|
|
 شكرا بكرى...جولتى الفنية بكندا(صور)
|
اولا جزيل شكرى للاخ بكرى
لاعادتى الى الحوش
شكرا على البوستات التى
تم رفعها والخاصةبحفلاتى
بكندا ودنفر كلورادو
شكرى يمتد ولو جاء متاخرا
حملة وليد دارفور
جلسات الحلفاية
حملة دعم مدارس دارفور
افراد مساحات مقدرة لاهل
الفن بسودانيز اون لاين
|
|
 
|
|
|
|
|
|
|
 Re: شكرا بكرى...جولتى الفنية بكندا(صور) (Re: ذواليد سليمان مصطفى)
|
عمر احساس,,,,,سلام,,,
ياخ الف مرحب بيك وبركة جولة كندا دى خلتك تجى داخل هنا,,,
المرة دى الدوحة خارج الحسابات ولاشنو??
سعيدين بوجوك هنا ومزيدا من الجولات الموفقة...
مزيدا من الغناء..
مزيدا من الحب,,,,,
ليعم السلام الوطن,,,,
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: ذواليد سليمان مصطفى)
|
الشكر موصول لكل الاخوة السوادنين
بامريكا الشمالية
زيارتى بدات بدعوة من رابطة
دارفور بمدينة كالغرى-كندا
للمشاركة فى فعاليات يوم
دارفور الجميلة ورغم تاجيل
الاحتفال الا ان الرابطة الحت
على حضورى لكن بينى وبينكم تحت
تحت كنت متجرس من البرد
ولكنى اتوكلت وجيت عن طريق
هولندا التى قدمت فيها عرض
موسيقى وعادت فرقتى الى
السودان ووصلت كالغرى فى
اسوا ايام عواصفها الثلجية
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: محمد الجيلى)
|
انا لازلت بامريكا اخ محمد جيلى
والان بمدينة سان فرانسسكو وساتحرك
منها 28 متوجها الى هيوستن بولاية
تكساس لدى عرض بها 30 فبراير
ثم الى منطقة واشنطون وفرجينيا
فى الاول من فبراير ولدى عرض
للمرة الثانية بمدينة دنفر-كلورادو
فى السادس من فبراير ومن ثم
عودتى الى السودان
وبقول للاخ العزيز ابراهيم عدلان
انا اتصلت بيك بمجرد دخولى
امريكا فى رقمك القديم المعاى
لكن ردت على واحدة ما سودانية
الحاصل شنو؟
طبعا اكيد غيرت الرقم
وبخصوص اعدى عليكم هناك اقتراح
لحفل الجمعه 5 فبراير لم يتم تاكيدة بعد
وانتو اهل نيويورك ادرى بحفلاتها
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: خالد درق)
|
العزيز ذو اليد احييك على النشاط
وعلى الداخلة وشكرا انك نزلت
اغنية احساس وحقيقة ناس كتيرة
بتسال عن سبب التسمية التى كانت
بسبب عنوان هذه الاغنية عند
مشاركتى بها لنيل عضوية دار
الخرطوم جنوب للغناء والموسيقى
فى 1981 وكنت المشارك الوحيد
الذى شارك باغنية خاصة
ومن دفعتى فى تلك الليلة الزملاء
فيصل الصحافة.صلاح كوستى
عبود كسلا.صلاح عركى
ومن محاسن الصدف ان تكون
الاغنية المنزلة تم تصويرها
بدار الخرطوم جنوب ضمن انشطة الدار
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
الشقبق ناذر خليفة
الاحباب منال
فضل الله شكرا على الترحيب
الرقيق
ارجع لموضوع الجولة الفنية
وسابدا بانزال بعض الصور
حسب ترتيب تنفيذ حفلاتى
ببعض المدن الكندية وتواريخها
كالغرى - وينبغ
تورنتو -اتوا
واخيرا حفل الختام
ب ادمنتون
| |
|
|
|
|
|
|
|
|
 Re: شكرا بكرى...جولتى الفنية بكندا(صور) (Re: خالد درق)
|
** المُرهف الحساس عمر إحساس ..
** مساءك خير ..
** نورت حوش ود الحلفايا ود ابو بكر ..
** هذا الحوش فعلاً يحتاج لأصحاب الصوت الشجى الذى كم أطربنا ليثروهو أدباً ومعرفةً وكلمات مُعبره ننتفع بها وننفع غيرنا بما تجودون به..
