|
كتب الكاتب الفاتح جبرا المتوفرة بمعرض الدوحة
|
|
 Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
ثانيا .. الانتخابات دى واضح لاى تلميذ ابتدائي انها معبر لقضايا مصيريه فى السودان .. وهى تمثل وبعدها
الاستفتاء زروة سنام العمليه السياسيه الوحيده والممكنه فى السودان ( نيفاشا ) .. وده نتيجه لهزالكم
وهوانكم امام الشمو ليه .. وقلنا كويس ..
ناس الحركه قلعوا ليكم حقكم .. وجابتو فى طبق من ( فضه ) .. تقوموا تحتجوا تقولوا لا مفروض يكون من ذهب
هى الحركه دى الجابره عليكم شنو ..؟ تقعدوا تدلعوا ليها ... المؤتمر الوطنى زور لا نحنا حنقاطع
طيب يا ساده .. أهو انتو قاطعتوا .. انشاء الله ارتحتوا
طلعتوا زيتنا
| |
  
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
قبل اقل من ساعه كتبت موجها الكلام ل ابو ساندرا
الاحتمالات مفتوحه لمختلف السيناريوهات يا عبدالرحمن .. اهم ما فى الموضوع عدم رهن الوضع الوطنى لحكمة
المؤتمر الوطنى المافيشه .. بمعنى انهم وبرعونتهم الفائقه قد يمضوا الى الانتخابات رغم مقاطعة الاحزاب
مما يدخلنا فى نفق اشد إظلاما وذو اتجاه واحد .. وقطعا بذا السيناريو نكون قد تجاوزنا آخر أوهام الوحده ..
ونحو تيه جديد وفى البال الانفصال المؤلم لا الجاذب ..
اعلاه يجب ان يكون مفهوما للجميع .. مآلات المقاطعه يجب أن تؤخذ بالجديه المطلوبه والاستعداد التام ..
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
سلام يا محمد حيدر
ما عارف اقول ليك استعجلتا في القراية شوية
صحيح ان الانتخابات احدى استحقاقات
اتفاقية السلام الشامل
لكن من هو الاب الروحي لهذه الاتفاقية ؟
هو الراحل جون قرنق .....
وكانت رغبته خوض الانتخابات
كامتداد لفكرة السودان الجديد
سلفاكير رجل عسكري و ليس رجل سياسة
قنع من الغنيمة بالانفصال
لا اظن ان دعاوي المقاطعة للتزوير و عدم النزاهة
هي سبب سحب الحركة لترشيح ياسر عرمان
هي مجرد حسابات سياسية مبنية على الاهداف
الاستراتيجية للحركة حالياً
لان الشئ المنطقي انه :
حتى لو خاض ياسر عرمان الانتخابات
فلن يفوز مع التزوير الذي طبخ النتيجة سلفاً
(صورة بروفايلك كفاية)
تحياتي
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: كمال عباس)
|
سلام يا مشرف
قراءتك محترمة ولكن الرسالة العكسية التي يجب
أن يفهمها المؤتمر الوطني ومطبلاتيته هي أن هذا القرار المسبب هو اعلان انفصال مبكر..
وعلى المؤتمر الوطني أن يتحمل مسئوليته التاريخيةويفهم هذا ويجنب البلاد الشر المحدق بها والنفصال المعلن -إن كانوا يتحلون ببعض المسئولية..
الوحيد الفرحان هو الطيب مصطفى - خال البشير - وشذاذ الآفاق من منسوبي المؤتمر الوطني.
الحل لا زال ماثلاً: اعلان شجاع بتأجيل الانتخابات وتصحيح الخلل وتنحي البشير عن الترشح للانتخابات ليحمي البلاد من الانفصل والحصار الدولي وعندها سيحميه الشعب وأعداء اليوم بطريقة ستفاجئه..
هل بالمؤتمر الوطني فاضين من الخم والفخ ليعقلوا الأمر ومن هم شبه بمشجعي الكورة..
احتراماتي
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: حاتم علي)
|
يا حاتم الكلام ما كده ..
الهدف الاستراتيجى للحركه قيام الاستفتاء فى موعده وتوفير الاجواء المناسبه للانفصال ..
