|
مافي بوردابية/ جندرية/ ملتزمة.. نلحق السوق الحار ده!
|
ما شاء الله تبارك الله!
تعمل رفرش تلقى فلان/ة عقد/ت أو فلان و فلانة عقدوا.. صلاة النبي!
بس ما تبقى فينا قصة صاحبي البوصف فتاة أحلامه لصاحبته و بعد ما انتهى ..قالت ليه: دي والله إلا تلدا إنت! الف مبروك و ربنا يجمع كل الأحبة على خير و بيت مال و عيال.
|
|
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: لؤى)
|
أخي الحبيب الصديق لؤي أكرر التهاني بمناسبة الخطوبة وإن شاء الله يتم على خير ..وبيت مال وعيال. أخوك سعدالدين دفرناه كثيرا لدخول القفص الذهبي ورشحنا ليهو عدد من زهرات الوطن ولكنه لا يزال مستعصم بأشد وأقوى حصون العزوبية. (هاتفك الجوال مفتوح في السودان ؟)
تحياتي ومودتي
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: Gaafar Ismail)
|
Quote: أخي الحبيب الصديق لؤي أكرر التهاني بمناسبة الخطوبة وإن شاء الله يتم على خير ..وبيت مال وعيال. أخوك سعدالدين دفرناه كثيرا لدخول القفص الذهبي ورشحنا ليهو عدد من زهرات الوطن ولكنه لا يزال مستعصم بأشد وأقوى حصون العزوبية. (هاتفك الجوال مفتوح في السودان ؟)
تحياتي ومودتي |
جعفر يا أعزّ عزيز سلامات
الله يبارك فيك يا صديقي ياخي الزُّول دا ما عاوز دفر دا عاوز دفع بيكون أصلاً أولاد اليومين ديل كدا
أنا ما مشيت السُّودان طبعاً لكن رقم السُّودان شغال هنا 249914788446+
سلمت يا رجل يا عظيم
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: Tragie Mustafa)
|
تراجي ازيك؟ و ان شاء الله حازم و سند طيبين
Quote: انت يا سعد الدين السمك و اللبن و التمر هندي البادي بيه بوستك ده باقي لك بوصلك لاي من(اطباق اليوم) اقصد فتيات احلامك؟؟؟ |
و لو إنه البوست اصله نكتة.. لكن ما شايف أي سمك لبن تمرهندي على ال Menu أولا .. ثانيا فتيات أحلامي إن كن فرديات/ بالجمع أو الجوز ما بجي افتشها/هن بي بوست هنا و اقنطر نفسي لي أم حازم :)
Quote: يا ظلامي يا علماني الا مسك العاصيه من النص ده بيودي التوج وفي قولة آخرى بيودي للتعدد |
ظلاموعلماني ماينفع؟ عمرك ما سقتي عربية Hybrid؟؟ برضو ما شايف عصاية تتمسك من نصها أو ربعها. بالأضافة لي أنه التعدد ما حرام:)
Quote: تأخد الملتزمه اولا تشبع ومن ثم تحلي بالجندريه |
يعني الملتزمة فسيخ و الجندرية كريم كرامللا؟ قدر الله! يا خالة نحن جيل السبعينات بدأت طفولتنا مع نميري مرورا بالأحزاب ثم الانقاذ! درسنا في السودان و بره.. جيل منفتح جدا + يمكن يتعامل بالعكاز Yet ما عنده عصايتك دي!
Quote: كن الاثنين يسمك...الا يكون نفاق. والمنافقات كثر و المدعيات اعمل حسابك. |
كلامك ده كنت بدسه زي "وثيقة نقد حلايب مصرية" لو كنت إمرأة.. شاء الله أن لا أكون فشكرا جزيلا على النصيحة الغالية.
Quote: دعواتنا ان تجد ما بتغى ونشوف وليداتك.
|
آمين و ربنا يحقق كل مرادك و يخليك لحازم و سند و يحفظهم.
