|
|
|
 Re: سوق امدرمان واحياءه (Re: Mohamed Foto7li)
|
من الناحية الجغرافية، فإن السوق يقع في المنطقة الممتدة من شارع كرري شرقا وشارع الشنقيطي غربا؛ وبين مبنى البريد شمالا، وحي المسالمة جنوبا، ويعتبرهذا السوق مرآةً ثقافية وهو علامة مميزة للسودان بشكل عام ولمدينة أم درمان بشكل خاص حيث تمتزج فيه أعراق وديانات مختلفة
وبحسب الدرسات التي تناولت الخلفية التاريخية للمدينة من حيث الموقع والنشأة، فإن السوق يعود الى حوالي قرنين، وهذا الترتيب المعمول به الآن يعود الى موجب قرار من الخليفة عبد الله عام 1888م الذي أوعز بترتيب السوق وفق المهن، لذلك فقد ارتبطت نشأته بالمهدية، وبداية الحركة التجارية في المنطقة وهو ما تشير اليه مداخل السوق والمعالم القديمة البارزة فيه، وما يميزه المهن والحرف اليدوية حيث يضم اسواق متخصصة كل سوق حسب الحرفة.
| |
 
|
|
|
|
|
|
|
|
Re: سوق امدرمان واحياءه (Re: ashraf mukhtar)
|
الشكر اجزله للمتداخلين
محمد فطوحلي - هدي عبدالمنعم - ودالخليفة
وسوق واحياء سوق امدرمان الحديث عنها يطول وبالذات هذه المنطقة قديما كانت مكان للثقافة والندوات ومناهضة الاستعمار ويكفي ان سوق يضم نادي الخريجين وكلنا يعلم دوره
لنا عودة بالتفصيل لكل ذلك
تابعونا
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
ونبداء بفريق السوق والذي كان يسمي بفريق العصاصير لان هذه المنطقة كانت بها معاصر بلدية او عصاصير كما كان يطلق عليها في الماضي وقبل قيام الحي
يقع الحي شرق دكان العم عثمان كعيب في اول شارع الركابية وجنوبا يحده شارع ابوروف وغربا شارع كرري وشمال حتي بيوت عبدالكريم الصائغ وأل عامر
ومن اشهر الشخصيات التي سكنت حي السوق أل غريب وأل قنجاري ومنهم رجل الاعمال حسن قنجاري صاحب ترانز ارابيان والذي دخل السوق المصري واقام صناعات في بورسعيد والقاهرة
ويسكن هذا الحي أل محمد نور المصوعي ومنهم عثمان محمد نور وأل السنوسي ومنهم السفير سرالختم السنوسي والاديب احمد السنوسي ومنهم ايضا الاستاذ والمعلم القدير الذي يذكره تلاميذه من السياسيين وكبار موظفي الدولة والذي كان يحضر للمدرسة ممتطيا جواده الاستاذ حامد السنوسي وكذلك العم الصاوي السنوسي والقاضي الشرعي عبدالله السنوسي
ويسكن هذا الحي من كبار تجار سوق امدرمان السادة بشير الشيخ وصديق الشيخ
ومن الشخصيات الظريفة التي سكنت الحي العم الجاك الدلال من ظرفاء دار الرياضة بامدرمان وقد كان يجوب الملعب وبصوته الجهوري معلنا عن المبارة القادمة قائلا بكرة الماتش بين الهلال والموردة
| |
|
|
|
|
|
|
|
|
 Re: سوق امدرمان واحياءه (Re: Mutwali Malik)
|
الأخ متولي وضيوفه الكرام
سلام ...
حوالين المحطة الوسطى محلات الحاج نقدالله والاكسبريس والتمنة(نقطة البوليس )
ميامي ..فيتال..بنك النيلين..أجزخانة أبونخلة..موقف التاكسي وعمنا
عبدالكريم الزبير ببرنيطته العجيبةرئيس رابطة مشجعي الهلال وأيضارئيس
نقابة سائقي التاكسي في ذلك الزمن الجميل ....
وفي بداية شارع أبوروف وانت خارج من المحطة الوسطى متجه شرقا فينوس للحلاقة
وفي بداية شارع كرري سعد الشيخ للعطور ومقابلها الطيب خوجلي للعجلات
وثلاجات الثلج ولي قدام شوية محلات العدني وعوض الشايقي لتأجير المايكرفونات
ومن الناحية الجنوبية الشرقية الجامع العتيق ومحلات عباس رشوان وترزية البدل
الأفرنجية ....
طلقها مجنون شرس يتواجد دوما بالمحطة الوسطى ويحمل دائما حجرين ولابس سروال
تكة وعريان من فوق ولونه قمحي ..والله قال بي قولك لو قلت ليه طلقها تلقى
الحجار اتطاقشت ...
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
بعد الاستئذان من الحبيب صاحب البورست
رضا الجميل المثلث الفي راس شارع السيد علي وابورؤف .... وتلك الزاويه خاصتا في صلاة المغرب في الزمن الجميل بتذكره طشاش كدي ذكرنا شويه
| |
|
|
|
|
|
|
|
|
|
Re: سوق امدرمان واحياءه (Re: willeim andrea)
|
ال عبدالمنعم و ال ابوالعلا و ال العجبانى و منهم المرحوم على العجبانى والعم يوسف ابوالعلا متعة اللة بالصحة و العافية و ابناءة جمال وحسن
ال مرغنى عبودو عمر والمرحوم مصطفى عبدالعزيز مرغنى
المرحوم عبدالعزيز عبدالمنعم والمرحوم عبدالحميد ابوالعـلا كلهم من سكان امدرمان حى السـوق رجاء ان يكون التوثيق شـامل لك الاسرة واتنمى لك التوفيق
ملحوظة:
السيدة الفاضلة الخالة هـدى مالك مرجع ياريت تستعين بها
| |
|
|
|
|
|
|
|
|
|
Re: سوق امدرمان واحياءه (Re: willeim andrea)
|
سلام ياوليام
المثلث يحده شمالا بداية شارعي كرري وأبوروف ....
وجنوبا بنك النيلين وبداية شارع السيد علي ...
وكانت الأرض غير مستوية..شوية طالع ونازل ... lol
دي قريبة من حتة ناس هدى عبدالمنعم ..حوش ناس أبوالعلا ..أبونا..زمبة
والظريف حمزة ...
