تلاحظ في الفترة الاخيرة ورود رسائل للجوالات .. وهذه الرسائل تختلف باختلاف نوع الشريحة التي تستعملها , فان كنت تستعمل شريحة الدفع المقدم فانها تفيدك بوصول رصيد لحسابك وقدره كذا جنيه .. واما ان كنت تستعمل شريحة الدفع الاجل اي ان تلفونك فاتورة , فان الرسالة تأتيك بانه قد تم خصم مبلغ كذا من فاتورتك لهذا الشهر ...
04-18-2010, 01:10 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
وبعد وصول الرسالة مباشرة لشريحة الدفع المقدم تتصل عليك بنت وتخبرك بانها تعمل في محل اتصالات ,, وانها ارسلت اليك هذا الرصيد عن طريق الخطأ , وتطالبك بارسال المبلغ اليها حتي لاتفصل من عملها .. اما ان كانت شريحتك خط فانه يتصل عليك رجل يتحدث اليك بتهذيب شديد ,و يقول لك انه سدد فاتورتك عن طريق تحويل الرصيد بالخطأ ويطلب منك ارجاع مبلغه عن طريق ارسال رصيد ...
04-18-2010, 01:14 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
مع ملاحظة ان المبلغ يختلف حسب الشريحة ,, بمعني طلب مبلغ قليل حوالي عشرين او عشرة جنيهات في شريحة الدفع المقدم ,, وحوالي مائة وتسعون الي ثلاثمائة جنيه في حالة الدفع الاجل ...
04-18-2010, 01:16 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
وبالتاكيد هذه ليس كل ارقامهم . ولهذا انبهكم اخوتي الكرام بالحذر الشديد من ارسال رصيد الي هؤلاء , وعدم التعامل بارجاع رصيد قبل التاكد من انه فعلا هناك رصيد تم اضافته لشريحة موبايلك .. وقد وقعت حالات كنت شاهدا عليها وقع اصحابها ضحية هؤلاء المحتالين بحسن نية ...
04-18-2010, 01:26 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
والله ياعمكـ دا الحصل لي بالضبط الاسبوع الفات .. تعرف في كبري بري سمعت صوت رسالة ما اشتغلت بيها قلت لمن اقيف .. اها لما وقفت لقيت الرسالة بتقول تم اضافة 10 جنيه لرصيدك .. ما ركزت شديد وبعد شوية اتصلت بي واحدة قالت لي انا حولت رصيد في تلفونك بالخطأ ولو سمحت ترجعو لاني انا موظفة في محل اتصالات .. قلت ليها انا الآن ما فاضي لكن اول ما الاقي محل اتصالات برجعو ليك . وفعلا رسلت ليها الرصيد في نفس الرقم الرسلت لي منو ... لكن في القصة دي في تفصيلة غريبة لازم اقولها الناتج بعد التحويل من خلال الرسالة المضروبة دي كان مساوي للمبلغ المحول + رصيدي الاصلا موجود او مقارب ليو شديد .. دا معناتا انو في زول من العصابة دي شغال في زين وهو البكشف ليهم ارصدة الزبائن .. والا كيف بيعرفو دا دفع مقدم من دفع آجل .. القصة كبيرة يا ود المسلمي كبيرة شديدة والبلد بقى مافي زول برحم اخوهو وحسبي الله ونعم الوكيل .
04-18-2010, 01:30 PM
سامى عبد الوهاب مكى سامى عبد الوهاب مكى
تاريخ التسجيل: 01-06-2005
مجموع المشاركات: 4971
Quote: لكن في القصة دي في تفصيلة غريبة لازم اقولها الناتج بعد التحويل من خلال الرسالة المضروبة دي كان مساوي للمبلغ المحول + رصيدي الاصلا موجود او مقارب ليو شديد .. دا معناتا انو في زول من العصابة دي شغال في زين وهو البكشف ليهم ارصدة الزبائن .. والا كيف بيعرفو دا دفع مقدم من دفع آجل .. القصة كبيرة يا ود المسلمي كبيرة شديدة والبلد بقى مافي زول برحم اخوهو وحسبي الله ونعم الوكيل .
ده كلام غريب جداً .. منتظرين تفسير وشرح كثير جداً من مزمل خيري لو كان عندو علم بالموضوع ده !
04-18-2010, 02:30 PM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
عاد يا مسلمى يا اخزى اخوك كان من عينة اى رصيد طاشى بيتصل بى سيدو دحين من اسى لو الزول جانى عديل بنفسو ما برجعو ليهو القصة دى زى ما قالوا اخونا فى زول بكشف ليهم الرصيد لانو لو لو ما طلع مطابق مع ررصيدك الانت عارفوا ما بتدقس غيتو اهو الايام دى البلد فيها كمية حاجات انتخبات مضروبة ورصيد مضروب
04-19-2010, 08:25 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
العوض المسلمي
عبدالوهاب علي الحاج
عبداللطيف محجوب
Mohammed Awad
مجتبي فاروق
almogira alemam
فيس بوك
تويتر
انستقرام
يوتيوب
بنتيريست