|
Re: بالصورة ... موظفو المفوضية يتتنقلون في ضيافة المؤتمر الوطني (Re: عبداللطيف حسن علي)
|
زهرة حيدر .. اتعودنا علي من الاقلام الجادة .. اول حاجة يا زهرة حيدر .. دا انتهاك لحقوق المواطنة الفي الصورة .. تصويرها بدون اذنها .. وعرض صورها في مكان عام .. تستطيع ان تقيم عليك دعوى قضائية .. و بتعتبر قضية ساهلة جدا .. الحاجة التانية لا يعنينا مع من يركب الموظفين في المراكز الانتخابية .. دا عمل مكلفين بيهو امام الله و امام ضميرهم و امام الشعب .. الموظفة دي لو داير تتلاعب ممكن تلقى ليها طرق تانية كتيرة .. ما يكون متاح ليك انك تصوريها .. لكن مالو نشوف حقك انتي .. بدل التشهير ببت الناس في الانترنت .. ( لانه يجوز انه عندها زول ما برضى ركوبها مع الشخص دا ) .. بدل التشهير مش كان ممكن تذهبي للاستسفار في المفوضية .. او تقديم شكوى .. او حتي توكيل محامي و الذهاب الي المحكمة .. و علي ما اظن انك ما بتقيمي في مدينة بورسودان .. يعني الصورة جاتك عن طريق وسيط علي ما اعتقد .. ليه يا زهرة بتدخلي نفسك في مأزق قانوني ذي دا .. علي العموم اتمنى تمسحي الصور دي .. و تشيري للحادث بالنص .. و اتخاذ الاجراءات المؤسسية من خلال الحزب لمعرفة مدى الضرر من ركوب احدى المزظفات العاملات في المراكز عربة تاكسي مع شخص ينتمي الي حزب انتي ما بتحبيهو ..
.. ..
بالمناسبة لدي صور كمية .. لشيوعيين لاعبين دافوري مع كيزان .. ( ممكن بعد الانتخابات نفتح بيها بوست نسميهو الشيوعيين و الاسلاميين - زواج المتعة )
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: humida)
|
معقولة يا جمــاعة ... معقولــة ..؟ ..
الزولة دي .. شايلة شنطة في ايـده واللا راكبـة ساااي ..؟ لو شايلة شنطة اكيد تكون شايله فيها جردل بتاع حبـر .. من النوع البطمزو فيهو المصابعين البطلع من اليد وبروح بي سرعة .. لاحظ عزيز بشاشا القارئ .. قلنا جردل عديل كدا .. عادي جدا زهرة دي تتحرفن وتدخل الجردل جوه الجك ..
ياخ مرات كتيرة بقرا لي كلام .. احس بي راسي عمل زننننن ..
تبا... لهذا البورد .. معاً... لعمل كشف طبي بعد قراءة اي بوست اليومين دي .. ــــ
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: Hussein Mallasi)
|
Quote: اول حاجة يا زهرة حيدر .. دا انتهاك لحقوق المواطنة الفي الصورة .. تصويرها بدون اذنها .. وعرض صورها في مكان عام .. تستطيع ان تقيم عليك دعوى قضائية .. و بتعتبر قضية ساهلة جدا .. |
لا .... لا تستطيع إقامة دعوى.
موظّفة المفوّضية، في هذه اللحظة، هي شخصية عامة، ولم تلتقط صورتها بصفتها (مواطنة) كما ذكرت. وصفتها في هذه اللحظة، لك أن تلتقط صورتها وتنشرها، وتنقل كل ما يصدر عنها من حديث.
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: محمد أبوالعزائم أبوالريش)
|
Quote: .. دا انتهاك لحقوق المواطنة الفي الصورة .. تصويرها بدون اذنها .. وعرض صورها في مكان عام . |
وعملها في المفوضيه لايجعل منها شخصيه عامه.. وحق الخصوصيه لايسقط في (مشوار التوصيل).. الاخت زهره احتراما مني لك ولتنظيمك المحترم جدا.. اتمني ان تمسحي الصورة التي تظهر فيها هذه الاخت.. فقد وصلت رسالتك.. ومع تعقيدات هذا الوطن اتمني ان تعي انك ربما تقومين بضرر لهذه الاخت.. هذا مع وافر احترامي.
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: naeem ali)
|
والحديث عن تجاوزات المفوضيه (اصبح ممل جدا).. تجاوزات مخجله احيانا.. رفض تسليم اورنيك (سبعه ولاثمانيه ماعارف).. رفض طلب بعض المراقبين في مراجعة هويات البعض (هم مراقبين شنو طيب..؟؟) اشتهار معظم الموظفين بالاحياء بانهم (كيذان قدام)..ّ!!!!! والكثير الذ ي يدل علي ان الحكومه افتقدت حكمتها تماما في هذه الانتخابات ربما ضمان الراي الامريكي (قدس سره) جعل الحكومه غير عابئه بهذه التجاوزات وقوة العين..
