|
|
 جامعية تحاول الانتحار بشنق نفسها داخل حراسة القسم الشمالي خوفا من الفضيحة
|
اقدمت طالبة جامعية على شنق نفسهاامس بربط طرحتها على نافذة الحراسة ولفها حول رقبتها خشية معرفة ذويهاانها مقبوض عليها .. وكانت الطالبة اودعت حراسة القسم الشمالي بالخرطوم عقب تلبسها بسرقة شنطة زميلتها بالجامعة .. تم تحويل الطالبة الى حوادث الخرطوم حيث تم اسعافها وفتح بلاغ شروع في الاننحار في مواجهتها .
|
|
  
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: على ميرغني)
|
قصة في اوصلتي غاية الحزن
سرقة وفتح بلاغ
كان يمكن حل هذه المشكلة وديا..
بان تجرع ما اخذت..
لماذا تسرق طالبة جامعية لولا الحاجة؟؟؟!!!
هذه ما اتت به الحكومة بوقف مجانية التعليم
انحرافات بالانواع..
لو كان الطالبة دي تدرس مجانا ولوعندها قروش ولا لا بتاكل مجانا
كانت حتسرق؟
قلبي معك يا بنية
اذا في محامي في البورد دا نتمنى يحل مشكلتها ونتمنى من اي انسان
يدفع ما عليها من غرامات وربنا بستر الجميع..
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Al-Shaygi)
|
Quote: لماذا تسرق طالبة جامعية لولا الحاجة؟؟؟!!!
هذه ما اتت به الحكومة بوقف مجانية التعليم
انحرافات بالانواع..
لو كان الطالبة دي تدرس مجانا ولوعندها قروش ولا لا بتاكل مجانا
كانت حتسرق؟
قلبي معك يا بنية
اذا في محامي في البورد دا نتمنى يحل مشكلتها ونتمنى من اي انسان
يدفع ما عليها من غرامات وربنا بستر الجميع.. |
.. دا شنو يا دكتورة ..؟ يا دكتورة إنت مربية جيل .. وزولة طالعة من عمق مجتمع فاضل .. وزولة تفتيحــه ..
حاجة شنو البتخليها تسرق ليها (شنـطة) يا دكتورة ...؟
يا دكتورة السرقة ما هي إلا سلوك نفسي بيجرد صاحبو من الكتير من العقلانية والوعي ..
الحاجة بتاعته دي كان ممكن تنفيها عااادي جدا بي انها حتى ولو تمشي تطلب الشنطة دي من زميلته بي كل عفه .. ما كلنا كنا طلبه حتى (الجزم) اتبادلناها والشنط والاحزمة .. وواحدين ما كان عندهم حق السندوتش .
ما تبرري لي السرقة يا دكتورة لانها سلوك جبان جدا .. ومرض .. بيحدث في ارقى العائلات .. ومنتشر بي شكل اوسع في مجتمع الداخليات والاماكن المغلقة .. وبيوتات الأعراس .. والعزاءات .. واماكن المناسبات الأخرى ..
يا دكتورة اسمحي لي .. طالبة جامعية دي ما سقف عالي خالص .. خريجات وواعيات وخريجين واعيين بسرقو .. ما لحاجة إلا لمرض ما سيطر عليهم ..
وعلى حسب ما افاد بيهو معتصم في البوست دا ومنقول من الجرايد .. الزولة دي خوفه من ناس بيتم وداها للانتحار .. دا ممكن نسميهو خوفه من ناس بيتم وانهم اسرة محافظة ..؟ او اسرة ما بيجي منها العوج ..؟
..
Quote: | Quote: حيث تم اسعافها وفتح بلاغ شروع في الاننحار في مواجهتها. |
ودي محتاجه يفتوحوا فيها بلاغ ، ولا محتاجه طبيب نفسي! |
محتاجة يفتحو فيها بلاغ أول حاجة .. شروع في الانتحار ودا البي موجبو بتتعالج ودا حفاظا عليها هي في المقام الأول .. تتعالج إذا كانت شاربه صبغة او قاطعه شرايينه أو اي مصيبة فارغه ..
وتتعالج من خطر الاصابات وتعدي مرحلة الاصابة الخطيرة العرضته للموت .. وتتعالج نفسيا .. حتى ولو كانت قاعده في السجن ..
..
يتفتح فيها بلاغ عشان بعدين إذا ماتت لاقدر الله وودوها المشرحة يكون الكلام دا مرفق في التقرير الدخلت بيهو المستشفى والأورنيك .. عشان ما يجيك ياسر عرمان .. أو الصادق المهدي أو الترابي أو تراجي مصطفى ويقولو ليك دخلوها الزنزانة وشنقوها بي طرحته وعايزين نستلم الجثمان نعمل بيهو موكب ..
ما (اضحــك) هذا السودانيزاونلاين .. هذا المجتمع (الوطن) في (مجرة) ما لا نعرفها .. 
سلامات يا نيستا . . ووين الحي بيك ..؟
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Dania Elmaki)
|
| Quote: احترمي سنك اول حاجه عيب الكلام ده من زول قدرك و في سنك. |
هل في سن قلة ادب قانونية؟ عشان تنورينا يا بيبي
انت برضو احترمي سنك وما تقلي ادبك على الناس الاكبر منك دا طبعا لو انا اكبر منك
ما تكوني داخلة في وهمة انك جاهلة وصغيرة
واحترمي الحوارات لكن الزول البتربي في جيتو ما متوقع منه الكثير
يمكن تطلع البت من القيتو لكن ما بتطلع القيتو منها
لازم تكوني دهماء ورجرجة ولازم تحرفي الحوارات
بالله زول يورينا السن القانونية لقلة الادب في حالة الزول دي ما عارفة
| Quote: بعدين سؤالي عادي ما عاوز هيجه قدر ده, ما اتعودنا منك كلام زي ده عشان كده سالتك |
انتو منو يادي؟
ولا الجمع للتعظيم وكدا تبع الفصمة والدور الداخلة فيه؟
اخدي ليك حقنة تعالي عشان ما تصدمي وبعدوك لي زول
وهلاهلا على الجد
| |
|
|
|
|
|
|
|
|
سرقت قال وصولها القسم!!
ومسكينه يبدو انها من اسره كويسه والا لما خافت عليهم من الصدمه
حد تفكيرها في شنق نفسها!!خوفا من الفضيحه.
انت يا معتصم يا تاجر الدهب ما تمشي تتبرع لها بخاتم ولا باجر المحامي
بدل شايل حسها؟؟!!
اعتقد بانك قديما تبرعت بحجة لشخصي
انا واهبه حق الحج للطالبه دي ممكن تتبرع ليها؟؟!!
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Yousif A Abusinina)
|
Quote: حتاجة يفتحو فيها بلاغ أول حاجة .. شروع في الانتحار ودا البي موجبو بتتعالج ودا حفاظا عليها هي في المقام الأول .. تتعالج إذا كانت شاربه صبغة او قاطعه شرايينه أو اي مصيبة فارغه ..
وتتعالج من خطر الاصابات وتعدي مرحلة الاصابة الخطيرة العرضته للموت .. وتتعالج نفسيا .. حتى ولو كانت قاعده في السجن ..
..
يتفتح فيها بلاغ عشان بعدين إذا ماتت لاقدر الله وودوها المشرحة يكون الكلام دا مرفق في التقرير الدخلت بيهو المستشفى والأورنيك .. عشان ما يجيك ياسر عرمان .. أو الصادق المهدي أو الترابي أو تراجي مصطفى ويقولو ليك دخلوها الزنزانة وشنقوها بي طرحته وعايزين نستلم الجثمان نعمل بيهو موكب ..
ما (اضحــك) هذا السودانيزاونلاين .. هذا المجتمع (الوطن) في (مجرة) ما لا نعرفها . |
انا الهينة المن مجرّه ديم لطفي خليني..... هدا زول الانقاذ وصوت من اصوات البشير وقانوني كمان قالها....
| Quote: من غرائب القانون السوداني أنه يعاقب مرتكب الشروع في الإنتحار بينما إذا أكتملت الجريمة فهو يعجز قطعاً عن محاكمة مرتكبها .. قطعاً مثل هذه الفتاة في حاجة للعلاج و ليس العقاب .. |
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
| Quote: انا الهينة المن مجرّه ديم لطفي خليني..... هدا زول الانقاذ وصوت من اصوات البشير وقانوني كمان قالها.... |
.. وأنا الاهين منك دا .. مصر إنو القانون زاتو لو ما اتبع مثل الخطوة دي يكون ساهم في انحلال المجتمع بفت أبواب واسعة للجريمة ..
| Quote: من غرائب القانون السوداني أنه يعاقب مرتكب الشروع في الإنتحار بينما إذا أكتملت الجريمة فهو يعجز قطعاً عن محاكمة مرتكبها |
ما تحته خط ووفق لقانونية عصام دهب .. يؤكد ما ذهبت إليه من إجراء قانوني اي أنه اكزست .. ودا ما نجر من عندي إنما هو واقع عايشته في عدة حالات انتحار .. وهناك مسميات أخرى مثل الحق العام وهو متعارف عليه دولياً .. يذهب إلى ابعد من الحق الخاص ..
القانون بشكل عام لا يضمن كل الحقوق .. وكم من ضحية راح حقها وكم من مذنب لم ينال جزاءه كما ينبغي .. لكن في نفس الوقت هناك ثوابت لا يمكن أن نتلاعب فيها وهي جرائم المجتمع ..
