب لكن لامن الجماعة سطروها ونقطوها بقيت أزغرد وجاتني : يا عمران الجيران يقولو علينا شنو ؟؟ قلت وأنا جادي يا زولة بدق عليهم واحد واحد أقول ليهم الهلال غالب ...
| |
|
|
|
|
|
|
Re: تقول لي يا تمبس مافي هلالاب في البلد دي ....البلد الليلة مافيها غير الهلالاب يا تامبا فلنفر (Re: عمران حسن صالح)
|
اخي عمران
فرحة لا توصف ورب العزة ونحمده عليها والله يكفينا شر الحساد.
Quote: عندي مدام مضروبة في عقله بسبب ناس بيتم وطلعت ( مرخرابية )
|
بذكر المدام يا عمران المدام حقتي هلالابية زيي كدا جلسنا سوياً نشاهد المباراة واشرح لها احيانا انهم لو احرزوا فينا هدف لعلينا تسجيل هدفين بعداك تعال شوف كلو ما الكورة تمشي علي قون الهلال حتى لو في النص ساكت تقول (والليلة ووب علي ياالصادق وووووب لا ما تخلوهو انت ناس الهلال ديل ليه بخلوهم يمشوا لي قدام كدا)
بعد ما جاء القون الأول بدأت تفرح لكن بحذر ونفس الاسطوانة لمن الكورة تمشي على قونا لمن دخلت فيني خوفة (اخير مدامك البتغسل) والله عملت لي تشويش وقررت تاني ما اشرح ليها فرق الاقوان لأي مباراة عشان تخليني اتفرج واستمتع.
لكن عليك يا عمران ماكانت متعة بالجد.
عند واحد صاحبي هنا مريخابي اسمو معاوية لمن شاف الهلال بالصورة الأمس دي خاف على فريقو من اولادنا
الحمدلله رب العالمين
تحياتي للعزيز احمد الريح الذي نفتقده هذه الأيام وعمر الفاروق
الصادق
| |
|
|
|
|
|
|
|