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
هقصدي الكم دكان والشخصيات البتعقد في الكراسي .... ياربي دكان حلاق والتاني بتاع خردوات او محل سباك .... وناس اليوميه الصناعين ياخي الذاكره خربه بس بتذكر ميامي عشره فروش يوم الجمعه سندوتش وعصير منقه من الخلاط البراون فرش وكده ويرجع ليك باقي كمان :)
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
استاذن الاخ متولى
الاخ رضـاء
جوة الموضوع
سيدة و سلوى و سميرة كربوس
ناس فرقعون
عمى برعى
عثمان العجلاتى
عمى حتيتون
الدانوب
ال جادالمولى
سونا التاج
ناس ست هـدى ود/محمـد خليل وشـادية خليل و جعفر
وال الخليفة
ال محمد المكى و ال البكرى وال البطرى
احبهم واتنمى ان اراهم
ياخى بكيتنى
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
مخبز الأفراح
الدانوب (يعقوب محمد عبدالله )
عمى يس وعمى يعقوب
اولاد عمى نايل
ال الحجـازى/ابراهيم حجازى الممثل الرائع
ال محمود الدفينة
اه منك يازمن
| |
|
|
|
|
|
|
|
|
|
Re: سوق امدرمان واحياءه (Re: Huda AbdelMoniem)
|
الاخوة
رضا - وليم اندريا -وهدي
لاداعي للاستئذان والبوست ملك لكم ولكل من يريد ان يوثق ويكتب عن البفعة الحبيبة امدرمان
رضا
كنت علي ثقة بمشاركتك القيمة وهذا ديدن كل من عشق هذه المدينة بكل تفاصيلها
كان يسكن الشيخ مصطفي صاحب ومؤسس مدرسة الهدي والتي تعتبر اول مدرسة كتاب تنشاء في العاصمة
ومن سكان الحي في السابق جمهرة من السماسرة اشتهرو بصناعة الاحذية وعمل الرغيف البلدي والمعروف بالعيش الشمسي واشهرهم السيدة عزيزة
وأل توفيق العم عثمان توفيق التاجر المرموق في سوق امدرمان ورجل الاعمال محمد توفيق الذي شارك في قيادة فريق المريخ وشريك وصديق يوسف الفكي في كل المشاريع رغم اختلافهم رياضيا فالمعروف ان يوسف الفكي كان هلالابيا وعندما يهزم الهلال المريخ تنطلق من صوت الفونغراف في قهوته الشهيره اغنية لاعب الهلال الفنان كرومة
هل الهلال والايام صفنلو
| |
|
|
|
|
|
|
|
|
 Re: سوق امدرمان واحياءه (Re: محمد الفاتح خالد حسون)
|
الأخ العزيز تكعيب متولي
الأخوة أهل أم درمان العزاز
لكم مني التحية والتجلة
يعني كان مديتوها لغاية الهاشماب وسوق الموردة مالكم، أمدرمان هلال مريخ ، أم درمان الموردة وحي الضباط، أم درمان ميرغني المامون وأحمد حسن جمعه، أم درمان الطابية المقابلة النيل، آه منها أيام حرمتنا منها المهاجر.
مع خالص تحياتي
د. صلاح البشير
| |
|
|
|
|
|
|
|
|
|
Re: سوق امدرمان واحياءه (Re: محمد الفاتح خالد حسون)
|
المثلث فيهو عم عبد الكريم العجلاتي وما تنسوا خيراتي وقهوة ود اللغا.
مكتبة عم حسن بدري,, وبنات توفيق المعلمات امنة وسكينة علمن امهاتنا
وحوش القزاز ,,ال معني وال احمد محمد صالح الشاعر وعضو مجلس السيادة
والد الدبلوماسي والشاعر صلاح احمد والمذيع عبد الرحمن احمد,, دكتور
عزالدين المهدي,, حوش الشيخ الطاهر تاتاي ولاعب الهلال الكبير محجوب الضب
العم حسن العمدة واولاده مصطفي مدرب رائدات الهلال للسلة واخوه ابراهيم,
حوش ناس نفيسه احمد الامين ,, اولاد عباس ود حبيب الله موسس فريق الهلال,,,
المحطة الوسطي اشهر تلاتة,, جدنا عثمان نمرة واحد والجد خليل البيبيع
حلاوة المولد,,, والجد جاد صاحب عربية الفواكه ووووو نواصل.
| |
|
|
|
|
|
|
|
|
|
Re: سوق امدرمان واحياءه (Re: سيف الدولة كامل)
|
سيف الدولة ( تحياتي )
ما شاء الله مذاكر كويس جداً ومعلوماتك مظبوطة 100%.
جميع المتداخلين :
يرجى الإتفاق على طريقة للتوثيق ، وإن كان هذا البوست يعتبر توثيقاً ، لكن يحتاج الأمر إلى جمع كل المعلومات الواردة في البوست في كتيب ، فمن ياترى يتصدى لهذا العمل ، حتى ولو مجموعةمن المتداخلين في هذا البوست والاستعانة بمن عاصروا تلك الحقبة ولديهم رصيد كبير من المعلومات الموثوقة
ذكرتمونا بأيام لن يجود الزمان بمثلها
لكم الشكر
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
الاخ متولي مالك
واهل البقعة
البقعة الفي المنبر دا الحا تلتهمه بي ناسها
الاستاذ سيف الدولة
يسمعوك ناس الخرطوم غرب حا يقولو عليك( نقل فؤادك
واصل في السرد دا ام درمان مد الله حدودها و انعم عليها بالشقاء
و لنا عودة
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
أم درمان وعيشه حاجه حسن وغالب عيسى وإبنه الأستاذ عبدالنبى غالب وآل
الهديه وزميلنا الدكتور طارق الهديه وآل سعد عمر وأحمد سعد عمر والدكتور
الزين سعد وفايزه سعد وآل شاشاتى والدكتور الإنسان عادل
شاشاتى ثم أل الضو شيخ الحاره ومحمد مرجان ودار الرياضه ويوسف الفكى
وآل تربال وآل ديرانى والزميل عبد الكريم ديرانى ثم آل البليقدار
وعبدالحليم تجانى بليقدار وآل البليك وصهرهم عوض أحمد وقضايا الناس
وآل مجذوب الشاعر ول إبراهيم يوسف والشاعر الطاهر إبراهيم وجامع عبدالغفار
وحوش المك محمد ناصر المك ناظر الجموعيه وقلب أمدرمان
ثم آل بندر والطاحونه وعاطف اليمانى وضمان الكيف وعلى عبدالله
السنجك وسوق العناقريب وعمك سالم وناس أبوالقاسم الحاج والكوارتى
ثم عبدالرحمن الريح وإبراهيم عوض والجابرى وسيف الدسوقى وحى العرب
والمظاهر والكوارته ومحمد حسين على خلف ومدرسة محمد حسين وآل
برسوم ومدارس التقدم وونجت برسوم الكنيسه وفندق حمدتو وأبو جبل
سوق الصينى وعوض الطيب وأبنائه أسامه وعادل وغيرهم آل المليح
أستاذ مهدى المليح وعبدالكريم المليح وأبوهاديه محمد عبدالرحمن
وأولاد الكنانى ثم أولا ود راوه وعبدالمنعم أبوجبل وود الأمين والسوق
المتحرك وبقاره والطاعميه الطاعمه وأستاذ حامد الأنيق البيس والأقمشه
والرساله عبدالصمد والخير المقبول واالمحلبيه والسرتيه والصندل
والزنكى والتيمان وميرغنى المامون وأحمد حسن جمعه والقرع وسوق الطواقى
والشعير والليمون وعوض الطيب والصاغه آل تبيدى وآل مله وأولاد كوكو
والجزر والجموعيه وآل كورينا الأحذيه والنمر والمحافظ الأفرنجيه
وعبدالعظيم المطبعجى وزقاق خراطى الدمى ومحلات الشكرى ودكتور عبدالله
إبراهيم الشكرى والقصاريه وآل كركساوى والخزن وآل خندقاوى والتمور
واللوبيا وآل آرقو ودنقلا وآل حسنين والأقمشه ومحمد أحمد عباس والتمرى
هندى والمحطه الوسطى واستديو التصوير المشهور فى المحطه الوسطى ثم حى
الإسبتاليه والمرحوم طلعت فريد والشيخ دفع الله وآل محمد عبدالرحيم
وجعفر محمد على بخيت والإرساليه وفيلب عباس غبوش والمجلس البلدى
وآل شبيكه والوليد وعزالدين والهاشماب والزين حسن وأغانى البنات
وعمر حسن الطيب الأستاذ والمريخ وحامد الجعيلى ومحمد حسين الثانويه
وأسامه مرتضى والشطاره ثم آل العريفى والبازار وناس قدح الدم والعركيين
والأستاذ أباذر وآل الشيخ البدوى وجامعة أمدرمان الإسلاميه وآل عرفات
عبدالله ومدرسة الفجر الأدبيه ومحمد عشرى الصديق وعبدالله عشرى وذات المدرسه
وشارع الفيل والسيد الفيل وبنك السودان والأدارسه وآل النجومى وآل الطاهر
وسباعية أمينه ونادى الضباط ومحمد أفندى فرج علام وآل مبروك
ثم الدايات ودار الرياضه ودار حزب الأمه وتركة آل المهدى جنوب
المجلس البلدى ونواصل ويا ود مالك وين صلاح وبقيت زى قريبك شوقى
وناس الجيلانى فرح وكل سنه وإنت بخير.
