|
كنوز محبة ....
|
التجانى حاج موسى عندو مرات شعر بجينى احساس انو سارقو ... وكنوز محبة تستحق ان تصنف من ضمن افضل عشرة اغانى سودانية بدون منازع ...
|
|
|
|
|
|
|
|
Re: كنوز محبة .... (Re: khaleel)
|
لما تشتاق لي المشاعر
تملي دنياك بي عبيرا
لما تشتاق لي العواطف
تنسجم تلبس حريرا
و أبقي أسأل عن قلوبنا
تلقي فيها كنوز محبة
تلقي فيها بحور حنانا
و تلقي فيها الشوق يغرد
و تلقي فيها الريدة فارد
جناحها تشتاق للربيع
و يا ربيع آهـ يا ربيع
لما تقسو عليك ليالي
الوحدة و الليل يبقي ليل
و النجوم تلمع بعيد
تسخر من السهران وحيد
برضو أسأل عن قلوبنا
تلقي فيها كنوز محبة
تلقي فيها بحور حنان
و تلقي فيها الشوق يغرد
تلقي فيها الريدة فاردة
ناحها تشتاق لي الربيع
إنت ما برضك حبيبنا
والحنان الفي قلوبنا
أصلوا ما نابع من عيونا
والمحبة فيها لو ما إنت
ما كانت محبة
كل أشواقنا ومشاعرنا
وأحساسينا النبيلة
إنت ما أهديتا لينا
| |
|
|
|
|
|
|
Re: كنوز محبة .... (Re: محمد عبدالرحمن)
|
خليل ...
الاغنية من كلمات التجانى حاج موسى ...والاستاذ عادل التجانى يمكن ان يحسم الامر .. يازول انت قائل الغناء دا انا سمعتو بعد جيت الخرطوم ...زى جماعه
كدا
| |
|
|
|
|
|
|
Re: كنوز محبة .... (Re: khaleel)
|
فكرت احسب شعر التجانى المامفروض يكون شعرو ..
اتذكرت ...
واحشنى .. تباريح الهوى قصر الشوق و والله ايام يازمان ..مابقول العشنا كان ... وابكى واتحسر عليه ..
وجاى تفتش الماضى وبعد مافات الاوان .. وحلو العيون ... وياجمال النيل والخرطوم باليل ... وحبايبنا قرايبنا تخاصمون خصامكم لما زاد طول ولمن انتو فى الاول جرحتوناااا ...
معقول كل الشعر دا مابشبه شعرو ؟ ..(باقى لى) الزول دا انا زعلان منو ساكت ....والتجانى شاعر مجيد ..لكن يبدو ان المسالة فيها المزاج الشخصى ...
عموما مامن حقى ...
| |
|
|
|
|
|
|
Re: كنوز محبة .... (Re: محمد عبدالرحمن)
|
ياسلاام كمان على مبارك بشير .. شاعر يانسمة التى غناها الفنان الكبير محمد وردى واعتقد ان النص لم يجد حظه من الانتشار ...زول (شعاار ) مافى كلام .. ولكن حتى الآن لم نتاكد من احقيته بكنوز محبة والتى ارجح انها للتجانى ....
حظك جميل دائما تسافرى بلا تصاريح للسفر وتعودى عبر المستحيل نديانة زى صدف البحر
يا نسمة لا تتاخرى عذبنى طول الانتظار قبال تجى رشى المحنة بكل دار كل البيسال طمنى
وانا فى البعيد مشتاق لهمسة من الوطن يا نسمة
ارتاحى فوق الامسيات تلقى الحبايب لسة فى اريتنى لما الليل يضيع فى مجلس الدافى الوفى سارح اغنى الذكريات
يا نسمة يا جاية من الوطن بتقولى لى ايام زمان ما برجعن باكر برجعنى الشجن واتهنى بيك طول الزمن يا نسمة
| |
|
|
|
|
|
|
Re: كنوز محبة .... (Re: محمد عبدالرحمن)
|
Quote: الاغنية من كلمات التجانى حاج موسى ...والاستاذ عادل التجانى يمكن ان يحسم الامر .. يازول انت قائل الغناء دا انا سمعتو بعد جيت الخرطوم ...زى جماعه
كدا |
يا محمد والله العظيم
كنوز محبة ليس لها علاقة بالتجاني حاج موسي
| |
|
|
|
|
|
|
Re: كنوز محبة .... (Re: نيازي مصطفى)
|
يا محمد .. يا محمد ما ناقصين نحنا .. ما تخرمج لينا شوية اليقينات الفاضلة دي إنت كمان .. أكتب الكلمات دي كويس الله يخليك ياخ .. كنوز محبة دي ماااااا شيتن هين .. واحدة من الأدوية ياخي هذه الفلتة .
و التيجاني حاج موسى ما بريدو .. كده بس .. و ما ظنيتو هو الكتب التحفة دي .