خلونا من الانتحار الصعب دا .. لو واحدة زهجانه من نفسها وروحه محرقاها وكبت ليها (كباية) شاي صغيرة في وشها من موية النار بسبق الاصرار .. زي دي يعملو معاها شنو..؟ والجاني منو ..؟ ويعالجوها كيفن ؟؟
(أحد اصدقائي .. قبل سنوات بعيدة .. (قتل) إبنت عمه والتي هي في مكان اخته ومتربيه معاهو .. قتلها بتلاتة رصاصات .. كنت من ضمن الذين حضروا كل الجلسات بمحكمة وسط الخرطوم .. حتى صدور الحكم والذي كان بالاعدام والتجريد من جهاز الشرطة .. تم العفو من أولياء الدم .. ولم يسقط الحق العام .. وتم الافراج عن صديقي بعد فضاء فترة من الحكم المحدد ...
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
| Quote: من غرائب القانون السوداني أنه يعاقب مرتكب الشروع في الإنتحار بينما إذا أكتملت الجريمة فهو يعجز قطعاً عن محاكمة مرتكبها .. قطعاً مثل هذه الفتاة في حاجة للعلاج و ليس العقاب.. |
انا دارسة Computer Sciences، ما عندي علاقة بالقانون لا من قريب ولا من بعيد... غير الذي يعرفه الزول العادي.... وتعليقي أعلاه كان مبني على رأي ما ليه علاقة "بكرهي" للحكومة الحالية... والتي اكرهها....بس بفتكر انه الانسانه دي ممكن تكون محتاجه لعلاج نفسي، موش لشرطة... كلمة فتح بلاغ تدل على العقاب، صدفة سبحان الله، جا القانوني كلام الكلمة نفسها "العقاب"... راجع ما تحته خط... قطعاً مثل هذه الفتاة في حاجة للعلاج و ليس العقاب... ولو جا بعد ده وقال كلامك ده، انا بأيده واقول كلامه صاح لاني ما بنظّر من راسي.....
شكرا وتحية ليكم يا ناس مجرّة درب التبّانه.. !
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
الجريمة الأولى التى يرتكبها الانسان فى حياته وكيفية التعامل معها بواسطة الاجهزة العدلية شرطة نيابة قضاء غالبا هى التى تحدد مسيرة الانسان فى المستقبل , اما بالاقلاع عن الجريمة أو الاستمرار فيها , هناك حاجز الخجل والشعور العظيم بالذنب , فان ساهمت السلطات فى ازاحة حاجز الخجل وهو واقى اجتماعى يحيد الكثيرين عن ارتكاب الجريمة , فأن الانسان من السهل عليه تكرار الجريمة ومن ثم الاعتياد عليها .
فى حالةابنتنا الصغيرة والتى أعتقد أنها ضحية لواقع اجتماعى متردى , لم تعالج السلطات حالتها بما يحيدها عن الاستمرار فى درب الجريمة , وواضح أنها انسانة جيدة لدرجة أنها آثرت ازهاق روحها على مواجهة أهلها والمجتمع , فكان لزاما على الشرطة أخذها لوكيل النيابة أو القاضى المختص لعلاج الأمر دون معرفة حتى أهلها ,مع أخذ تعهد عليها بعدم تكرار مثل هذا السلوك , وكان من الممكن أن يتم هذا العلاج أمام مدير الجامعة أو أحد الاساتذة دون حتى اللجؤ للشرطة قلبى مع هذه الصغيرة .
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
الزولة دي محتاجة لي علاج نفسي مع عدم اسقاط النواحي القانونية .. الاتنين ديل ماشات مع بعض .. وفي مواد مخصصة للشروع في الانتحار ..
السجــن اصلاح وتهذيب لمن اراد .. جوه في ناس امتحنت وعملت باكلريوسات .. ودبلومات وحفظت قرآن .. ما كان بتعملو وهم في حالتم النفسية الادتم لي ارتكاب جرم محدد تحت ضغط محدد .. في شرائح اتعلمت تدبير منزلي .. وتعالجت نفسيا واسقطت عنها العقوبات وطلعت للمجتمع سليمة معافاة افادت المجتمع واستفادت منو .. وفي ناس جوه السجن قاعده تبيع بنقو .. وبتخرمج في خرمجته .. وسلوكياته اصبحت اكعب مما كانت عليه ..
شرط عـــلاجه دا مقرون يعني بي عدم اعمال القانون فيها وتنزيل العقوبة المناسبة ..؟ دي جريمة في حد ذاته.. في حقها وحق اسرته وحق المجتمع ..
| Quote: انا بأيده واقول كلامه صاح لاني ما بنظّر من راسي..... |
.. كان من الأفضل أن تنظري من راسك طالما أن مجرتكم الفهم فيها حسب التخصصية المهنية..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
مريم بت الحسين ..
و الله رغم إني مشغول مشغول لكن إتصال من صديق أضطرني للدخول هنا و الرد على مداخلتك دي ..
| Quote: انا الهينة المن مجرّه ديم لطفي خليني..... هدا زول الانقاذ وصوت من اصوات البشير وقانوني كمان قالها.... |
و يا مريم في الوقت الذي كانت مداخلتي بمثابة رأي شخصي يرفض معاقبة مرتكب فعل الشروع في الإنتحار ، إلا أرى أنك حرصتي على تسييس تلك المداخلة بقولك ..
| Quote: انا الهينة المن مجرّه ديم لطفي خليني..... هدا زول الانقاذ وصوت من اصوات البشير وقانوني كمان قالها.... |
و لعلمك فإن النص الذي يعاقب على الشروع في الإنتحار موجود في القانون الجنائي السوداني قبل أن يأتي البشير و ربما قبل أن تأتي مايو و النميري فلماذا ربط هذا الأمر بموقفي المؤيد للرئيس البشير و هل ذلك من باب الما بريدك في الضلام يحدر ليك و اللا الحكاية تتلح ساكت ..
هذا النص لا يزال موجوداً في القانون الجنائي الساري حاليا :
المادة133- من يشرع فى الانتحار بمحاولة قتل نفسه بأى وسيلة يعاقب بالسجن مدة لا تجاوز سنة او بالغرامة او بالعقوبتين معا.
و الذين أدرجوا هذا النص في القانون الحالي أو القوانين التي سبقته هم علماء فطاحل نجلهم و نقدرهم و لهم رايهم الذي نحترمه لكن هذا لا يمنع بأي حال من إبداء رأينا المتواضع جداً في هذا النص مستندين في ذلك على آراء أخرى لعلماء أجلاء لهم مبرراتهم المنطقية في رفض معاقبة من يشرع في الإنتحار ..
فيا بت الناس روقي المنقة و هدي اللعب .. كورة واطة ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Yousif A Abusinina)
|
ابنائي صاجب البوست والمتداخلين معه بمختلف رؤاكم
تعالوا احدثكم عن زماننا
في الستينات كنت ضابطا باحد اقسام الشرطة بمدينة امدرمان ومكلفا بالتحري في بلاغ ضد ممرضة متهمة بممارسة الطب دون ترخيص ..
وبتفتيش منزلها وجدنا ادوات طبية ومفكرة بها اسماء لبنات ومبالغ مالية امام كل اسم ..
بسؤال المتهمة اعترفت بانها اجرت عمليات اجهاض للمذكورات بالمفكرة .
كان لابد من التحقق من هذا الاعتراف ثم فتح بلاغات بالاجهاض غير المشروع ضدها وضد من وردت اسماؤهن ..
ويقتضي ذلك سؤال المذكورات في المفكرة وعرضهن للكشف الطبي ..
وكانت المعضلة الاؤلي كيفية استدعاء ببنت من بيت اهلها الي مركز الشرطة اذ ان اهلها سيتساءلوا عن السبب ويتبعوا
ابنتهم الي القسم ومن ثم يعلموا بان ابنتهمكانت علي علاقة غير مشروعة ثم يتطور الامر حسب مفاهيم الاسرة وقيمها
الي ما يصل الي حد القتل ..
لذلك رفعت الامر الي حكمدار امدرمان الذي وجهني بارسال خطاب بخط اليد الي احداهن ، وكانت مدرسة، علي عنوان
مدرستها طالبا منها مقابلتي اما بالمكتب او بمكان تختاره وفي زمان لا يثير شبهة اهلها لمناقشة هذا الامر ..
بالفعل حضرت المدرسة نهارا لمكتبي وقالت انها لاتنكر ماحدث وتعلم انه فعل يعاقب عليه القانون وانها تطلب اذا اردنا محاكمتها ان نتدبر
سرية المحاكمة وحمايتها من اسرتها المتشددة ..
اتصلت بالحكمدار الذي طلب مني مراجعة القاضي المرحوم عبدالرحمن العاقب قاضي جنايات امدرمان .. وكانت الفتاة قد اتصلت من جانبها
بالاستاذ مبارك زروق المحامي الذي نصحها بمقابلتي ثم اطلاعه علي النتيجة ليتولي الامر بعد ذلك ..
ذهبت الي مولانا العاب رحمه الله وكان رجلا في نحو الستين من عمره ويتعامل معنا كابناء وفتح لنا داره ومكتبته نطلع منها غلي المراجع
النادرة ويعلمنا اصول العدالة وضرورات تطبيق روح القانون وحرفياته ..
قال لي العم عبد الرحمن العاقب بعد الاطلاع علي الاسماء المدونة بمفكرة الممرضة المتهمة ان الموقف ينذر بشر مستطير وان الفضيحة
المترتبة علي هذه القضية ستهز اركان المجتمع وتحدث ردود افعال خطرة جدا .. وأخذني بعد محادثة اجراها همسا الي مكتب الاستاذ الراحل
عمر ابوبكر النائب العام لجمهورية السودان .. وفي مكتبه جرت مناقشة قانونية سريعة فرر النائب العام علي ضوئها سحب البلاغ الموجه
ضد الممرضة لممارستها الطب بدون ترخيص وفتح بلاغ ضدها بحيازة ادوات طبية مسروقة من المستشفي ..