تحياتي
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: انعام عبد الحفيظ)
|
قال و قد حانت منه التفاتة الى يمينه اعقبها بأخرى على يسراه فرأي رفاق دربه و إخوة سلاحه قد سقطوا صرعى كأنهم أعجاز دليب متندلة! فذاك تامبا مكب على أم شلوفته و ها ذا لؤي مفنقل من على صهوة جواده يا حبة عيني.. رآهم بين ذبيح بسهم كيوبيد و آخر انتاشته سيوف اللحظ.. مسح على شاربه و شد لحيته و تحوقل ثم تمتم: أمانة ما ماتوا رجال! و انمحت مدن عزوبية من على وجه خرائط السويد و السعودية! فبصق سفته و تنكب قوسه و درعه ثم مضى في سبيله.
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
Quote: قال و قد حانت منه التفاتة الى يمينه اعقبها بأخرى على يسراه فرأي رفاق دربه و إخوة سلاحه قد سقطوا صرعى كأنهم أعجاز دليب متندلة! فذاك تامبا مكب على أم شلوفته و ها ذا لؤي مفنقل من على صهوة جواده يا حبة عيني.. رآهم بين ذبيح بسهم كيوبيد و آخر انتاشته سيوف اللحظ.. مسح على شاربه و شد لحيته و تحوقل ثم تمتم: أمانة ما ماتوا رجال! و انمحت مدن عزوبية من على وجه خرائط السويد و السعودية! فبصق سفته و تنكب قوسه و درعه ثم مضى في سبيله. |
حبيبنا ابو السعود أقعد هضرب كدا لما القطر يفوتك
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
ابو السعود ليك وحشه
اها جيب اضانك عندى ليك عروسات كتار ................
او انا اصلا فاتنى قطار الزواج فقلت استفيد من خبرتى اعمل خاطبه مرتكزا على خبره طويله ن العزوبيه وصحبه المتزوجين الحانقين على بيع حرياتهم رخيصه .
وزى ما دوكه عرس ما اظن فى شئ تانى صعب ممكن ما يتعمل هاهاهاهاهاهاهاها دى تع على مستوى عالى ...................................................................
اما تامبا ود حلتى ده المفروض من شده مكاجرتو للجندريات المفروض ما يعرس بس شكلو هزم هزيمه نكراء 3/صفر ...
اها انت نيوزيلاندا دى كلها ما لقيت نيوزلنديه حلوه تعرسه جاى تكابس فى بورد بكرى ده ياخ والله انتو شعب عجيب خلاص بنى اسرائيل بس تلقو المن تقولو دايرين البصل هاهاهاها
ليك وحشه وشوق وايام جميله فى الذاكره ..ما جاى قريب تانى علينا .
تانى ما تجيب لى سيره التوم والبصل ده هاهاهاهاهاهههاهاهاهاهاه الوقت بدرى لسه للجمعه وانت احسن ليك الاتنين مولد الرسول
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: عمر سعد)
|
عمرنا! انت الاوحش يا حبيب :)
يا عم.. ناس تامبا ولؤي ديل طلعوا نفاخين و مناضلين كيبورد ساي الواحد يقوم ليهو في زول هنا تقول اب كريق! في أقرب لفة تلقى دميعاتو يتحدرن و ناحن لي حماماتن والعزيزة الما بتسأل و بقت نساية..
Quote: اها انت نيوزيلاندا دى كلها ما لقيت نيوزلنديه حلوه تعرسه
|
يا قريبي البلد ديك كلها حلويات.. علا كمان فيهن ضكريات كتير من صحبة الأولاد.. دحين كان عايزلك عروس منهن قول لي عوك :)
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
يا سعدنا
عووووووووووووووووووووووووووووووووووووووووووووووووووووووووووووووووك عمر مكتول فى حوش نيوزيلندا
ورورررررررررررررررررررررررررررررررررررررررررررررررررررررررررروك عمر داير ينتحر
ووووووووووووووووووووووووووووووووووووووووووووووووووووووووووووووو حور عين قبل القيامه
يالله الكوره فى حلتكم .........................................................................
ورينى انا اعمل ليك شنو ...................................................................................................
علا اعرس ليك اتنين فى وكت واحد رسل لى تلفونك فى الخاص
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
ابو السعود
بفكر اخد ياته اللبوه الماسكه الحبل ولا اللبوه الراقده هاهاهاهاهاهاهاهاهاهاهههاهه
يعجبنى دائما وجود خيارات ههههههها ان شا الله بعد اختار بديك الفضلت هاهاهاهاهاهاهاهاهاها
شايف د نجاه دايره تعرس ليكم ماليزيات ........................................................................
اول حاجه تربى ليك دقن وجزاك الله خير .