_________________ صورة واحده بس الظاهر فيها ملامحها عليك الله امسحيها
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: naeem ali)
|
Quote: يمكن يكون زوجها ، قريبة ، ود جيرانا ، زميلة في الشغل بعرفا من زمان قبل الانتخابات |
ياسيدح ..عافاك الله المقصود بعيد عن ظنك صدقني .
على كل حال يازهرة هي من باب التعاون شيلني واشيلك
او الحشاش يملأ شبكتو كما لغة اهل المؤتمر والعنقالة
سلوك يجد الادانة والاستنكار ولا يليق بموظفة عامة في
جهاز يتطلب الحياد والدقة والانضباط ..
شكراً زهرة .
............................................حجر.
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: naeem ali)
|
Quote: موظّفة المفوّضية، في هذه اللحظة، هي شخصية عامة، ولم تلتقط صورتها بصفتها (مواطنة) كما ذكرت. وصفتها في هذه اللحظة، لك أن تلتقط صورتها وتنشرها، وتنقل كل ما يصدر عنها من حديث. |
ابو العزائم .. حديثك غير صحيح .. لا بالقانون و لا بالمنطق .. موظفة المفوضية تمثل مؤسسة .. و حقوقها كمواطنة لها حياتها الخاصة لا يدخل ضمن الشأن العام .. ألا بتحقيق قضائي .. لا يحق للافراد تجريم شخص او ابداء رأي سالب و التشكيك في نزاهته بدون تحقيق رسمي عن طريق القضاء .. هل تستطيع انت او زهرة حيدر ان يحدد ما هي العلاقة بين موظفة المفوضية و بين سائق التاكسي المجهول الهوية .. لماذا علينا التصديق بأن صاحب التاكسي هو الشخص المذكور لمجرد تصوير موظفة المفوضية تركب في مركبة تعتبر عامة .. ( رغم وجود رقم لوحة العربية لكن لا يوجد مستند رسمي يوضح لمن تعود ملكية العربية ) .. هل في القانون نص صريح يمنع موظفي المفوضية من الركوب مع احد المنتمين الي الاحزاب التي تخوض الانتخابات ..
.. ..
اسلوب تلفيق الاتهامات بدون دليل واضح اسلوب ظل يعاني منه السودان في الفترة الماضية .. و المعارضة مفروض انها جاءت لتزيل مثل هذا الظلم .. لمن يكون اسلوب اعضاء الاحزاب المعارضة بنفس الاسلوب دا .. بقول .. نحن نروح الاسم .. و تضربوا لما يبانلكم صاحب .. سلومة الاقرع ما اعرفش اخوه ..
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: مزمل خيرى)
|
Quote: سلوك يجد الادانة والاستنكار ولا يليق بموظفة عامة في جهاز يتطلب الحياد والدقة والانضباط .. شكراً زهرة . ............................................حجر. |
.. تأمل عزيزي القارئ .. تأمل في هذا الصباح
مسكينة بت الناس .. حقك علينا.. اعصري بطنك باقي ليك يوم واحد .. تميهو كداري المسامح كريم .. (مناضلين الكيبورد) ديل ما تستبعدي يقولو اي حاجة عايزين يقولوها ..
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: السيد المسلمي)
|
الاخـوه المتداخلين جميعا ..
حرصا على سمعه البنت المسكينه .. وكراهيه في السياسه ولعبتها القذره .. الرجــاء عدم التداخل في البوست وتركه (يغطس) .. نظـرا لانو صاحبه البوست رفضت مسح الصوره .. الصوره فقط يا زهره ..زي ماقال ليكي نعيم ..
يا زهره .. احترم حزبك وتنظيمك جدا جدا .. لو حريصه على استمراريه النقاش .. رجـاء .. رجـاء امسحي الصوره ..
تحيـاتي ..
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: زهرة حيدر ادريس)
|
.. تم حفظ الصورة في مليون جهاز كمبيوتر حول العالم .. - في كمبيوترات المعارضين .. كدليل على انتقال موظفو المفوضية في ضيافة المؤتمر الوطني (لاحظ عزيز بشاشا القارئ (موظفو) دي عاملة كيف) .. - في كمبيوترات الناس السـاي .. كدليل (اندهاش) - في كمبيوترات أخرى .. كذكــرى .. فإن (الذكري ناقوس يدق في عالم النسيان) .. في كمبيوتر (كوستــاوي) .. (وتراجي) .. (والمستكاوي) .. عشان يمشو يوم السبت الجاي يودوها لي أوبامـا..
هو الصورة تنزل في البوست بي جاي .. البوست ثانيتين ما يقعد تلقى .. كوستاوي طاااخ طراخ .. حفظه في ماي بكشر .. شايلاها لي شنو يا زهـرة .. والله مني ومنك اخليها في بوستيها.. واشوف الليلة الزولة دي بترجع بيتم كداري واللا بي عجلة ..
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: tmbis)
|
tmbis
Quote: تم حفظ الصورة في مليون جهاز كمبيوتر حول العالم .. - في كمبيوترات المعارضين .. كدليل على انتقال موظفو المفوضية في ضيافة المؤتمر الوطني (لاحظ عزيز بشاشا القارئ (موظفو) دي عاملة كيف) .. - في كمبيوترات الناس السـاي .. كدليل (اندهاش) - في كمبيوترات أخرى .. كذكــرى .. فإن (الذكري ناقوس يدق في عالم النسيان) .. في كمبيوتر (كوستــاوي) .. (وتراجي) .. (والمستكاوي) .. عشان يمشو يوم السبت الجاي يودوها لي أوبامـا..