في طريق العودة من مكتب النائب العام اخبرت مولانا العاقب بان الاستاذ مبارك زروق لديه علم بالقضية فطلب مني ان اذهب اليه في مكتبه
وابلغه بسحب البلاغ .. واكد لي الاستاذ مبارك انه كان سيسعي من جانبه لنفس الشيء ..
اما سرقة شنطة من زميلة او جارة فانها لايمكن ان تبلغ هذا المبلغ لان الشرطة وقبل فتح البلاغ تتلمس ما يجنب كارثة لاتصيبن الذين ظلموا
وحدهم .. فبنات بنات هذه السارقة سيوصمن بما فعلت وسيتراجع عريس احداهن عن الزواج بها عندما يعلم ان جدتها حوكمت بالسرقة والشروع
في الانتحار وان الصحف نشرت خبرها ..
ماذا حدث للتماسك الاجتماعي ولنصرة الاخ ظالما او مظلوما في هذا الزمان الذي لايعرف التنازلات والعفو والعروف..
عمر علي حسن
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: عمر علي حسن)
|
| Quote: . كان من الأفضل أن تنظري من راسك طالما أن مجرتكم الفهم فيها حسب التخصصية المهنية.. |
لو موضوع القانون وحيثياته وتجريماته وعقوباته ما محتاج تخصصية مهنية، حقو الناس القرت قانون دي تسيبه! نقطة، سطر جديد
انا ما بكابر في شي ما حقّي!... والحمدلله ... انا ابديت رأي.... بناءاً على الخبر... ولما يجي زول قانوني متخصص ويقول كلام مختلف بتراجع....! ولحدي حسي جا واحد قانوني قال كلام بأيد رأيي... وجا زول ما ليه علاقة بالقانون وقال كلامه ده... رأيي بتغيّر لما القانوني يجي يقول لي انت غلطانه، موش زول يجي يقول لي انت جايه من مجرّه تانية وبكل تكبّر!
الاخ قاري قانون مجرّات ولا شنو؟!
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
Quote: رأيي بتغيّر لما القانوني يجي يقول لي انت غلطانه، موش زول يجي يقول لي انت جايه من مجرّه تانية وبكل تكبّر!
الاخ قاري قانون مجرّات ولا شنو؟! |
.. لا طبعـا .. لكن بقرا فنجان وكف ..
| Quote: لو موضوع القانون وحيثياته وتجريماته وعقوباته ما محتاج تخصصية مهنية، حقو الناس القرت قانون دي تسيبه! نقطة، سطر جديد |
.. دا كلام صاح طبعا .. ودا البخليني اعتقد إنو مجرتكم في وطن من لا وطن له .. فيها العديد من الفلاسفة الممكن يفتو في القانون .. وغير القانون وعلوم الكمبيوتر .. وعلم الاقتصاد والسياسة .. وعلم المجتمع .. والجينات الوراثية ..
بعد النقطـة .. نستمتع بي وجهات نظرنا المختلفة هنا .. حسب الواقع المعاش .. واي زول اعتقد ما بيعجبو الكلام أو وجهة النظر من حقو يساهم في اي مكان يعجبو طالما إنو عندو باص وورد حقو هو براااهو كدا ما بيشاركو فيهو زول تاني .. وبيعبر عن الفي راسو .. وهنا ممكن الناس تقرا الزول ومستوى فهمو .. وتعرف إنو جاي من ياتو مجرة .. أو (برجو) التور أو الاسد...
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
Quote:
Quote: Quote: شكلك يا مهكره يا الله هداكي
قيتوقيرل
اي قلةادب تاني واسفاف حانزل لمستواك و حتفتشي لليخارجك مني
دا الانذار نمرة 2 لوقف قلة ادبك
التالتة تابتة والقشاش يملا شبكتو بكا ما معانا بعداك
وجري لبكري وشكوى لطوب الارض..
لا عذر لمن انذر
هسع القيتو قيرل منو فينا عليك الله.؟؟؟
قلة الادب وين هسه في كلامي ولا كلامك؟؟
احترمي سنك اول حاجه عيب الكلام ده من زول قدرك و في سنك.
بعدين سؤالي عادي ما عاوز هيجه قدر ده, ما اتعودنا منك كلام زي ده عشان كده سالتك
اشربي عصير ليمون
(عدل بواسطة Dania Elmaki on 03-04-2010, 11:45 ص)
|
على فكره ما محتاجه لانذار ثاني ولا ثالث لانه انا ما حانزل لمستواك, انت ما بتقدر تطلعي.
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
Quote: دا شنو يا دكتورة ..؟ يا دكتورة إنت مربية جيل .. وزولة طالعة من عمق مجتمع فاضل .. وزولة تفتيحــه ..
حاجة شنو البتخليها تسرق ليها (شنـطة) يا دكتورة ...؟
يا دكتورة السرقة ما هي إلا سلوك نفسي بيجرد صاحبو من الكتير من العقلانية والوعي ..
الحاجة بتاعته دي كان ممكن تنفيها عااادي جدا بي انها حتى ولو تمشي تطلب الشنطة دي من زميلته بي كل عفه .. ما كلنا كنا طلبه حتى (الجزم) اتبادلناها والشنط والاحزمة .. وواحدين ما كان عندهم حق السندوتش .
ما تبرري لي السرقة يا دكتورة لانها سلوك جبان جدا .. ومرض .. بيحدث في ارقى العائلات .. ومنتشر بي شكل اوسع في مجتمع الداخليات والاماكن المغلقة .. وبيوتات الأعراس .. والعزاءات .. واماكن المناسبات الأخرى ..
يا دكتورة اسمحي لي .. طالبة جامعية دي ما سقف عالي خالص .. خريجات وواعيات وخريجين واعيين بسرقو .. ما لحاجة إلا لمرض ما سيطر عليهم ..
وعلى حسب ما افاد بيهو معتصم في البوست دا ومنقول من الجرايد .. الزولة دي خوفه من ناس بيتم وداها للانتحار .. دا ممكن نسميهو خوفه من ناس بيتم وانهم اسرة محافظة ..؟ او اسرة ما بيجي منها العوج ..؟ |
سلامات يا تمبس
انا لا ابرر للسرقة ومعك هي جريمة كبيرة ولكن ملابسات هذه الجريمة
عايزة دراسة..
مافي في الخبر اي تفاصيل عن حادثة السرقة للشنطة
اعرف ان هناك من يسرق كحالة نفسية ولكن ابضا هناك من يسرق لحاجة مادية
وهذا غير مبرر للسرقة
فقط محاولة فهم لدوافع السرقة
زمان كان في طالبات بسرقو الكحل من العين
لكن كانت دائما بتحل بارجاع الاشباء بدون شرطة
شوف القصة دي قصة محزنة يا تمبس الزولة دي غلطت انها سرقت غلطة افضت
الى محاولة قتل نفسها خشية ان تسمع اسرتها
كما تفضلت انت اذن هي من اسرة مستورة..
وجدت هذه التاة نفسها في مشكلة كبيرة جدا
وفشلت في حلها فضلت ان تموت.
دا المحون في القصة دي
انه تنقفل ليك كوة الامل..وتفضل الموت وانت في هذه السن
مودتي
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
Quote: اعرف ان هناك من يسرق كحالة نفسية ولكن ابضا هناك من يسرق لحاجة مادية
وهذا غير مبرر للسرقة
فقط محاولة فهم لدوافع السرقة
زمان كان في طالبات بسرقو الكحل من العين
لكن كانت دائما بتحل بارجاع الاشباء بدون شرطة |
.. عارفة يا دكتورة البيحصل في البورد دا .. عادي جدا الناس تمسك في الحتة الرهيفة جدا .. وعادي جدا تكون هناك صياغة لي مفاهيم عجيبة جدا يرموها في الحكومة ويتناسو إنها حاصلة ما قبل الحكومة .. والمشكلة انو لو دي الحكومة عملت كدا دور النسا في التغيير شنو..؟
مسالة إنو القصة محزنة يا دكتورة محزنة جدا .. لكن الأحزن منها مسالة الانتحار .. لما دخلت وقريت عن القصة ظهرت قدامي عدة نماذج .. من ضمنها نموذجين في سفريتي الاخيرة للسودان .. واحدة قبل ما انزل بي عدة اسابيع .. راحت ضحيته فتاة في عمر الزهور .. وهي صديقة شخصية لي أخواني ولي امي وأبوي .. واصبحت بتلقى الملاذ الآمن ليها لما تجي بيتنا وتقعد مع امي وابوي وواحد من أخواني .. ما تتخيلي خبر انتحاره كان وقعو شنو على ناس بيتنا بعدما كانت هناك محاولة فاشلة احبطته (خالتي) وهي في سنها تحديدا .. كل ما في الأمر إنو كانت محتاجة لي الشخص البقيف قدامه ويرشده في ظل ظرف اسري محدد بتمر بيهو .. وفي ظل (رحيل) امها عن دنياها في سن بدري شوية .. المهم ربنا يسامحه ويغفر ليها ويسامح اللي كان السبب ..
النموذج التاني ... نموذج السرقة من غير المحتاجات .. وللاسف من المحتاجات ..
معظم الناس الهنا يا دكتورة اكرر انها بعيدة من الواقع وبتقرا في الكلام وبترد عليهو وللاسف الشديد أحيانا يدرج في مكان اللهو .. انا القدامك دا .. ممكن اسرق حال إني كنت جعان واتقفلت علي كل الطرق والسكك .. والله اسرق عاادي ما يسد رمقي واسرق لي اكل شان اكلو .. وبعداك الله اليحاسبني .. لكن كمان ما بقدر اقدم على انتحار تحت اي ظرف كان .. لاخوف من اهلي ولا خوف من مجتمع .. لاني بي بساطة بخاف من حساب الله .. الفي نفس الوقت سرقته شان اكل وتجاوزت فكرة الخوف دي ..