منصور
| |
|
|
|
|
|
|
|
|
Re: سوق امدرمان واحياءه (Re: munswor almophtah)
|
مطعم فول ابوخليل وصبير مصطفي صبير وعرمان وعمك الامين حامد وكيل ماكينات سنجر وابومرين وعباس رشوان للكلف والزراير والخيوط ودكان الشهيد عوض ابراهيم للاقمشة بداية شارع الصياغ مع العدني وعمك ابوالسرة بتاع تسالي الجرم جنب حبشي العجلاتي
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
بالليل وبعد خروج الناس من الدور التاني للسينما كان في واحد
بيبيع زلابية أمام صيدلية أبونخلة عندو صاج كبير وبيعمل زلابية
بطريقة ممتازة وكانت هنالك ستات شاي بجواره ..وتكون حكاية الزلابية
والشاي مدورة لحدي 6 صباحا ...وكمية كبيرة في انتظار الزلابية ...
ياله من زمن جميل ...
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
Quote: بالليل وبعد خروج الناس من الدور التاني للسينما كان في واحد
بيبيع زلابية أمام صيدلية أبونخلة عندو صاج كبير وبيعمل زلابية
بطريقة ممتازة وكانت هنالك ستات شاي بجواره ..وتكون حكاية الزلابية
والشاي مدورة لحدي 6 صباحا ...وكمية كبيرة في انتظار الزلابية ...
ياله من زمن جميل ... |
ياسلااااام يارضا
أتذكر ذلك العم المختل عقليا وكان دائماً الجلوس بجوار تلك الصاجات
ولا نعرف له سو أسم (بيكاسو) الذي كان يمتعضه بصرامة تصل حد النبز
والقذف بالحجارة .. ولا أعرف تفسير لذلك حتى الأن ..
وياترى حي ؟
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
شكرا جزيلا لأم در
بس ورونى محمد الجزولى ماتتدخل
وين سوق الموية
ودار فوز ده شنو ولماذا لم يتم الحديث عنه رغم أهميته فى الحركة .......... والحركة ..........
وفوز ذاته
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
حي السوق..بداية شارع كرري دكاكين العدنيه المشهوره بمحلات العدني نسبة لمدينة عدن باليمن وعمك وداعة بتاع التسالي الجرم الذي لااجد له اثراً عند ستات الفول.ومن هنا يبدا حي السماسرة والحاجة عزيزة درويش وأل الهندي و وأل الدالي عمك خالد الدالي والزين الدالي وفي الزقاق الضيق ناس كرياكو ودبوية وطابونة حجوج والنقادي بتاع الطعمية الحاره المميزة مع اضافة الشمار الناشف بعد وضعها داخل القرطاس.. يالها من طعمية وياله من شمار..وأل ابراهيم عامرومحلات عوض الشايقي للمناسبات وهو كهربجي ايضاً وعمك بتاع العيش بكل انواعة والصائغ عباس وأل العاص وأل حامد وآل محمد علي ادريس واولادة الفاتح محمد علي ادريس ولاعب المريخ في الستنيات التجاني محمد علي ادريس واستوديو امين في الكورنه مع الشارع المؤدي لمدرسه الرهبات والكمبوني وآل الامين عبدالرحمن منهم عبد العزيز ومصطفي وعبد الكريم والقاضي الشهير فؤاد الامين واليهودية بت ميرم بعد بيوت ناس عبد العزيز الامين ودكان عمك تآى اللة وناس مهدي عبد القادر التجار بسوق امدرمان واصحاب مصنع السودان للاحذية وابنهم لاعب الهلال ماجد مهدي والاعب الفذ استرليني الذي ضل طريقه لفرق المقدمة في الستنيات والحاجه تمباشة بتاعت الطعمية درجة تانية بعد عمك النقادي..ووآل التبيداب المشهورين بالصياغة وهم من الاسر الكبيره والكتياب وهي اسرة عرفت بالشعر والادب والتدين ومسجدهم مسجد الكتياب والدكتورة عطيات وزوابع بتاع تصليح الراديو والتلفزيون في الكورنة بتاعت شارع كرري مع الخور الكبير ..
يالها من زكريات من الزمن الجميل..
ونواصل التوثيق لحي المسالمة مدرسة الرهبات والكمبوني وحي الركابية والكاشف.
التحية لك اخي متولي لفتح هذا البوست
وجاييك بهدؤء بس نصنفرالزاكرة
| |
|
|
|
|
|
|
|
|
|
Re: سوق امدرمان واحياءه (Re: الهادي محمد علي)
|
متولى او متوكل ياعريق
السلام عليكم ورحمة الله وبركاته
واصل ولك متابعين
عبدالحافظ
دا الميدان الواقع بين الساعة ودكان صبير او بقالة جورج ??????
