|
|
|
 Re: إلى abubakr salih وأمين محمد سليمان وكل جماعة ضحى الغد (Re: خالد عنان عمر)
|
سلام يا خالد
أولن : علاقتي بالسياسيه و بالحركه الشعبيه و بياسر عرمان ، زي علاقتي بيك كده : مافي خالص !! و لو عندي صوت ما كنت بديهو لياسر عرمان .
سانيا : إنت قبل أسبوع من انضمامك للمؤتمر الوطني كنت بتقول فيهو ما لو لقت الخمر فرصه لقالته في مالك !! و جيت إنضميت ليهم و عملت لي نفسيات !! هل ياسر عرمان إنضم للمؤتمر الوطني ؟! ياسر عرمان بينفذ في أجندة و خيارات جمعاتو السياسيه والحركه الشعبيه عندها أولويات أهم من الشمال و الديمقراطيه في الشمال .
تالتن : أنا ما اعترضت علي انضمامك للمؤتمر الوطني ، أنا اعترضت علي حيثيات انضمامك ، وده كلامي ليك :
Quote: سلام يا خالد
من حقك الإنضمام لأي حزب و من حق الناس نقدك ، دي ما القضيه .
القضيه كيف إنك تنضم لحزب قلت عنو و فيهو ما لم يقله مالك في الخمر ، و تجي هسي تقول (انا لا زلت مقتنع بكل كلمة كتبتها) و أنت وصفتهم بالقتله و أبناء السفاح و .....قبل شهر واحد لا غير ؟ |
رابعن : المقارنه في الموقف بينك و بين ياسر عرمان غير موجوده أصلا .
خامثا : لو كنت مكانك - والله - ما بفتح البوست ده .
ثادثا : خليتها اكراما لدكتور الوليد لانو عرفت انك صاحبو .
| |
  
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: أمين محمد سليمان)
|
| Quote: أولن : علاقتي بالسياسيه و بالحركه الشعبيه و بياسر عرمان ، زي علاقتي بيك كده : مافي خالص ! |
واضح انك ليك علاقة قوية بالسياسة وكلامك التحت دا كلو بياكد كلامى == ولو ما عندك علاقة بي عرمان والحركة طيب الواجعك شنو والرايح لك عندى شنو يا اللخو ؟؟
| Quote: إنت قبل أسبوع من انضمامك للمؤتمر الوطني كنت بتقول فيهو ما لو لقت الخمر فرصه لقالته في مالك !! و جيت إنضميت ليهم و عملت لي نفسيات !! هل ياسر عرمان إنضم للمؤتمر الوطني ؟ |
ما ياسر برضو كان قبل يوم بقول نفس الكلام وبكرة انسحب لصالح المؤتمر الوطنى ولا بتفتكر انو ياسر انسحب لى صالحك انت ؟؟
| Quote: أنا ما اعترضت علي انضمامك للمؤتمر الوطني ، أنا اعترضت علي حيثيات انضمامك |
هل اعترضت مثلا على حيثيات انسحاب عرمان المريب -- لم اراك فعلت !
| Quote: رابعن : المقارنه في الموقف بينك و بين ياسر عرمان غير موجوده أصلا |
هذه صدقت فيها لان موقفى لا يقارن ابدا بموقف عرمان الضعيف والمهزوز والمريب والغامض ومع ذلك لم تشر انت الى اى من ذلك !
| Quote: خامثا : لو كنت مكانك - والله - ما بفتح البوست ده |
انت دايرنى افتح شنو يعنى كشك مثلا ؟
| Quote: ثادثا : خليتها اكراما لدكتور الوليد لانو عرفت انك صاحبو |
شكرا على دى
| |
|
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: خالد عنان عمر)
|
سلامات يا ابا الخلد، لك التحية.
اسمح لى بان ان ادرج بعض الاراء التى كتبتها حول فى موضوع سحب عرمان و تداعياته فى بوستات اخرى فى نقاشات مع اصدقاء اخرين. الكتابة عبارة عن تحليل ربما نتفق عليه او نختلف على نقاط فيه. مشروع السودان الجديد يا خالد هو أمل فقراء السودان فى الجنوب و الشمال و كل السودان، اليك بالتحليل و نتناقش حوله.