هو الصورة تنزل في البوست بي جاي .. البوست ثانيتين ما يقعد تلقى .. كوستاوي طاااخ طراخ .. حفظه في ماي بكشر .. شايلاها لي شنو يا زهـرة .. والله مني ومنك اخليها في بوستيها.. واشوف الليلة الزولة دي بترجع بيتم كداري واللا بي عجلة .. |
المشكلة وين عارفها اني ما شايفة في الصورة غير عدم حياد وضعف تاهيل وعدم ادراك لمتطلبات الدور الذي ارتضت ان تؤديه.. وحقيقي بالنسبة لي ما فارقة ان كانت فتاة او رجل ولا من هو سائق العربة ان لم يكن وكيل للمؤتمر الوطني شخصيا...وما كانت فارقة لو لم تكن اثناء تاديتها عملها وبزي الحياد المفترض يكون
لكني ايضا احترمت الطريقة التي نظر لها المتداخلون للموضوع اتفقت معهم او لا وسحبتها
thats all
واكيد احترم وجهة نظرك واستنكارك ومخاوفك وهواجسك
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: زهرة حيدر ادريس)
|
Quote: موظفة المفوضية الدائرة 8 بورتسودان حى هدل تركب مع رئيس اللجنة الشعبية مربع 7 حى هدل المدعو امين بكرى فى عربته التاكسى وهو ايضا وكيل للمؤتمر الوطنى بهذه الدائرة اثناء العمل وجوار المركزالانتخابى |
Quote: المشكلة وين عارفها اني ما شايفة في الصورة غير عدم حياد وضعف تاهيل وعدم ادراك لمتطلبات الدور الذي ارتضت ان تؤديه |
.. كنت ببحث في رابط لي كلامك دا يا زهــرة .. في ركبان الزولة دي مع بتاع المؤتمر الوطني .. في التاكسي بتاعو .. وفي عدم الحيادية .. وضعف التاهيل وعدم إدراك المتطلبات للدور .. ركبت معاهو بعداك البترتب على المسالة دي شنـو؟؟ ركبت معاهو .. ح يعملو شنو بعداك ..؟ ح يلزمه تلزم الناس إنهم يدو المؤتمر الوطني .. لما يجو للتصويت أم انها تأشر لي الناس صاح في مكان الشجرة ..؟ هل المفوضية العليا للانتخابات نزلت في القانون بتاعه إنو الشغالين في المراكز ولابسين المريلة البرتغالية دي موفرة ليهم سبل ترحيل .. من وإلى اماكن عملهم خلال فترة التلاتة أو الخمسة ايام دي ..؟ بعدين السؤال البطرح نفسو يا زهـرة .. أنا الشفت الصورة دي وعلقت عليها .. عرفت إنو الزولة دي شغالة في مركز انتخابات .. وارتضيت بالمسالة دي .. اعرف كيف إنو الزول الفي التاكسي دا مؤتمر وطني وكل ما تفضلتي بيهو ..؟؟
Quote: واكيد احترم وجهة نظرك واستنكارك ومخاوفك وهواجسك |
.. احترم احترامك لوجهة نظري .. بس ممكن لو سمحتي تبيني لي مخاوفي وهواجسي دي شنو بالضبط .. ياريت والله ..
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: سفيان بشير نابرى)
|
Quote: زهرة بالواضح بتقصد هواجسك انو ناس كوستاوي وغيرهم وغيرهم يكونو حفظو الصورة دي . |
كوستاوي وود الصايم وتراجي .. وخدر منو يا سيكــا .. ؟؟ ياخ الواحد اليومين دي بقى قااعد ساااي كدا .. تمسك محمد عادل يطلع ليك الزيادي .. يفكوك من حجر..... تطلع ليك زهــرة .. زهرة تلت وتعجن ليك .. تلقى نفسك لاايدك لا كراعك قدام المجلس التشريعي وواحد مقبقبك من فنيلتك ..
إنت يا سيكا الانتخابات دي الغالب فيها منو لحدت الآن .. ؟؟ بي صورة أوضح : الكورة دي كم .. كم ...؟
| |
|
|
|
|
|
|
Re: بالصورة ... موظفو المفوضية يتتنقلون في ضيافة المؤتمر الوطني (Re: tmbis)
|
Quote: قدام المجلس التشريعي وواحد مقبقبك من فنيلتك ..
|
طوووووووووووووووالي تكورك لي وليد الشفت يجي يحلك .
Quote: إنت يا سيكا الانتخابات دي الغالب فيها منو لحدت الآن .. ؟؟ بي صورة أوضح : الكورة دي كم .. كم ...؟ |
أنت قايلني الفقس (الفقس بتاع العباسية) عشان اعرف اجاوبك ؟؟!! بس الضامنو ليك انو المغلوب الشعب السوداني .
| |
|
|
|
|
|
|
|