هاك السعال دا
وين سوق القصيرية? ولى اسكت
هاشم دبذ فريغ ازحف
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
وشرق الجامع الكبير اسر عريقه ايضا :-
ال عبد الرحمن عثمان ( تجار الاناتيك 0 العاج وسن الفيل ) واولاد رجب ( مؤسسى الهلال ) وامين النخيلى ومصطفى ابشر واسماعيل النضيف واولاد كبوشيه وال ابوغالب والصول الاشهر فى تاريخ الشرطة السودانيه ميرغنى طنون ( خال لاعب الهلال محجوب الضب ) والفريق الطاش وال ابو طربوش وال البشير مدنى وال الوسيلة والدكتورة نفيسة احمد الامين .. وال شعرون وال وهبى والشاعر الكبير ابراهيم الرشيد ودكتور عز الدين المهدى ..
وهل ننسى اياما مضت هل ننسى ذكراها .
| |
|
|
|
|
|
|
|
|
|
Re: سوق امدرمان واحياءه (Re: ناجى أحمد البشير)
|
Quote: وشرق الجامع الكبير اسر عريقه ايضا :-
ال عبد الرحمن عثمان ( تجار الاناتيك 0 العاج وسن الفيل ) واولاد رجب ( مؤسسى الهلال ) وامين النخيلى ومصطفى ابشر واسماعيل النضيف واولاد كبوشيه وال ابوغالب والصول الاشهر فى تاريخ الشرطة السودانيه ميرغنى طنون ( خال لاعب الهلال محجوب الضب ) والفريق الطاش وال ابو طربوش وال البشير مدنى وال الوسيلة والدكتورة نفيسة احمد الامين .. وال شعرون وال وهبى والشاعر الكبير ابراهيم الرشيد ودكتور عز الدين المهدى ..
وهل ننسى اياما مضت هل ننسى ذكراها . |
وهي تكملة حصيفة لفريق السوق شرق ..
ـــ
ولك المحبة في التذكير وإنعاش ذاكرة 15 سنة غياب من تلك الديار ..
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
الحبايب اولاد امدرمان والاخ متولي ليك الف تحيه
من وداور ------------
مارا بشارع ابوروف بعد تقاطع الوادي باتاواجزخانة نبيل المخبز وعطا الحلاق وبرعي المصري والعجلاتي وعمك طلقه وحلاوني الدانوب وكوافير حباب ونادي امدرمان الاجتماعي وعايدة عيون دكتور الباقر وفهمي مهني واستوديو الاضواء وعمك الجاك تبيدي وكالة تربال محل لصيانة الادوات الكهربائيه استوديو الوادي الطيب سيد المكي محل ادوات كهربائيه اكسبرس
البشيري
http://www.youtube.com/watch?v=ALPKNmIYTXE&feature=related
| |
|
|
|
|
|
|
|
|
|
Re: سوق امدرمان واحياءه (Re: بشير خلف الله علي)
|
عبدالرحمن (داموك )....في حي العمدة جوار ناس تاج السر علي الشيخ
والمرحوم أحمد مختار (الخطاط )وناس السر عبدالقادر (ودالطيار)مهندس
الآلات الكاتبة ...وأيضا وزة مهندس المرسيدس ...ولي قدام شوية ناس
الفاتح سلمان موسى صاحب مغلق في شارع المهاتما غاندي(شارع الدكاترة)
.
.
.
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
يامتولى
كيفك
وكل سنة وانت طيب
ياخى واللة مشتاقين وكم مرة كتبت ليك فى بوستاتك عشان تدينا عنوانك لانو رقمك الموجود عندى تغير فيما يبدو
تحياتى لك ولصاموتى
اكتب لينا هاتفك
وانشاء اللة سمعت بعرس البيجو
| |
|
|
|
|
|
|
|
|
|
Re: سوق امدرمان واحياءه (Re: معاوية محمد الحسن)
|
الشكر اجزله لجميع المتداخلين
د.صلاح البشير - سيف الدولة كامل -منصور المفتاح - محمد الجزولي- عبدالحافظ- الهادي محمد علي- هاشم دبذ- ناجي احمد البشير- بشير خلف الله- معاوية محمد الحسن
وعطرتم واثريتم بوستكم الذي اتمني ان يزيل التراب عن الكثير من معالم هذا السوق العتيق واحيائه المجاورة
تخريمة
منصور المفتاح تشكر علي المشاركة واخي صلاح مالك موجود في فانكوفر -كندا وعلي فكرة عملنا ليهو باسويرد هنا لكن كبا الزوقة
| |
|
|
|
|
|
|
|
|
|
Re: سوق امدرمان واحياءه (Re: خالد حامد الجزولي)
|
حي السماسرة كمان يا متولي فيهو الاستاذ هندي عوض الكريم وكتاب الاغاني الشهير ويجدد شهرياً في شكل جميل وانيق وروايتة الشهيره عن ذالك الحي وعنوانها حي السماسرة والضياع..وفي الميدان بتاع المحلية حالياً كان فيهو مكاتب توتو كرة وعمك الجاك ومن قبلة موقف الباصات الاهلية واشهرها بصات الحبشي وكمان يامتولي في حاجة اسمها كنيف الميري وهي ادبخانات بالجرادل.. غايتو بتفك الحيرة في زحمة السوق الجميل.
وايضاً من الاسر العريقة ناس بابكرقريش وابراهيم عامر وليقدام العمة تنباشا وزوجها الجزار عثمان كورينا وناس البحر ومنهم المخرج طارق البحروناس سعد عمر منهم احمد سعد عمرمن قيادات الحزب الاتحادي ومرة اخري الكتياب والتجاني يوسف بشير وعبد القادر الكتيابي وعمك الكتيابي المدير الاداري لسوق امدرمان والاستاذ حسن محمدعبد الله والمرحوم مصطفي قسم السيد وابنة سيف مصطفي في رئاسة محلية امدرمان..
انا امدرمان انا السودان
شوف التعايش الجميل دى كان كيف
دقيقة قبل ماانسي حلواني شارع كرري ومعجناتة الشهيرة ومنها السرندبل وكباية لبن لزوم اللياقات وكدة لمباريات رابطة حي العرب في الميدان المجاور لمدرسه محمد حسين الثانوية
| |
|
|
|
|
|
|
|
|
|
Re: سوق امدرمان واحياءه (Re: الهادي محمد علي)
|
حدثونا عن مشاهير ام درمان وقصصهم الشيقة.
تيمان أمدرمان؟,, موسي ود نفاش ,, داموك
حسن شروم,,, الهادي الضلالي,,, حقي,,,
الخالة بت بتي البصيرة المشهورة في ودارو.
قهوة يوسف الفكي والحضور المميز.........
,,,,,,,,,,,,,,,,,,,,,,,,,,,,,,,,,,,,,,,
ناس الموردة كلمونا عن حوش الفيل واولاد خشم
الموس ,, وال البيلي,,, وال الجمل,,ووووووو.
حي العرب ,,ال الناظر .... ال حجير.وووووووو
الهاشماب,, الاستاذ محمد يوسف هاشم,, عمر ابو القاسم
عثمان ابو القاسم,, المرحوم الدكتور حسن محمد ابراهيم
وشقيقه ابو القاسم,, ابو القاشم هاشم,,استاذ عصام,,,
حي السواراب,,, حي الامراء ويجي يحدثنا عنه محمد حيدر.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
المرحوم الصول ميرغني طنون اصلا من الدباغة والكباجاب ومتزوج
الخالة خديجة الشيخ الطاهر تاتاي خالة لاعب الهلال
محجوب عبد القادر البساطي ( الضب ).