** ونرحب بيك فى دبى ,, ولايزال صدى تألقك فيها فى اول مهرجان تسوق على خور دبى فى منتصف التسعينات يتردد فى أُذنى..
(ودام الود بين الجميع)
(ابو محمد فؤاد - دبى) - الماكيكى...
| |
|
|
|
|
|
|
|
|
Re: شكرا بكرى...جولتى الفنية بكندا(صور) (Re: Elfadil Sabeil)
|
مرحبيك يا فنان يا راقي مرة اخري في حوش السودان
ومتابعين تحركاتك لنشر الفن في ارجاء المعمور,
وذلك بفضل هذا الحوش السوداني.
ونتمني ان تنعم دارفور الحبيبة بالسلام العاجل.
وانت يا استاذ عمر, لديك العديد من الاغاني الدافوريه
الباحثه عن السلام, ولو طردنا الشيطان وتدققنا
في معانيها الانسانية , اكيد حنصل حينها نحن وساستنا
لي نهاية للمعاناه, البيعاني منها الاطفال و الامهات
و الشيوخ في دارفور.
صادق مودتي و محبتي.
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: Elfadil Sabeil)
|
شكرا الاخت عفاف والاخ عبد الكريم
طبعا لابد من دبى ومشاهده البرج
العالمى ودبى انا بعتبرها من
المراكز الاعلامية التى يمكن للفن
السودانى ان ينطلق للوطن العربى
والعالم الاوربى والغربى اذا
حرصنا على الظهور فى اجهزتها
الاعلامية بشكل مؤسس ومدروس
لان الاجهزه الاعلامية هناك منفتحه
ومفتوحه لكل الثقافات لا مثل العديد
من الدول العربية التى لا تفرد
اى مساحه للغناء السودانى رغم
ما يربطنا بها من اواصر ووشائج
ومصالح تخصها هى فى المقام الاول
واستثنى لبنان والاردن وتونس والمغرب
والجزائر ولكن مع ذلك هناك دور
مهم للتجمعات السودانية بمختلف مسمياتها
تلعبه لمساندة اى مجهود يبذل
فى مجال نشر الفن السودانى
ودونك اخى عبد الكريم المجهود
الذى بذل من ناحيتنا ومن ناحية
الجالية السودانية الدورة الاولى
لمهرجان دبى للتسوق1996
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: محي الدين جبريل)
|
المبدع ابدا الصديق محى الدين
اولا اعزيك ونفسى فى صديقنا
الراحل المقيم عزالدين خضر
واجو ان تنقل حار التعازى للاسرة
الاعلامية ونسال لفقيدنا الرحمة
والقبول ولنا حسن العزاء
والله يا محى الدين بالنسبة لى
دى اول مرة اغيب فيها عن البلد
لمدة70يوم . عارف اخوك جرسة ما زول
غربة وحنين ما بستحمل فراق البلد
لكن الناس هنا محتاجة الناس
تشاركهم مرارة الاغتراب بكل اشكالة
قسرى ام اختيارى والسودان رغم
كتاحتو وكنداكتو الا فراقو صعب
يا اخووووووووى
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عماد الدين عبدالله)
|
شكرا الاعزاء سيف اليزل
الحلة الجديدة لا انسى
فضلها على مسيرتى الفنية
عندما اتيت للعاصمة اواخر81
كانت الحلة المنطقة الوحيدة
فى العاصمة انذاك التى
تشجع وتستمع للاعمال الفنية
الخاصة وانا عندما وصلت العاصمة
كانت لدى 22عمل خاص
.وقد احتصنت الحلة
قبلى الفنان الراحل المقيم
فنا فى دواخلنا عبدالمنعم
الخالدى علية رحمة اللة
وقد شكلت لة قاعدة قوية للانطلاق
بنادى الالمنيوم
شكرا الفاضل سبيل وقد ذكرتنى ايام
الرحلات الجامعية والزمن المسامح
الطيب
شكرا احمد بشير على الترحيب
والغريبة وما تحويه اغنياتى
من مضامين سلام ووحدة الا ان
البعض لايرى ولا يلاحظ هذه المضامين
وهناك من نصحنى فى هذه الجوله
ان التفت الى تاليف اغنيات للسلام؟
شكرا عماد الين ولك الود
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
الفنان المبدع عمر أحساس خالص الشكر والتقدير والتجلة لابداعاتك الفنية وحرصك الأكيد للحفاظ على وحدة الوطن وتحقيق السلام والأمان فى ربوع دار فور العزيزة فأنت تضرب أروع الأمثلة فى تكريس فنك وأبداعك لخير الوطن، لك الود والتجلة ، مودتى .