........ شهيتني ياخي و إنت بتتشهى أربجي و هواها و نيلها و ناسها و لياليها .. شهيتني شنو ما عارف .. لكن مسكني حنين حنين كده و حزن . الله يهديك يا أيها الولد الجميل .
| |
|
|
|
|
|
|
Re: كنوز محبة .... (Re: Emad Abdulla)
|
ياعماد ..ياخوى ..
لم يبقى لنا الا الغناء والشعر الجميل والامسيات التى احسب ان طعمها لم يتغير ...وللاحباب (ختمة راتب) وماتيسر من القرآن ..حتى يخرج لنا من بين الاقوام (فرج) يهىء لنا من امرنا رشدا ...هذه مايخص هذه الخرمجات ..اما فيما يخص الشاعر ابن الحاج موسى ...فهو شاعر يهذب المفردة ويعطيها بعد جمالى يصعب على امثالى من العوام ...واذا مادار محور سؤالك عن اربجى فقد شهدتها قبل اشهر قليلة مازالت بفتنتها كفتاة فى العشرين ...تفرد ضفائرها للنيل صباح مساء ...مغرورة هذه البلدة ومفتونة بجمالها ...وتعرف ان الجميع لودها طالب ... كان التجانى عناها حين كتب :
والجانى منك ومن تباريح الهوى ... وصفو بصعب ياجميل .. وبعدت عنك ولما طال بى النوى بقى لى اسيبك مستحيل مستحيل ....
حتى يصل ل :
وتبقى سيرتك هى الكلام ...وهى الرؤى الحلوه البعيشا البعيشا فى صحوتى او حتى فى عز المنام ...
او كما قال ...
***
عماد ..فى امل ؟
| |
|
|
|
|
|
|
Re: كنوز محبة .... (Re: saif massad ali)
|
حباب سيف ودمساعد ..
حبابك والله ..وشكرا على الصور ...مع انك قمت بخاطرنا .. ورفضت ان تكرمنا بحضورك ...الشعر ماملطوش ياودمساعد... مطلوش (المطلوش) ...اها خبركم شنو . ؟ ...وصلتو وين مع الثعالب ديل ؟
| |
|
|
|
|
|
|
Re: كنوز محبة .... (Re: khaleel)
|
هلا والله.. كنوز محبة وزيدان وخلي والعريس الاربجاوي ثم عوج الدرب وعماد عبدالله.. يعلم الله دي دهشة وخميسية مباركة.. يا محمد انا من راي ابو خليل اعتقد بان كنوز محبة ماهيل تجاني حاج موسي.. والله اعلم.. ويا عوج الدرب الصور ماشاء الله طلعت زينة وكييييييية للمابينا لووووووول
| |
|
|
|
|
|
|
Re: كنوز محبة .... (Re: عبدالكريم الامين احمد)
|
حباب كيكى ...
لكن بالله شفتا (الجدعه ) بالعلى الله عامله كيف ..؟ لكن تانى الرجعه قاسية ..ودهاشم دى لو فى (كرتله) ماتقدها ..
بخصوص الاغنية ماعندى مانع انها تكون مابتاعت التجانى حاج موسى ..اطلاقا طبعا ..مابكابر ..لو جبتو ليها شاعر تانى ومثبت بالبراهين والادلة ..حبابو والله ..النص (شحمان) جدا ياكيكى ..
| |
|
|
|
|
|
|
|
Re: كنوز محبة .... (Re: محمد عبدالرحمن)
|
ياحبيب الراتب مع السبعة المنجيات بعد صلاة العصر تفيد فى مثل هذه الحالات .. هذا طبعا لغير القادرين على الاحتمال ....
بعيدا عن الجوطة الحاصلة دي بارك الله فيك نصيحتك وقعت لي في جرح والله
مدد يالانصاري ..كدي انسمع هاشم نوريت يجي يقول حاجة :)
| |
|
|
|
|
|
|
Re: كنوز محبة .... (Re: بدر الدين الأمير)
|
يابدرالدين ...
نحن السياسه زى ماقال ابوك ماقنعانين منها .. لكن نسوى شنو مع (روحان الدرب ) دا ..بس ماتخاف بنغنى وبنرجع تانى نتكلم فى السياسة.. بس فى الزمن المناسب ...عندما تنقشع السحب ....
| |
|
|
|
|
|
|
Re: كنوز محبة .... (Re: محمد عبدالرحمن)
|
كنوز محبة فعلاً كنز فني نادر..
حقيقي الاغنية دي واغنية ياما بقيت حيران..فيهم شجن يجل على الوصف
ما عارف كل ما اسمع مصطلح (الزمن الجميل)) طوالي بتذكر زيدان..
شكراً يا محمد عبدالرحمن...
| |
|
|
|
|
|
|