.......................................................
يا حسونة انا اتولدت و اتربيت في الخرطوم لكن اليوم والتاني قي
حي السوق شرقا مسقط رأس جدي لامي وأمي وكل الاخوال والخالات وبقية
الاجداد واحفادهم,, الماعنده عقاب في امدرمان يتبن نفسه.و نواصل.
| |
|
|
|
|
|
|
|
|
|
Re: سوق امدرمان واحياءه (Re: محمد الجزولي)
|
Quote: [] بوست جميل الروائح في هذا العام الجديد
سلمت يمناك ياصاحبه .. وعمرتو الدار يامداخيلن ..
مودتي للكل ..
|
بوست مهيب ووهيط
احيك متولي ..
مانسي نابس ابوالدهب وحوش كرفين قدام من بيت محجوب سراج..
وخلوة جبارة ..
اكتب ياخي ماتقيف اشخص من فريق السوق له
طابع خاص ..
تحياتي
| |
|
|
|
|
|
|
|
|
|
Re: سوق امدرمان واحياءه (Re: باسط المكي)
|
شكرا يا متولي وسنة سعيدة
اولا . سوق امدرمان هوة البزرة التي غرست بواسطة التجارة منز قديم الزمان لتكون لنان اول تجمع سكاني متنوع بكل اعراقة وانسابة
وكانت تعرف باسم ام ضوابان فكانت مضارب خيام التجار في منطقة السوق وتحديدا / سوق الملجة / هي المركز الرئسي لاستقبال القوافل
القادمة من درب الاربعين / والذي يعرف حاليا بشارع الاربعين / وهذة القوافل تاتي من الشام ومن مصر محملة بالبضائع لتجار في هذة السوق
توافد العديد من الاسر العريقة حول هذة السوق وبنت مساكن اشبة بالعشوائية تسكنها اسرهم كما نجد العديد من الخلاوي حول هذة السوق
لتعليم ابناء هذة الاسر القراءة والكتابة وتحفيظ القرآن / ومن اعرق هذة الاسر / اسرة ابوا العلا / عبد المنعم / الشريف احمد موسي واخوة الشريف
صديق / وال كبوشية / والعتبانية / وال عبد الكريم الصائق وهذة اول عائلة عملت في سباكة المشقولات الذهبية والفضية / كما كان هنالك العديد من
التجار لهم مزارع في القضارف / وسنجة / وسنار / لزراعة الدخن وعيش الفتريتة بانواعة والسمسم كما كانت القوافل تجلب الفحم والسمن البلدي والجبنة الدويمية وقرب
عسل النحل لهذة السوق .وفي هذة السوق تعلم الرجل السوداني اصول التجارة والتداول بالعملة .....................امدور يابلد كل القبايل وهيبتة تاريخها يا عنوان جمالة وطيبتة
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
وكتين جيت للقماش اقيف عاد عند جدى محمد احمد عباس ودكاكين السوق المقابله الصينيه والجامع الكبير وامشى قدام لدكان ابوى وجدى يوسف عامر والزياره القادمه فى حى العمده شرق
| |
|
|
|
|
|
|
|
|
|
Re: سوق امدرمان واحياءه (Re: ايمان بدر الدين)
|
مشيت وين ياود الجزولى
مريت بميدان الحديد وماوصلتنا هناك نهاية حى العرب والمظاهر وسوق القش
والشعراء فى هذه المنطقة والفنانين
قلت حتبداها من دار الرياضة ناس كاك والمرحوم محمد عثمان كرف وعمك باجورى والقامة الراحل على المك
بالله ماتنسى الكشك الجنب القصيرية الفيهو التلفون بتاع ناس نقابة التاكسى بجوار التمنة وناس الطوخى
| |
|
|
|
|
|
|
|
|
|
Re: سوق امدرمان واحياءه (Re: عبدالحافظ سعد الطيب)
|
| Quote: مشيت وين ياود الجزولى |
الخال  عبد الحافظ { شايف في أزمة خيلان في المنبر}
يازول أنا ماشي بالدرب فِترنا إجترار ذكريات والتغني بجمر الشوق !! ..
ــــ
أرجاني بس ..الباقي بجيبو ليك صورة وصوت .. حَرَاي ؟! ..
| |
|
|
|
|
|
|
|
|
|
Re: سوق امدرمان واحياءه (Re: عبدالحافظ سعد الطيب)
|
الشكر اجزله
لجميع المتداخلين
شيماء - خالد حامد الجزولي - سيف الدولة كامل - باسط المكي - نادر السوداني - ايمان بدرالدين - عبدالحافظ سعد
وانتم تعطرون سماء البوست بمشاركتكم نتمني مواصلتكم
ولكي نوثق لكل مداخل ومخارج سوق امدرمان اقترح ان نمسك شارع او زقاق ونذكر كل الدكاكيين واصحابها واسمائها واخونا الهادي محمد علي شايف ماقصر مع شارع كرري
مثلا شارع العدني من عمارة البرير ونمشي قدام زقاق موقف بكاسي الثورة بالنص والوادي وبعده عمك فارش فواكه موز وبرتقال وجوافة وبعده محلات اتصالات الباشا لصاحبها طارق الباشا وملاصقو محل الفضة لصاحبه منير حجاز وبعدو عمنا الرباطابي من مؤسسي سوق البروش والتمارة عوض فرج واخوه الصقر ومواجه ليهو محلات حسن عبدالباسط للذهب ونمشي قدام محلات ابومرين ومحلات التشاشة علي الشمال
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
عمنا حسن قرشي صاحب اجمل محل ليمون في زقاق عمارة الضرائب خلف بنك الخرطوم بشارع الموردة وزمان كان عندو
كشك ليمون ملاصق محل البازار لصاحبه ديمتري امام مدرسة الاحفاد الثانوية بنات
| |
|
|
|
|
|
|
|
|
|
Re: سوق امدرمان واحياءه (Re: Kostawi)
|
لي في المسالمة غزال
كلمات/ عبدالرحمن الريح
لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
يا شباب قبال تصلو الاحياء ما تفلفلو السوق ده شويه
اذكركم بزول كان عنده طبليه فى المحطه الوسطى فى مظلة نقابة التاكسى وهو رجل كفيف
وكان ينادى دبابيس كباسين زراير...
وتعالو لعمكم ود الاسطى اشهر ترزى بلدى وفرجيات فى سوق امدرمان
وعمكم على الببيع العرديب وهو متجول عرديب ليه رغوة كده
لايقل عن ليمون حسن قرشى ولا شعير برعى المصرى
انا هنا مقيم بوست بنكهة فول صبير،،،
| |
|
|
|
|
|
|
|
|
|
Re: سوق امدرمان واحياءه (Re: صديق الموج)
|
كوستاوي
يابرج الحمام طيب في زنك الخضار واللحمة في مراة بتبيع حمام عندها قفص عرفتها?