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: هاشم محمد الحسن عبدالله)
|
يا سلااااااام يا احساس الرجل الاحساس
اسم على مسمى
ما زالت مسقط عطشى لانغامك الشجية والحانك الحنينة
عرج بى جاى لما تصل دبى بالله
بالله قلت لى حديد رغم الجليد ؟ هههه
عفيت منك
انا لى هسه سلم ناس النيل الازرق مع الحراية والكتاحة ديك عامل لى خمة نفس لوول
تتذكر اليوم ده ؟
عشان كده الواحد بتخيل نقلتك من الكتاحة للجليد
نقلة صاروخية مجمده . ربنا يستر بس على قولك
امنياتى لك بجولة فنية رائعه
انت حقيقى نعم السفير لفننا الاصيل
تحياتى عبرك للجميع
خاصة ناس هيوستن بالله سلام مربع للجميع
حقيقى شكرا لبكرى
اسماء الجنيد
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: سناء عبد السيد)
|
Quote: والان بمدينة سان فرانسسكو وساتحرك
منها 28 متوجها الى هيوستن بولاية
تكساس لدى عرض بها 30 فبراير |
عمر إحساس في تكساس.
سمعت بخبر زيارتك لنا في هيوستن من أخونا
الأستاذ سيف اليزل بايزيد..
طبعا هذه زيارتك الثانية لنا وكل الناس
هنا في شوق لزيارتك.
عند زيارتك الأولى لنا في هيوستن (حوالي أكثر
من سنتين) في زواج إبنة الأستاذة عائشة من الصدف
الطريفة أذكر قبل بداية الحفل كنت أنا واقف خارج
صالة الحفل ومعي الدكتور أحمد الصائم وبعض الأخوان نتونس ..
حضر الأستاذ عمر إحساس وسلم علينا ودخل معانا
في الونسة وصراحة وقتها ما كنت أعرف إنه ذلك
الشخص هو الفنان عمر إحساس الى أن أخبرني
أحد الأخوان إسمه معتصم قال لي بأن الشخص الذي
كان يتونس معانا هو نفسه عمر إحساس!!..
عييك.. قلت ليهو والله أكان كدي أخوك مسطح!!.
يا عمر ياخي ألف مرحب بيك.. وأكيد حنلتقي
عند حضورك الى هيوستن.. وإن شاء الله سيطيب
لك المقام كضيف عزيز بيننا.