انا ما ركزت يا دكتورة على مداخلة السرقة بقدرما استفزتني مسالة انو محاولة انتحار تمشي ساااي كدا دا لكانما هي مسالة عادية .. ولا تجب الحساب .. وكالعادة المسالة اترمت على الجهات القانونية .. والجاني طلعت ليهو كمية تبريرات ..
مع اني ضد نشر السلوكيات دي في الجرايد المتخصصة زي الدار وما ادراك ما الصحف الأخرى .. لكن في نفس الوقت بعتقد إنو القضية هي ليست مجرد شنطة وبس .. وبرضو بفترض إنو المسالة اكبر من إنو الزولة المسروقة منها الشنطة دي تفتح ليها بلاغ في قسم عشان اتسرقت منها شنطة .. والزولة السارقة دي ما اعتقد انها تكون حاولت الانتحار لمجرد انو خايفه من اهله يعرفوها سرقت ليها شنطة ..
شفنا كتار جدا في السكنات المشتركة وفي الداخليات .. الحرامي دا بيجي يعفش اخوانو البياكل وبيشرب معاهم .. وبي الطيبة الفينا بنكون عارفنو بيسرق فينا .. مرة ومرتين وتلاتة .. وفي النهاية بعدما يبقى بروفيشنال حتين بعداك نعمل ليهو شرك .. ونمسكو بالثابتة بعدما هو ذاتو كان ما سرق بعد كدا ما بقدر يتنفس ذاتو ...
شكرا يا دكتورة للتفهم..
يستحضرني واحد مستنير هنا ... حكيت عن قصة واحد حرامي تلب لينا في جوة البيت وسمكناهو متلبس ومسلح .. واجرينا معاهو اللازم .. جا شايل حسي .. وطلع لي الحرامي مسكين ومحتاج .. وطلعني انا الحرامي ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Dania Elmaki)
|
| Quote: بعد النقطـة .. نستمتع بي وجهات نظرنا المختلفة هنا .. حسب الواقع المعاش .. واي زول اعتقد ما بيعجبو الكلام أو وجهة النظر من حقو يساهم في اي مكان يعجبو طالما إنو عندو باص وورد حقو هو براااهو كدا ما بيشاركو فيهو زول تاني .. وبيعبر عن الفي راسو .. وهنا ممكن الناس تقرا الزول ومستوى فهمو .. وتعرف إنو جاي من ياتو مجرة .. أو (برجو) التور أو الاسد... |
الله يفتح عليك... وجهة نظرك استمتع بيها، مافي حد قال ليك غير كده، لكن لما تتعدّي على التانيين، عندهم حق الاعتراض وحق السكوت.. وانا مارست حقي البديني ليه الباسوورد....
وشكرا!
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Dania Elmaki)
|
Quote: محتاجة يفتحو فيها بلاغ أول حاجة .. شروع في الانتحار ودا البي موجبو بتتعالج ودا حفاظا عليها هي في المقام الأول .. تتعالج إذا كانت شاربه صبغة او قاطعه شرايينه أو اي مصيبة فارغه ..
|
الأخ: تمبس .. تحياتي ..
أراك ركزت على الشروع في الإنتخار والمعاقبة عليه ..رغم أن المذكورة لم تقدم على الشروع في الإنتحار إلا بعد إيداعها الحراسة ..ورأي أغلب المتداخلين يقول كان بالإمكان حسم المسألة داخل حرم الجامعة بواسطة الإدارة ..وذلك تفاديا للأثار النفسية التي ستصيبها وأسرتها نتيجة إنتشار الخبر ..وهو ما دعاها لمحاولة الإنتخار داخل الحراسة خوفا من الفضيحة وإنتشار الخبر ..يعني ببساطة لو القضية تم حسمها داخل حيز الجامعة بواسطة الإدارة لما حاولت المذكورة الإنتحار ..
تحياتي ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: مريم بنت الحسين)
|
Quote: سرقة وفتح بلاغ
كان يمكن حل هذه المشكلة وديا..
بان تجرع ما اخذت..
لماذا تسرق طالبة جامعية لولا الحاجة؟؟؟!!!
هذه ما اتت به الحكومة بوقف مجانية التعليم
انحرافات بالانواع..
لو كان الطالبة دي تدرس مجانا ولوعندها قروش ولا لا بتاكل مجانا
كانت حتسرق؟
قلبي معك يا بنية
اذا في محامي في البورد دا نتمنى يحل مشكلتها ونتمنى من اي انسان
يدفع ما عليها من غرامات وربنا بستر الجميع.. |
أعلن أنني مصدوم
بالله معقول تصل بنا الحالة من الوصولية لهذه الدرجة
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
Quote: ابنائي صاجب البوست والمتداخلين معه بمختلف رؤاكم
تعالوا احدثكم عن زماننا
في الستينات كنت ضابطا باحد اقسام الشرطة بمدينة امدرمان ومكلفا بالتحري في بلاغ ضد ممرضة متهمة بممارسة الطب دون ترخيص ..
وبتفتيش منزلها وجدنا ادوات طبية ومفكرة بها اسماء لبنات ومبالغ مالية امام كل اسم ..
بسؤال المتهمة اعترفت بانها اجرت عمليات اجهاض للمذكورات بالمفكرة .
كان لابد من التحقق من هذا الاعتراف ثم فتح بلاغات بالاجهاض غير المشروع ضدها وضد من وردت اسماؤهن ..
ويقتضي ذلك سؤال المذكورات في المفكرة وعرضهن للكشف الطبي ..
وكانت المعضلة الاؤلي كيفية استدعاء ببنت من بيت اهلها الي مركز الشرطة اذ ان اهلها سيتساءلوا عن السبب ويتبعوا
ابنتهم الي القسم ومن ثم يعلموا بان ابنتهمكانت علي علاقة غير مشروعة ثم يتطور الامر حسب مفاهيم الاسرة وقيمها
الي ما يصل الي حد القتل ..
لذلك رفعت الامر الي حكمدار امدرمان الذي وجهني بارسال خطاب بخط اليد الي احداهن ، وكانت مدرسة، علي عنوان
مدرستها طالبا منها مقابلتي اما بالمكتب او بمكان تختاره وفي زمان لا يثير شبهة اهلها لمناقشة هذا الامر ..
بالفعل حضرت المدرسة نهارا لمكتبي وقالت انها لاتنكر ماحدث وتعلم انه فعل يعاقب عليه القانون وانها تطلب اذا اردنا محاكمتها ان نتدبر
سرية المحاكمة وحمايتها من اسرتها المتشددة ..
اتصلت بالحكمدار الذي طلب مني مراجعة القاضي المرحوم عبدالرحمن العاقب قاضي جنايات امدرمان .. وكانت الفتاة قد اتصلت من جانبها
بالاستاذ مبارك زروق المحامي الذي نصحها بمقابلتي ثم اطلاعه علي النتيجة ليتولي الامر بعد ذلك ..
ذهبت الي مولانا العاب رحمه الله وكان رجلا في نحو الستين من عمره ويتعامل معنا كابناء وفتح لنا داره ومكتبته نطلع منها غلي المراجع
النادرة ويعلمنا اصول العدالة وضرورات تطبيق روح القانون وحرفياته ..
قال لي العم عبد الرحمن العاقب بعد الاطلاع علي الاسماء المدونة بمفكرة الممرضة المتهمة ان الموقف ينذر بشر مستطير وان الفضيحة
المترتبة علي هذه القضية ستهز اركان المجتمع وتحدث ردود افعال خطرة جدا .. وأخذني بعد محادثة اجراها همسا الي مكتب الاستاذ الراحل
عمر ابوبكر النائب العام لجمهورية السودان .. وفي مكتبه جرت مناقشة قانونية سريعة فرر النائب العام علي ضوئها سحب البلاغ الموجه
ضد الممرضة لممارستها الطب بدون ترخيص وفتح بلاغ ضدها بحيازة ادوات طبية مسروقة من المستشفي ..
في طريق العودة من مكتب النائب العام اخبرت مولانا العاقب بان الاستاذ مبارك زروق لديه علم بالقضية فطلب مني ان اذهب اليه في مكتبه
وابلغه بسحب البلاغ .. واكد لي الاستاذ مبارك انه كان سيسعي من جانبه لنفس الشيء ..
اما سرقة شنطة من زميلة او جارة فانها لايمكن ان تبلغ هذا المبلغ لان الشرطة وقبل فتح البلاغ تتلمس ما يجنب كارثة لاتصيبن الذين ظلموا
وحدهم .. فبنات بنات هذه السارقة سيوصمن بما فعلت وسيتراجع عريس احداهن عن الزواج بها عندما يعلم ان جدتها حوكمت بالسرقة والشروع
في الانتحار وان الصحف نشرت خبرها .. |
دا درء المسصائب من المجتمع..بدون تبديد العدل والضبط والربط
في مجتمع محافظ توصم الاسرة كلها بفعل فاعل واحد
قلبي مع هذه البنت واهلها
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
يا دكتورة نجاة ..
في حلقة كانت مع الاستاذ محمد شريف علي .. والاستاذة الكبيرة فايزة عمسيب ومعاهم مين كدا الخواض برضو زول مسرحية وخريجة المعهد ..
ما عارفك حضرتي الحلقة دي واللا ما حضرتيها ..