الاجواء المناسبه دى لا تتحقق الا بوجود حكومه ديمقراطيه منتخبه فى الشمال تفهم كيف تتعامل
بمسؤوليه تجاه قضايا الانفصال ( شريك متفهم فى الشمال )
اذن هذا الحد الادنى المطلوب ( والاستراتيجى ) من الشريك تقديمه .. والا ما فائدة التحالف معه
.. 1+1=2 يا حاتم .. طيب سؤال المليون
انت لو قاطعتها .. حتقدم شنو للحركه !!..
..
والله الا تقدم مشروع نظري للثوره الشعبيه يمكن ان يكتبه ايا من فطاحلة سودانييزاونلاين
تحياتى يا حاتم
وكتر خيرك مواصلتى فى هذه اللحظة الموات
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
Quote: الهدف الاستراتيجى للحركه قيام الاستفتاء فى موعده وتوفير الاجواء المناسبه للانفصال ..
الاجواء المناسبه دى لا تتحقق الا بوجود حكومه ديمقراطيه منتخبه فى الشمال تفهم كيف تتعامل
بمسؤوليه تجاه قضايا الانفصال ( شريك متفهم فى الشمال )
اذن هذا الحد الادنى المطلوب ( والاستراتيجى ) من الشريك تقديمه .. والا ما فائدة التحالف معه |
يا محمد حيدر
كلامك الفوق دا الكلام النظري بتاع ال CPA
الواقع غير
الموضوع دا مزور مسبقاُ
يعني الشريك المفورض انه ينتخب ديموقراطياُ يكون متفهم لقضايا الانفصال دا
في كل الاحوال مافي ما بجي بالصندوق يا حيدر
الحكاية دي اسمها الخروج بالحد الادنى
Quote: . طيب سؤال المليون
انت لو قاطعتها .. حتقدم شنو للحركه !!.. |
على نطاقي الشخصي انا مقاطع خلقة قبل تكون اخلاق
لانو ما سجلونا ذاتو شكلنا ما حاسبننا سودانيين المهم
ليس بالضرورة ان يتم التعامل مع الحركة بحساب الترضيات
الموضوع مصالح مشتركة يا صاحب
الحركة بانسحابها هذا تثبت انها غير جادة في التعامل
مع قضايا السودان ككل
لان الانسحاب مع بقية القوى الاخرى كان سيكون افضل
المقاطعة رفض للتزوير يا محمد حيدر
واضعف الايمان في ظل انعدام البدائل الواقعية
الثورة يا حيدر لا تبدأ من الاسافير و لا تنتهي عندها
فعل الثورة يرسخه اكثر الفوز الباهت للبشير بالتزوير
وليس المشاركة المباركة للتزوير البائن
تحياتي يا محمد
و اهو نتواصل عشان ما نموت مغسة
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: Nasir Ahmed Elmustafa)
|
كمال ..
Quote: إنسحاب الحركة خطأ في الإخراج وغياب في التنسيق ولكنه يشكل رسالة مهمة
وهي إحتجاج صارخ علي خروقات المؤتمر الوطني وتجاوزته للمواثيق والدستور
وإفادة قوية تقرر بأن الانتخابات تجري في أجواء غير ديموقراطية وتفتقر
للنزاهة !.. وهي رسالة سيتلقاها المجتمع بقلق وعناية وستلقي بظلال سالبة
علي المؤتمر الوطني وتفآقم موقفه... |
الكلام الآن عن صحة ( سحب ) لا ( مقاطعة) الحركه للانتخابات الرئاسيه وخوضها باقى المستويات ..
والغريبه انك اشرت لذلك فى صدر المداخله
| Quote: إنسحاب الحركة خطأ في الإخراج وغياب في التنسيق |
ف كيف يكون احتجاج ؟..
الاحتجاج يكون بالمقاطعه لا الانسحاب .. واصدار بيان مشترك مع حلفائك
..
يا كمال انا عاوز الناس الطلعوا زيتنا بالكواريك ( مقاطعه وشرعيه والخ ) يجوا يورونا خارطة طريق سياسي نمشى فوقو
بعد خسارة حليف كالحركه الشعبيه ..