لماذا تأييد ترشيح عرمان؟:
| Quote: الموقف من ترشيح عرمان، و انا كنت من ضمن مناصريه لم يكن موقف عاطفى سببه غياب الكنترول على الغدد العاطفية. يا مان دا موقف قمة فى الموضوعية و التأسيس زاتو و فهمه يتم من خلال تأمل و تتبّع خيوط الطحان الطبقى و فرز المواقع الاجتماعية للقوى المصطرعة فى السودان. ترشيح عرمان و مشروعه السياسى هو فى الواقع المشروع المعبّر و الحامل لاحلام الفقراء و المسحوقين فى السودان، اذا كان فى الهامش او غيره، و الموقف الوحدوى هو التعبير السياسى عن هذه المصالح، لانه الساعى الى دكْها و توزيعها من جديد، اعنى الثروة او على الاقل من الان و صاعداً توجيهها لصالح كل الناس بدلا عن فئة قليلة ظلت تحتكرها |
من هو صاحب المصلحة و الساعى للانفصال؟:
Quote: هنالك موقف الحاكمين، المحتكرين للسطلة و الثروة فى السودان، الحريصين و المستفيدين الحقيقين من اٍستمرارية ذات الاوضاع، هؤلاء اهل الموقف الانفصالى الساعى للتخلص من الجنوب بحركتة الشعبية، جيشه الشعبى، فقراءه و حلفائه من دول البغى و الاستكبار. الناس ديل كوّنوا ثروات (أعنى الكيزان) خلال السنين الماضية و من لم يكوّن ثروة مباشرة فهو فى موقع و منصب قيادى مرموق فى الدولة يوفر مستوى معيشة مريح جداً. فى حلتنا و غيرها يدفع حتى عمال الكارو ضرائب للمحليات حتى يحافظ الحكام المتأسلمين على نعمة التايوتا صالون ذات الدفع الرباعي (ما عارف سر اٍختيار هذه العربة غالية الثمن، الشئ دى من السنة ولا حاجة، يكون الرسول كان سايق واحدة زمان).
موقف الحاكمين هذه لديه تشابك مصالح و مفاسد مع التيار الانفصالى داخل الحركة الشعبية. ما نراه الان هو فى الحقيقة اٍنتصار حلف المصالح بين تيار الحاكمين و نظيره داخل الحركة الشعبية. لكن لكى نعدل، يجب ان نضيف لتشابك المصالح و المفاسد هنالك عامل اخر مؤثّر هو الزهد ايضا من اٍنصلاح الحال، لانه لم يبرز فى الافق السياسى فى المركز ما يشير الى نهوض تكتّل سياسى-اٍجتماعي مناهض لمشروع عصبة الكيزان السارقين، لذلك لم يجدوا بد من التحالف او التنسيق مع الغاصب المسيطر من أجل الخلاص، ولا جناح عليهم. |
| |
|
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: أمين محمد سليمان)
|
| Quote: يا بكري عليك الله ، كلم خالد ده إنو أنا ما عندي شغله بعرمان و لا بالحركه الشعبيه و لا بالسياسيه أصلا ، و إنو النفسيات العندي دي جات من تصرفاتو و قلبتو العجيبه دي !! و إنو ما يحشرني معاك في كلامكم الدقاقه بتاع السياسه ده !! أنا زول بسيط و قليل ثقافه كان فكري فطرني ما بغديني !!! |
الله الله، غياتو فى، يوم بتكتلو ليكم زول بالضحك فى البورد ده!. الله يخليك يا امين، متذكر البوست اٍياه.
لكن مافى مشكلة بشوف ليك الموضوع مع صديقنا خالد عنان، و لو عندك مشكلة فى الاراضى و الخطة الاسكانية
و كده برضو ممكن نشوفها ليك، اخونا خالد ما شاء الله بقا راجل واصل و بخدمنا فيك، و بقدر ظروفك و قل الثقافة حقك ده
-----------
يا حمور زيادة، ياخ عاجبك الحال ده، خالك المعاك فى البورد يٌصنّف ضمن قليلى الفهم و الثقافة مع ناس عبد الوهاب الحاج
و حيد الزين سوا سوا و انتا تخزّن فى الثقافة فى الرأس و الكراس بالكيمان؟ قال الرسول الكريم خيركم خيركم لاهله.