الحلقة كانت عبارة عن تكريم لي الاستاذة فايزة .. وكانو بتكلمو عن الحاجات الجميلة فيها وتحدثت بت الخواض الما متذكر اسمه .. عن تجارب ليها مع فايزة لما كانو طلبة ..
قالت كانو بيكونو في الداخلية قاعدات بدون عشا وحالتن بالبلا ..
وكتير جدا بيصادفو إنو .. فايزه عمسيب بتجي متأخرة بالليل وتجي شايله اكياسه .. مليانة علشان بتكون شغاله مسرح أو عندها برنامج في الاذاعة ..
الزولة دي قالت يوم كانو جعانين وما عندهم البياكلو .. جات فايزه عمسيب وجايبه معاها كيس بتاع رز .. وجابت الكانون وختتو في نص الاوضة وولعت ليهم النار وعملت الرز دا باللبن ووزعتو عليهن واكلو وحمدو ربهن ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
Quote: قالت كانو بيكونو في الداخلية قاعدات بدون عشا وحالتن بالبلا ..
وكتير جدا بيصادفو إنو .. فايزه عمسيب بتجي متأخرة بالليل وتجي شايله اكياسه .. مليانة علشان بتكون شغاله مسرح أو عندها برنامج في الاذاعة ..
الزولة دي قالت يوم كانو جعانين وما عندهم البياكلو .. جات فايزه عمسيب وجايبه معاها كيس بتاع رز .. وجابت الكانون وختتو في نص الاوضة وولعت ليهم النار وعملت الرز دا باللبن ووزعتو عليهن واكلو وحمدو ربهن .. |
سلامات ياتمبس
طيب اقوليك الكلام دا كان سنة كم
كان بين 1982 الى 1985
انا كنت في الداخلية دي ذاتها مع الناس دي ذاتها
كان عندنا منحة 40 جنيه ماهية مدرس متوسطة..
لا اذكر ابدا كان في مجاعات لضيق ذات اليد..
با كان منو البمرق بالليل يجب العشا
خاصة بعد حادثة تعرض زميلات لهجوم من زولين..
عشان كدا يا تمبس القصة دي ما لافقة هنا
حيث حدثت ايام مجانية التعليم والمنح
مع التحية ليك و لفائزة عمسيب الجميلة
ولسهام الخواض
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
كتبت الاخت بيان:
Quote: لماذا تسرق طالبة جامعية لولا الحاجة؟؟؟!!!هذه ما اتت به الحكومة بوقف مجانية التعليم انحرافات بالانواع..
لو كان الطالبة دي تدرس مجانا ولوعندها قروش ولا لا بتاكل مجانا
كانت حتسرق؟ قلبي معك يا بنية |
وكتب الأستاذ عصام دهب
| Quote: قطعاً مثل هذه الفتاة في حاجة للعلاج و ليس العقاب |
..
ودا كلام سليم....
فالفتاة قد تكون سرقت لعوز وحوجة -تذكرواأن الخليفة عمر قد عطل حد
السرقةفي عام الرمادة وتذكروا أن ليس كل الناس أقوياء في مواجهةالحوجة
وأن بعض النفوس تضعفها الحاجة والفقر وظروف الحياة
أذا كان هذا هو دافع السرقة فهي أذا تحتاج للعون ولعمل شريف وتأهيل
إجتماعي وتوعية
..... وقد تكون قد سرقت نتيجة مرض نفسي ( هناك مرض سرقة نفسي يدفع مليارديرا لسرقة علبة سجايرأو شي لا قيمة له)
وفي هذه الحالة تحتاج الفتاة للعلاج النفسي والدعم المعنوي !
وقد... وقد.........
أذا فلتعالج هذه النوعية من القضايا بعيدا عن الأعلام والتشننيع و والتجريم المسبق والأثارة..........
...
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: كمال عباس)
|
Quote: ودا كلام سليم....
فالفتاة قد تكون سرقت لعوز وحوجة -تذكرواأن الخليفة عمر قد عطل حد
السرقةفي عام الرمادة وتذكروا أن ليس كل الناس أقوياء في مواجهةالحوجة
وأن بعض النفوس تضعفها الحاجة والفقر وظروف الحياة
أذا كان هذا هو دافع السرقة فهي أذا تحتاج للعون ولعمل شريف وتأهيل
إجتماعي وتوعية
..... وقد تكون قد سرقت نتيجة مرض نفسي ( هناك مرض سرقة نفسي يدفع مليارديرا لسرقة علبة سجايرأو شي لا قيمة له)
وفي هذه الحالة تحتاج الفتاة للعلاج النفسي والدعم المعنوي !
وقد... وقد......... |
كمال والآخرين
سلام
ليست هناك سرقة اجتماعية تستوجب العقوبة وأخرى نفسية تستوجب العلاج
فالسرقة فى حد ذاتها دليل انحراف فى سلوك مقترفها عن السواء .. مهما كانت الدوافع (عوز/مرض)
وفى كلا الحاتين تحرص المؤسسات العقابية على ان تكون الغقوبة هى التاهيل واعادة السواء النفسى والاجتماعى للفرد وليس الجزاء والردع .. وهذا ما خطه العلماء والمشرعين ابان تأسيسهم لعلم وفلسفة العقوبة وهو ما قامت عليه مؤسسات عقابية كثيرة فى بعض الدول المتقدمة .
فالنظام السياسى ومدى تقدم الشعوب فى ادارة المؤسسات العقابية على اسس حديثة هو ما يجعل الفرد (مجرم/سجين ) فى احد الدول و(نزيل) فى الاخرى
والقانون فى كل دول العالم تقريباينص على احالة المتهم للمصح النفسى اذا ما ثبت (حتى وان كان فى مرحلة التحرى ) جنونه واى اى اعراض عدم سواء وهو حق اصيل
اما اذا كان المتهم باقتراف جريمة يبدو سويا فلابد من معافبته لاجل نظام المجتمع وسلامة الشعوب من الفوضى .. لكن يجب ان تنصب العقوبة على اعادة تاهيل الفرد واعادته للسلوك العادى لافراد المجتمع وذلك بوضع ظروف السن والمستوى التعليمى والمهنى والاجتماعى والنفسى لمعرفة الدوافع التى قادت الفردلهذا السلوك وليس اعتبار كل مذنب مجرما وزجه مع المجرمين لضمان تعلمه الاجرام اكثر حين خروجه
فالمطلوب الا نجعل مقترف الفعل يعود لهذا السلوك وليس تاديبه على هذا السلوك
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
Quote: لا اذكر ابدا كان في مجاعات لضيق ذات اليد..
با كان منو البمرق بالليل يجب العشا
خاصة بعد حادثة تعرض زميلات لهجوم من زولين..
عشان كدا يا تمبس القصة دي ما لافقة هنا
حيث حدثت ايام مجانية التعليم والمنح |
... سلامات يا دكتورة .. التحية للاستاذة سهام الخواض الذكرتيني بي اسمها ..
بعدين القصة دي ما لافقه يا دكتورة علشان مجانية التعليم .. ؟؟
وهل مجانية التعليم دي ما فرخت وقتها ناس كانت بتسرق اقلام ومساطر .. واستيكات بي ريحـة..؟ واللا يعني شان الخير باسط البسرق اكسسوارات صغيرة زي دي بيمشوها ليهو ..
..
كنا بندرس في قصر الشباب والأطفال في منشط رياضي .. والوكت داك الخير مش باسط بس .. والله الرئيس القائد جعفر محمد نميري الله يرحمو ويغفر ليهو كان بدينا قروش عديل كدا دا خليك من الحاجات التانية .. وقصر الشباب كان منحة كورية خالصة كل سنة كانو بيجيبو احتياجات القصر من أقلام رصاص وبرايات حتى الالات الموسيقية ..
كانت معظم الشكوى وقتها إنو احتياجات العام السابق ... بتروح في خبر كان أو أحدى اخواتها ما كمان بتجي حاجات جديدة .. على مستوى عالي جدا وعلى مستوى غير عالي .. ودا كان من الاسباب الأولى لتدهور المركز حيث إنو خرج اجيال وأجيال وأجيال واظنك اكتر معرفة مني خاصة على مستوى الدراما والموسيقى ..
الزمن داك ما مجانية التعليم بس يا دكتورة .. كان عديل كدا ممكن يدوك معلقة دهب في خشمك كل نهاية اسبوع ..
| Quote: خاصة بعد حادثة تعرض زميلات لهجوم من زولين.. |
.. تعرضو لهجوم يا دكتورة برضو بالرغم من مجانية التعليم ...؟ والله أخير كان يكون في سرقة في جوه الداخليات .. بدلا عن تعرض طالبات لهجوم فقط لانهن طالبات .. يعني بالرغم من مجانية التعليم كانت الجريمة موازية والسلوكيات موجودة وبالمقابل اهل الفزعة في .. يعني الخير والشر في خطين متوازيين ..
اصراري قايم على إنو الزولة السرقت الشنطة دي .. ما سرقته لي حوجـة تستحق بعداك إنها تشنق نفسها عشان ناس بيتم ما يعنفوها أو شكلها يكون بايخ قدامم .. كنت بلقى ليها عذر ووضعي النفسي كان بيصل مرحلة متأخرة خالص حال إنها سرقت ليها ساندوتش من جارته وتم التبشيع بيها على مستوى عالي ...
بالمناسبة يا دكتورة الملف دا كويس جدا في ناس ما عارفين أو ما عايشو واقع وممكن يفتو بالريموت كنترول وبشكل نظري خالص ... واليدو في الموية ما زي اليدو في النار
وكان جبت نموذج ما لافق .. ارجو شاكرا نبهيني ليهو.. لانو بتعاطى هنا حسب تجاربي الشخصية العشتها.