انوه الى ان الاحزاب لا الحركه ستتحمل وزر فشل التحالف الديمقراطى لاحزاب جوبا ان صح انسحاب الحركه من السباق الرئاسى
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: كمال عباس)
|
Quote: ما أتفقت معي فيه هو رأي الشخصي وما أختلفت معي فيه هو تحليل وفق
المعطيات المتاحة... |
و عليكم السلام اخي كمال عباس
انا اتفق معك في تحليلك - باعتبار النظر للجانب الممتلئ للكوب -
| Quote: و وفق الحيثيات المعلنة يشكل رسالة مهمةوهي إحتجاج صارخ علي خروقات المؤتمر الوطني وتجاوزته للمواثيق والدستوروإفادة قوية تقرر بأن الانتخابات تجري في أجواء غير ديموقراطية وتفتقر للنزاهة !.. وهي رسالة سيتلقاها المجتمع بقلق وعناية وستلقي بظلال سالبةعلي المؤتمر الوطني وتفآقم موقفه... .. |
لكن السؤال المحوري هنا :
الحركة دي شفقانة كدا مالا ؟
ما كان تصبر للصباح و تقول كلمتها مع بقية الاحزاب
بالعكس كانت ستكون الرسالة التي عنيتها انت: (وهي إحتجاج صارخ علي خروقات المؤتمر الوطني وتجاوزته للمواثيق والدستوروإفادة قوية تقرر بأن الانتخابات تجري في أجواء غير ديموقراطية وتفتقر للنزاهة !)
ستكون اقوى و اعلى صوتاً استناداً على الاجماع الموجود لقوى المعارضة الرافضة لتزوير البشير و رهطه
نأمل في سماع - تحليلك - لهذه النقطة
تحياتي
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
الأخ محمد حيدر..
أتفهم مدى إنفعالك..
فهو أمر طبيعي عندما تكون سقوف الأمل والرجاء أعلا من الواقع..
تمهل أخي..
واعد تقيمك لقيمة ومضاء حجة الشرعية التى سيكبها المؤتمر الوطني..
حال قيام الانتخابات بشروخها الظاهرة للعيان..
من الخير أن يعود المؤتمر الوطني لدست الحكم ملتحفا رداء مناصريه وحدهم..
عندها لن يكن في مقدوره كسر واسكات صوت المعارضة..
الامتناع عن المشاركة إن بني كما هو باد حتى الآن..
على إجماع القوى الساسية فهو يحرم المؤتمر الوطني من أمنية غالية..
فاليحكموا بمفردهم او بالاشتراك مع الحركة..
ليظل الحال كما علية منذ توقيع نيفاشا..
وهو حال سيؤدي قطعا وفق مساراته الظاهرة للانفصال..
عندها يتحمل المؤتمر الوطني والحركة تبعات ذلك وحدهما.
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
غياب الطرح البديل والاكتفاء بإدعاء حكمة المقاطعه والخوف الغريب من ديمقراطيه منقوصه وممتده الى حين معلوم
حتى تنعدل وستنعدل .. مقابل المقاطعه ومن ثم خسارة شريك رئيسي تتعارض مصالحه وبصوره مفهومه مع المقاطعه .. شريك انتزع
لنفسه اغلبيه برلمانيه كافيه لانتزاع حقوقه بالانفصال وتبلغ 27% من مقاعد البرلمان وذلك قبل الاقتراع .. عاوزين اكتر شنو ؟؟ عاوزين تكنسوا المؤتمر الوطنى من قولة تيت ومن ثم ترمونه فى مزابل التأريخ بوضع بطاقه انتخابيه فى صندوق !!
تعالوا ورونا ون تو ثريي حتعملوا شنو .. قدموا طرح سياسي بديل ومنطقى ومقبول وممكن .. ورونا رهان حقيقي على الاحزاب او اكفروا بيها وورونا رهان حقيقي هلى الجماهير ووكيف ووسائل النضال شنو ؟..