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: النذير حجازي)
|
تحدد السبت 26 لحفل وينبج
وكان الاخ نورالدين على اتصال
وحقيقة كان راجل مرتب وعملى
وواحدة من الحاجات البتقابلنا
فى الارتباطات الناس دايما
بتاخد وقت طويل عشان تؤكد تاريخ
ومكان الحفل وفى النهاية ده
بيكون خصم من زمن الدعاية
ويبقى التعبير السائد
(هو الاعلان طلعتو متاخر شوية)
وطبعا الناس البروجو للكلام ده
هم ذاتهم الناس البجو متاخرين
للحفلة
عموما انا اتحركت على ناس وينبج
وسانزل بعض الصور التى اخترها
عشوائيا واخونا مكى عضو البورد
من مدينة وينج
ممكن يتم الناقصة ده لو قصرت
فى حاجة
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
السيدمكواج رئيس الجالية السودانيةبمدينة وينج
معلومع اضافية هى ان هناك تجمع واحد فقط
للسودانين بوينبج ولها دار خاصةبها اشترتها من
حر مالها وهذه واحدة من خصوصية طعم مشاركتى
بحفل وينبج ان مكان الحفل هو دار الجالية
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
استاذى العزيز يوسف الموصلى
لك الود والتجلة
شكرا على المساندة والمتابعة
ولك الفضل دائما فى تشجيعى
لتقديم اللونية الفنية الجديدة
التى قدمتها ولولا دعمك بالقاهرة 1991
لتاخر تقديمى لهذه اللونية
لك الشكر ايها العزيز المخلص
تلميذك عمر احساس
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
عمر يا إحساس يا فنان
كيف حالك؟ أريت حالك زين.
رحلة كندا يبدو أنها كانت موفقة
نرجو لك التوفيق في الولايات المتحدة.
بمناسبة الصور يا أخي عندي معاك صور في حفل ديموينز أيوا
قبل أكثر من سنة أنا وعبدالله فلوت وميكائيل
وعدتني بإرسالها في الإيميل لكن ما رسلتها،
المدة طالت لو الصور دي موجودة بالله رسلها لين..
أها وما عندك نية تجينا في أيوا المرة دي؟؟
| |
|
|
|
|
|
|
|
|
|
Re: شكرا بكرى...جولتى الفنية بكندا(صور) (Re: عمر احساس)
|
نمشى على تورنتو
جميل ان حفل تورنتو
صادف عيد الاستقلال
وبحس وطنى عالى تم
الاعداد للحفل رغم
صعوبة الحصول على صالات
فى وقت صادف اعياد
الميلاد وراس السنة
ولكن باجتهاد الاخ
كمال شيبون الذى
التقيتة بمدينة جوبا
التى اتيتها مشاركا
جامعة جوبا احدى
احتفالاتها
وطبعا كمال ومجمعتو
ليهم خبرة كبيرة
فى اقامة وتنظيم
الحفلات
وتورنتو اكثر مدن كندا
حظيت بزيارات فنية
ولهذا السبب تم تنظيم
حفلتين فى غضون يومين
ودى حاجة ما بتحصل
بعد اقامة حفل الاستقلال
ليلة31 سافرت لاقامة
حفل اتوا فى الثانى
من يناير وفى الثالث
من يناير كان الحفل
الثانى للجالية السودانية
ب تورنتو بدار الجالية
الانيق مكانا وجمهورا
والشكر موصول لكل الاسر
التى احتفت بى من خلال
الدعوات التى وجهت لى
بمنازلهم
والى الصور
واخى عادل الوسيلة خليك
جاهز بالتعريف والمشاركة
| |
|
|
|
|
|
|
| |
عمر احساس
ماضي ابو العزائم
فايزودالقاضي
شمس الدين ساتى
ذواليد سليمان مصطفى
محمد الجيلى
ابراهيم عدلان
ناذر محمد الخليفة
عفاف الصادق بابكر
عبدالكريم أحمد الامين
ismeil abbas
احمد محمد بشير
عماد الدين عبدالله
محي الدين جبريل
مبارك محمد عثمان
Dr.Elsadig Abdalla
محمد زكريا
Tragie Mustafa
علوبه
هاشم محمد الحسن عبدالله
حبيب نورة
سناء عبد السيد
عزيز عيسى
النذير حجازي
Mahmoud Mustafa Mahmoud
Yassir Tayfour
Elmosley
Ishraga Mustafa
Awad Elkarim Babiker
أسامة عبد الجليل
فيس بوك
تويتر
انستقرام
يوتيوب
بنتيريست