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: معتصم محمد صالح)
|
اتصلت بالحكمدار الذي طلب مني مراجعة القاضي المرحوم عبدالرحمن العاقب قاضي جنايات امدرمان .. وكانت الفتاة قد اتصلت من جانبها
بالاستاذ مبارك زروق المحامي الذي نصحها بمقابلتي ثم اطلاعه علي النتيجة ليتولي الامر بعد ذلك ..
ذهبت الي مولانا العاب رحمه الله وكان رجلا في نحو الستين من عمره ويتعامل معنا كابناء وفتح لنا داره ومكتبته نطلع منها غلي المراجع
النادرة ويعلمنا اصول العدالة وضرورات تطبيق روح القانون وحرفياته
يا حليل زمنكم زمن الحكمة والموعظة الحسنة
إنا لله وإنا إليه لراجعون
ولا حولة ولا قوة إلا بالله
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: ناجية مصطفى)
|
الأكرام،
درج الناس في السودان على تبرير الخطأ (وحتى الحرام) بأن البعض "الآخر أينا كان" يقوم بنفس الخطأ أو أكبر منه ولا يحاسب وهذا برأيي السبب الأساسي الذي أوصل ذمم الكثير الذي لا يعد من أهل السودان إلى منحدر الانحطاط الخلقي الذي أصبحوا فيه لأن ما يقومون به هو تحليل الحرام و"تقنين" الفساد. دائما هناك شماعة حاضرة لتعليق كل مشاكلنا وسيئات أعمالنا والحقيقة أننا أصبحنا بحاجة الى "غسيل ذمة" بالمعنى الحرفي للكلمة لتصبح ناصعة البيضاء كما كان السوداني يوصف في العهد السوداني القديم.
طبعا كان الأكرم للطالبتين أن تعفو المسروقة عن السارقة خصوصا وأنه كما يبدو لم يحدث ضررللشاكية. غير أن الطالبة "المتهمة" من الواضح أنها تعاني من مناطق ضعف متعددة في شخصيتها وتحتاج فعلا لتدخل سريع من متخصص أو ناصح وإلا بالله كيف تهرب من فعلتها تلك لتتركها ميراثا لأهلها ومن لهم صلة لصيقة بها بمحاولة الانتحار؟ وبغض النظر عن دواعي لجؤها للسرقة إلا أن الطبيعي والصاح المنطقي أن يتم التبليغ عن السلوك السيىء
السرقة بين البنات ليست حديثة أو مستحدثة خاصة في داخليات الجامعات. طالبات الجامعات يأتين من كل نواحي السودان ومن جميع الفئات المكونة للمجتمع السوداني، الصالح منها والطالح والفقير والغني وقلة من هؤلاء يغريهن الضعف والطمع للقيام بسرقات صغيرة هنا وهناك وكلما سنحت لهن فرصة وليس فقط للحوجة المادية . أنا شخصيا أثناء سكني بالداخلية سرقت منى ومن زميلاتي بالغرفة أشياء متعددة. والله بعضهن يسرق حتى المصحف وسجادة الصلاة وربما وسوس لها الشيطان أن "أخذ السجادة والمصحف" لا يشكل سرقة فهو (لغرض العبادة). بعض الناس يحاول تجاهل الموضوع على مضض من باب السترة أو التسليم والبعض الآخر لا يتمالك نفسه من الغضب فيشكو ويعلن. وشنو عرفنا نحنا، ربما كانت المسروقة أكثر حوجة من السارقة لما في شنطتها من المال القليل. وكما علمت أن الموضة في الجامعات اليوم هي سرقة الموبايلات خصوصا انه موديلات الموبايلات صارت من مضارب التباهي بين الشباب.
طبعا تظل مجانية التعليم ـ أو على الأقل وجود صندوق مدعوم من الدولة لاعطاء سلفيات للطلبة لدفع رسوم الدراسة- تظل شيئا مرغوبا فيه ومطالبا به لكن يبقى الخطأ خطأ قد يغفر لكن لا يصح تبريره.
وأنا أدعو الله أن يغفر لهذه المسكينة ويساعدها ويـ سـ تـ ر ها والله ما في أهم من هذه السترة
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: د.نجاة محمود)
|
لك خالص التحايا د نجاة
وتشكري علي الكلام المكمل
كل الناس القريبين من التربية بفهموا كويس الحاجات القلتيها
استعجب من يريد ان تحاكم المسكينة بكل عنف وينسي ان المسببات للظواهر الاجتماعية من فقر وتشريد عامل اساسي في كل التخبطات التي تحدث
نريد ان نجوع الناس حتي الموت ونريدهم ان يكونوا عفيفين
منطق معوج
الفقر من اسباب الانفلات
الفقر من اسباب الانحراف
الظلم من اسباب ردود الفعل التي تقود الي تدهور القيم في المجتمع
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: معتصم محمد صالح)
|
أرجو ألا تضيع ( بين الكيبوردات ) كلمات ذوي الدربة
أهل الدراية وجيل تفهم روح القانون
لنعيد قراءة ما كتبه العم ( لواء شرطة ) عمر علي حسنQuote: ابنائي صاجب البوست والمتداخلين معه بمختلف رؤاكم
تعالوا احدثكم عن زماننا
في الستينات كنت ضابطا باحد اقسام الشرطة بمدينة امدرمان ومكلفا بالتحري في بلاغ ضد ممرضة متهمة بممارسة الطب دون ترخيص ..
وبتفتيش منزلها وجدنا ادوات طبية ومفكرة بها اسماء لبنات ومبالغ مالية امام كل اسم ..
بسؤال المتهمة اعترفت بانها اجرت عمليات اجهاض للمذكورات بالمفكرة .
كان لابد من التحقق من هذا الاعتراف ثم فتح بلاغات بالاجهاض غير المشروع ضدها وضد من وردت اسماؤهن ..
ويقتضي ذلك سؤال المذكورات في المفكرة وعرضهن للكشف الطبي ..
وكانت المعضلة الاؤلي كيفية استدعاء ببنت من بيت اهلها الي مركز الشرطة اذ ان اهلها سيتساءلوا عن السبب ويتبعوا
ابنتهم الي القسم ومن ثم يعلموا بان ابنتهمكانت علي علاقة غير مشروعة ثم يتطور الامر حسب مفاهيم الاسرة وقيمها
الي ما يصل الي حد القتل ..
لذلك رفعت الامر الي حكمدار امدرمان الذي وجهني بارسال خطاب بخط اليد الي احداهن ، وكانت مدرسة، علي عنوان
مدرستها طالبا منها مقابلتي اما بالمكتب او بمكان تختاره وفي زمان لا يثير شبهة اهلها لمناقشة هذا الامر ..
بالفعل حضرت المدرسة نهارا لمكتبي وقالت انها لاتنكر ماحدث وتعلم انه فعل يعاقب عليه القانون وانها تطلب اذا اردنا محاكمتها ان نتدبر
سرية المحاكمة وحمايتها من اسرتها المتشددة ..
اتصلت بالحكمدار الذي طلب مني مراجعة القاضي المرحوم عبدالرحمن العاقب قاضي جنايات امدرمان .. وكانت الفتاة قد اتصلت من جانبها
بالاستاذ مبارك زروق المحامي الذي نصحها بمقابلتي ثم اطلاعه علي النتيجة ليتولي الامر بعد ذلك ..
ذهبت الي مولانا العاب رحمه الله وكان رجلا في نحو الستين من عمره ويتعامل معنا كابناء وفتح لنا داره ومكتبته نطلع منها غلي المراجع
النادرة ويعلمنا اصول العدالة وضرورات تطبيق روح القانون وحرفياته ..
قال لي العم عبد الرحمن العاقب بعد الاطلاع علي الاسماء المدونة بمفكرة الممرضة المتهمة ان الموقف ينذر بشر مستطير وان الفضيحة
المترتبة علي هذه القضية ستهز اركان المجتمع وتحدث ردود افعال خطرة جدا .. وأخذني بعد محادثة اجراها همسا الي مكتب الاستاذ الراحل
عمر ابوبكر النائب العام لجمهورية السودان .. وفي مكتبه جرت مناقشة قانونية سريعة فرر النائب العام علي ضوئها سحب البلاغ الموجه
ضد الممرضة لممارستها الطب بدون ترخيص وفتح بلاغ ضدها بحيازة ادوات طبية مسروقة من المستشفي ..
في طريق العودة من مكتب النائب العام اخبرت مولانا العاقب بان الاستاذ مبارك زروق لديه علم بالقضية فطلب مني ان اذهب اليه في مكتبه
وابلغه بسحب البلاغ .. واكد لي الاستاذ مبارك انه كان سيسعي من جانبه لنفس الشيء ..
اما سرقة شنطة من زميلة او جارة فانها لايمكن ان تبلغ هذا المبلغ لان الشرطة وقبل فتح البلاغ تتلمس ما يجنب كارثة لاتصيبن الذين ظلموا
وحدهم .. فبنات بنات هذه السارقة سيوصمن بما فعلت وسيتراجع عريس احداهن عن الزواج بها عندما يعلم ان جدتها حوكمت بالسرقة والشروع
في الانتحار وان الصحف نشرت خبرها ..
ماذا حدث للتماسك الاجتماعي ولنصرة الاخ ظالما او مظلوما في هذا الزمان الذي لايعرف التنازلات والعفو والعروف..