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
Quote: يا كمال انا عاوز الناس الطلعوا زيتنا بالكواريك ( مقاطعه وشرعيه والخ ) يجوا يورونا خارطة طريق سياسي نمشى فوقو
بعد خسارة حليف كالحركه الشعبيه ..
انوه الى ان الاحزاب لا الحركه ستتحمل وزر فشل التحالف الديمقراطى لاحزاب جوبا ان صح انسحاب الحركه من السباق الرئاسى |
هون عليك يا دكتور
بعدين صب جام غضبك على ناس قالوا مجرد رأي دا غريب و عجيب !!
في زول شال ليكم سيف هنا عشان تقاطعوا - إن فعلتوا ؟! - و بعدين فكرة المقاطعة اول ما طرحت طرحت من منو ؟
انا غايتو واحد من الناس الكوركوا و اتقعروا و سووا السبعة و ذمتا و ما خجلان ، ياخ كنت بقول في رأي ما اكتر و ما اعتديت على زول . . اذا دي جريمة ، سجل عندك : قيقراوي اكبر مجرم
غير نادم و لا أمل في توبة
سألت عن خارطة طريق
هاك الرود ماب دي :
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة
-------
و لسه الرهان على الجماهير و سيبقى ، هي صاحبة المصلحة و اليدها في النار
احزاب بلا سند جماهيري = مغايس " جوبا مالك عليا انا "
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
Quote: الفكره انك لو ما عندك بدائل موضوعيه , مفروض تخش الانتخابات
المسأله مافيها ايمان قوى او ضعيف .. ما عندك بديل واقعى .. عض على مكتسباتك بالنواجز
أو اطرح بديل واقعى .. |
محمد حيدر
في الدنيا عموماً - كان سياسة كان تجارة -
في مبدأ بسيط معمول به اسمه : (حسابات الربح و الخسارة)
سؤال مهم هنا :
إعطاء شرعية لحكم الكيزان - بالانتخابات المزورة - هل هي خسارة اكبر ام
المكتسب النظري بمجرد - المشاركة - في انتخابات مزورة هو اكبر ؟
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: حاتم علي)
|
حاتم
شرعية شنو الراجينها ناس نافع و قوش .. ياخى ديل فى اللحظه دى الدنيا ما شايلاهم من الفرحه
وبعدين دخول الحركه الانتخابات اصلا نسفت فكرة لاشرعية نتائجها .. وده حتى ولو اقتنعنا بأهمية الشرعية التى قد
نمنحها لصلاح قوش وبكري وعبدالرحيم ..
طيب .. وبتجاوز ده كلو .. واسفرت الانتخابات التى دخلتها الحركه وقاطعناها عن حكومه لاشرعيه .. ثم ماذا ؟
اتحدث عن رؤيه سياسيه واضحه لما بعد المقاطعه ..
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
Quote: طيب .. وبتجاوز ده كلو .. واسفرت الانتخابات التى دخلتها الحركه وقاطعناها عن حكومه لاشرعيه .. ثم ماذا ؟
اتحدث عن رؤيه سياسيه واضحه لما بعد المقاطعه .. |
ما درج من فهم عن المقاطعة
انها فعل سلبي وحيد (فقط)
بالعكس هي فعل ايجابي منظم للاسباب التالية :
1. كلام كمال عباس :
| Quote: وفق الحيثيات المعلنة يشكل رسالة مهمةوهي إحتجاج صارخ علي خروقات المؤتمر الوطني وتجاوزته للمواثيق والدستوروإفادة قوية تقرر بأن الانتخابات تجري في أجواء غير ديموقراطية وتفتقر للنزاهة !.. وهي رسالة سيتلقاها المجتمع بقلق وعناية وستلقي بظلال سالبةعلي المؤتمر الوطني وتفآقم موقف |
2. الحركة و الانفصال:
التعويل على مواقف الحركة باعتبارها تهمها ما يعرف بدولة السودان - ككل - بحدوده الحالية تعتبر نظرة (بريئة) و حالمة يكذبها الواقع الحالي داخل الحركة الشعبية سيطرة (سلفاكير) و تغليب الانفصال
ما تنسى انو برنامج عرمان كان : (عرمان لوحدة السودان) بالتالي كل من حلم بوحدة السودان غبر ترشيح عرمان اتخيل حالوا حايكون كيف حسة؟
شكراً للحركة لحدي هنا ما قصرت
3. واقع الشارع اللامبالي
خليك يا محمد حيدر من الاسافير و كلام الناس هنا ، اسال الناس البسطاء في الشارع سجلتوا ؟ حاتنتخبوا منو ؟
ديل المكوين بي جمرة البلد الحقيقية يا محمد حيدر و ديل مقاطعين طبيعي لانهم عارفين ان من اتى بقوة السلاح لا يذهب بصناديق الاقتراع
دا تاريخ السودان الحديث يا محمد.