صديق الموج
كنت منتظر حضورك لتعطر معنا هذا البوست وفعلا حقو نفلفل سوق امدرمان حتة حتة وماننسي زول
في سوق الجلود عمنا عبدالحميد يس
وفي سوق العاج والاناتيك وجلود التمساح والاصلة المرحوم عبدالعظيم المطبعجي وورث منه هذه الحرفة ابنائه زميل الدراسة وصديقي محمد عبدالعظيم الشهير بكهربة واخيه اسماعيل
خلف بنك فيصل دار الكتاب لصاحبها المرحوم عبدالرحمن البشير الريح والذي اسس مكتبة البشير الريح وله صلة بأل بدري بحي الشيخ دفع الله
التيمان وبخورهم المشهور حسن وحسين من أل النفراوي وهم رباطاب
أل تبيدي وأل ملة وسوق الصياغ
والعم سورج اشهر بائعي التمباك ولامافاطر ماتخاطر
ومحل حسن البدري للسجاد والموكيت وخلفه الحاج ابورقة للخزن الحديدية وهو والد لاعب الهلال ياسر ابورقة
قمر للاقمشة بالمحطة الوسطي
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
متولى
مافى شئ يمكن يهبت شوقى لامدرمان غير نتلما كلنا
و نتذكر فى ان واحد
ويجى محمد الجزولى ينط متذكر حاجة
وكلنا نتكلم فى وقت واحد
و جوطة كدة ما معروفة
لازم ناسس رابطة ابناء امدرمان
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
غريبه حاجه طيبه
الغريبه والمدور والمشبك يشبكو ربنا دائما وأبدا بين باتا ونجيب كباشى
ومن ثم طبالى الباسطه والنعناع والجرارين أو النشالين والرندوك الرجل
الذى يركب عجله خاصة به وهو معوق ويبيع القورو الفياقره النايجيريه
ومن ثم قهاوى الشاى والجبنه والعتاله والأطرش الجبار والأكياس صناعتها
وبيعها أكياس من جوالات الأسمنت تعاد صياغتها ومن ثم الطايوق وتجاره
والكروش والعرانين وصديق الموج فالتوخى وإجمالى الطبليات من البالون
والكرتلات والعاب الأطفال والجرائد الأيام والراى العام والصحافه والمجتمع
والجبهه والميساق والعلم سوق الشمس وأى شئ بريال الزريبه وود حدوب
والأغبش الضامن وسبابة البهائم سوق البصل والحداحيد الكجامات والملايد
وشرك الفار مطعم السطح والتمنه حاجات الفول والتسالى والدكوه الملجه
والبطيخ أحمر على السكين الأرنيش والفل عمال البناء الكهربجيه والسباكين
وقهاوى المحطه الوسطى وباب ياكريم الكتب القيمه على الأرض فى المحطه
الوسطى ومكتبة جبريل مكتبة أمدرمان المركزيه السينما والشهداء وما وراء
ذلك وبيوت الأحرار وجلبة بائعى التبش والفراجه وذوى الحاجات وأبناء
السبيل عوالم عليا وسفلى وتصالح تام ولا أحد رأى مكروها غير النميرى
فأزال أم درمان ماض مشرف وحاضر بائس ومستقبلا نتمنى أن يكون مشرقا.
منصور
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
صديق الموج وكردش ومحمد وعثمان سيدون وصديق بشير الشيته وعمر بشير
وأبوهريره وأبوعبيده ومحمد مرحوم وعبدالأله المطبعجى وأولاد الحناوى
منصور
| |
|
|
|
|
|
|
|
|
|
Re: سوق امدرمان واحياءه (Re: munswor almophtah)
|
استاذى وابى السيد
منصور المفتاح
.السلام عليكم ورحمة الله تعالى وبركاته وكل عام انت وابناؤك باتم خير
وعافيه وصحة" جيدة وجعل الله لكم العام الجديد عاما" سعيدا" وافرا"
عليكم بنعمة" من الله ورضوانا وبعد استاذى انا من المتابعين النشطين
للمنبر العام لسودانيز اولاين لما يحتويه من مواضيع وقضايا هامه بجميع
انواعها ولو انى كنت امنى نفسى بعضوية المنبر من عدة سنين
ولكن لم تسمح لى الظروف بعد, استاذى تقابلت معك اكثر من مرة فى عدة
مناسبات بمدينة كالجرى وكان اخرها وفاة الاخ يوسف دفع الله ولكن لم تسمح
لى الظروف للجلوس معك ولم اكن محظوظا" ايضا" فى هذا, فانا من اشد
المعجبين لمواضيعك وتعليقاتك وقفشاتك فى بعض التعليقات وخصوصا" تلك
التى تاتى فى المناسبات كالاعياد استاذى كنت اتابع مشاركتك فى بوست متولى
كامل والذى يتحدث عن سوق امدرمان واحياءه واكثر ما شدنى هى مشاركتك التى
كنت اتمنى ان تكون هى بوست منفصلا" فى حد زاتها وبما ان البوست كان توثيقيا"
الى حد علمى فان مداخلتك كانت اكثر توثيقا" لانها احتوت على اكبر قدر من
اسماء وشخصيات ومعالم من هذا السوق العريق والمدينه الاعرق ولكن استاذى
قراءت مداخلتك اكثر من عشرة مرات لارى اسم سوق العيش ودكان المرحوم يوسف
العياشى الذى كان حسب علمى من اكبر تجار العيش (الدرة) بالسوق وهو من
سكان بيت المال ولم اره ربما سقط منك سهوا" مع كمية الاسماء التى طرحتها
وربما بعض الاسماء الاخرى ليس لشئ استاذى ولكن ايضا" لان البوست توثيقى ويجب
ان يحوى كل ما نذكره ولك منى جزيل الشكر ووافر التقدير واتمنى من الله ان
يجعل لى شرف مقابلتك فى قادم الزيارات فى مدينة كالجرى ان احيانا الله
والسلام
ابنك
محمد الامين
وينبج_ مانتوبا
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
محمد الجزولى
ياخى ما زكرتة حواء الطويلة الغناية وام القيمة
سـاكنين تانى بيت من بيت ناس خالتى سكينة ناس عمى محمد المكى امين
و جيرانة الهنود
ناس الاشقر
عمى الطيب التمرجى
محمد سعيد فنى الاسنان
جامع احمدحسن عبدالمنعم
جامع النحاس
ال عبدالغنى
دكتور مامون عبدالغنى و معتصم عبدالغنى
حى الشهداء على الاسبتالية
ببت المرحوم العم مصطفـى
صلاح مصطفى وبكرى ومحجوب و عاطف
ال النزير
حى البوستة
جامع البية(البك محمدحسن)
د/مصطفى خوجلى
اولاد حاج الشيخ
د/عباس الشيخ
اولاد حمد و منهم الاستاذ الفنان حمد
و الاستاذ/الفنان يوسف السمانى
اولاد عمى عزالدين مصطفى
وابناء احمدالمصطفى
اللة يرحمهم ويغفر لهم
اخر شخص توفى من الاسرة (الاولاد)
قبل شهرين حيدر احمد المصطفى
اولاد الداية
اولاد البدرى
اولاد على حامد زريبة الفحم والحطب
اولاد الحاج احمد عبدالقيوم
ال وداعة
ال الشيخ
عبدالمجيد امام
ياشباب اوعوا تنسوا زول كل اهل امدرمان مهمين
برجع تعبتة
| |
|
|
|
|
|
|
|
|
|
Re: سوق امدرمان واحياءه (Re: Huda AbdelMoniem)
|
العزيز \ صديق الموج,,,, سلامات
الرجل الكفيف هو عثمان الامين عبد الله جدي وهو الشهير بعثمان نمرة واحد
لانه عمل بالبوليس السري وكان مسؤل من النقطة رقم واحد في سوق ام درمان,, توفي
في العام 1978 عن عمر يناهز المائة وهو ابن عمة الشاعر احمدمحمد صالح وخال مولانا
محمد الامين تاتاي وجد محجوب الضب .وهو من مواليد البقعة.