والعاقبه عندكم فى المسرات انا خلاص بت الحسين لقت لى عروس ؟ وتمبس امبارح قال العرس ده كرهو هاهاهاهاههاههاهاهاهاه سلم على مليون زول ههاهاهاهاهاهاها
احتمال يرجع لينا الحظيره تايب ومستغفر ربو هاهاهاهاهاهاهاهاها
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: JAD)
|
الدكتور جاد إزيك
أبدا ما فيهو هزار.. بس البوست ده محتفل فيهو بلؤي و تمبس.
بعدين راجع البروفايلات يا سينير
Quote: الجامعة/المعهد: جامعة السودان للعلوم والتكنولوجيا الحالة الاجتماعية: Married العنوان الدائم: الخرطوم - الشجرة الفنان المفضل: كل فناني الطمبور |
فمسألة married دي ما أظن مشكلة كبيرة هههه ( إحتمال مناورة) لكن كل فنانين الطمبور؟ الترترة دي عايزة ليها زلاجات :D
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
سعد الدين ,,, كيفنك يا أخوي,,, بهزر ,,أحييييييي عصروك تاني تجي.
الجندريات ما بلعبن في موضوع العرس ده,,قوي قلبك وقول خير.
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: لؤى)
|
Quote: أنا جئتك ناصحاً ومحذّراً من مغبّة دخولك المتكرّر في هذا البوست إحذري ما قد يحدث لكِ خلال هذا السُّوق الحار
اللهم إنّي قد بلّغت فأشهد |
الصديق الغالي لؤى أشكر لك إهتمامك الكبير ونصائحك الغالية التي أتحفتي بها هنا في هذا البوست (السوق الحار دا ) وبعيد من الشكر يا لؤى هووووي كان نصحت روحك قال نصيحة قال
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: HAIDER ALZAIN)
|
Quote: بس كمان في بعض العويــن هنا
النصيحة ما بتنفع معاهن .. صديقنا لؤي ينصح يشبن ليهو في حلقو .. |
يا حيدر انت جادي في كلامك دا أحسن لييييييييييييك تسحبو ح تاباهو الكلام دا
Quote: اييييييه الله في .. والجمعة 25 ديسمبر قررربت نشوف تاني ينصح نفسو بشنو |
لؤى دا انا بجيب ليكم خبرو يوم الجمعة انشاء الله وبسجل ليكم كل الكبكبات (جمع كبكبة) قالوا العرسان بيتكبكوا يوم عرسهم
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: HAIDER ALZAIN)
|
Quote: وواحدين بشهادة وسائل الاعلام بيضيعو الشنط في المطارات
والبعض وقت يضرب تلفون بيقلع النضارة ويقيف على حيلو
- أها عشان نسحب الكلام رسلي الكاش .. وبنديك خبر كبكبة الجمعة لايف من الدمام باقي العريس مرابط اليوم داك ... |
يا حيدر شكلها هي الحاتحكي ليك وكان ما مصدّق تعال المطار بكرة زي المواعيد دي وبعد شويّة بحكي ليك أنا حصل لي شنو قبل يومين
تحاياي
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: لؤى)
|
صباحاتك يا عريسنا ..
Quote: شكلها هي الحاتحكي ليك وكان ما مصدّق تعال المطار بكرة زي المواعيد دي |
شنو يا ملك هسع قلنا بكرة نجي ومعانا الشباب نحجز حق النقل الحصري للكبكبة يا قول انعام
نلقاك قررت تمشي والا شنو ؟!
يا عمكـ القصة عقد ساى هي كبكبة اكبر من دي ...