القوى السياسية المتبقية من ما - كان- يسمى (تحالف جوبا) عليها اعلان (مقاطعتها الفورية) للانتخابات على كافة مستوياتها
والعمل على توعية عضويتها و جماهيرها بان الخيار الشعبي عبر العصيان المدني و الاضراب و التظاهر هو الحل
ما لاحظتها لمن الاحزاب اختارت خيار الشارع لقت كيف تجاوب مع الجماهير في ديسمبر 2009 ؟
لو تم استغلال الظروف الموضوعية حينذاك استغلالاً سليماً عبر اعلان المقاطعة و تعبئة الشارع
ما كنا هنا نتناقش النقاش دا حسة؟
المشكلة الناس كانت بتراهن على الحركة الشعبية ؟
الحركة الشعبية دي هم ام جركم ؟
حكومة و معارضة؟
دايرا انفصال و رئاسة جمهورية
ديل حسة ما سبعين خريف ذاتو ياخ
انتا يا محمد حيدر تسعل فينا ساكت كدي النسعلك برضو :
1. من اين لك الاستنتاج ان دعاوي المقاطعة هي سبب تراجع الحركة عن ترشيح عرمان مع العلم بانها مشاركة في الانتخابات التشريعية للنواب بالبرلمان و حكام الولايات ؟
2. ماهي فوائد المشاركة في الانتخابات من ناحية التحول الديموقراطي؟
3. القال ليك منو حايكون في تداول سلمي للسلطة بعد 4 سنوات من الانتخابات دي ؟
تحياتي
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: حاتم علي)
|
Quote: لا يا قيقراوى .. الموضوع ليس هينا , ما سيحدث سيكون دمويا جيدا ومفزعا لدرجه بعيده
فانظره وكن من المنتظرين يا صديق |
انا ما بتكلم عما سيأتي
لأنو نذره ما جديدة يا صحبي
و لا يستقيم اني اهون أمر زي دا
اديك معلومة شخصية ، بالاضافة لانو وطني هناك و كرمتي و المنتدى ، الانفصال دا يعني اقامة جدار في نص اسرتي القريبة جداً . . شفت كيف ؟
دا عن الانفصال . . اها عدم مقاطعة الانتخابات بطمن مخاوفي انا دا بشنو ؟ . . و شنو الشاهد ( من التاريخ القريب ) ؟
اما ما يمكن ان ترتكبه الطغمة الباغية في سبيل المحافظة على امتيازاتها المنهوبة من دمنا، فدا هو نفس السبب الداعي لتبني رأي المقاطعة من جهة شوفي ، طيب المشاركة و تسقط فتات موائد اللئام طعما شنو ؟ تحصيل حاصل و تمومة جرتق ، و علاقة زبانة ساي كدا ؟!
عموماً . . .
كنت بتكلم عن حملك على اصحاب رأي قد تراه مخطئ
و بالجد اضايقت من خشونة اللغة و الاوصاف ، يا دكتور كلنا في الهم و الهواء سواء !
نعلي من الحوار العقلاني ، و لا نتبادل اسباغ مسئولية الفشل ؟
الحقائق
الحقائق
الحقائق
و مواجهتها يا صحبي ، و حوار ديمقراطي عقلاني واعي و مدرك و حريص
دا المخرج الوحيد
كان اقنعتونا بفايدة المشاركة بنشارك تب
-----------
حاتم علي تحية ليك و الله
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: قيقراوي)
|
Quote: 1. من اين لك الاستنتاج ان دعاوي المقاطعة هي سبب تراجع الحركة عن ترشيح عرمان مع العلم بانها مشاركة في الانتخابات التشريعية للنواب بالبرلمان و حكام الولايات ؟
|
شكرا حاتم ..