عمر علي حسن |
أو ما كتبه الضابط الرفيع فيصل عثمان الحسن ( معليش يا سعادتك ما عارف رتبتك في الشرطة )Quote: الجريمة الأولى التى يرتكبها الانسان فى حياته وكيفية التعامل معها بواسطة الاجهزة العدلية شرطة نيابة قضاء غالبا هى التى تحدد مسيرة الانسان فى المستقبل , اما بالاقلاع عن الجريمة أو الاستمرار فيها , هناك حاجز الخجل والشعور العظيم بالذنب , فان ساهمت السلطات فى ازاحة حاجز الخجل وهو واقى اجتماعى يحيد الكثيرين عن ارتكاب الجريمة , فأن الانسان من السهل عليه تكرار الجريمة ومن ثم الاعتياد عليها .
فى حالةابنتنا الصغيرة والتى أعتقد أنها ضحية لواقع اجتماعى متردى , لم تعالج السلطات حالتها بما يحيدها عن الاستمرار فى درب الجريمة , وواضح أنها انسانة جيدة لدرجة أنها آثرت ازهاق روحها على مواجهة أهلها والمجتمع , فكان لزاما على الشرطة أخذها لوكيل النيابة أو القاضى المختص لعلاج الأمر دون معرفة حتى أهلها ,مع أخذ تعهد عليها بعدم تكرار مثل هذا السلوك , وكان من الممكن أن يتم هذا العلاج أمام مدير الجامعة أو أحد الاساتذة دون حتى اللجؤ للشرطة قلبى مع هذه الصغيرة . |
وهذا هو الذي عنيته تماماً بقولي في مداخلتي الأولى
لعن الله الحاجة والفقر
كان بالإمكان حل المشكلة دون تعريض مستقبل الطالبة وسمعتها للفضيحة
رحم الله زماناً كان المسؤولون يعرفون عواقب قرارتهم
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: أيمن الطيب)
|
بديت معاكم الموضوع كخبر ، جا على بالي وأنا أدخل إنو قضية شرف والبت سوت المصيبة ورفضت أن تتعايش معها وتدفع ثمن عملتها .
اتضح إنو جيعانه ، يلا جيعانة دي ذكرتني 1993 وأنا أقتطع لأختي ( راتباً ) من راتبي عن طريق مكتب إدارتي بالخرطوم .
جيت إجازة يومين الخرطوم أشوف الأهل لقيت البنية أختي ضارباها ملاريا قربت تودره
يا بت حكايتكـ شنو ما بتاكلي ؟؟ ياخي أنا ما بقطع من لحمي وارسل ليكـ !!
قالت لي نحن خمسة البتجيها قروش بنعمل الواجب تجاه الآخرين ، قروشكـ ما بتاخد يومين
وباقي الأيام بناكل ( فول حجات ) عشان بيعطش ونملاها موية ( وكان ده حد فاصل بينها وبين الداخلية )
النجيضة :
طالما نحن لنا مرجعية ترسم لنا أِشيائنا فلا أعتقد أن قانون ( النَجر ) أفضل من قانون عمر بن الخطَاب وهو يعطل بعض الحدود لأجل عيون حاجة البني لآدم .
لا بأس من تعطيل حد ( العقاب ) لطالبة جاعت أياً كان القانون ( وضعي أم سماوي ) ولا حاجة لطالبة جاعت أن ننظر في وضعها النفسي .
العقاب أحياناً يؤدي إلى إنحراف أكثر لأن الدوافع أصلاً لم تكن إجرامية ولم ترتكز على وضع نفسي ( رمادي )
هي طالبة جاعت ولا أكثر فلمَ يعمم الأمر على الصحف والمنتديات
ألم يكون الستر والعقاب في حدود ضيقة أولى لكي لا نفقد ( إنسانة) قبل أن تكون طالبة ...؟؟؟
| |
|
|
|
|
|
|
|
|
 Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: عمران حسن صالح)
|
| Quote: طالبة جاعت ولا أكثر فلمَ يعمم الأمر على الصحف والمنتديات |
.. حتى إنت يا عمران ..؟
...
.
.
ربما هي الطالبة الوحيدة من تمكن منها الجوع بالداخلية وسرقت الشنطة ..
أما
بقية الزميلات .. فلا اعتقد إن الجوع بيعمل فيهن حاجة .. أو ننتظر قليلا ، حتى يتمكن الجوع منهن .. وبدل سرقة الشنطة تتطور إلى سرقة ما هو اهم من الشنطة ... ووقتها سنجد المبررات بغسم الجوع ايضا ..
..
يا عمران سؤال أخوي .. لو كان اختك دي سرقت شنطة في نفس الحالة دي .. كان موقفك شنو..؟ برضو بتدرج تحت بند إنو الجوع اتمكن منها ..؟
ما ياها بتستر في حالة مع اخواته .. وبرجو الفرج القريب ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
| Quote: .. حتى إنت يا عمران ..؟ |
تمبس أنا من المنادين باستمرار بتطبيق نظرية الثواب والعقاب وبسويها مع محمد ، مرات بيكون الخطأ بايخ وغير جميل ويستحق العقاب ولكني أفكر في مردود العقاب في تلكـ اللحظة وبتوصلو الرسالة إنو كان مفروض يتعاقب لكن ... الخ .
دي قضيتي هنا يا تمبس
ولا أنسى إنو حظها سي وقعت في إيد قبضت عليها وفضحت عملته وغيرها مستورين لحسن حظ فقط لا غير .
يا تمبس العقاب أحيانا يؤدي إلى إنحراف أبدي ( وبدون تحديد لمداهو )
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: عمران حسن صالح)
|
Quote: هي عاوزه تنتحر عشان تستر نفسها
انت فاضحها مالك ؟
مالك بقيت زي الداي يا معتصم يا صديقي ؟؟!! |
دي عبارة قوية ياوليد ..
معتصم ياخ أنأي بنفسك عن لفح الخبارات الزي دي .. ياخ حتي لو امتلأت الصحف بالخبر ، فديل ياها شغلتهم .. إنت خليك تقيل ولا تتصيد الخبارات من أجل الإثارة !!.
تمعن كلام وليد ده .. زولة دايرة تشنق نفسها عديل عشان السترة، تجي إنت لافح الخبر و جاري عشان تفضحها؟؟ !! ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: Munir)
|
Quote: معتصم ياخ أنأي بنفسك عن لفح الخبارات الزي دي .. ياخ حتي لو امتلأت الصحف بالخبر ، فديل ياها شغلتهم .. إنت خليك تقيل ولا تتصيد الخبارات من أجل الإثارة !!.
|
يا عمك والله نحنا برضو دي شغلتنا ..
ياخ عليك الله شفت الكلام السمح القالوه الناس الفاهمين الفوق ديل .. وشفت النقاش الجميل الذي دار في هذا البوست ,, وشفت كمية التجارب والنصائح التي طرحت ..
قوم لف ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: معتصم محمد صالح)
|
Quote:
أو ما كتبه الضابط الرفيع فيصل عثمان الحسن ( معليش يا سعادتك ما عارف رتبتك في الشرطة )
Quote: الجريمة الأولى التى يرتكبها الانسان فى حياته وكيفية التعامل معها بواسطة الاجهزة العدلية شرطة نيابة قضاء غالبا هى التى تحدد مسيرة الانسان فى المستقبل , اما بالاقلاع عن الجريمة أو الاستمرار فيها , هناك حاجز الخجل والشعور العظيم بالذنب , فان ساهمت السلطات فى ازاحة حاجز الخجل وهو واقى اجتماعى يحيد الكثيرين عن ارتكاب الجريمة , فأن الانسان من السهل عليه تكرار الجريمة ومن ثم الاعتياد عليها .
فى حالةابنتنا الصغيرة والتى أعتقد أنها ضحية لواقع اجتماعى متردى , لم تعالج السلطات حالتها بما يحيدها عن الاستمرار فى درب الجريمة , وواضح أنها انسانة جيدة لدرجة أنها آثرت ازهاق روحها على مواجهة أهلها والمجتمع , فكان لزاما على الشرطة أخذها لوكيل النيابة أو القاضى المختص لعلاج الأمر دون معرفة حتى أهلها ,مع أخذ تعهد عليها بعدم تكرار مثل هذا السلوك , وكان من الممكن أن يتم هذا العلاج أمام مدير الجامعة أو أحد الاساتذة دون حتى اللجؤ للشرطة قلبى مع هذه الصغيرة .
وهذا هو الذي عنيته تماماً بقولي في مداخلتي الأولى
لعن الله الحاجة والفقر
كان بالإمكان حل المشكلة دون تعريض مستقبل الطالبة وسمعتها للفضيحة
رحم الله زماناً كان المسؤولون يعرفون عواقب قرارتهم |
صديقى العزيز الباشمهندس عاطف عمر , تحياتى وأكيد محبتى .
تم طردى من الخدمة وأنا ضابط برتبة النقيب , تعرف يا صديقى من حسن حظنا
عندما عملنا فى الشرطة كان قادتنا ومن تتلمذنا على أياديهم هم من خيرة
الضباط الذين أنجبتهم الشرطة السودانية فى كل تاريخها, كانوا يتخيرون
الوسطية دون الاخلال بمهنيةالشرطة ويتجنبون العسف حتى لا تكون الشرطة مصدر
تعاسة للمجتمع , ويتعاملون مع المتهم بكل ما من شأنه ان يعينه على ان يصبح
انسان جيد قادر على العودة لرشده , الشرطة يا صديقى تستند على ارث مهنى ضخم
وهو حصيلة تجارب وخبرات تراكمت وأفرزت منهج متفق عليه فى التعامل مع كل حالة
على حدها دون الاخلال بالقانون وروحه ومقاصده والتى قطعا ليس من بينها التشفى
والانتقام بقدرما القصد تأمين المجتمع وحمايته والاصلاح الذى هو الهدف الحقيقى
والمرتجى من العقوبة , فى حالة الابنة الضحية وطالما تنصلت الجامعة عن القيام
بدورها التربوى كان من الممكن أخذها على عجل بعد فتح البلاغ لوكيل النيابة
أوالقاضى دون ايداعها الحراسة , حيث أنها كانت منهارة وفى وضع سئ , بالمناسة
الانسان الذى يرتكب جريمته الأولى يكون بائن تماما وهناك فرق بينه وبين المعتاد , وحالة
الانهيار التى تعتريه تؤكد ذلك , وكان من الممكن ان تعقد لها محكمة ايجازية مغلقة
فى ظرف ساعة على الاكثر وتحكم بأخف عقوبة تستوجبها الجريمة ويطلق سرحها دون معرفة
اهلها كما أسلفت فى المداخلة السابقة .