إنداح إنداح احكي الحاصل ما بنكلم زول لا في زول شايف
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: انعام عبد الحفيظ)
|
Quote: لؤى دا انا بجيب ليكم خبرو يوم الجمعة انشاء الله وبسجل ليكم كل الكبكبات (جمع كبكبة) قالوا العرسان بيتكبكوا يوم عرسهم |
يا إنعام أنا أؤكّد هذه المعلومة الكبكبيّة ومنتظرة لبكرة ليه تسجّلي لحيدر كبكباتي ؟ أنا هسّع بعد شويّة بورّيك الحصل لي شنو قبل يومين
من فضح نفسه ، وفّر على نفسه الإفضاح
الإفضاح اللغوي
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: انعام عبد الحفيظ)
|
Quote: الصديق الغالي لؤى أشكر لك إهتمامك الكبير ونصائحك الغالية التي أتحفتي بها هنا في هذا البوست (السوق الحار دا ) وبعيد من الشكر يا لؤى هووووي كان نصحت روحك |
إنعام الكيشة صباح الخير
أنصح نفسي شنو تاني ؟ يا كيشة أنا دربي مرق وكان ما مصدّقة تعالي مطار الخرطوم بُكرة بعد المواعيد دي بشويّة
ثمّ قال ( لوووووووووول )
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
عارف يا سعد
إنتابت صديقي ( ع ) المهندس الميكانيكي زعلة كدا أنو ( القطر فاتو ) كونو أولاد دفعتو كلهم يتزوجوا قلت له محاولاً تطييب خاطره
" يا زول ولا يهمك ، نحنا ترانا اتزوجنا موديلات التمانينات ، إنت يا عم بختك حـ تتزوج موديلات حديثة 2005 ، 2006 وكدا "
أقنع نفسه بهذه ( النظرية )
وفعلاً تزوج عام 2005
بعد الزواج بدأت زوجته ( تنداح ) معه عن صديقاتها فلانه دي قدامي بي سنة في الجامعة وفلتكانة دي وراى بي سنة في الثانوي وصاحبنا ( يجمع ) و ( يطرح ) في السنين
إتصل يوماً أيقظني من النوم
" ياخوى نظريتك فاشلة وأنا ( إتخميت ) خمة شديدة ، العروس تراها موديل التمانينات زى حالاتكم لكنها بس مصدرة من بلدها في 2005 "
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: عاطف عمر)
|
سعد الدين ازيك...وتحياتي واولا في التبادئ.. مبرووووك لي لؤي وتمبس.. اها... ثانيا يا الحبيب.. انت اقعد باري لي يوستتات الاعراس دي...لغاية من تحلق الجماعة و كدي اساأل صاحبك محمد الخندقاوي قبل ما تبدأ اي مشروع.. لانه هو كان من كبار العذابة والمناضلين ضد الزواج و الزواج من سودانية..!! سنتين و انا بنبح معاه... وفي الاخـــــــــــــــــر خلاني سافرت من هنا وقام عملها...تتصور!! عرس...و عرس و قد يكون في مرحلة ان يكون ....أب... وطبعا سودانية...مية المية اها التصريحات خليها...
وخليك عديل يا مع العرسان و لا مع العذابة زي الحبيب حيدر الزين ده...
__ تحياتي و احترامي وان شاء نسمع بي جديدك قريب قول امين..
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: saadeldin abdelrahman)
|
Quote: أخوانا الحلف بالله ما ترك شئ السوق ده ما تبعي.. حق البلدية و لقيته مولع براهو! تسلموا على الأماني العذبة و ان شاء الله ربنا يتم للأخ لؤي و يلحق تامبا خير خلف لخير سلف :D |
إنت كمان أحسن تسكُت ساكت ما تخلّيني أحكي قصصك الإنت ذاتك ما عارفها والنّاس الما بعرفها أصلاً وبتتصل بي من السُّودان عشان تسأل من رقمك عشان البوست بتاع السُّوق الحار دا غايتو الشّافك معرّس قبلي أنا العرسي بُكرة دا ما كضّب
عشان كدا أنا شايف أحسن تسكُت
| |
|
|
|
|
|
|
Re: مافي بوردابية/ جندرية/ ملتزمة.. نلحق السوق الحار ده! (Re: لؤى)
|
Quote: إنت كمان أحسن تسكُت ساكت ما تخلّيني أحكي قصصك الإنت ذاتك ما عارفها والنّاس الما بعرفها أصلاً وبتتصل بي من السُّودان عشان تسأل من رقمك عشان البوست بتاع السُّوق الحار دا غايتو الشّافك معرّس قبلي أنا العرسي بُكرة دا ما كضّب عشان كدا أنا شايف أحسن تسكُت |
لؤى بطّل تهديدات ياخ غايتو يا سعد الدين قصصك بقت قصص إلا نعملها في كتاب ياخي امس ضحكت كمية ضحك خراااااافي بقصتك دي حقو يا لؤى تبيع ليهو القصص دي وحقي بره بالله
| |
|
|
|
|
|
|
|