قبل الاجابه على الاسئله الثلاثه انوه لعدم قدرة الجميع على رسم خارطة طريق سياسيه أو حتى مجرد تصور لما بعد المقاطعه .. هم مستغرقون تماما فى تفاصيل الطريق وينسون غاياته .. بمعنى ان هذه المقاطعه ان لم تفضى لاوضاع افضل لادارة الصراع مع السلطه فما مبرراتها ..
1- وراء دعاوى المقاطعه يكمن فشل الاحزاب فى التعامل الجاد والمسؤول مع العمليه السياسيه برمتها والتى انطلقت منذ خمس سنوات ..
هذا الفشل قطعا هو دون استحقاقات الشراكه الفاعله مع الحركه الشعبيه .. هذه الشراكه تقوم وفق المصالح المشتركه والاهداف لكلا
الفريقين .. يتحقق للحركه فى غايات الشراكه القصوى وجود نظام ديمقراطى عاقل فى الشمال يسهل التعامل معه فى وضع ترتيبات آمنه لانفصال الجنوب .. ويحقق فى غاياته الادنى والوسيطه زحزحت المؤتمر الوطنى من هيمنته المطلقه على مفاصل الدوله بالدخول القوى والمؤثر
لحليفها المكون من القوى الديمقراطيه فى الساحه السياسيه الرسميه للدوله حتى وان فاز المؤتمر الوطنى بالانتخابات المزوره فوزا نسبيا..
من جهه اخري تحقق هذه الشراكه للاحزاب الشماليه حليف قوى جدا ذا ثقل جماهيري وسياسي هائل فى معركتهم ضد المؤتمر الوطنى وهو يمثل الدوله السودانيه بكل امكانياتها .. إذن ما كان مطلوبا من الاحزاب هو التعامل الجاد مع مكتسبات الحركه والقيام بما يليهم من واجبات الشراكه التى تدخلهم فى حسابات الحركه الاستراتيجيه ..
فما الذى حدث ؟.
ما حدث هو فشل هذه الاحزاب فى خوض غمار هذه المعركه الانتخابيه وفى مراحلها الاوليه تلك المتعلقه بحشد جماهيرها ومن ثم دعوتهم للتسجيل
وهذا غير فشلهم فى حماية عملية التسجيل ورصد المخالفات التى تمت فيها .. إذن لم يحشدوا جماهيرهم للتسجيل ومكنوا الوطنى من التزوير وبمنتهى السهوله .. وهناك فشل آخر ومهم وهو الفشل فى الالتفاف حول اراده سياسيه واحده تنتصر لغاياتها فى ازاحة النظام الشمولى وتعلو على المكتسبات الحزبيه الصغيره هنا وهناك .. هل كان الوضع ليكون هكذا لو قدمت الاحزاب المصلحه الوطنيه الواضحه فى الالتفاف حول مرشح الحركه الرئاسي ياسر عرمان ؟..
نتيجة هذا الفشل هى دعاوى المقاطعه .. والسؤال المهم جدا يا حاتم والممكن يفسر العلاقه بوضوح ..
انت الليله لو قاطعت .. ماذا ستقدم للحركه الشعبيه وهى تمثل قضيه وشعب ؟؟؟؟
nothing يا حاتم ..
ثم ماذا ستقدم لنفسك دعك من الحركه .. لا شئ سوي العوده لسنوات المواجهه الاولى مع نظام الانقاذ وبغياب اللاعب الاساسي فى الصراع ..
ولو الرؤيه دى ما صحيحه نرجع لسؤالى الاساسى ما البديل السياسي الذى ستراهنون عليه ما بعد المقاطعه؟... وآلياتو شنو ؟.. ثوره
شعبيه غير محميه او محميه بالسلاح ولا عصيان مدنى ومعارضه سلميه ولا معارضه مسلحه ولا شنو ؟؟
لا احد أكثر سعاده من عصابة المؤتمر الوطنى اليوم ..