الاخ العزيز معتصم , آسف لاقتحامى البوست دون القاء التحية , وهذه جلافة تستوجب الاعتذار.
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: عمران حسن صالح)
|
يا عمران .. والله كنت ما عايز ارجع البوست دا واكتفي فقط بي متابعة الردود التي استغرب على البعض فيها .. والتي ترتكز معظمها إلى الآن في زاوية واحدة .. وهي محاولة ايجاد المبررات الكافية ، ومعظم الحكم فيها تم من ناحية عاطفية جدا ولا اعتقد انها تربوية .. وفي النهاية لا تخدم مصلحة هذه الطالبة الجامعية ..
كما أرى البعض يحاول بجدية شديدة وضعي في مكان الشديد القوي المطالب بتطبيق الحدود ..
والمضحك أن معظم المداخلات من بعض من تفوح منهم ريحة العلمانية أو اصحاب المجتمعات الفاضلة بنيت على على فرضية تسير في خط واحد متجاهلين تماما الطرف الآخر .. حيث ان نفس الفرضية يمكن أن تنطبق على الطالبة الآخرى .. ويمكن أن تكون في اشد الحوجة للشنطة .. ويمكن أن تكون هذه التجربة غير الأولى .. سوا أن كانت من نفس الشخصية أو غيرها من الشخصيات .. ويمكن أن تكون هناك عدة تفاصيل غائبة عن الجميع .. وهذه الصحيفة من ضمن ما تاتي بالاخبار المبتورة .. ويمكن ان يكون بالشنطة المسروقة ما هو اقيم من الشنطة ليس ماديا فقط .. | Quote: تمبس أنا من المنادين باستمرار بتطبيق نظرية الثواب والعقاب وبسويها مع محمد ، مرات بيكون الخطأ بايخ وغير جميل ويستحق العقاب ولكني أفكر في مردود العقاب في تلكـ اللحظة وبتوصلو الرسالة إنو كان مفروض يتعاقب لكن ... الخ . |
.. تعلم جيدا إني والدي خدم بالجهاز الشرطي من قبل ميلادي كما خدم بالجيش السوداني .. وخدم في مناطق حساسة جدا من كونه معلم لتلاميذ الشرطة .. حتى أن يتم تخرجهم إلى الجامعات ومرحلة ما بعد الجامعات .. استطيع أن اجزم تماما أنه ما حصل شفتو يدو اتمدت لي أي من اخواني الاكبر مني سنا .. غلا مرة واحدة بعد خطأ كبير جدا عاقب فيه أخواني مع أولاد الجيران دفعة واحدة ... وشخصيا تمت معاقبتي مرة واحدة بعد خطأ فادح جدا في المرحلة الابتدائية واذكره تماما ولا اعتقد أنني في حاجة إلى أن أرى حتى من يكرره أمامي .. ولا علاقة له بالاخلاق .. لكن في نفس الوقت كانت جرعاته التوعوية من فترة طويلة تعطينا الثقة بالنفس أولا .. وتباعد بيننا وبين أن نمد يدنا إلى ما هو ليس لنا تحت أي ظرف كان .. لاعتباره أنها المنطقة الفاصلة بين أن تكون شخص مفيد للمجتمع .. وبين شخص عالة على المجتمع .. وتساهم في الجريمة ولو اختلفت اشكالها .. واحجامها وطريقة النصوص القانونية فيها .. الثابت في الأمر أنه حال وصول متهم ما إلى الدور الشرطية .. تتم معاملته وفق النص المتوافق مع الحالة .. حيث لا مكان يا عمران إلى ما بعد ... إلخ التي نراعي فيها محيط الأسرة وما شابه.. هناك شاكي ومشتكى عليه .. وتمسك أحدهم بحقه لاعتبارات محددة تتعلق به هو فقط .. ولا حتى الاجهزة الشرطية أو العدلية لها حق التدخل في ذلك .. من هنا يستطع أن يجزم أن الشرطة هي التي اصرت أن تذهب وتأخذ بهذه الطالبة وتعمل فيها القانون ..؟ ومن يستطيع أن يثبت أن لم يتم تدخل بعض الاجاويد لمعالجة هذه الحادثة قبل أن تصل إلى هذا المستوى ..؟
| Quote: تلكـ اللحظة وبتوصلو الرسالة إنو كان مفروض يتعاقب لكن |
...| Quote: يا تمبس العقاب أحيانا يؤدي إلى إنحراف أبدي ( وبدون تحديد لمداهو ) |
... وإذا لم تصل الرسالة ألا تعتقد أنك جنيت على مستقبل الإبن ..؟ ولو تكررت نفس الفعله خارج المنزل في سبيل التجربة والمقارنة وقتها .. ماذا أنت فاعل ..؟ وماذا لو قام بتجربتها من خلفك .. في المدرسة في الداخلية .. من سبيل التجربة برضو .. تعتقد إنو الزامي عليهم توصيل نفس الرسالة وفق منظورك الشخصي ..؟؟
للعقاب طرق مختلفة يا عمران .. ما كل العقاب بيأدي لي الإنحراف .. وما شرطا العقاب دا يكون جلد أو سجن .. لكن إذا كان ما هو يستوجب ذلك .. فليكن مع مراعاة التباين في ذلك .. والبمنع شنو؟؟
الواحد لما يعمل حاجة في الشارع .. بتاع الدكان الجاركم ممكن ياكلك علقة .. سيد اللبن ممكن ياكلك علقة .. وعااادي جدا امك تقطع فيك مية برطوش .. يا تدق بي قعر المقشاشة من جارتك لمن روحك تطلع .. وتاكله عادي .. لكن فرق في انك تاخد نفس الحاجات دي من ابوك .. بتفرق كتير ..
| |
|
|
|
|
|
|
|
|
|
Re: جامعية تحاول الانتحار بشنق نفسها داخل حراسة القسم الشمالي خوفا من الفضيحة (Re: tmbis)
|
معليش يا جماعـه ,, بس نقطـه نظـام ,,
ما عايزه افتي في حاجه ما بعرفها ,,
لكن بالنسبه لمساله محاولـه الانتحار وهي ما تعر في الطب النفسي (susidal attemp
عملت لفتره كطبيبه طوارىء بمستشفى الشرطه وكانت تحول لنا الحالات المشابهه مرفقه
بـ (اورنيق تمانيه) والذي يحفظ لاهل المريض حقهم في عده نواحـي :
اولا: يدخل المريض الى الاقامه القصيره ويتم عمل فخوصات كامله له (سواء كانت المحاوله
بالشنق او شرب الصبغه او قطع الشرايين وغيره) ولكل حاله تدخل طبي مختلف له بروتوكول معروف ,,
ثانيا : تطلب الاستشاره النفسيه من قسم العلاج النفسي متنثله في الطبيب المناوب لقسم الصحه النفسيه +
اخصائي اجتماعـي ,,
ثـالثا : يكون المريض في مراقبه لصيقه حفاظا على سلامته البدنيه (محاوله تكرار فعل الانتحار)
ولتقييم حالته النفسيه ايضــا ,,
رابعـا : في حاله وفاه المريض (لا سمح الله) يتم تحويل الجثه بعد ملء اورنيق 8 باسباب الوفاه مفصله
الى المشرحه لعمل تقرير نهائي وتسليم ذويه امر الدفن ,,
خامسا : في حاله التعافي التام , يخلى سبيل الميض من المستشفى وتتم متابعته بواسطـه قسم الصحه النفسيه
بالتعاون مع مركز الشرطـه ,, وغالبا ما يحتاج المريض الى دخول المصحه لعده ايام للمزيد من التقييم ,,
سادسـا : البلاغ مهم جدا جدا في هذه الحالات لانه باستخراج اورنيق 8 وتقييد الحادثه على انها محاوله انتحار
تستبعد تهمه محاوله القتل او القتل العمد (خاصه في حاله الوفاه) عن ذويه والمحيطين به
وهو بذلك يحفظ حق المريض وحق اهلـه ,, ويحفظ له حقه في جلسات العلاج النفسي ,,
عذرا للاطاله ولكن لزم الشرح الوافي ,,
---------
تحياتي يا نيستا
| |
|
|
|
|
|
|
|
معتصم محمد صالح
بشير حسـن بشـير
وليد محمد المبارك
jini
مريم بنت الحسين
Dania Elmaki
الشفيع وراق عبد الرحمن
AnwarKing
Al-Shaygi
tmbis
محمد المعتز جعفر
عاطف عمر
Tragie Mustafa
عفاف الصادق بابكر
Samer Osman
Yousif A Abusinina
إدريس البدري
محمد حيدر المشرف
بشير جبريل علي
Hussein Mallasi
علي الكرار هاشم
humida
كمال عباس
سمير شيخ ادريس
rummana
الفاتح سليمان
ABUHUSSEIN
أيمن الطيب
عمران حسن صالح
Munir
داليا الكباشى
فيس بوك
تويتر
انستقرام
يوتيوب
بنتيريست