| |
|
|
|
|
|
|
|
|
|
Re: سوق امدرمان واحياءه (Re: Huda AbdelMoniem)
|
زنك الخضار واللحمة واشهر الخضرجية عمنا المرحوم عبدالخالق فرح والمرحوم الفنان احمد حسن جمعة
ومملات كوفتي للشاي الكيني ومحلات المراتب وتنجيدها
وفي زريبة الكاشف نجد أل تربال وهم عرفو بالتجارة والكرم والجود وكلنا نذكر اغاني البنات
دقيق تربال انا عندي ليك غربال
والعم احمد خير صاحب المقهي الشهير في سوق الموية وهو والد المحامي الشهير صديق والاقتصادي الكبير عثمان
المقص الذهبي للتفصيل لصاحبه كمال بولاد شقيق المذيع المعروف حمدي بولاد
زاوية مرسي الشيخ وهو من اقطاب الطريقة الاحمدية
| |
|
|
|
|
|
|
|
|
|
Re: سوق امدرمان واحياءه (Re: Mohamed Foto7li)
|
عمارة محمد حسين و عمارة الحرية
في عمارة الحرية الترزي الافرنجي المشهور مهدي شريف ومحل صناعة الخيم واستريو حسن عبدالله
ولاننسي العم المرحوم جورج مشرقي احد مؤسسي سوق الموية
وقهوة ودالاغا الشهيرة وهو من ظرفاء سوق امدرمان وحكي عنه انه حضر الي المقهي ووجد الفندك الكبير مكسور نصفين فسال مين الكسر
الفندك فقالو ليهو العامل الجديد كوكو فقال ليهم نادو كوكو فلما راءه مفتل وليهو فغرة سالو كوكو فطرت الليلة فقال ليهو لسه ياحاج فقال ليهو امشي افطر
وتعال هد القهوة في راسنا
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
تحياتى
وين حى العرب 2/5 وين شارع الشنقيطى
وين عظماء ام درمان ناس الفنان ابراهيم عوض وعبدالرحمن الريح
وواسرة الشنقيطى وال حجير وال حسن حامد ومصطفى حلمى ودكان عمك سليمان الترزى
ولندن عزه والقامه عبدالله محمد زين ودكان انسى ودكان عبد السلام ودكان محمد الاقرع
وال البخيت وال الفنوب وال حسن اوسطى ودكان عوض بسط وال الجيلى محمد حسين
ولك التحيه
| |
|
|
|
|
|
|
|
|
|
Re: سوق امدرمان واحياءه (Re: محمد السليمانى)
|
مشكور اخي محمد السليماني علي الاضافة القيمة ونحنا قلنا نفلفل السوق اول وبعدين ننتقل للاحياء واكيد ماحاننسي زول تابع معانا
زعيم الشماسة في امدرمان طوالي حائم في منطقة عمارة محمد حسين والحرية ومعاهو مجموعة كبيرة من الشماسة نسيت اسمو لو في واحد متذكرو فلينعش ذاكرتنا
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
العزيز متولي:
بوست دمو خفيف للغاية،امدرمان سودان مصغر في نظري
امتزجت كل القبائل وتصاهرت في ام درمان.
التحية لاهل امدرمان ولكل من عشق امدرمان مثلي.
السوق والعمارة البيضاء،والزقاق الي بيوت ال معني
واستديو ديراني،واظن يشغله الان ابنه المحامي كمكتب.
يالله متابعين التوثيق الرائع لاجمل مدينة سودانية.
مودتي
| |
|
|
|
|
|
|
|
|
|
Re: سوق امدرمان واحياءه (Re: عبدالكريم الامين احمد)
|
| Quote: زنك الخضار واللحمة واشهر الخضرجية عمنا المرحوم عبدالخالق فرح والمرحوم الفنان احمد حسن جمعة |
متولى ازيك ياود قلبها
الفى زنك الخضار عمك ميرغنى المامون واما فردته وصنو روحه احمد حسن جمعه
كان جزار ودكانه فى الثورة.
بعدين من اشهر الجزارين ناس كورينا والريح ود ام زميم ومتوكل لاعب الهلال المشهور
تانى التيمان العطارين ما اسمهم حسن وحسين،اسماؤهم ،الجنيد والنفراوى..
سوق العناقريب اشهرهم بشير شندقاوى وناس الرحمابى وبالقرب منهم دكان عمك حسن دردير
وهو يبيع الجنازير ولوازم الدواب فى الناصيه دكان عمك البرير وسورج وطه الجعلى
وقهوة احمد حامد شيخنا وسورج سوق العيش عم شاخور وناس ابوسبعه
سوق الخيش فى شارع كررى عمك عبد الوهاب ابراهيم ابو عوض وابراهيم
سوق الجلود عمك مصطفى السيد ويوسف احمد حسين واخوه ابو خلف وعمنا مصطفى
سرجلى اشهر صانع كدارات فى السودان وهو والد الريح كاريكا لاعب الهلال
وحسن مصطفى لاعب العباسيه واسامه والريح وخلف واميركاريكا لاعب المريخ؟
الطيب بتاع الرتاين والمايكروفونات وعثمان صالح خضر تاجر العجلات ووكيل الرالى
الساعات ناس الحضرى ودكان الطوخى ومخازن الصافى قهوة شديد ..
سبحه منظومه من العظماء.