ونواصل معاك باقى الاسئله
واعتذاري للجميع وتحديدا قيقراوى عن اللغه الناتجه عن احباط هائل
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
حاتم ..
Quote: القوى السياسية المتبقية من ما - كان- يسمى (تحالف جوبا) عليها اعلان (مقاطعتها الفورية) للانتخابات على كافة مستوياتها
والعمل على توعية عضويتها و جماهيرها بان الخيار الشعبي عبر العصيان المدني و الاضراب و التظاهر هو الحل
|
..
إذن انت تري ان ذات الاحزاب التى لم تسطتع حماية عمليه انتخابيه .. ولم تستطع النهوض ضد النظام باراده سياسيه موحده
ولم تستطع القيام بعمليات حشد لجماهيرها ودفعهم ( لمشوار صغير ) للتسجيل .. هى قادره على تثوير جماهير الشعب السودانى
اللا مبالى حسب وصفك لانجاز ثوره شعبيه عبر العصيان مدنى والاضرابات والمظاهرات وغيرها من الوسائل السلميه لاقتلاع نظام
الانقاذ ؟..
الا تري يا حاتم ان هذا طموح ليس له دعائم واقعيه .. هل وانت تدعو للمقاطعه كنت مؤمنا بامكانية تحقيق هذه الرؤيه السياسيه
مابعد المقاطعه ؟.. وعلى اي معطيات استندت
يا عزيزي ..
عندما رجحت انا خيار الدخول وبالحد الادنى من الاتفاق بين احزاب جوبا لم اكن واثقا من قدرتها على تحقيق اهدافها .. ولكنى كنت
واثقا من عدم قدرتها تماما فى المضى نحو طريق آخر ..
| |
|
|
|
|
|
|
|
|
|
Re: الناس الطلعو زيت البلد بالمقاطعه .. اتفضلو ورونا الجنازه أين ستوارونها (Re: محمد حيدر المشرف)
|
الاخ محمد على طه الملك
Quote: أتفهم مدى إنفعالك..
فهو أمر طبيعي عندما تكون سقوف الأمل والرجاء أعلا من الواقع..
|
شكرا على احتمالك الجميل لاحباطى الهائل بالامس .. ولكن وبصوره معكوسه تماما اري أن سقف طموحات وأحلام دعاة المقاطعه
أعلى بكثير من معطيات الواقع السياسي السودانى ..
Quote: فاليحكموا بمفردهم او بالاشتراك مع الحركة..
ليظل الحال كما علية منذ توقيع نيفاشا..
وهو حال سيؤدي قطعا وفق مساراته الظاهرة للانفصال..
عندها يتحمل المؤتمر الوطني والحركة تبعات ذلك وحدهما.
|
وده بالتحديد أسوأ مافى الموضوع يا عزيزي .. الآن الخيار هو بين الانفصال الحميد والخبيث فقط
ولا يمكن بأى حال من الاحوال الهروب من المشاركه الفاعله والايجابيه وبمقدره حقيقيه على التأثير
فى مآلات البلد .. لأن الموضوع ليس فى تحديد على من تقع المسؤوليه .. عدم التواجد المؤثر فى هذه
القضيه هو بدوره جريمه فى حق الوطن .. رهن الوطن بالكامل للمؤتمر الوطنى يحملنا المسؤوليه تماما
.. المشاركه على علاتها تصب لمصلحة هذا التواجد الفاعل والمؤثر فى هذه القضيه الضخمه والمصيريه ..
بخصوص الشرعيه .. مشاركة الحركه اصلا حسمت هذا الامر .. وبرغم ذلك لا اري أهميه لها سوي فى نطاق
ادبيات الصراع ..
شكرا يا ملك
| |
|
|
|
|
|
|
| |
محمد حيدر المشرف
حاتم علي
كمال عباس
Nasir Ahmed Elmustafa
محمد على طه الملك
قيقراوي
فتحي الصديق
فيس بوك
تويتر
انستقرام
يوتيوب
بنتيريست