و الخال شريك الوالد ياخى كما تقول أمى.
| |
|
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: abubakr salih)
|
Quote: يا حمور زيادة، ياخ عاجبك الحال ده، خالك المعاك فى البورد يٌصنّف ضمن قليلى الفهم و الثقافة مع ناس عبد الوهاب الحاج
و حيد الزين سوا سوا و انتا تخزّن فى الثقافة فى الرأس و الكراس بالكيمان؟ قال الرسول الكريم خيركم خيركم لاهله.
و الخال شريك الوالد ياخى كما تقول أمى. |
يا بكري حمور ده ولد عاق ، ولادة ندم بعيد عنك ، أنا و رفعت يدي و إتبريت منو زمان !!
كدي حمور خليه :
عنان حبيبنا ده قصتو شنو ؟!!
زول كان بسب في الانقاذ سبا يحير ، بعد أسبوع قال بقي معاهم و جا قال (انا لا زلت مقتنع بكل كلمة كتبتها) سبب لي أذي نفسي جسيم و بدل ما يجي يعتذر لي ولا يدفع لي حق العلاج - ياخي انشالله جزو - جا فتح بوست و بكاويني بانسحاب ياسر عرمان الكان رئيسو لحدي قبل شهرين !
عنان ياخي أنا صحتي النفسيه ما بتستحمل بلك ده ، بل بكري ده : بكري ده شيوعي منذ الأف السنين و من الناس الشاركت في الثوره البلشفيه بنفسها و مالها ، مناضل من طراز فريد و مثقف بيكتب في سودان فورول و عندو صفحه في الحوار المتمدن و بيدخن كدوس و صورو كلها بالجنبه ممحن و شايل قلم ! بلو عليك الله و كان غلبك قول لي عووووك ممكن أساعدك لكن ما بضمن النتيجه !!
| |
|
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: HAIDER ALZAIN)
|
| Quote: عنان ياخي أنا صحتي النفسيه ما بتستحمل بلك ده ، بل بكري ده : بكري ده شيوعي منذ الأف السنين و من الناس الشاركت في الثوره البلشفيه بنفسها و مالها ، مناضل من طراز فريد و مثقف بيكتب في سودان فورول و عندو صفحه في الحوار المتمدن و بيدخن كدوس و صورو كلها بالجنبه ممحن و شايل قلم ! بلو عليك الله و كان غلبك قول لي عووووك ممكن أساعدك لكن ما بضمن النتيجه !! |
يا امين ياخى انا و الله ولد شاب، لازالت فى بدايات شبابى
فبالله ما تنشر عنى الدعاية المغلوطة تبعد عننا الحلوين ساكت و تكف رزقنا.
اين خالد عنان يا جماعة؟
| |
|
|
|
|
|
|
|
|
|
Re: إلى abubakr salih وأمين محمد سليمان وكل جماعة ضحى الغد (Re: abubakr salih)
|
Quote: يا امين ياخى انا و الله ولد شاب، لازالت فى بدايات شبابى
فبالله ما تنشر عنى الدعاية المغلوطة تبعد عننا الحلوين ساكت و تكف رزقنا.
|
ما ياهو ده عنان حبيبنا عامل لي دعايه مغلوطه و مطلعني سياسي و مؤيد لياسر عرمان كمان !
المنبر ده أصلا معمول للدعايات المغلوطه ، فهلا جلست في بيت أمك و ابيك لو ما داير دعايه مغلوطه ؟!!
--------
بالله يا عنان بل لي بكري ده بلا رحمه !!
| |
|
|
|
|
|
|
| |
خالد عنان عمر
عبدالكريم الامين احمد
أمين محمد سليمان
ibrahim alnimma
فايزودالقاضي
abubakr salih
HAIDER ALZAIN
فيس بوك
تويتر
انستقرام
يوتيوب
بنتيريست