بعدين معالم امدرمان لاتغيب عن التاويل يعنى صينية ازهرى بوابة عبد القيوم
صينية ادريس الهادى الطابيه كل تلك معالم معروف على من سميت لكن الخرطوم مثلا
الى الناس مختلفين فى قبة ابوجنزير ومن هو؟
راجعين ان شاء الله،،،
| |
|
|
|
|
|
|
|
|
|
Re: سوق امدرمان واحياءه (Re: غادة مكى محمد)
|
الاخ متولي
تحياتي
| Quote: زعيم الشماسة في امدرمان طوالي حائم في منطقة عمارة محمد حسين والحرية ومعاهو مجموعة كبيرة من الشماسة نسيت اسمو لو في واحد متذكرو فلينعش ذاكرتنا |
عرفة وهو علي ما اذكر اخ للاطرش الذي كان يعمل في غسيل العربات
بالطلمبة المجاوره لسينما امدرمان واعتقد بانهم انتقلو للرفيق الاعلي(لهم الرحمة).
| |
|
|
|
|
|
|
|
|
|
Re: سوق امدرمان واحياءه (Re: Ridhaa)
|
تسلم يا متولي ذكرتنا بايام جميلة
سوق امدرمان وكمان شارع الشوام ويبدأ
من الجذر وحتي بداية البوستة من الناحية الغربية
وتجي راجع تجد شارع الصياغ موازي له وتدخل الملجة
سلام لي امدرمان
| |
|
|
|
|
|
|
|
|
|
Re: سوق امدرمان واحياءه (Re: غادة مكى محمد)
|
الشكر للمتداخلين
الفاضل يس - كيكي - غادة محمد مكي
وقصدنا يكون دمو خفيف في بداية هذا العام الذي يتمني ان يكون دمو كذلك خفيف
كيكي يافردة
ليك وحشة وياليتها تعود ايام البوستات النارية ونجلس القرفصاء ليلا نهارا وزي ماقال الود خليل كيكي احسن من يحرس بوستاته لنا لقاء بها
غادة محمد مكي
جايين لبيت المال وفريق ازحف تابعينا
صديق الموج
ياود قلبا
مشكور علي كل التصحيحات وفعلا انا دقست في المرحوم مرغني المامون علي الرغم من انو كان ملاصق لعمي عبدالخالق فرح وكذلك التيمان سقطو مني سهوا لك الشكر علي التصحيح
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
المتداخلين الجدد
وليد - حسام
وليد ربنا يديك العافية فعلا هو عرفة زعيم الشماسة له الرحمة علي مااعتقد مافي واحد عارف خباياهو
وحسام يوسف
ووتابع معانا محتاجين ليك لحي المسالمة
وفي زنك الخضار لاننسي المراة الوحيدة التي كسرت احتكار الرجال علي سوق الخضار وصارت بائعة فيه هي بت الحناوي من فتوات امدرمان
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
الدخري اشهر مجنون في سوق امدرمان كان يسكن الجامع الكبير وكان يكسر الحجارة واحيانا يضعها علي قضيب الترماي وكثيرا مابتوقف الترماي حتي ينتهي الدخري من تكسيره للحجارة وكان يقف عاريا ومشكلته انه قذف ابنه بحجر فااصابه في مقتل
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
الجميل متولي ,, سلامات والله مسكنا المرض من بوستك الجميل.
بالمناسبة لم تخنك الذاكرة فعلا في تيمان أمدرمان المشهورين
غير اصحاب العطارة. فعلا هم حسن وحسين ولهم قصة مشهورة سمعتها
من جدي في اواخر الستينيات , انه حكم علي أحد التيمان بالسجن
فس قضية ما , وتقاسم التيمان الحكم مناصفة لانه ما معروف حتي
الان من الذي ارتكب الجنحة,حيث ظل سر بين التيمان حسن وحسين.
طبعا مقاسمة الحكم فهلوة من التيمان واحد يبيت يوم والتاني يجي
يزوره ويجيب ليه الاكل ويحل محله لليوم التاني,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
يا متولي في كتيب عن ظرفاء ام درمان كتبه الوالد في السبعينات
ولم ينشر سمعت كل قصصة من الوالد ولكن للا سف بعد وفاة الوالد
لم أجد الكتاب لانه المكتبة كبيرة خلاص وان شاء الله في زيارتي
القادمة للسودان ابحث عنه وأتمني أن أجده واطبعه هدية لامدرمان.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
| |
|
|
|
|
|
|
|
|
|
Re: سوق امدرمان واحياءه (Re: سيف الدولة كامل)
|
سلامتك ياسيف ونتمني لك عاجل الشفاء
العم بيين مكوار صاحب اشهر عربة باسطة في سوق امدرمان وكان الناس يحضرو من الخررطوم لشرائها
مرة في واحد عايز يشتري باسطة وضاربهو لخمة فقال عليك الله ياعم باسطة اديني كيلو بيين فرد ليهو كمان قلبتوني باسطة
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
| Quote: وليد ربنا يديك العافية فعلا هو عرفة زعيم الشماسة له الرحمة علي مااعتقد مافي واحد عارف خباياهو |
يامتولي
كان ياتي كل يوم صباحا للوالد بزنك الملجه(هل تذكره) وياخذ الفيها النصيب.. لذلك
او لاسباب اخرى لا اعلمها كان يكن للوالد احتراما شديدا.. وعلمت من الوالد بان عرفه
يمت بصلة قرابة شديده لال محمد حسين خلف وهو من التجار العروفين بالسوق وصاحب اضخم
عمارة في ذلك الزمان.
س
بتعرف ابوحوه؟
| |
|
|
|
|
|
|
|
|
|
Re: سوق امدرمان واحياءه (Re: Mutwali Malik)
|
....
الأخ الأستاذ متولى مالك
تحية طيبة
بوست توثيقى رائع لحىٍ من أحياء أمدر العريقة أمدرمان الحبيبة. نحييكم على الفكرة والموضوع ونتمنى أن يمتد هذا التوثيق ليشمل كل أحياء أمدرمان القديمة.وقد لاحظنا عدم ذكر الكثير من البيوتات والأسر العريقة فى فريق السوق وضواحيه ومنهم جدى لأمى أحمد قريش مالك للكثيرمن ا لعقارات بفريق السوق ومنها المنزل القديم اللى فيه دكان عمنا عوض الشايقى بتاع الميكروفونات بالقرب من العدنى . وراجعين ليكم بمهلة إنشاء الله عشان نحاول نوثق معاكم.
وراجعين!!!
فائق إحترامى
أشرف الباقر
......
| |
|
|
|
|
|
|
| |
Mutwali Malik
Mohamed Foto7li
ود الخليفه
ashraf mukhtar
Ridhaa
willeim andrea
waleed dawash
محمد الفاتح خالد حسون
سيف الدولة كامل
Mirghani Ali AlAmin
munswor almophtah
محمد الجزولي
عبدالحافظ سعد الطيب
الهادي محمد علي
دبس
ناجى أحمد البشير
معاوية محمد الحسن
سامى عتبانى
Shayma
خالد حامد الجزولي
باسط المكي
نادر السوداني
ايمان بدر الدين
Kostawi
صديق الموج
محمد السليمانى
الفاضل يسن عثمان
عبدالكريم الامين احمد
غادة مكى محمد
حسام يوسف
أشرف محمد الباقر
فيس بوك
تويتر
انستقرام
يوتيوب
بنتيريست